ضابـط مدشدش يبحث عن نفسـه ! ..

الكاتب : Slamat | المشاهدات : 1,633 | الردود : 12 | ‏30 سبتمبر 2011
  1. Slamat

    Slamat بـترولـي جـديـد

    37
    0
    0
    رجل يرتدي الزي الوطني " دشداشه + غتره وعقال " ..
    يقف مع العسكر في Checkpoint المناقيش ..

    بعد ان توقف احد سوبرات الشركة عنده ..
    طلب العسكري ابراز هويات راكبين السياره وتصريح السياره ..
    وتم مرور الوضع طبيعي كـ العاده بدون اي مشاكل ..

    واذا بالـ الرجل الذي يرتدي زي وطني يقول لأحد راكبي السوبر وهو موظف شركة نفط كويت يرتدي بلسـوت الشركه ..
    المدشدش / انت شنو وظيفتــك ؟
    الموظف / من حضرتك عشان اقولك وظيفتي شنو ؟
    المدشدش / انا تقولي من حضرتي ؟ انا اوريك !!!

    ليهرول المدشدش لـ سيارته الخاصه وينزع الغتره والعقال ويلبس اللبس العسكري ..
    ويلمّع النجمات ويرجع بكل عنجهيـــه قائلا / طق فوق تحت وانطرني هني هالسوبر مايدش !

    وبعد ان رتب مظهره مســتر مدشدش ..
    طلب من العسكر تفتيـش المركبه و " فش " توايرها < هالنقطه قام يهايط فيها بس ماسوااها ..
    و وصلت به لـ تفتيش حقائب الموظفين ..

    وبعد شد وجذب مابين أسود شركة نفط الكويت وبين الضابط " المدشدش " ..
    توصل بأنه لن يجعلهم يدخلون لـ مكان عملهم ..

    لـ يقول احد الموظفين / حنا ويـاك لـ الصبح ماعندنا مشاكل بس دقايق ندق على النقابه ونبلغ ربعنا اللي داخل انك مو راضي تدخلنا .. عشان يتخذون إجراء .. وانت عارف شنو يعني تعطيل موظف قطاع نفطي عن عمله يا عسكري !! :D

    وبعد ان إجتمع مع العسكر " اصدقاء المدشدش " ..
    اتفقــــو بأن يمشووونهم لانه الضابط مستر مدشدش يعرف احد اقارب احدهم ..
    فـ عطـاهم بـو " عشان فلان مشيــــتكم " .. هيهــآت وكان الرد اقرب من " المقص لـ الشنب " ..
    لـ يقول احد الموظفيـن / الخطا عليك .. اما حنا ماجا منا خطا .. وللحين اللعبه بيدك ماتبي تدخلنا راكبتـك السالفه .. بتدخلنا بندخل لدوامنا ومالك منا علينـــآ يا مستر مدشدش :D ..

    وبكل برود اختفـــى عن الساحه :eek:

    ..
    ..

    نهــآية ضابط مدشدش مغوار !
     
  2. باش دبلوم

    باش دبلوم بـترولـي نشيط جدا

    194
    0
    16
    الله يكافينا شر اهل الدشدشه

    زين سووا فيه البلسته ههههه
     
  3. q8security

    q8security بـترولـي خـاص أعضاء الشرف

    شباب لاتشدون معاهم

    وتعاملوا ببرود اعصاب

    وكتابة تقرير فيه والله ينقفونه


    يتبهذل لاصار مسئوليكم معاكم

    وانتم علي حق وتصاريحكم مضبوطه

    لان في كاميرات

    والعسكري ينحجز ويتبهذل
    وممكن توصل وقف ترقيه
     
  4. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    اتوقع والله العالم انه من الشباب الجدد اللي توهم متخرجين
    لان مثل هذي الامور ماتصدر من رجل امن على بوابات نفطيه ويتعامل مع ناس كبار يشتغلون بشركه نفطيه محترمه
    بس الشرهه على ربعنا في جميع الشركات النفطيه لانهم معطينهم اكبر من صلاحياتهم ومحد يقولهم شي
    وهذا اللي يخليهم بعض المرات يتطاولون دون حسيب او رقيب

    والمفروض النقابه تتتدخل في مثل هذي الامرو

    ومو من حقه يسأل شنو وظيفتك او وين تشتغل .. عندك هويه دقق فيها وعندك سياره فتشها غيرها مو من حقه يسأل
     
  5. MR.MOH

    MR.MOH بـترولـي نشيط

    88
    0
    0
    بالضبط صارت فيني نفس هالسالفة بجيك بوينت برقان مافي احد من الشباب ماصارت وياه هالقصص ومع ذلك في رجال امن منهم يستحقون الاحترام وعلى فكرة الي سوى معاي المشكلة طلب مني بطاقتي المدنية مع العلم اني وريته الهوية ونزل واحد من الربع ووصلت لي حد التشابك بالايدي بس الله ستر لاااااااااازم يشوفون حل لازم
     
  6. أبوليلى

    أبوليلى بـترولـي نشيط

    92
    0
    0
    هذا سلمك الله عنده مرض اسمه ( حمى النجمه ) مواريه 1-حرارته ترتفع عند أقل كلمه 2- دايما يتأمر على العسكر تعال وليش ما سويت واذا مالقى عليه شي قال ليش ما تطق تحيه 3- تجيه نوبات من الغرور والهياط قدام العسكر وانا أقدر وأسوي ولا صارت الصجية عطاك مقفاه ولاكنه سمع شي
    العلاج أوطريقة التعامل مع هالأشكال:
    امسح بكرامته الأرض قدام العسكر راح يطخ عقبها ويحترم نفسه ( وصدقني العسكر راح يفرحون فيها لأنهم مو بالعينه )
     
  7. أبوليلى

    أبوليلى بـترولـي نشيط

    92
    0
    0
    صدقني هذا يختلق المشاكل عشان تشتكي وينقلونه من هالمكان لكن عليك انه مايتكن الا اذا غسلته بكلوركس
     
  8. LaRambla

    LaRambla بـترولـي خـاص أعضاء الشرف

    2,041
    3
    38
    ذكرني بواحد من الشباب قبل 15 سنه يوم صار مباحث مرور

    يتفلسف على الناس بالشارع واذا ردوا عليه طلع الفلشر

    حركات اطفال
     
  9. BO_SHROOQ

    BO_SHROOQ بـترولـي نشيط

    93
    0
    0
    موجه
    sun of operation
    دشدش الله راسه

    يا اخوان لا تتهاونون وتسامحونهم والله لو تشتكون وتتكرر الشكاوي ما يتجرئون مره ثانيه

    شنو ضابط على راسه ريشه يعني
     
  10. funkyq8

    funkyq8 بـترولـي جـديـد

    انت لو مجاوب على سؤاله مو ابرك لك

    ربعنا يدورون المشاكل :d

    هذول لهم الحق يفتشون ومطلوب منهم انه ينفس عليك وعلى غيرك لان لو بيعطيك ويه لفيت عليه .. فخلك سلس يا مبلست :d
     
  11. قبــــــــس

    قبــــــــس بترولي خاص أعضاء الشرف

    509
    0
    0
    C.R.O. KNPC
    KW



    على قولة الاخ جان جاوبته وقلت له شنو تشتغل وجم معاشك واذا متزوج ولا عزابي عشان المره الي بعدها يسألك شكثر اوفر تايم هالشهر ومنو خوال عيالك والمره الي بعدها يقولك ليش. مو لابس طاقليه أصفك هالجمس ما يدش. ؛)


    زين سويتو فيه*
     
  12. funkyq8

    funkyq8 بـترولـي جـديـد

    عاديه يبه وين تشتغل مافيها شي حتى لو ياهل يسألني اجاوب .. مافيها شي هذا التكبر بعينه وعلمه ولا الظاهر الزيادة رفعت خشوم.

    ياخي بالعقل اهو اذا يفهم بشغل النفط من الهوية يعرف وين تشتغل بس دام سألك استعبط عليه وجاوب

    مشكلة الي مخهم مقفل من الصبح كل شي بالحياة لا ويدور الزله

    ولما يصير وقت الريوق الابتسامة تشرق من حيث لا تعلم :d

    ياخوي انت لو كل واحد منهم معطيه ابتسامة وتجاوب على الي يبيه مايقصر معاك ويصدف يوم وتنسى هويتك ويتذكرك ويطوفك. اسمحلي انت فيك قفلة خوال :d (كلامي لصاحب الموضوع)
     
  13. Lag

    Lag بـترولـي نشيط

    94
    0
    0
    لاتظلمونهم بسبب واحد مدشدش ومخرف
    اغلبيتهم تعاملهم راقي

    واتذكر احد الاوقات كان دوام الصبح وانا دايخ للحين فيني النوم
    وطلعت الهويه ومديت ايدي عشان اقربها صوبها ويشوفها

    والعسكري يطالعها ويرد يطالعني وشكله مستغرب
    وطول وهو يطالعها ويطالعني

    قلت يمكن انا مو شبه الصوره
    ولا اخر شي اكتشفت اني مطلع بطاقة البنك :)
     

مشاركة هذه الصفحة