بخصوص طلبة الحقوق ؛)

الكاتب : Om fhoodi | المشاهدات : 1,759 | الردود : 31 | ‏27 سبتمبر 2011
  1. Om fhoodi

    Om fhoodi بـترولـي جـديـد

    بسم الله الرحمن الرحيم

    انا عضوة متابعة بالمنتدى وتوني بس سجلت عضويتي لهدف واحد بس وياريت الكل يقرا موضوعي

    واهوا بخصوص سياسة التحبيط اللي البعض متبعها بالمنتدى والإشاعات والكلام الفاضي لي درجة إن في

    ناس تحبطوا وايد من الكلام والردود اللي تنكتب هني ....

    انا دقيت شخصيا على رقم الاستفسارات وردت علي وحدة حدها ماشاءالله متعاونة وخلوقة جدا ووضحت لي عدة أمور


    أولا : مو صحيح ان طالبين من تخصص الحقوق 4 وان اللجنة نفسها مو عارفة جم شخص محتاجة وان الأمر يعتمد ع المقابلة ..

    ثانيا : اللي مادزوله ايميل انه مرفوض لانه ما اجتاز اختبار التخصص معناته راح يدخل المقابلة الشخصية ..

    ثالثا : في طلبة حقوق لي ألحين توهم يمتحنون اختبار التخصص يعني الموضوع يبيله طولة بال شوية وانك تتوكل على ربك وتثق ان الخيرة في ما اختاره الله ..


    والله يوفق الجميع ان شاءالله بس ياريت واللي يسلمكم اللي مو متأكد من شي لايقوله حرام عليكم حبطتوا ناس وايد ماله داعي الاشاعات والحجي الفاضي وكل من يقط حموله على رب العالمين والله العالم اني ماكتبت هالموضوع ولا سجلت بالمنتدى إلا عشان أرفع من جوكم شوية ونفرفش لأن الموضوع يبيله صبر وطولة بال ؛)*
     
  2. tomorrow lawyer

    tomorrow lawyer بـترولـي نشيط جدا

    يعطييييييييييييج العافيه om fahodiوان شاءالله يوفق الجمييييييع وسهل علينا يارب
     
  3. Om fhoodi

    Om fhoodi بـترولـي جـديـد

    الله يعافيك اخوي ..
    وان شاءالله يارب الله يسمع منك
     
  4. خريج حقوق

    خريج حقوق بـترولـي نشيط جدا

    162
    0
    0
    مشكوره وان شاء الله يقبلون اعداد اكبر ويكتبلنا نصيب يارب
     
  5. Om fhoodi

    Om fhoodi بـترولـي جـديـد

    العفو اخوي والله يسمع منك يارب
     
  6. حقوقية

    حقوقية بـترولـي نشيط

    63
    0
    0
    [rainbow]مشكووووووووره الله يكتبلنا اللي فيـــــــــــــه [/rainbow]الخير
     
  7. Om fhoodi

    Om fhoodi بـترولـي جـديـد

    اجمعين حبيبتي الله يكتب اللي فيه الخير
     
  8. Slamat

    Slamat بـترولـي جـديـد

    37
    0
    0
    الله يرزقكم ان شاءالله
    وحياكم الله يا زملاء المستقبل
     
  9. Om fhoodi

    Om fhoodi بـترولـي جـديـد

    يعطيك العافية على الدعوة الحلوة
    وان شاءالله نكون زملاء ربي يسمع منك
     
  10. LAW

    LAW بـترولـي نشيط جدا

    293
    0
    16
    اخواني

    وصلت لي معلومه غريبه نوعا ما@@

    البنات ليسانس قانون كانوا مبلشين معاهم مقابلات من الاسبوع الي طاف الى اليوم الاثنين

    ومن باجر الثلاثاء راح يبلشون بالولاد اصحاب بكاليريوس قانون للاسبوع الياي لمده اسبوع


    فشنو يعنون بهالتقسيمه بالمقابلات الذكور لحالهم والبنات لحالهم بالنسبه لتخصصنا؟؟؟؟

    والله كريم
     
  11. Pink.Lady

    Pink.Lady بـترولـي جـديـد

    21
    0
    0
    kuwait
    سالفة ان يبون 4 حقوقيين صحيحه
    انا بالاول سمعتها من البنات لمن كنت بقدم امتحان التخصص واستنكرت السالفه
    وكلمت خالتي تشتغل بالنفط وسالت ناس من اللي بكونون باللجنه
    والموضوع صحيح يبون 4 وممكن يزيدون ..
    الله يعافي الواسطات وال 4 حاطين ابالهم منو اهمه
    وسالفة الامتحانات اجراءات لا اكثر عشان لا يتسائلون قانونيا ..
     
  12. Shahad

    Shahad بـترولـي جـديـد

    1
    0
    0
    مع الايام انشالله يبين اذا بس 4 او اكثر

    لان وايد حقوقيين سواء دبلوم او جامعيين

    أنا اليوم مقابلتي ووليد جامعين ودبلوم

    بس الي عنده خبر متى راح يعلنوون يبلغنا

    موقفين جميعا
     
  13. Om fhoodi

    Om fhoodi بـترولـي جـديـد





    اخوي مو صحيح هالكلام في شباب قابلوهم معاي اليوم تخصصهم بكالوريوس
     
  14. Om fhoodi

    Om fhoodi بـترولـي جـديـد

    Pink lady

    مو صحيح هالكلام واليوم تأكدت اكثر وسألت لما طلعت طلع اللي قابلني باللجنة وسولف وياي لقيتها فرصة اسأله قالي تثقين بالله ان مو عارفين شكثر نبي والامر يعتمد على المقابلة


    والموظف هناك قالي المقابلة شبه شكلية ان شاءالله بيعرفون شخصياتنا

    تفائلوا بالخير تجدوه
     
  15. Om fhoodi

    Om fhoodi بـترولـي جـديـد




    اخوي انا استفسرت قالولي اخر شهر عشرة واول شهر 11 قبل العيد بإذن الله
     
  16. LAW

    LAW بـترولـي نشيط جدا

    293
    0
    16
    اخواني واخواتي

    مسأله ال4قانونيين مو صحيحه واساسا مردود عليها !! @@ وين قاعدين تخصص قانون كل ثلاث سنين يبطلونه مره وحده ومايتم قبول الا اربعاا

    ماتدش العقل ؟؟ شخليتوا للحرس الوطني واماكن ثانيه الي سنويا يطلبون قانون ويقبلون اكثر؟؟


    وبعدين البصيري قال2200 وظيفه ؟؟ وبتخصص مابطلوه الا عقب ثلاث سنين واخرتا بس اربع؟؟ كلااام فاااضي

    ولاتنسون ان الي طالبين تخصصنا مو مكان واحد عشان نقول اربعه ,, الي طالبينا اربع اماكن

    وبكل مكان مو اقل من5تخصص قانون فيه بالمحصله مواقل منن عشرين شخص يقبلون بتخصصنا من اصل ال2200وظيفه لهالسنه الماليه؟؟

    وانشالله اذا في اداريين بيقبلون منهم دفعه كبيره للقيام بالمهام الاداريه قانونيه كانت ولا اداريه فهوه تخصصنا الي ثلاث سنين ماطلبوه!!

    وهذا وقتنا انشالله والله كريم
     
  17. tomorrow lawyer

    tomorrow lawyer بـترولـي نشيط جدا

    اول شي توكلوا على الله واللي الوظيفه نصييبه الله يهنيه او يهنيها
    ان شاءالله يقبلون واااااايد ويكتب لنا الافضل
     
  18. tomorrow lawyer

    tomorrow lawyer بـترولـي نشيط جدا

    اخوي low المعلومات اللي اوصلتلك مو صحيحه انا اليوم مقابلتي وشفت شباب وبنات معاي
    لاتحاتي ان شاء الله الدور يايكم بس انت قووول يارب
     
  19. LAW

    LAW بـترولـي نشيط جدا

    293
    0
    16
    يارب

    اول شيLAW with an A Not Low
    ": )

    انزين والي يعافيج ماتقولين لنا شنو الاسئله بالضبط الشخصيه

    خصوصا الميداني؟؟؟ من اي ناحيه
     
  20. tomorrow lawyer

    tomorrow lawyer بـترولـي نشيط جدا

    انا الميداني كان اول شي بالمحكمه وثاني شي بالبلديه قسم الفتوى والتشريع واحد اعضاء اللجنه ماعنده خبر عنهم تكلمت عن القسم اللي داومت فيه وشنو تعلمت هناك وطبيعه شغلهم وبس سلامتك
     
جاري تحميل الصفحة...

مشاركة هذه الصفحة