أخيراً ستحسم زيادة النفطيين خلال الايام القليلة القادمة

الكاتب : oilkw | المشاهدات : 2,655 | الردود : 24 | ‏24 سبتمبر 2011
  1. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    (كونا) -- بحفظ الله ورعايته يصل الى ارض الوطن حضرة صاحب السمو أمير البلاد الشيخ صباح الاحمد الجابر الصباح حفظه الله ورعاه والوفد المرافق لسموه مساء يوم غد الاحد 27 شوال 1432 هجرية الموافق 25 سبتمبر 2011 ميلادية بعد ان قام بزيارة خاصة الى كل من منغوليا والولايات المتحدة الامريكية والمملكة المتحدة.
    رافقت سموه السلامة في الحل والترحال.(النهاية)

    يامرحبا باميرنا الله يحفظه ويوفقه للخير كله

    اعتقد والله اعلم بان زيادتنا بيطلع علمها يوم الاثنين او اللي بعده والعالم كلها ناطره وصول صاحب السمو
    لأن كل شي على وضعه ومحد يدري وين واصله الاجراءات آخر العلم وصلت ديوان الخدمة وانكتمت اخبارها بالرغم من كلام الوزير والنقابات بان مرورها على الديوان اجراء روتيني (مرور الكرام) ولكن لها ايام وهي مكانك راوح !
    وقرب وقت انهاء جميع المسائل العالقة او المعلقة .
    تطلع بعض الشائعات بان الزيادة واصلة للمؤسسة وان فلان مسافر وينتظرونه يوصل يوقع عليها ويعتمدها !
    وهي ماطلعت من الديوان تنتظر والله اعلم اللي يحسم امرها بشكل نهائي

    والوحيد اللي يحسم الامور في هالبلد هو صاحب السمو حفظه الله
     
  2. بوعبدالرحمن

    بوعبدالرحمن بـترولـي مميز

    710
    0
    0
    موضوعك هذا جس نبض منك

    كافي تثبيط

    كافي تحبيط

    الاحد راح يخلص كل شي رجاءً رجاءً رجاءً من ادارة المنتدى حذف اي موضوع يؤدي الى الاحباط
     
  3. سفاري الكويت

    سفاري الكويت بـترولـي نشيط جدا

    والله ثم والله يشهد على كلامي ان من يوم ما قالوا ان هناك زيادة انا ماني متفائل
    وان حسمت من الوزير ومباركات رؤساء المجالس لموظفيهم..............لا ازال لا أرى اي بريق أمل لها غير الكلام ما دام الحكومة كل من يعارض الثاني
    اشوف زيادات المعلمين صرفت ولا احد تكلم من هالشعب الحسود .... غير احنا يا القطاع النفطي الزيادة بالحسرة .......وراح نشمل قرار مجلس الوزراء بدراسة الرواتب والكوادر مرة اخرى لمدة 3 اشهر
     
  4. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت

    تفائل بالخير وعين خير !

    سوالف التويتر اغلبها اجتهادات ووضعنا كله تقريباً اجتهادات قد تصيب وقد تخطي
    خابرين سوالف الخمسين مليون وتنقيص الزيادة ! امس الشرثان في لقاء الرأي ذكر القيمة الحقيقية
    لها وكانت 125 مليون وكلامه صحيح واتمنى منه يصرح ويستعجل في نشر الالية الصحيحة للزيادة اللي سبق واعلن
    عن نيتهم في اصدار بيان يوضح كل هالامور ومع الاسف الشديد البعض هنا من الزملاء مناشبنا حتى في مطالبتنا في الاستعجال في معرفة التفاصيل اللي هم اول من اعلن عنها ولا ادري سر هالنشبه اللي خلاصتها انتظروا لين ينزل الراتب وتعرفها
    ولو سألناه عن حسبة التأمينات والصندوق الخاص حق المؤسسة اللي ينخصم منه كل شهر ماعرف يجاوب لنفس السبب وهو ان مافيه طريقة واضحة في حسبتها الصحيحة

    خلاص اللي مايبي يعرف التفاصيل وينتظر حتى وقت نزولها في الراتب بكيفه بس لايقعد يناشبنا اذا حنا نبي نعرف
    وبنشوف ان الله اراد لزيادتنا انها تمشي ومحد وضح التفاصيل لنا شرط ان اول من كان يعارض هو اول من يسأل
    مثال : انا نزل عندي هالكثر هذا حق شنو بالضبط وكيف صار هالكثر ووووو سألت واحد من الربع نفس درجتي والمشكلة انه يختلف عن اللي نزل عندي وتعال عاد فهموه !

    عموماً ننتظر خلال هالايام القادمة بتتضح الامور للجميع ونفتك من السوالف ونبدأ نسمع العلم الوكاد بحلوه ومره
     
  5. ohm

    ohm بـترولـي جـديـد

    13
    0
    0
    اخباار بايخه مو القصد منها الا تسميم الاخرين الله يكافيننا شر النفوس المريضه [align=center][/align]
     
  6. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    ليش مانحترم بعض ونحترم وجهات النظر ونترك عنا المشين من الكلام !

    الله يعلم بالنيات وحسبنا الله ونعم الوكيل
     
  7. الصامت

    الصامت بـترولـي نشيط جدا

    171
    0
    0
    ماشاء الله عليك صاير بو العريف كل شي تعرف
     
  8. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    اللي اعرفه انك ونا مانعرف شي عن زيادتنا وتفاصيلها الا عن طريق التويتر والجرايد اللي شابه على القطاع النفطي وهناك مايمنع الاستعجال في اصدار بيان يوضح تفاصيل الزيادة وحسبتها الصحيحة ونا اعتقد ان اللي ذكرته في موضوعي ممكن يكون هو السبب في عدم نزول بيان من الاتحاد او المؤسسة
    ولو اني اشوف مافيه شي يمنعهم من توضيح الامور على اساس ان الدعوة خالصة بناء على تصريح الوزير
    يعني ماعندهم مشكلة في جميع الاحوال لو جد جديد في مايتعلق بالزيادة فهو امر بيكون فوق الجميع ويحترمه الجميع
    وليش ماعندكم تفائل وانتم من يحثنا دائما على التفائل !
     
  9. الصامت

    الصامت بـترولـي نشيط جدا

    171
    0
    0
    لا يا اخوي انا عندي خبر غير الجرايد وتويتر
    واعتقد انك قريت كلامي في موضوع سابق
     
  10. المهندس

    المهندس بـترولـي خـاص

    1,305
    8
    0
    شنو سالفه ال 125 مليون !!!!!! اللي تقول الشرثان صرح فيها .... وين ال 142 مليوووون

    قاعدين نلعب واللا شنو
     
  11. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    نعم انا قريته في ردك وقريته في التويتر بعد ونفس الشي رد عليه نقابي وقال لا لالحين ماطلع من الديوان
    المراد سلمك الله هذي سوالفنا كل واحد يقول اللي عنده سواء من مصدر خاص او منقول من فلان او من اجتاهده الشخصي وتحليله الخاص
    ومن حقك ومن حقي ان نشكك في كلام بعضنا البعض دون ان يتعدى احد على الاخر نفس بعض الاخوان هدانا الله واياهم
    كل مايحصل من هالعفسه سببها معروف وهو عدم وجود الشفافية مع العمال ولايحصلون الا على معلومة عامه خالية من التفاصيل
    ودائما ماتكون التفاصيل الا عن طريق التسريبات اللي اغلبها او كلها عن طريق الجرايد والتويتر وليتها دقيقة او صحيحة 100%
    شنو اللي يمنع الاتحاد مايوضح الزيادة للعمال بالشكل الصحيح وبالطرق الرسمية حتى يعرف كل عامل بالزيادة اللي حصل عليها
    الخلاصة الحين ان الدعوة بتصير معلومة ويعرفها الجميع الايام القادمة ان شاء الله
     
  12. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    142 مليون موجوده وماعليها خلاف :)
    125 مليون هي المقترح الرابع اللي ذبوحنا الجماعة فيها وقالو عنها 50 مليون طول هالفترة الماضية
    القصد سلمك الله ان العلم الصحيح عند الشرثان والمؤسسة وقالها بكل صراحة في اللقاء
    لذلك انا اتمنى ان يوضح الشرثان الزيادة في البيان اللي وعدنا فيه كونه المصدر الموثوق والممثل الشرعي للعمال
    لكن الواضح ان فيه امور خلتهم يركدون شوي لين يحسم وضعها بشكل نهائي ولا ليش مصرح من عشر ايام ويقول في القريب العاجل ولاصار شي
    وبعض النقابيين خلاها بعد ماتنزل مع الرواتب راح كل واحد يعرف زيادته !
     
  13. الصامت

    الصامت بـترولـي نشيط جدا

    171
    0
    0
    شوف حبيب قلبي
    انا معاك وتحليلاتك منطقيه حلوه تحليلاتك الله يخلي المختبر :)
    شوف انا اتوقع انه فيها اشكاليه الزياده يعني ممكن انا معاك نفس الدرجه بس انا زيادتي غير عنك
    يمكن اكثر ويمكن اقل
    واعتقد انه الاتحاد مايبي يدوخ راسه
    لانه يوم صار توحيد سلم الرواتب كان نفس الشي ولمن تطبق على ارض الواقع كان فيه اخطاء
    ونفس الشي لمن صار التسكين ناس وايد انظلموا وللحين ماقدرين يعطونهم حقوقهم
    والسيناريو نفسه يتكرر في موضوع الزياده
     
  14. الصامت

    الصامت بـترولـي نشيط جدا

    171
    0
    0
    بالنسبه اللي يسال شنو سالفة 125 مليون
    هذي اللي طالب فيها الخدمه وتم رفضها من قبل الاتحاد
    وكلام الشرثان واضح في المقابله
     
  15. JustSmile

    JustSmile بـترولـي نشيط

    137
    0
    0
    oilkw اتفق معاك اخوى بكل امر انتا قلته وصاج بكل النقاط الى ذكرتها .. الحقيقه نقطه الفصل فى كل الامور انه يظهر امر رسمى بمعنى انه تتضح لنا اليه الزياده من المؤسسه .. ماقام به الوزير عندنا قام رئيس مجلس الوزراء بتكليفه بأجراء المحادثات وانهاء الامور مع النقابه هو لتفادى الاضراب لانه ماكان عندهم وقت اله ايام قليله جدا .. ولكن يا جماعه مدام ماطلع شى رسمى بمعنى الرسمى من المؤسسه فلكل شخص (سواء متفائل او متشائم) انه ينظر للامور بمنظور اخر وكل الاحتمالات وارده وهذا ما اراد توضيحه اخوى oilkw ومعاه حق صراحه وكلنا منتظرين الايام القادمه
     
  16. SpiCy

    SpiCy بـترولـي نشيط

    122
    0
    0
    اعتقد ان الخلل الحاصل الآن هو ( آلية حسبة الزياده ) و عدم وضوحها فقط .

    وو عد الشرثان بتوضيح الامور ، و طوّل علينا و شكلنا بننحط امام الامر الواقع في اكتوبر ,
    و زي ما تيقي تيقي .
     
  17. شعيباوي

    شعيباوي بـترولـي نشيط جدا

    362
    12
    18
    وضع عادي

    يا جماعة الخير ترى الوضع اللي صاير طبيعي جدا عندما تكون هنالك مطالب عمالية. و طبيعي يكون في تفاوض بين الأطراف المعنية.

    اللي مو طبيعي إن الزملاء يتضايقون لما واحد يبدي رأيه.

    ما أدري حق شنو المنتدى. علشان نستلم معلومات بس. نبي معلومات.

    س: وين وصلنا و شنو الخطوة التالية؟ و ما هو المصدر؟

    سؤال للجادين فقط

    و سعوا صدركم يا جماعة و إستخدموا المنتدى و بمشاراكاتكم نستنير
     
  18. Sccotchch

    Sccotchch بـترولـي نشيط

    73
    0
    0
    ياجماعه باجر عقبه اذا ماوصل الكتاب الشركه بالصرف انسو الموضوع الزياده حسب تحليلي للوضع الحالي وعودة سمو الامير راح يعطي الجميع بالتساوي يعني بالكثير العموم 100 دينار وشكرن وهذا الي مخلي الزبن نايم عالكتاب حسب من التوصيات الي واصلتله
     
  19. Sccotchch

    Sccotchch بـترولـي نشيط

    73
    0
    0
    للتوضيح الزبن الي اهو رئيس الخدمه المدنيه
     
  20. Sccotchch

    Sccotchch بـترولـي نشيط

    73
    0
    0
    للتوضيح الزبن الي اهو رئيس الخدمه المدنيه وعلى فكره الحكومه ذكيه لعبتها صح وقفت الاضراب وماطلت بالكتاب وراح يرد الامير ويعطي بالتساوي
     

مشاركة هذه الصفحة