السلام عليكم والله ودي يصير في كل سنتر LAB او موظف من LAB او تدرون شلون الشباب اهناك ودهم يطلعون من دايرتهم ليش مايكون في كل سنتر موظف مسؤول عن SAMPLE ونتايجه اول شيء لو يصير عندك مشكله بالسنتر راح يكون حلها سريع وفعال لان اللاب نفسه عندك ترى الاسم لاب شيء كبير والمشكله ان لو تحط اجهزتهم الشيء لكبير من اغراظهم جهاز الطرد المركزي اللي يعطيك W.C وحجمه متر في متر اما S/R شيء تافه ماياخذ حتى دقيقه لكل عينه "والجهاز المستخدم شي بسيط " المهم ال MIXTURE خل يوزعونه زاهب وموزون صح ""موزون صح يفهمونها جماعة اللاب"" والله ترى شيء زين لو يحولونهم دايرة الانتاج ويعطونهم علاوة تميز راح يحلون مشكلة النقص شويه او موظف الانتاج نفسه يتعلم على شغلتهم وياخذ علاوة تميز يعطيكم العافية
الله يسمع منك كلامك عين العقل والحكمه وكانت في دراسه انه يصير هالشي( الموظف الشامل) ولكن للاسف ماصارت
اذا صار الموظف شامل ويغطي المختبر والحقل فهذا شيء رائع وبالتوفيق...بس شلون واحد دارس ومختص بالمختبر و خبرته كلها بالمختبر ويشتغل بالحقل بنفس الوقت!!!!!!!! او العكس؟ و بوجهة نظري على سالفة موظف الانتاج مايبي ياخذ السامبل...انت شايف معاشك جم؟ وبعدين شرايك يجيبونلك اليسا ونانسي يهفون عليك بريش النعام بعد؟ وبعدين مرات يمر عليك شفت كامل ما تسوي شي فيه غير السامبل...عن الدلع الزايد و لا تصير طماع واخذ السامبل وخل العيون بعيد عنك.....لو تصير اي مشكلة بتقطونها على راس موظف المختبر
عجيبين اهل الانتاج يشتكون من ضغط الشغل وان تعاملهم مع الماي والكرود والغاز ويطالبون بتميز والحين هم يطالبون يضيفون عليهم شغل المختبر ؟؟ !!!!!!!!! على العموم ترا هالشي كان موجود بالانتاج وفي مركز 15 كانو الانتاج ياخذون السامبل ويطلعون النتيجه اذكر هذا لين سنة 85 تقريباً بعدين حطو موظف من المختبر
سلام عليكم : الحين حسب علمي ان الشركة قاعده تحاول تاخذ شهادة الايزو في المختبر وأنتم تفكرون تتدمجونه مع الأوبريشن عشان مسألت سامبل متعاجز لا تاخذه وتوصله الله يهديك شلون تبي الشركه تصنف وانت تلغي قسم بالكامل بعدين المختبر في عينات غاز تجيه غير الكرود يالطيب واللي أعرفه يابو الشباب ان الناس اللي في المختبر يبون الطلعه منه بسبب التلوث اللي فيه + الجمود الوظيفي الواحد يقعد يدعي على مسؤوله عشان يترقى
