لمن فاته التقديم على القطاع النفطي..

الكاتب : سلماوي | المشاهدات : 1,488 | الردود : 7 | ‏21 سبتمبر 2011
  1. سلماوي

    سلماوي بـترولـي جـديـد

    7
    0
    0
    السلام عليكم ورحمة الله وبركاته ..

    اخواني, لمن فاته التقديم على اعلان النفط, هل يستطيع التقدم لوظيفة حكوميه والعمل بها لحين نزول الاعلان الجديد ومن ثم التقديم على النفط اثناء خدمتة الحكوميه وتقديم استقالته بعد القبول في القطاع النفطي؟

    أم ان مجرد التوظف في الحكومه يلغي فرصة التقديم على اعلانات النفط المقبله ..

    لنقل ان "ص" توظف الأن في وزارة ونزل اعلان توظيف في النفط في شهر فبراير مثلا, هل يستطيع التقديم عليه ومن ثم تقديم استقالته من الوزارة بعد قبوله في النفط, وهل يتم قبوله تحت بند "حديث التخرج" أو "ذوي الخبره" ..

    مع جزيل الشكر ..
     
  2. obo_Flona

    obo_Flona بـترولـي مميز


    عادي تكون موظف وتقدم عالبترول
    واذا طلع قبولك بالبترول تروح تقدم استقالتك

    لان مو مشترطين ان يكون مو موظف

    بالنسبه للخبره
    يطلبون خبره تقريبا اكثر من 3 سنين

    شهر وشهرين ماتعتبر خبره

    بس عجبني مثال "ص" :p



     
  3. سلماوي

    سلماوي بـترولـي جـديـد

    7
    0
    0

    أكيد يابو فلونه, ولا مجرد تخمين أو راي شخصي؟ ..

    وهل أي مدة خدمه تحت الثلاث سنوات تعتبر تحت فئة " حديث التخرج" ..

    حاضرين يبه مو بس "ص" , "س" و "ع" و "ك" بعد اذا تبي افا عليك :)
     
  4. M.J.R

    M.J.R بـترولـي نشيط

    70
    0
    0
    اي يبا تقدر تشتغل بالحكومة ولا بالخاص ولما ينزل اعلان تقدم واذا انقبلت تقولم انا موظف

    وقبل توقيع العد تستقيل عادي مافي مشاكل

    وبتقولي متأكد ؟؟ اي يبا متأكد 1000%
    و بالتوفيق

    وشكرا
    m.j.r​
     
  5. سلماوي

    سلماوي بـترولـي جـديـد

    7
    0
    0

    الف شكر .. وقواك الله على الكلام الطيب ..
     
  6. حظ عيني

    حظ عيني بـترولـي نشيط جدا

    151
    0
    16
    حبيت ان ارد عليك بأن كلام هؤلاء صحيح وليس رأي شخصي
     
  7. سلماوي

    سلماوي بـترولـي جـديـد

    7
    0
    0
    مشكور اخوي حظ عيني على تأكيدك كلام الاخوان ..

    بس حبيت اعرف لي متى اقدر اقدم على اني حديث التخرج اذا توظفت بالحكومه؟ ..

    هل لغاية سنتين من تاريخ شهادتي, او لغاية ثلاث سنوات خدمه.. شنو المعيار بالضبط؟ ..
     
  8. obo_Flona

    obo_Flona بـترولـي مميز


    اي يالغالي متاكد ولكن بصراحه كلامي مو موثق باوراق
    فتقدر تقول من الخبره لان واااااايد صايره هالحركه منت اول واحد بالدنيا
    بس الاكيد ان ماكو شرط بلوائح التقديم مالت البترول تشترط عليك انك تكون مو موظف<<< هالكلام تقدر تحاججهم فيه اذا رفضوك عشانك موظف ;)

    شرايك فيني:cool:

    المهم

    انا حاليا موظف ووصلت بالتقديم لين المقابله والحمدلله


    هالجمله مو دقيقه
    وهل أي مدة خدمه تحت الثلاث سنوات تعتبر تحت فئة " حديث التخرج" ..

    شوف انا الي اعرفه همن من الخبره ان حديث التخرج حده سنتين
    وبعدها ماسمونه حديث تخرج

    اما بالنسبه للخبره
    فحسب مزاج الشركه عند طلبهم للوظايف

    مثلا يطلبون 5 سنوات خبره
    او يطلبون 4

    مو شرط يعني 3 سنوات

    عرفت اخوي

    وسلامتك وتعيش
    موفق ياارب


     
جاري تحميل الصفحة...

مشاركة هذه الصفحة