المهندسين والفنين والمحاسبين بوزارة النفط

الكاتب : يا وطن لك من يحبك | المشاهدات : 2,179 | الردود : 24 | ‏21 سبتمبر 2011
  1. يا وطن لك من يحبك

    يا وطن لك من يحبك بـترولـي نشيط جدا

    353
    0
    0
    نفطي متنفط وأشم يومياً H2S أم قدير
    العالية .. الغالية
    عفواً لما تم إقرار الكادر تلو الكادر للمهندسين في وزارة النفط
    والفنيين
    والمحاسبين
    وغيرهم مادري شنو في بعد كوادر
    هل اعترض النفطيون في الشركات التابعة للمؤسسة؟
    يعني لما جاهم الخير مع الحكومه قالوا إحنا حكومه
    ولما جانا الخير قالوا نبي معاهم
    ليش؟؟؟؟؟؟؟؟؟؟؟؟
    المشكلة إنهم يدرون لما يضربون مافي مصالح تتعطل
    ومع هذا أضربوا بدون ما يفكرون
    أرجو من العمال في القطاع النفطي الخاص أن يعزلون نفسهم عن مطالبات موظفي وزارة النفط
    لأن طبيعة العمل تختلف اختلاف كلي
    وظروف العمل أيضا
    ولحد يزعل مني
    حسيت إن هذا كلام الحق
    ولازم أقوله
    مع كل احترامي للجميع
     
  2. Q8IENG

    Q8IENG بـترولـي جـديـد

    6
    0
    0
    Michanical engineer
    Kuwait
    السلام عليكم

    كلامك الي قلته عين العقل

    بس في شغلة اختلف وياك فيها

    لما قلت " أرجو من العمال في القطاع النفطي الخاص أن يعزلون نفسهم عن مطالبات موظفي وزارة النفط
    لأن طبيعة العمل تختلف اختلاف كلي "

    صح انا وياك ان طبيعة العمل تختلف اختلاف كلي

    تختلف اختلاف كلي انه اهمه يتعبون اكثر من موظفين نفط الكويت " مو كلهم لكن اغلبهم " والشغل مع المقاول وايد صعب مو مثل الشغل مع شركة البترول الكويتية انت مأمن على مستقبلك الوضيفي ومرتاح

    مطالب العاملين في القطاع الخاص من ناحية لهم حق يطالبون " لهم حق يطالبون "

    هذا رايي الشخصي كوني اشتغلت في الجهتين .
     
  3. يا وطن لك من يحبك

    يا وطن لك من يحبك بـترولـي نشيط جدا

    353
    0
    0
    نفطي متنفط وأشم يومياً H2S أم قدير
    العالية .. الغالية
    أخوي هذا قصدي بالضبط
    من جذي طلبت من الإخوان العاملين في القطاع النفطي الخاص يعزلون نفسهم عن مطالبات وزارة النفط
    لأنهم يستحقون الزيادة
    وكلنا نتعامل مع العاملين في الشركات Service Companies ونعرف إنهم يبذلون مجهود وظروف عملهم حالهم حال عمال القطاع
    أما وزارة النفط ... إسمحلي فـ"لأ"
    مع كل احترامي للجميع
    لكن كلمة حق لازم تنقال
     
  4. نفطي متحمس

    نفطي متحمس بـترولـي نشيط

    132
    0
    0

    بالنسبة لوزارة النفط، مع كامل احترامي، حركتهم غيرة و عواطف بلا حكمة. و اعتقد الحكيم فيهم يقول خل نركب هالموجة و نشوف وين تودينا. مو شرط يكون عندنا ارض صلبة نرتكز عليها. مع العلم ان الحكيم الصجي ما يضيع فرصته و يطالب بهالوقت لان نظرة الحكومة و الشعب كلهم ان هذي مجرد ردة فعل و الحق بيضيع و بيختلط الحابل بالنابل و بالاخير يا بيزيدون الكل شوي فلوس او ما هم زايدين احد كلش. نتوقع تدخل من اعلى الجهات بالبلد لوقف هذي الفوضى. و غالبنا نقابة وزارة النفط مسوية اعتصام بس عشان ترضي عواطف قواعدها وليس ايمانا منها باي حقوق.

    اما عمال المقاولين، فهذيل ايضا لهم كوادر فنية (مهندسين و محاسبين و فنيين قانون 27\2006) و دعم عمالة و كنا نقول يا ريت لو لنا نفسهم (بس طبعا بدون ضجة). و انا متاكد ان قانونيا ما لهم حق يطالبون بالمساواة بمعاشات و امتيازات القطاع النفطي نهائيا، و الا خل يعطونا احنا بعد كادر و دعم عمالة. ما اعتقد ان احد مظلوم فيهم حسب القانون المستندين عليه، الا بموضوع التدريب و الرعاية الطبية و هذي محل خلاف لان بالاخير الكويتي عنده علاج بالحكومة، استنادا على نظرة القيادة النفطية لتعليم ابناء الكويتين بالنفط بالتعليم الخاص اسوة بالاجانب، نفس هالمبدأ يقدرون يصكونها على عمال المقاول بالنسبة للرعاية الطيبة.

    فصلت موضوع قوانينهم كلها بهالرابط و مالقيت اي سند قانوني لشرعية مطلب المساواة و لقيت نقص طفيف ببعض المزيا و شرحت كيف مكن ترد عليهم الحكومة. و بالعكس مساواتهم بالنفط تعني انه بيكلف الدولة اكثر من نظيره بالنفط لان للمقاول نسبة على كل عامل مو ببلاش مأجرينه.
    http://www.q8ow.com/vb/showthread.php?t=39500&page=9

    موضوعهم معقد و احس في فهم خاطئ للحقوقهم و تهويل بمبدأ الظلم و المساوة و اعتقد من السهل على الحكومة حل موضوعهم من خلال زيادة دعم العمالة و تتخلص من مشكلتهم بالاضافة الى مشكلة كل البلد من خلال زيادة علاوة غلاء المعيشة (120 دنيار) و المقترح هو 150 دينار لكل الشعب و صكر هالموضوع.

    الاصل بالقطاع الخاص هو انك تجتهد و تثبت نفسك و تاخذ خبرة و تفرض وجودك و القطاع الخاص يقدر الكفاءات عدل و عادي بيوم من الايام تاخذ بونص 50-70 الف لانك كفؤ و مستحق و هالشي هو اللي يميز الخاص عن العام. انا اول مرة اشوف دولة ترعى حتى موظفين الخاص و تقتل روح التنافس و الاجتهاد و الطموح فيه.
     
  5. نفطي متحمس

    نفطي متحمس بـترولـي نشيط

    132
    0
    0

    ماكو مقارنة بين وزارة النفط و عمال المقاولين.. عمال المقاولين افضل و لهم حقوق افضل بلا شك..موضوع وزارة النفط يجب عزله، ان لم يكن قتله، عن عمال المقاولين.

    بس للامانة و قولة الحق، عمال المقاولين معاشاتهم ممتازة و مرضية حاليا و فوق الشكوى و التذمر، بل انهم يتفوقون على نظراءهم بالنفط قبل الزيادة الحالية. اقول هالكلام و انا مسؤول عنه. خصوصا بعد اقرار استحقاقهم لكادر المهندسين و باجي الكوادر قبل جم شهر، صارت معاشاتهم اقوى بحيل من موظفي القطاع نفسهم.

    هم لهم موضوعين، الاول يبون مساواة بكل شي، و هذا غير منطقي، و الثاني يبون اقرار بعض الحقوق المنتقصة حسب القوانين و هالشي يقبله العقل و تقبله طاولة المناقشات بلا ادنى شك. بس موضوع الاعتصام او الاضراب و خصوصا بهالوقت و بظل هالظروف ما راح يصب بصالحهم اصلا لان الحكومة بتنظر للكل نظرة وحده. و ثانيا و هالاحتمال موجود (و بدون تشاؤم) ان يتم تجميد زيادة النفطي من اجل امتصاص غضب و غيرة باجي القطاعات.
     
  6. مو معقول

    مو معقول موقوف

    663
    0
    0
    اخوي امبلا المهندسين النفطيين كانوا معارضين ومطالبين بالكادر بسبب تطبيقه على المهندسين اللي بوزارة النفط وشركة الخطوط الجويه الكويتيه والطيران المدني

    والقضايا بالمحكمه وصلت 400 قضيه بهالسبب واتقوع ان القضايا راح تزيد
     
  7. SpiCy

    SpiCy بـترولـي نشيط

    122
    0
    0
    انت عندك علم بأن فيه كوادر و تم اقرارها في وزارة النفط و لا حجي ؟؟

    و شنو هالتناقض لما تقول هل اعترض النفطيون و الحين انت جاي تعترض على مطالبتهم ؟؟

    و حكمت حكم عبثي على اخوانك في وزارة النفط بأن اضرابهم بدون تفكير !!

    و تقولي طبيعة العمل تختلف و دخلت القطاع الخاص بالموضوع !!
    انت عندك خبر ان طبيعة عمل موظفي وزارة النفط مشابهه لطبيعة عمل موظفي مؤسسة البترول ؟؟

    و ختمت كلامك بأنه احساس و مو بأدله او اثباتات او حقائق !!


    سؤال اخير / هل انت الشخص المطلوب منه تحديد اذا كانت مطالب موظفين وزارة النفط موضوعيه ؟؟

    نصيحه / اتركوا الحسد و من حق اي جهه انها تطالب
    حتى من المطالبه تبون تمنعونهم،، غير شغله هذي !!
     
  8. SpiCy

    SpiCy بـترولـي نشيط

    122
    0
    0

    اخوي بنسخلك ردك في هالموضوع
    http://www.q8ow.com/vb/showthread.php?t=39240


    لا إله إلا الله
    تغيّرت المفاهيم

    ماراح اوضح شنو التناقضات الموجوده في ردودك
    و اترك لحماسك توضيحها
     
  9. نفطي متحمس

    نفطي متحمس بـترولـي نشيط

    132
    0
    0

    وضح عشان اقدر اوضح لك.
    اترك لقدرتك على الانتقاد و المشاركة توضيح اللي يدور ببالك.

     
  10. SpiCy

    SpiCy بـترولـي نشيط

    122
    0
    0
    مافيه شي يحتاج لتوضيح
    انسى الموضوع.


    في ردك (الموضوعي) على موضوع بيان وزارة النفط
    طلبت او طالبت بعمل دراسه شامله لكل ما ذكرته :


    كلام موضوعي جدا و ما عليه اي اختلاف

    السؤال / انت عملت هالدراسه الشامله ؟؟
     
  11. نفطي متحمس

    نفطي متحمس بـترولـي نشيط

    132
    0
    0

    اي القطاع النفطي سوو دراسة و تمت قيد الدراسة من جهة استشارية صارلها قريب السنتين و وافق عليها المجلس الاعلى للبترول بعد دراسته لها و اللجنة المنبثقة منه و حطو توصيات بعد دراستهم لها و وصلت لمراحلها الاخيرة و قامت عقبها الحكومة تماطل و توعد و تخلف قبل ما الناس بالقطاع تفكر بالاضراب. و هذا التدرج مطلوب حتى لو كان عندنا او عند غيرنا شك باستحقاقية الزيادة من عدمها او شك بحجمها. الناس سوت دراسة و قيادة القطاع عندهم موافقة شبه كاملة و تفهم لها و الحاجة لها. اما ان تاتي وزارة و تقول ساوونا بالقطاع النفطي على الرغم افتقارها لشي مهم للمساواة مثل عدد ساعات العمل الطويلة لمدى الحياة و مدى اللانضباط بالعمل و مدى الانتاجية.

     
  12. يا وطن لك من يحبك

    يا وطن لك من يحبك بـترولـي نشيط جدا

    353
    0
    0
    نفطي متنفط وأشم يومياً H2S أم قدير
    العالية .. الغالية
    أخوي سبايسي مادري إنت ليش معصب لدرجة إنك فهمت وايد نقاط خطأ
    لما قلت احساسي ما قصدت إني مو متأكد .. قصدي إني "حسيت" إني عندي كلام وبقوله بمنتدى يكفل لي حرية التعبير

    عموما
    تعليقي الوحيد بيكون على سالفة إن موظفي وزارة النفط شغلهم نفس موظفي المؤسسه
    هالشي خطأ
    ولو فرضنا صح فشالفايده من شغل موظفي وزارة النفط دامه تكرار للمؤسسه علما بأن جميع التقارير والدراسات والميزانيات وأي أمور خاصة بالسياسات النفطية تطلع من المؤسسه اللي تعتبر "الأم" في القطاع النفطي وقراراتها ممكن نسميها "سيادية" يعني حتى الشركات يرجعون للمؤسسه بالقرارات
    ممكن تفهمني شنو وضع وزارة النفط ؟؟؟؟
    ودامها متساويه مع المؤسسه ليش سياسة التعيين مختلفه ؟ ليش ساعات الدوام مختلفه ؟ ليش رواتبكم وسلم درجاتكم مختلفه ؟ وهل لو تم إقرار زياده عامه في الدوله بتطالبون فيها ؟؟؟؟؟؟
    وهل تعني إن المؤسسه "بايقه" شغلكم ؟
    اللي أعرفه من أحد الزميلات المهندسات (مهندسة بترول يعني صميم العمل) انتقلت من سنة للشركة إنهم كانوا مجموعة مهندسات متكدسين في مكتب واحد وشغلهم كان يقتصر على تجهيز جداول الإجازات وبعض الدراسات المتعلقة بتاريخ الكويت النفطي والطبقات والحقول ووووو
    يعني شغل ما يأثر بصناعة النفط في الكويت
    يعني لو تنلغي وزارة النفط أفضل
    في القطاع النفطي حتى العامل الإداري يعمل لصالح أعمال وعمال الحقول
    مع تحياتي
     
  13. SpiCy

    SpiCy بـترولـي نشيط

    122
    0
    0
    على فكره انا موظف في شركة البترول الوطنيه و مالي علاقه لا من قريب و لا من بعيد بوزارة النفط
    كل مافي الحكايه ان نظرة الحسد ما حبيتها بكلامك و لا بكلام اي شخص يكتب موضوع عن جهه تطالب بحقوقها بكل الوسائل.

    وحرية الرأي اللي تتشدق فيها ما قالتلك ان من حق اي جهه تطالب في حقوقها متى ما شعرت ان لها حقوق مسلوبه !!!
    و حرية الرأي اللي تتشدق فيها اهي اللي خلتك تصف اضرابهم بأنه بدون تفكير !!!

    انا بنسخلك ردي اللي انت رديت على نقطه وحده منه و عشان خاطرك بشيل النقطه اليتيمه اللي حضرتك رديت عليها
    و ان شاء الله ترد على النقاط الباقيه


     
  14. يا وطن لك من يحبك

    يا وطن لك من يحبك بـترولـي نشيط جدا

    353
    0
    0
    نفطي متنفط وأشم يومياً H2S أم قدير
    العالية .. الغالية
    "حسد" و.... "تتشدق" :d:d:d

    لَقَد كِلْتَ لي يا أَخْي العَزيز كَمًّا كَبيرًا مِنَ الإِتّهامات

    الحلو إنك كررت كلمة تتشدق مرتين

    معنى تشدّق في قاموس المعاني عربي

    شدق : تشدَّقَ يتشدّق، تشدُّقًا، فهو مُتشدِّق:
    تشدَّق الرَّجُلُ :
    1 - حرَّك جانبي فمه ممّا تحت خدِّه للمَضْغ.
    2 - لَوَى جانبي فمه تفاصحًا "تشدّق بالكلام"

    وبما إنك شفتني وآنا أتشدق
    فأحب أتشدق زيادة وأقولك إني الحمد الله ماني حسود
    وخطوة موظفي وزارة النفط كلها حسد
    وإضرابهم بدون تفكير
    وبتشدق زيادة وأسئلك شنو حقوقهم المسلوبه بالضبط؟؟؟؟
     
  15. SpiCy

    SpiCy بـترولـي نشيط

    122
    0
    0

    رجعت لإتهام زملائك و اخوانك بأن اضرابهم بدون تفكير !!
    و دخلت في نواياهم و فسرتها حسب تفكيرك و اهوائك !!

    يا اخي انت تبي تحرمهم من مجرد المطالبه في حقوقهم ؟؟
    يا اخي تخيّل ان هالكلام انقال عن اضرابنا ما يضايقك هالشي ؟؟

    مادري ليش ما تبي تجاوب على اسألتي و تطالبني اجاوب على اسألتك !!

    عموما
    جواب سؤالك تلقاه في بيان نقابة وزارة النفط

    كلمة اهوائك راح تعجبك ادري :d
     
  16. يا وطن لك من يحبك

    يا وطن لك من يحبك بـترولـي نشيط جدا

    353
    0
    0
    نفطي متنفط وأشم يومياً H2S أم قدير
    العالية .. الغالية
    أخوي آنا ماحب الجدل

    وعلى فكره
    آنا كنت ولا زلت ضد الإضرابات
    بما فيها إضراب النفط
     
  17. SpiCy

    SpiCy بـترولـي نشيط

    122
    0
    0
    عزيزي ما تحب الجدل و فاردلك موضوع و ما تبي احد يناقشك فيه !!

    موضوعك بإختصار هو : اتهام زملاء لك بعدم التفكير و اللامبالاه و الحسد.

    اقسم بالله هالكلام ماهو سليم ، و ما حبيت اشوف مثل هالكلام على زملاء لنا ، كل ذنبهم انهم حسوا ان لهم حقوق و قاعدين يطالبون فيها.

    حتى لو كنت ضد الاضراب رأيك و يحترم ، و يبقى الاضراب حق للعمال حسب القانون و الاتفاقيات الدوليه.

    و حتى لو كان ما لهم حق ، مو انت ولا انا اللي يحدد هالشي ، و هم ما يصير حتى المطالبه نحرمهم منها.

    آسف يا عزيزي اذا كان اسلوبي فيه نوع من الحده ، كل مافي المسأله اني (حسيت) اني مكانهم و ينقالي مثل كلامك.

    اكرر الاسف (نقطه)
     
  18. نفطي متحمس

    نفطي متحمس بـترولـي نشيط

    132
    0
    0

    كثيرا من الناس يشاركون صاحب الموضوع نظرته بالكامل. و فعلا كثرة الاضرابات تفقدها مصداقيتها و اهميتها، لدرجة ان اغلب المؤيدين لحقوق العمال تغيرت نظرتهم المؤيدة نتيجة لسقف المطالبات الخيالي و كثرتها و توقيتها.

    مطالب عمال النفطي الخاص فيها شي من الحق وليست كلها، و لكن مطلب وزارة بانها تتسوا مع قطاع من الشركات النفطية مطلب خيالي. فعلا هم ما فكرو كيف بتكون نظرة باجي الوزارات اذا ما تمت مطالبهم. يعني البلد بتعتفس. و بصراحة اقرب وزارة بنظري للقطاع النفطي هي وزارة الكهرباء (المحطات فقط) و ليست النفط.،و فيها تشابه بطبيعة العمل مع ان الطابع الحكومي المعروف بعد و هو الغالب فيها، لكنها الاقرب. فاول ما تتساوا وزارة النفط بالقطاع النفطي بتنقز وزارة الكهرباء و بعدها الاشغال و بعدها نكون غيرنا تركيبة المنظمات الوزارية و الحكومية.

    باختصار، لازم يكون في حكمة بنوعية المطالبات و توقيتها و هنا محد يحجر على حق احد، بل الكل بالاخير يقدر يطالب باي شي يبيه من الجهات المختصة مباشرة، و لكننا نتناقش و نبدي وجهات نظر فقط.
     
  19. نبيها نفطي

    نبيها نفطي بـترولـي نشيط

    51
    0
    0
    ياجماعه الخير بس حبيت اوضح نقطه عن دعم العماله وهي فقط تشمل العلاوات الاجتماعيه الزوجيه والاولاد وغلاء المعيشه

    مافيها كوادر ولا بدلات اللهم الجامعيين (المهندسين) فقط واحنا اللي قاعدين نتكلم عليه ونطالبه الامان الوظيفي بما ينص عليه قانون 28\1969

    لا اكثر ولا اقل
     
  20. نفطي متحمس

    نفطي متحمس بـترولـي نشيط

    132
    0
    0

    اخي العزيز..

    القانون 28\1969 فيه لكم بعض الحقوق المنتقصة و ان شاء الله تاخذونها.

    بس انا شخصيا مو قادر استوعب ابعاد و زوايا المطالبة بالامان الوظيفي. حسب علمي بان كل وظايف الكويت فيها حق الفصل و الخصم للموظف. و لكن هم استعطافا ما يسوون شي.. بس كقانون ماكو و لا قانون يعلنها صراحة "امان وظيفي". و من ناحية اخرى هذا قطاع خاص و المفروض ان الاسترحام الموجود بالحكومة اتجاه الفصل ما يكون موجود عشان الموظف يعطي من قلبه و يجتهد، و الله انا اشوف ان ماكو شي مخرب البلد غير هالامان، المسؤول يسوي فضايح و يقرر قرارات ترجع البلد 20 سنة ورا و تخسرها فلوس و بالاخير يترجونه ينتقل او يقدم استقالة و يمكن يعطونه عرض عشان يطلع.

    بعدين لو الامان الوظيفي مو موجود بباجي شركات القطاع الخاص، هل باجي القطاع الخاص راح يسكت بدون عدل و مساواة من هالناحية تفرضها الحكومة؟ مجرد تساؤل.

    فشنو تفسيركم للامان الوظيفي من ناحيتكم و دمتم و بخير.

     
جاري تحميل الصفحة...
مواضيع مشابهة
  1. المحرر النفطي
    الردود:
    0
    المشاهدات:
    1,326
  2. المحرر النفطي
    الردود:
    0
    المشاهدات:
    6,287
  3. المحرر النفطي
    الردود:
    0
    المشاهدات:
    6,641
  4. المحرر النفطي
    الردود:
    0
    المشاهدات:
    7,871
  5. المحرر النفطي
    الردود:
    0
    المشاهدات:
    2,480

مشاركة هذه الصفحة