معايير قبول خريجي الحقوق بعد المقابلة الشخصية

الكاتب : Lawyera1 | المشاهدات : 2,119 | الردود : 12 | ‏20 سبتمبر 2011
  1. Lawyera1

    Lawyera1 بـترولـي جـديـد

    17
    0
    0
    السلام عليكم ورحمة الله وبركاته

    اخواني وخواتي الاعضاء يعطيكم العافية صراحة ماقصرتوا ووايد استفدت منكم وهذي اول مشاركة لي واسمحولي باستفسر عن كذا شغلة تخص طريقة التوظيف بعد المقابلة والامتحانات واي احد حاب يستفسر عن نفس الموضوع يستفسر اهنيه يعني يكون الموضوع للاستفسارات >>> بسج قرقة

    المهم انا خلصت امتحان الانجليزي واليوم امتحنت تخصص حقوق والحمدلله قدمت زين بس حبيت اعرف الحين اذا نجحنا بالتخصص وخلصنا المقابلة على خير شنو معاييرهم للتوظيف يعني ياخذون الناس اللي يايبين اكثر درجات بالامتحانات والمقابلة ولا ممكن يكون التوظيف بالاختيار يعني يكفي يكون المتقدم عدى الامتحانات وبالمقابلة قدم زين ويكون برايهم يستحق الوظيفة ولا هالشي مخالف لنظام التوظيف عندهم
    واخر شي ادري مصختها بس تحملوني بسأل متى تتوقعون يدقون علي للمقابلة انا امتحنت تخصص اليوم ومتى تطلع النتيجة بعد المقابلة يعني للفحص الطبي او انه ماتم قبولي للوظيفة

    وبس جزاكم الله خير والله يكتب اللي فيه خير للكل
     
  2. خريج حقوق

    خريج حقوق بـترولـي نشيط جدا

    162
    0
    0
    موفقه خير انا بعد امتحنت اليوم انجليزي

    بس بسالج اختي شنو الاسئله الي جاتكم باختبار التخصص ومن اي فروع بالقانون وشنو تذكرين منها ياليت تفيدينا
     
  3. Lawyera1

    Lawyera1 بـترولـي جـديـد

    17
    0
    0
    اجمعين ان شاءالله تسلم اخوي

    اسئلتي كانت متنوعة يعني انسألت في القانون الاداري عن العقود والقرارات الادارية ومدة الطعن وانسألت عن بيع سيف وبيع فوب لاحظت بيع سيف وايد يتكرر مع اني مادرسته حسافة وبالقانون الجزائي والدوائر الاتتخابية وتعيين الوزراء ورئيس الوزراء اووو طبعا اكثر من 5 اسئلة تخص مؤسسة البترول وعن قانون العمل

    هذا اللي قدرت اتذكره واذا ذكرت بعد بحطهم اهنيه
    بس اهم شي تدرس عن تاريخ النفط وقانون العمل اما الاسئلة القانونية بتكون سهله عليك ان شاءالله
     
  4. خريج حقوق

    خريج حقوق بـترولـي نشيط جدا

    162
    0
    0
    شنو تذكرين اختي من صيغه الاسئله والجواب

    وشنو بيع السيف هذا مامر علي ؟؟

    يعني ادرس قانون اداري حدي ناسيه

    اما الجزاء والمدني بالنسبه لي اسهل بالاضافه للاحوال الشخصيه

    ماجاكم شي عن قانون دستوري

    وشنو الاسئله الي كانت تخص قانون العمل مثل شنو وابي جاكم عن قانون العمل بالقطاع النفطي او الاهلي

    وهل جاكم شي عن قانون الخدمه المدنيه

    ممكن تذكريلي السؤوال عن الدوائر الانتخابيه والطعن اي طعن تقصدين ؟

    وشنو العقود الي نسالتي فيها

    ويعطيج العافيه
     
  5. Lawyera1

    Lawyera1 بـترولـي جـديـد

    17
    0
    0
    والله ما درست بيع سيف مع انه اكثر من شخص ذكرلي اياه فانصحك تدرسه وما انسألت باحوال كلش اما القانون الاداري فيسألونك اي من التالي شروط العقد الاداري والقرار الاداري يخضع لاختصاص اي محكمة وما يتني اسئلة تخص الخدمة المدنية اوو بعد شنو
    ايه انسألت جم عدد الدوائر الانتخابية الحالية *
     
  6. Lawyera1

    Lawyera1 بـترولـي جـديـد

    17
    0
    0
    بلييييز اللي عنده اي معلومة بخصوص استفساراتي باول الموضوع لا يبخل علينا بمعلوماته لانه جد قاعدة احاتي
     
  7. خريج حقوق

    خريج حقوق بـترولـي نشيط جدا

    162
    0
    0
    يعطيج العافيه اختي بوبالتوفيق بالنسبه للمقابله طولي بالج تو الناس محد راح مقابله تخصص حقوق

    وناس امتحنو قبلج سالت كذا واحد وماجاهم خبر اكيد ينطرون يصير عدد معين ويشتغلون مقابلات للتخصص

    وبالنسبه للاسئله الاختبار اي شي يطري عليج او تذكرينه ماوصيج تفيدينا

    وياليت لو تذكرين اسئله القطاع النفطي الي جاتكم وكذالك سالتج عن القانون الدستوري مامر عليج شي منه ادرسه او طاف ؟
     
  8. مقادير

    مقادير بـترولـي نشيط جدا

    262
    0
    0
    ماشالله

    الحين بسال اللي وياه بكالريوس حقوق شنو يتوظف فالنفط؟؟

    شنو يصير؟؟
     
  9. حقوقية

    حقوقية بـترولـي نشيط

    63
    0
    0
    السلام عليكم ورحمة الله وبركاته



    محـــــــــــد يدري متا المقابله واذا سقط بالتخصص يدزون مسج ولا شلون ..؟؟ يريــــــت احد يفيدنا !
    موفقين بإذن الله ... لكم مني أجمل تحية .
     
  10. عزيز 88

    عزيز 88 بـترولـي نشيط

    114
    0
    0
    يدزون مسج و ايميل سقوط
     
  11. LAW

    LAW بـترولـي نشيط جدا

    293
    0
    16
    اختي

    بخصوص التوظيف هم حاطين تقسييم مئوي للاختبارات

    والاختيار اكيد للافضل بالنسبه للشباب وبالنسبه للبنات لان لكل جنس ذكر او انثى كراسي لهم في النفط

    تقسيمه المعدل محدده مسبقا عندهم بينما الاختبارات الثانيه مثل الانجليزي والتخصص والمقابله من جهد المتقدم


    بالنسبه انشالله قريب باذن الله
     
  12. Lawyera1

    Lawyera1 بـترولـي جـديـد

    17
    0
    0
    خريج حقوق انسألت جم مادة بالدستور الكويتي ومتى تأسست مؤسسة البترول ومنو رئيس مجلس الادارة فيها واي شركة كانت تملكها عام 75 اووو بس هذا نتيجة عصارة مخي
     
  13. Lawyera1

    Lawyera1 بـترولـي جـديـد

    17
    0
    0
    هاا ماكوو اخبار منيه مناك عن نتيجة امتحان التخصص او المقابلة اي معلومة يمكن تفيد وتجبر الخاطر لانه الانتظااار قاااتل صراحة

    وعندي سؤال جزاكم الله خير صج اللي مقدمين من شهر 2 للحين مانادوهم للفحص الطبي انا اقصد اللي انقبلوا خلاص... اذا من شهر 2 وماتوظفوا للحين عيل احنا متى؟!! سؤاال يراودني
     
جاري تحميل الصفحة...

مشاركة هذه الصفحة