نبي توضيح للزياده يا نقابه ويا اتحاد نبي شي رسمي !!!!!!!

الكاتب : ميكانيكي111 | المشاهدات : 4,544 | الردود : 23 | ‏20 سبتمبر 2011
  1. ميكانيكي111

    ميكانيكي111 بـترولـي جـديـد

    13
    0
    0
    السلام عليكم

    اولا: مبروكين على الزياده

    ثانيا: شلون حسبة الزياده تطشرنه

    كل واحد يقول شي وكلها مجرد اجتهادات

    نبي شي رسمي نعرف فيه الزياده جم بالضبط
     
  2. JustSmile

    JustSmile بـترولـي نشيط

    137
    0
    0
    والله يا اخوى نصيحه من كل قلبى .. دام الامور مشت وخلاص .. انطر لى راتب شهر 10 واعرف حسبتك بنفسك ولا تشغل بالك فيها ابد دام الله سهل علينا ورزقنا وريح بالك :)
     
  3. بوعبدالرحمن

    بوعبدالرحمن بـترولـي مميز

    710
    0
    0
    هذا الكلام اللي يجمد على الشارب
     
  4. الكويت وبس

    الكويت وبس بـترولـي نشيط جدا

    231
    0
    0
    والله يالغالي انا اشوف كلام صاحب الموضوع وغيره كثير منطقي للغاية ليش هالتعتيم هذا وليش ما تكون الامور اكثر شفافية وبالعكس انت تقول دام الامور مشت وخلصت بالتالي ليش هالتخشش والخوف ؟؟؟

    انا اقول التصريح بالزيادة بشكل واضح ورسمي موضوع وتره ما صارلنا من توقيع الموافقة عالزيادة الا 4 ايام الحين وشوف عدد المشاركات والجداول والخبصة فما بالك لبعد شهر من اليوم
     
  5. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    وعليكم السلام ورحمة الله وبركاته
    والله يبارك لنا ولك وللجميع
    بالنسبة لتفاصيل الزيادة وتوضيحها كلنا ننتظر البيان التوضيحي اللي سبق واعلن عنه الاتحاد والنقابات
    بعطيك تصريح للشرثان والهملان

    الهملان في تاريخ 11\9\2011
    سنقوم باصدار بيان توضيحي مرفق الجدول وكل التفاصيل الاخرى

    الشرثان في تاريخ 14\9\2011

    مطمئنا جميع العاملين بأننا سوف نكون على تواصل دائم وانه سيصدر في القريب العاجل تعميما يبين آلية صرف الزيادات المقررة و فق الضوابط و الشروط المعمول بها بسلم الرواتب و الأجور .

    وما ادري فيه احد بعد مواعدنا في بيان في القريب العاجل ؟
    والعاجل ماوصل !
     
  6. ميسي

    ميسي بـترولـي نشيط

    مااعتفد ان الاليه واضحه تماماً حتي بالمؤسسه
     
  7. بو عثمان

    بو عثمان بـترولـي جـديـد

    11
    0
    0
    السلام عليكم

    انا كتبت موضوع حسبة الزيادة لكن اشطبوه مادري ليش


    الاخ محمد الهملان شرحها بتويتر


    وعلى حسب كلامه انها كالتالي:


    1- اول مربوط من الاساسي القديم تضربه بـ 20%
    اذا الاجمالي ما وصل كثر الاساسي الجديد راح يزيدونك تلقائي الى اول مربوط من الجديد


    2- العلاوة التشجيعية الجديدة - القديمة = الزيادة الجديدة


    3- بدل خطر 50 دك

    4- بدل شفت 30 دك

    5- علاوة سكن 80 دك

    ---------

    جميع ما سبق على لسان الاخ محمد الهملان وفي امكانكم الرجوع الى كلامه فيه تويتر

    [align=right]
    متابعة إشرافية :
    الموضوع: الزياده عالاساسي
    مشاركة #13[/align]
     
  8. ام عيالي الحلوين

    ام عيالي الحلوين بـترولـي جـديـد

    49
    0
    0
    من تحجوا عن الزياده واهم يقولون الزياده مرضيه. وفالكم طيب. اوكي مرضيه بالنسبه حق منو بالضبط لنا ولا للشركات النفطيه ولا يقولك نخاف من الحسد يهال احنا مافي بيت الحين مافي موظف بالقطاع النفطي يعني شهر تسعه يحسدونا بس شهر عشره مافي حسد. الحين يقولك على حسب الجدول الثاني انزين وينه مو يقولون عندهم. ولا ينطرون kpc يعطونهم الضوء الاخر. مبينه السالفه مشكل
     
  9. BoYousef

    BoYousef بـترولـي نشيط جدا

    159
    0
    0
    كلامك 100% صح مع اختلاف بسيط... اللي فهمته منهم بعد ماسألتهم شخصيا ان 20% من اساسي 2008 فقط بدون مقارنة مع اول المربوط الجديد. ولو ان الكلام غير منطقي لأن احتمال كبير يصير الناتج اقل, شلون يصير الاساسي اقل من اللي مذكور بالجدول حق نفس الجريد!
     
  10. واحد فاهم

    واحد فاهم بـترولـي مميز

    762
    4
    18
    كومبيوترشي
    درة الخليج
    هون عليك فكل الأمر ينقطع
    وخل عنك ضباب الهم يندفع
    فكل هم له من بعـده فـرج
    وكل كرب إذا ضاق يتسـع
    إن البلاء وإن طال الزمان به
    الموت يقطعه أو سوف ينقطع
     
  11. الكويت وبس

    الكويت وبس بـترولـي نشيط جدا

    231
    0
    0
    كلام في الصميم وهذا اللي انا بعد متفق معاج فيه

    تقولين قاعدين بالروضة وبيوزعون علينا حلاو بس الحلاو مو كثر عدد اليهال فما يبون الكل يعرف

    والله مهزلة
     
  12. Stop Solidere

    Stop Solidere بـترولـي نشيط

    101
    0
    0
    لا أله ألا الله !

    ياجماعة الخير .. الزيادة وخلصنا منها !
    والحين صرنا نطالب كل واحد يبي يعرف الزياده جم !

    مابقى شي كلها شهر .. صبرنا سنه وشوي

    تعوذو من أبليس أخواننا فـ النقابات ماقصرو سوو اللي عليهم
    ومردك بتعرف اللي لك واللي عليك
     
  13. سلومكو

    سلومكو بـترولـي مميز

    563
    0
    0
    وعليكم السلام

    اخوي اسمحلي انت واغلب الزملاء

    اذا الزياده وأقرت, والصرف ماني قايل بعد شهر بقول الشهر الياي ماغيره

    يعني شالفايده الحين حطو الجدول أو توضيح او رضينا او مارضينا ؟

    الكتاب راح للتنفيذ وخلاص على حسب ماقريته بالجريده يعني ماراح نسوي شي ولا نستفيد شي

    خلاص ننطر وكلنا بأذن الله نتأمل خير

    ولله الحمد
     
  14. مهم للغاية

    مهم للغاية بـترولـي نشيط

    58
    0
    0
    عندي احساس اتمنى مايكون صادق

    انه لازلنا نعاني من أبر البنج

    وكله ماشي يا حبيب
    مالي بالطيب نصيب
     
  15. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    شباب الخدمات النفطية زانت علومكم معد تبون تعرفون تفاصيل الزيادة :)
    كنا نكافح سوى علشان نشوف شنو وضعنا يا صغار الموظفين مع هالزيادة والحين يوم حسيتوا ان زيادتكم
    ممتازة معد تفرق عندكم باقي التفاصيل بس والله اللي فيكم اللي اسلوبكم معنا ماتغيير والاحترام موجود كعادتكم
    كلن ولا الاخ مميز توكلنا على الله قلب علينا وغلط علينا ويبي يكتمنا معد نقول شي في الزيادة !
     
  16. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    لازلنا ننتظر البيان ومو معقولة نقعد نكرر ونقول وين البيان وانتم اول من صرح به من باب الشفافية
    والى هذه اللحظة محد يعرف شنو وضع الزيادة الحقيقي وكيف تمت !

    فيصل الكندري صرح باقوى مافي حيله وقال خلاص الوعد بعد راتب شهر عشرة !

    لزوم الاكشن لازم يكون في الزيادة غموض في بعض جوانبها
    الاخوان اللي يكررون سالفة اذا نزل في الراتب عرفنا !
    حتى لو نزل بالراتب ماراح تعرف بالضبط شنو حاسبين لك

    نبي نعرف آلية صرف الزيادات المقررة و فق الضوابط و الشروط المعمول بها بسلم الرواتب و الأجور
    هل في معرفتها شي غلط او في طلبنا لمعرفتها شي غلط ؟!
    ترا كل الموجودين في المنتدى او اغلبهم كرروا كلمة ننتظر لين ينزل توضيح بسبب كلنا نعرفه وهو عدم معرفتنا حسبة زيادتنا !
     
  17. كعبول

    كعبول بـترولـي نشيط جدا

    496
    0
    0
    صباح الخير

    مشكله انه صارله 4 ايام مافي خبر ولا حتى شكله طلع من ديوان الخدمة المدنيه

    وكل ما نسال احد يقول الامور ماشيه وكل شي تمام لا تخافون !
    انزين شسالفه .. الامور ماشيه وكل شي تمام لا تخافون !
    تلفوني انكسر .. الامور طيبه وماشيه وكل شي تمام لا تخافون !

    نفس الكاسكو يردد بالجمله واهو موعارف شسالفه اصلا
     
  18. SUCTION

    SUCTION بـترولـي نشيط

    90
    0
    6
    الامور طيبه وماشيه وكل شي تمام لا تخافون !
     
  19. سلومكو

    سلومكو بـترولـي مميز

    563
    0
    0

    ياأخوي انا شسوي لاصرت مو راضي تنظر بعين وسيعه

    تقول حسيتو ؟ زين ومنو قالك اصلا انه عرفنا زيادتنا ؟

    أقسم بالله العلي العظيم أني لغاية كتابه هذي السطور وانا ماعرف زيادتي

    قبل سألتهم بموضوع سابق وطلعو زيادتي بس طلعت غلط مو صحيحه

    وعقبه خلاص ماسألت ولا راح أسأل لانه ماراح أستفيد شي هي نازله نازله

    يعني للحظه هذي وانا ماعرف زيادتي, بالله على شنو حسيت انه زيادتي ممتازه او لا

    ولكن بغض النظر عن النقابات وغيره انا ماني مؤيد لهم ولاني معارض ولا لي شغل فيهم

    حاول تفهمني عفيه السؤال هو , نقول مثلا مو راضين احنا على الزياده ؟

    اوكي شنو بنسوي يعني ؟ شاللي بيصير يعني ؟

    ارجع واقولك الاقرار وحصل والصرف خلاص مو باجي عليه شي باذن الله معاش الياي

    تبينا نصير نفس بعض الناس اللي لما أقرو زياده السنه اللي طافت وقامو قالو لا مايصير ونبي تميز ومادري شنو

    انت تبينا نصير نفسهم يعني ؟ نخرب على باجي الموظفين بس عشان مو عاجبتنا زياده اللي للحين ماعرفناها اصلا

    وهذا اللي انا اصلا واثق منه انك مو مثلهم ولا بتصير مثلهم انشالله


    تفائل خير وتجده أنشالله

    والحمدالله على كل حال وانا حالي من حالكم انطر مثلكم ولو انها دينار قلت الحمدالله انشالله
     
  20. شعيباوي

    شعيباوي بـترولـي نشيط جدا

    362
    12
    18
    تفائل بالخير

    اخوي سلومكو تفائل بالخير ولكل حادث حديث. بس لاحظت في برنامج قناة الراي إن اللي يقول إن الزيادات أقرت هو المذيع و ليس النقابي الفاضل اللي ما بيننا و بينه إلا كل إحترام. و صراحة هذي شجاعة منه. و على فكرة قناة الراي قناة خاصة و لا تعتبر مصدر رسمي تأخذ منه المعلومات. و الله يرزقك و يرزق الجميع كل خير
     
جاري تحميل الصفحة...

مشاركة هذه الصفحة