كادر المهندسين

الكاتب : ميسي | المشاهدات : 2,320 | الردود : 16 | ‏20 سبتمبر 2011
  1. ميسي

    ميسي بـترولـي نشيط

    ياتري هل سيحصل المهندسون علي الكادر خصوصاً بعد وجود أحكام قضائيه بهالشأن، ماراي الاخوه المهندسين؟ وهل تتوقعون وقوف باقي العمال معهم في حاله مطالبتهم بالكادر؟ وذلك بعد الزياده الاخيره ومارافقها من جدل ونقاش واحياناً اتهامات،،، وصولاً الي تصريح وزير النفط الاخير بأن موظفي النفط هم ثاني اقل رواتب في الخليج.
    الرجاء النقاش بموضوعيه، لإفاده الجميع
     
  2. نفطي عتيج

    نفطي عتيج بـترولـي جـديـد

    33
    0
    0
    بإعتقادي انه طالما الان الكل تحت مظله مجلس الخدمه المدنيه (واقعباً) اعتقد ان استثناء مهندسي القطاع من الكادر خطاء ليس له مبرر الا الحسد
     
  3. مو معقول

    مو معقول موقوف

    663
    0
    0
    يا جماعه الفني معاشه اعلى من المهندس اذا بنفس القريد وين صارت هذي؟
     
  4. مهموم

    مهموم بـترولـي نشيط جدا

    261
    0
    0
    زين والقانونيين والمحاسبين و و و يعني ماراح نخلص ما دامها معروضه امام القضاء ينطرون شوي
     
  5. الـخـبـيـر

    الـخـبـيـر بـترولـي جـديـد

    تتكلمون صج ، ولا غشمره ؟!؟

    الديرة معفوسه ، من الإضرابات

    حمدو ربكم ان جتنا هالزيادة
     
  6. مو معقول

    مو معقول موقوف

    663
    0
    0
    الله هو الكريم وهو العدل...و يوزع الارزاق على الناس كيف يشاء والحمدالله على كل حال وقدر الله وما شاء فعل :)

    ان جان في حق للمهندس او الحقوقي او الفني او المحاسب....الله يحفظلهم حقوقهم اذا مو بالدنيا...بيجيهم حقهم بالاخره ان شاء الله
    والاخره خير وابقى
     
  7. Mr Senior

    Mr Senior بـترولـي جـديـد

    8
    0
    0
    كفو عليك يا الحبيب هذا الكلام الطيب من شخص طيب
    جزاك الله الف خير
     
  8. البيرق

    البيرق بـترولـي نشيط

    80
    0
    0
    اصلا الزيادة هذي للمهندسين لكن النقابة دشت بالخط وعليهم بالعافية لكن نطالب بكادرنا انشااللة
     
  9. مشكور

    مشكور بـترولـي جـديـد

    7
    0
    0
    المهندسين اكثر ناس محسودين

    ما كنا اخوانهم وعيالهم

    الواحد يا يكون عنده شهادة ثانوية او دبلوم والا النقابة ما توقف معاه وتطالب بحقوقه
    شبعنا من هالسالفة - النقابة تخدم الكثرة وتخدم الأصوات
    المهندسين ما لهم الا رب العالمين وهو يكفينا
    ما نبي منة النقابة ولا جمعية المهندسين ولا القضاء "العادل" اي شي
    حتى الاجانب في ناس تخاف عليها وفتحوا لهم باب سلم الاختصاص عشان تزيد معاشاتهم خوفا من فرارهم من القطاع
    هههه ضحكوني، يكون الاجانب اللي عندنا فعلا اهل خبرة واختصاص ولا يمكن نستغني عنهم
    اغلبهم لا شهادة معترف فيها ولا خبرة سابقة تفيد القطاع، تعلموا عندنا واستغنوا بفضل الله من الشركة والحين صار لهم وزن للاسف
    لا وفي النهاية هم راح تحوشهم الزيادة العامة

    انا ما احسدهم كل واحد ورزقه
    ولا ابكي وراء الكادر، الله الغني عنه
    بس لازم نضع النقاط على الحروف

    المهندس الكويتي مظلوم
    اتكلم لكم من الواقع ومن سنوات الخبرة ومن نظرة عامة
    المهندس الكويتي محسود من اخوانه في النقابة ومسؤولينه واخوانه في القطاع
    ياخي ماهو اخوكم وولدكم؟
    يعني ذنبنا انا تعبنا هذي السنوات في الدراسة وجبنا شهادة ترفع راسنا جميع ونشتغل في اهم قطاع في البلد ونقلل من الاعتماد على الاجانب؟
    الاجانب من يحبهم غير المسؤول اللي صعد بالواسطة لانه ضعيف ومو قد المسؤولية ولا على فهامية؟
    وبالمقابل، ابعدونا عن الساحة وهمشونا وافقدونا الثقة بانفسنا

    واذا المسؤول حب الاجانب، اكيد لازم النقابة تحبهم
    والنقابة اصلا تكره المهندسين لانهم اغلبهم غير مهندسين
    طيب اذا فيه اختلاف في المؤهل هل هذا سبب كافي يبرر ظلم وتهميش المهندس؟

    وخذ عندك قطاع المشغلين والمشرفين. حدث ولا حرج. لو يدخل الموقع مهندس يبي يسأل سؤال، البسوه وشينوا النفس عليه ورد مكتبه مقهور ومفلس من المعلومة.

    ياخي محد حاس في المهندس، له الله، حسبنا الله ونعم الوكيل.

    واخيرا، اخواننا المهندسين في القطاع الحكومي حصلوا على الكادر، وأحد الاسباب كانت علشان يساوونهم مع مهندسي القطاع النفطي.
    دخيل الله الحين صارت معاشاتهم اعلى منا وهم من غير تجريح ما يشتغلون كثرنا من ساعات عمل ومجهود وتعرض حق غازات ومخاطر.
    عليهم بالعافية ما حسدناهم، بس الميزان أعور. حنا الدراسات اللي تمت لو تبينا نتساوى مع القطاع النفطي الخليجي كان الجواب واضح واستحقينا الكادر، بس الحسد كان ولا زال الخطيئة الأزلية اللي ما ترحم أحد.

    يعني حنا ما تخاف علينا الشركات نتركها مثل الاجانب؟
    طبعا الجواب واضح (وهذا من خبرة السنبن) ان الكويتي في القطاع النفطي الهدف منه تحقيق قانون "التكويت" فقط. ما يبون منا اكثر ولا اقل.

    "ورحمة ربك خير مما يجمعون"

    ودمتم
     
  10. مشكور

    مشكور بـترولـي جـديـد

    7
    0
    0
    محد علق
    محد مهتم
    :)

    بس انا الغلطان ما قريت عدل
    حسبت منتدى (العاملين) يشمل المهندسين او يهتم في قضاياهم
    شغل نقابات

    اخليكم ويا منتداكم
    - خروج من المنتدى -
     
  11. LaRambla

    LaRambla بـترولـي خـاص أعضاء الشرف

    2,041
    3
    38

    حياك الله
    خلنا نشوفك
     
  12. NokiaCity

    NokiaCity بـترولـي نشيط جدا

    " ‏لو كان لابن ‏ ‏آدم ‏ ‏واديان من ذهب لأحب أن يكون له ثالث ولا يملأ فاه إلا التراب ويتوب الله على من تاب"
     
  13. Tacobell_q80

    Tacobell_q80 بـترولـي جـديـد

    22
    0
    0
    PETROLEUM ENGINEER
    KUWAIT
    اسف على الرد المتاخر والله كلامك كله موزوم وصحيح واحييك

    المهندسين للاسف محسودين لاكن اقول لا تياس وان الفرج لقريب انشاء الله وانشالله بترجع هيبة المهندسين باقرار الكادر او بتسويه من نوع اخر

    وشكرا
     
  14. البيرق

    البيرق بـترولـي نشيط

    80
    0
    0
  15. مو معقول

    مو معقول موقوف

    663
    0
    0
    ان كان للمهندس حق....يجيبه رب العالمين

    واذا الله رزقنا بالكادر فالحمدالله

    والمهندس يستحق الكادر
     
  16. skype

    skype بـترولـي جـديـد

    36
    0
    6
    والله ياخوك شكلك مو متابع الاحداث العالمية

    مو مضايق صدر بعض العمال بالشركة الا سالفه المهندسين وانا متابع شغل النقابة الحالية وقاعده تشتغل للكل والجميع

    هذي النقابة بالذات اللى سعت للمهندسين واشتغلت لمطالبهم لكن بعض الناس ما يرضيه هالشي ويبي النقابة للانتاج وبس .. مع انها تشتغل للانتاج والاداريين واكبر دليل ايميلاتهم وانجازاتهم اللى نشوفها

    النقابة جابت للمدرا درجة 20
    وللمهندسين الدرجة 17
    وقاعده تطالب للتيم ليدر الدرجة 19
    ومطالبه الاوفرتايم للدرجة 17 والحين عندهم محكمة
    ورافعه قضايا لكادر المهندسين من 2009 قبل جمعية المهندسين وغيرها من الناس

    ومع هذا اكثر ناس ما يعجبهم المهندسين هههههههه

    انا اقول تابع شغلهم واذا عندك سؤال دق علي النقابة ويعطونك رقم احد تكلمه من الاعضاء المهندسين وشوف الرد

    الله يوفقهم ..
     
  17. مو معقول

    مو معقول موقوف

    663
    0
    0
    نتمنى من الاتحاد عمل شيء للمهندسين حتى يكتب لهم هذا الانجاز ... لان مكانهم لن يدوم لهم

    كما اتو سيرحلون
     
جاري تحميل الصفحة...

مشاركة هذه الصفحة