كادر المفلسين....أقصد المهندسين

الكاتب : Sporty Engineer | المشاهدات : 4,235 | الردود : 66 | ‏20 سبتمبر 2011
حالة الموضوع:
مغلق
  1. Sporty Engineer

    Sporty Engineer بـترولـي جـديـد

    14
    0
    0
    في الفتره التي نجد فيها كل من هب و دب يطالب بكادره, نجد مهندسي القطاع النفطي صم بكم عن كادرهم بالاضافه الى تخاذل النقابه وجمعيه المهندسين بشأن هذا الموضوع
    غريب صمتكم يالمفلسين....أقصد يالمهندسين

    حتى عمال تنظيفكو تكلموا عن كادرهم وعن زيادتهم (بدل سلام) وانتوا ساكتين وكل مافكرتو تتكلمون قالولكم زياد عامه
    على حسب اخر الاخبار ان الزياده تم المصادقه عليها. يالله وروونا شبتسوون على كادر المهندسين ولا بتنقعوننا خمس سنين جدام وتقولون زياده عامه بعد ؟؟؟؟؟
     
  2. مهموم

    مهموم بـترولـي نشيط جدا

    261
    0
    0
    مهندسين القطاع النفطي بعد الزياده الاخيره يفوقون نظرائهم في القطاع الحكومي ولا اعتقد يوجد ظلم واقع عليهم واذا تبي زيادة الخير الامر منظور امام القضاء وان شاء الله يجيكم
     
  3. Roxen

    Roxen بـترولـي نشيط

    139
    3
    16
    علشان ياكلونك بقشورك اذا عطوك كادر بعد
    طبعا اتكلم عن موظفين قطاع النفطي غير عامه الناس بعد حبيبي اسلم عالزياده العامه وقول الحمدالله الحين المهندس بالنفط معاشه احسن من اي مكان بعد الزياده ويستاهلون باجي الموظفين الزياده العامه
    بس شوف ربعنا بالنفط ليمت قالوا بنعطي المهندس كادر بغوا يضربون يقولون حتى الفني عنده كادر جان يطلع الريال الله يقومه بالسلامه علي الراشد وقال يبه نعطي الفنيين 66 والادارييين 33 علشان نقارب الكادر نع الوزارات مااااعجبهم ربعنا وقاموا قالوا مانبي بنضرب سلم الاجور والدرجات ما اتصير اللي اتقوله يارجل قاموا مجلس الوزراء وعطوكم اللي تبوونه الحين اشتبوون بعد انا اقولك اشيبون قالوااااا هم مايصير الحين القديم ياخذ اقل من اليديد ظلم والله ظلم
    اي شي صح ياجماعه شنو تبون بالضبط ولا. نبي تذاكر لندن بعد الحين
    انا بعرف لا راضيين اتميزوون المهندسين عنكم ولا راضيين اتميزوون الفنيين عنكم ولا راضين اتزيدون معاشات الموظفين اليدد موعاجبتكم الحسبه 700 800 900 1000 موعاجبكم تبون اكثر واللي حواليكم اقل قال ليش قال انا قديم
    تقااااعد حبيبي
     
  4. Mr.Ahmad

    Mr.Ahmad بـترولـي مميز

    انا اقترح ان يعطون مصفاة لكل 5 مهندسين

    طبعا ملك لهم

    بعد مهندسين لازم نميزهم :)
     
  5. مو معقول

    مو معقول موقوف

    663
    0
    0
    اي ميزهم ليش ما تميزهم؟ وبعدين المهندسين ما طلبوا واجد مثل ما طلب الموظفين بهالزياده اللي صارت...طلبوا كادرهم فقط اللي الزياده هذي تشفط للكادر..يعني انتو حلال عليكم تطالبون بزياده عاليه نفس هالزياده والمهندس لما يطلب كادره تقعد تقول هالكلام؟ .***************

    لكن طالما اكو قضاء عادل بالدوله...ان شاء الله بنشوف الكادر قريباً
     
  6. k64484

    k64484 بـترولـي جـديـد

    29
    0
    0
    INSTRUMENT ENGINEER
    KUWAIT
    السلام عليكم قولو الحمدلله على النعمه انتو محسودين عليه الكل يستاهل الكادر الفني الاداري والخخ لان الحين معاشاتنا مواقل من الوزاره فيق للاخرين المطالبه بالمثل.

    مبرووك الزياده للجميع الله يوفقكم.
     
  7. jajs04

    jajs04 بـترولـي نشيط جدا

    For your kind information

    الزيادة للفنيين التي أقرها ديوان الخدمة هي نفسها المقرة بعد الإضراب لم تزيد فلس حمر
    والمستفيد الأكبر من تعديل الزيادة هم القياديين والإداريين فقط لا غير.

    سجل عندك هالمعلومة ولا تناقش نقابي فيها.
     
  8. مو مهم

    مو مهم بـترولـي جـديـد

    44
    0
    0
    **************

    لكل شخص رآي يقوله بكل شفافيه ..

    بس بدون لا يجرح ولا يستهزء ..

    مومعقول احمد ربك عالزياده المهندسين اللي بالوزارات ماياخذ اللي انت تاخذه ..

    والمهندس شنو عمله بالبترول ..

    ياأخي اغلب المهندسين متأخرين عالدوام والوقت مومظبوط عندهم ..

    ياخي لهم سلبيات كثيره وايجابيات قليله ..

    ياخي الطمع شين مو كافي انه التخصص الوحيد اول مربوط اقريد 12 هذا موتميز ..

    احمد ربك ع اللي بجيبك وعيش الدنيا سعيد بلا هم كادر بلا عصبيه ..

    ودمتم بوود..
     
  9. Online

    Online بـترولـي نشيط جدا

    374
    0
    16
    الحمدلله ولئن شكرتم لازيدنكم
    مبروك الزيادة للجميع والله يعطينا خيرها ويكافينا شرها
     
  10. مواطن كويتي

    مواطن كويتي بـترولـي نشيط جدا

    466
    12
    18
    السلام عليكم ورحمة الله وبركاته
    أخوي سبق و أن قلت في مشاركه سابقه أن الموظف في القطاع الحكومي يستحق كادر واحد فقط وهوالكادر الأعلى في حال كان له كادر تخصصي و كادر يتبع جهة عمله.
    يعني في حال كسبوا المهندسين القضيه راح يكون السيناريو كما يلي:
    1-المهندسين الجدد سوف يستفيدون من العلاوة التشجيعيه(كادر النفط) فقط باعتبار الكادر النفطي على أوائل القريدات 12-13-14-15 أعلى من كادر المهندسين الا في حال وصل مهندس لدرجة 15 و تعلق عليها لسنوات طويله
    2- المهندسين الخبره ممن حصلوا على منصب سينيور و تيم ليدر و مانيجر سوف يستحقون جزء من كادر المهندسين (الفرقيه بين الكادر الهندسي و كادر النفط) باعتبار أن الكادر الهندسين يصل لمبالغ أعلى لم يصل اليها كادر النفط
    يعني المهندسين الخبره بالوزارات قد يصل كادرهم إلى 1300 كحد أقصى على ما اعتقد و في حال كسبوا المهندسين القضيه و هناك مهندس بالنفط يستلم كادر يساوي 750 دينار و تعادل خبرته و مسماه صاحب أعلى كادر وقتها يستحق الفرق بين الكادر وهو (1300-750=550)
    أتمنى انكم تربحون القضيه لمستقبل أفضل لكن الواقع الحالي يفرض عليكم أن تتقبلون الكادر النفطي فقط و كلامي هذا للجدد بالذات
    و الله يوفق الجميع
     
  11. راهي

    راهي بـترولـي جـديـد

    21
    0
    0
    السلام عليكم

    الزيادة مستحقة وتلبي طموح العاملين أما المهندسين والفنيين بصورة عامة فلديهم علاوات اخرى وبدل طريق اما فيما يخص الفنيين الذين يعملون في الماكتب الادارية فبالغالب عملهم اداري.
    ولو حصل اخواننا المهندسين على حكم قضائي على استحقاقهم للكادر فسنبارك لهم وسيحذو حذوهم المحاسبين والقانونيين، وسينسف سلم الدرجات ونصبح كالجهات التابعة لديوان الخدمة.

    مع تحياتي
     
  12. بوعبدالرحمن

    بوعبدالرحمن بـترولـي مميز

    710
    0
    0
    انا اعتقد ان فيه قضاء .... واذا لكم حق بتاخذونه باذن الله
     
  13. يا وطن لك من يحبك

    يا وطن لك من يحبك بـترولـي نشيط جدا

    353
    0
    0
    نفطي متنفط وأشم يومياً H2S أم قدير
    العالية .. الغالية
    أخوي الحمدالله رواتب المهندسين جدا جدا تحسنت بعد الزيادة
    وحتى قبل الزيادة فنسبة كبيرة من المنهدسين يعملون في الحقول ورواتبه أيضا الحمدالله زينه مع البدلات

    الحمد لله حمداً كثيراً على نعمه التي لا تعد ولا تحصى
     
  14. البرقان

    البرقان بـترولـي نشيط

    82
    0
    6
    بالرغم من امتعاض كاتب الموضوع على حمى الاضرابات لدرجة وصفهم بكل من هب دب

    و كما نحن قلنا ان لنا حقوق و اقصد القطاع النفطي قاطبة

    لماذا لا يحق لهم المطالبة - طالما كان هناك دراسات فعلية و من جهات مختصة تقر بحقهم بالزيادة او الكادر او ايا كان المسمى

    سانتظر الاجابة على تساؤلي السابق

    مع السؤال البسيط التالي

    ماذا ينقص المهندسين حاليا ؟؟؟

    هل هي مقارنة موضوعية او دراسة مستفيضة او مجرد صراع من اجل التميز فقط لا غير

    بانتظار الاجابة المنطقية فقط ولن اجيب على المداخلات الحماسية العمياء

    خالص تحياتي
     
  15. Eng_3li

    Eng_3li بـترولـي جـديـد

    يا اخي انا مهندس و كنت من مؤيدين كادر المهندسين في السابق
    بس الحين بعد الزيادة اقول الحمدالله على النعمة كافي

    ما ادري بس يعني جم تبونا نستلم رواتب ؟
    4000 دينار ؟!!!
    صج ان احنا مهندسين و دارسين علوم صعبة و نفهم في جميع الامور
    لكن خلك واقعي ، نستحق معاشات خيالية ؟

    بس ترى يا جماعة كافي طمع ، مو ناقص الا نحول للمهندس 5% من مدخول بئر نفطي
    قلنا مهندسين بس مو لي هالدرجة !
     
  16. NokiaCity

    NokiaCity بـترولـي نشيط جدا

    اهم شي انكم تفهمون في جميع الامور هههههههه مادري الاخوان دارسين تكوين الذره مو هندسه
     
  17. Eng_3li

    Eng_3li بـترولـي جـديـد

    اقصد الامور الهندسية ، و هذا الهدف من المهندس انه لازم يفهم حل اي مشكلة تواجهه
    لان تعريف الهندسة هو استخدام العلوم في حل المشاكل

    مانبي ندش بحوار ماله شغل بالموضوع
    بس افهم قصدي من الرد الاول
     
  18. شعيباوي

    شعيباوي بـترولـي نشيط جدا

    362
    12
    18
    أخوي كاتب الموضوع. أبصم بالخمس إنك مو مهندس و القصد إثارة الحسد بين الموظفين. لأن هذا مو إسلوب مهندس بس محاولة جيدة.

    بس النك مطابق الإسلوب عدل.
     
  19. مو معقول

    مو معقول موقوف

    663
    0
    0
    الحمدالله الف مره

    حتى انت اللي نفسك بالوزاره قبل الزياده ما يتحلم بمعاشك هل هذا معناه انك لا تستحق الزياده؟ الحين بعد الزياده معاشك يطوف معاشه 4 مرات....في احد قالك انك ما تستاهل ولا تستحق الزياده؟ قلنا لك عليك بالعافيه ولكن المهندس هم له الحق بالمطالبه بالكادر...وانا استغرب من الحسد اللي قاعد اشوفه
     
  20. مو معقول

    مو معقول موقوف

    663
    0
    0

    اخوي احنا قبل كنا نقارن المهندس النفطي بالوزاري على شان يفيقون الاداره...والحين نطالب بالكادر على شان تفيقون انتو....شلون ما ترضى تقارن نفسك باللي نفس مركزك بالوزاره وتقارن المهندس باللي نفسه بالوزاره؟ ليش بس المهندس اللي يجب مقارنته مع الوزاره...بينما انت واصدقائك لا تقارنون معاشاتكم مع معاشات زملائكم اللي بالوزاره؟ انت قبل الزياده طايف اللي نفسك بالوزاره مرتين ونص....بينما المهندس اقل من الوزاره!!!!

    الظلم اشكال والوان و الله يعين الظالم على يوم القيامه

    انا استغرب لماذا يتم الاهتمام بالمهندسين بالوزاره وتمييزهم بينما نرى عدم الاهتمام من القطاع النفطي..يا للأسف
     
جاري تحميل الصفحة...
حالة الموضوع:
مغلق

مشاركة هذه الصفحة