طالب هندسه ، عندي سؤال عن الوظيفه ؟

حياك الله بالمنتدى عزيزي

من الحين تحاتي !!! الله يعينك

أنا أشوف انه تخصص ميكانيك / كيمياء مرغوب فيهم بالقطاع النفطي

واذا تحاتي الواسطه خل معدلك واسطتك

وبالتوفيق ان شاء الله
*

 

وعليكم السلام

التوظيف يتعمد على درحة نجاحك بالانجليزي والتخصص ومعدلك والمقابلة

من اللي عرفتهم توظفو لا واسطه ولا شي لله الحمد والشكر

استخير واستشير وادخل التخصص اللي حابه قلبك

 

بالتوفيق ان شاءالله

انا تخصصي بترول... وتوظفت بشركة نفط الكويت من غير واسطه واعرف وايد نفسي

بس صراحه لو يرجع فيني الزمن يمكن يمممممممكن اختار تخصص ثاني لأنه في تخصصات ماشاءالله مطلوبه بكل مكان مثل الميكانك والكهربا

بس هم ترا البترول حلو... كافي اسمك مهندس بترول p;

وو موفق ان شاءالله

 

شوف اخوي
انا توني متخرج شهر 6 من جامعة الكويت
تخصصي هندسة مدنية



البترول والكيميا من خلالهم سهل انك تدخل البترول
اسهل طريج لك من غير الواسطه
طبعا اذا اجتزت الاختبارات مالتهم
واختباراتهم مالت التخصص الي حق القبول وايد اسهل من الباقين حسب كلام ربعي الي تخصصهم بترول وكيميا
لكن عيبهم شي واحد مهم حيل
انك لو زهقت من دوام البترول فمالك مكان ثاني الا ماندر بتحصل للكيميا

بالنسبه للميكانك
تخصص يعتبرونه نادر بالجامعه والي حاليا جنه اعتبروه مو نادر
تخيل
تخيل
ان ربعي الي تخرجوا وياي ميكانك ولا واحد فيهم تووظف بالوزارات
محد يبيهم
حاطينهم على قوائم انتظار

اخلصك
تدري موقع ديوان الخدمه لمن انا دخلتله شفت 7 جهات طالبه تخصصي
اما صاحبي الميكانك كاتبينله لايوجد وظايف تناسب تخصصك
ومستعد اوريك الصوره هذي لاني صورتها
بصراحه صدمه
قبل يقولون ان جيكر وكل مكان يبونه
طلع كل هذا حجي فاضي

لاتصدق كلامي روح بنفسك ديوان الخدمه المدنيه واسالهم عن الميكانك بيقولونلك لازم تسجل اسمك وتنطر دور
عادي جدامك 50 واحد

انا انقبلت بجهه ورفضت وانقبلت بجهة ثانيه ورفضت ونقيت المكان الي ابيه وانقبلت فيه

والكهربا ربعنا مثلنا

مع العلم ان ربعي الميكانك معدلاتهم زينه وانا معدلي ضعيف

باقي التخصصات ماعرف عنها وايد

الوكاد
انا لو بتخصص غير تخصصي جان دشيت بترول
لان اسهل من الكيميا ودكاترتهم عسل واقدر ادش البترول بسهاله من خلاله


موفق يالغالي




​

 

اي كلامه صح ودكاترتنا صج عسل والقسم نفسه ماتتعب فيه والمواد اسهل من الاقسام الثانيه

انا قدمت على ديوان الخدمه واول مره طلع اسمي بس عالانتظار و عقبها خلاص توظفت بال koc جان يطلع اسمي بوزارة النفط يعني هم مانطرت وايد

 

اي خريجة جامعة الكويت

وصح في مواد ماتنزل الا كورس اول... او كورس ثاني

بس لازم تسأل عن هالمواد عشان تعرف تنظم جدولك وهالموضوع لاتحاتيه وايد اذا تابعت مرشدك الاكاديمي او الكتاب اللي فيه المواد اللي تفتح بعضها ماراح تضيع ان شاءالله

وترى مواد البترول ماتسكر مثل باجي التخصصات

وانا تخرجت باربع سنين ونص يعني طبيعي ماتأخرت

 

شخباري مرشد دشيت الجامعه و طلعت ولا شفت هالمرشد الاكاديمي

 

لول... انا بآخر كورس عرفت منو مرشدي p; ولا مره رحتله بس الواحد ينصح p;

 

اي نعم الواسطات بتزيد حاليا بعد هذي الزيادات
وبيصير التوظيف اصعب

اذا بخاطرك البترول
عيل حط الي قلت عليه
اول رغبه بترول والثانيه كيميا
والله يكتبلك الخير ان شاء الله

بس ها
لاتنسى
بالمستقبل احتمال تمل من البترول او تفكر بالوزارات او لا سمح الله تتناجر مع الي عندك بالدوام وتضطر تطلع من مكانك
فراح تلاقي صعوبه كبيره
يمكن اصعب من صعوبة توظيفك بالبنرول
والله يكتبلك الخير


ترا انا اعرف شباب تخصصهم كيميا يشتغلون بوزارة الكهربا
موفق




​