الميزه الافضل

الكاتب : ميسي | المشاهدات : 2,489 | الردود : 10 | ‏19 سبتمبر 2011
  1. ميسي

    ميسي بـترولـي نشيط

    كما نعرف ان الميزة الأفضـل للكويتييـن هي تعني الفرق بين مكافأة نهاية الخدمة محسوبة بموجب قانون العمل رقم 38/64 "القطاع الأهلي" ومكافأة نهاية الخدمة محسوبة بموجب القانون رقم 28/69 قطاع الأعمال النفطية " وذلك عند انتهاء خدمة العامل

    تردد اخيراً ان العديد ممن تقاعدوا قد ذهبوا للمحكمه وحصلوا علي حسبه مختلفه كما ايضاً تردد ان المؤسسه بصدد اجراء تعديل في اعقاب هذه الأحكام وقرار اداره الفتوي ولكن

    ماهو الأشكال وكيف هي الحسبه الجديده

    افيدونا افادكم الله،
     
  2. نفطي عتيج

    نفطي عتيج بـترولـي جـديـد

    33
    0
    0
    والله ياخوي سمعنا ان الوزير مهتم بالموضوع وراح يتم شيء بهالخصوص قريباً
    تفاصيل الحسبه متلقين احد يعرفها بالضبط المهم فيها مبلغ زياده 50٪ تقريباً
    المهم عقب الزياده الاخيره خفت العزيمه للتقاعد ياخوك
     
  3. فاطمه

    فاطمه بـترولـي جـديـد

    19
    0
    0
    للاسف كل يوم يطلعون بقرار ما في شي ثابت وهذي اهي الطاااااااااااااااااامه الكبري
     
  4. البيرق

    البيرق بـترولـي نشيط

    80
    0
    0
    اقول من استطاع العمل بجهد واجتهاد لمصلحة بلدة فلا يبخل عليها
     
  5. SUCTION

    SUCTION بـترولـي نشيط

    90
    0
    6
    الامور طيبه وماشيه وكل شي تمام لا تخافون !
     
  6. sanjar

    sanjar بـترولـي نشيط

    يا اخوي الشركة تقص على الموظفين تعطيهم الميزة الافضل بس وتاكل نهاية الخدمة و المفروض تعطيهم نهاية الخدمة مع الميزة الافضل لانها ميزة لهم وحنا الحين نقول خلاص ما نبي الميزة الافضل عطني نهاية الخدمة على قانون رقم 28/69 قطاع الأعمال النفطية مثل الاجنبي .
     
  7. skype

    skype بـترولـي جـديـد

    36
    0
    6
    يقولون ان اللي رافعين قضية يطالبون بالميزة الافضل من ال koc قاعدين يخسرونها بالاستئناف ! عكس اللي يشتغلون بالشركات الثانية قاعدين يربحون

    اذا عندنا احد بالدائرة القانونية يقدر يفيدنا بالسبب يا جماعه
     
  8. Workers

    Workers إدارة المنتدى

    7,767
    30
    48
    ذكر
    الكويت
    [align=right]السلام عليكم ورحمة الله وبركاته
    اتمنى يالغاليين اعرف منكم شنو المشكلة بالضبط في الميزة الأفضل

    [​IMG]

    [​IMG]

    هذي الميزة الافضل وحسب المثال اللي فوق راح يطلع له 18632 دينار

    [​IMG]

    وحسب هالكلام راح يطلع لغير الكويتي 53507 دينار

    شنو المشكلة بالضبط ؟ هل المطالبة بالمساواة نفس الاجنبي او فيه حسبة ثانية غير حسبة الفرق في القانونين اللي ذكرناها فوق؟[/align]


    [align=right]هل اللي ذكرناه فوق صحيح وهو المطلوب ولكن غير مطبق ؟
    او انه مطبق فعلاً ولكن فيه خطأ ويجب تصحيحة ؟ شنو الصح ؟[/align]
     
  9. AD-01

    AD-01 بـترولـي خـاص

    1,040
    2
    38
    Worker

    المعادلات ما فيهم مشكله لانه مواد صريحة في قانون العمل .. الخلاف على كيفية الحسبه للراتب


    حكم المحكمة الجديد غير مفهوم الحسبة وقال ان الراتب اللى تحسب عليه المعادلة في القانون النفطي هو الراتب الشامل الاخير

    اما الراتب اللى تحسب عليه في القانون الاهلى هو الراتب الخاضع للتأمينات ( كان 1250 والحين صار 1500)

    مثال :

    موظف راتبه الشامل في اخر شهر قبل التقاعد : 3500 دينار

    - الشركة راح تحسبله الميزة الافضل نفس ما انت حسبتها فوق ( جرب احسبها)
    - حكم المحكمة يحسب المعادلات في القانون النفطي على اساس الراتب 3500 و في القانون الاهلي 1500 دينار ( جرب احسبها)
    - شوف الفرق بين حسبة الشركة الحالية وبين حسبة حكم المحكمة

    هذي باختصار الخلاف حول الميزة الافضل


    skype

    اذا كلامك صحيح هذي مشكله كبيرة ! ليش عمال البترول يكسبون احكام و عمال نفط الكويت يخسرونها ؟؟

    اتوقع ان محامي شركة البترول ضعيف و محامي نفط الكويت قوي ؟! مجرد توقع
     
  10. AD-01

    AD-01 بـترولـي خـاص

    1,040
    2
    38
    يا اخوي خربطت مخي ! شلون تبي نهاية الخدمة و الميزة الافضل ؟!!


    اللى اعرفه ان نهاية الخدمة عباره عن شيئين : ( الميزة الافضل + المنحة الاضافية )


    اذا انا غلطان .. فهمنى (شنو يعني) او (شنو الفرق بين) نهاية الخدمة و الميزة الافضل
     
  11. Workers

    Workers إدارة المنتدى

    7,767
    30
    48
    ذكر
    الكويت

    [align=right]الله يعطيك العافية يالغالي ماتقصر الله يجزاك خير ..

    حسب اللي فهمته بتكون حسبة الشركة الحالية :


    مثال على الميزة الأفضــل :
    * عامل أنهى خدمته بعد خدمة 25 سنة بالشركة وراتبه الشامل الأخير -/3500 د.ك.

    أولاً: القانـون رقم 28/69 :
    أول 5 سنـــــوات (3500 × 12 × 5 × 30) ÷ (365) = 17260,274
    السنوات المتبقية (3500 × 12 × 20 × 45) ÷ (365) = 103561,644

    المجمــوع = -/120822

    ثانياً: القانون رقم 38/64 :
    أول 5 ســـنوات : (3500 × 5 × 15) ÷ (30) = 8750
    السنوات المتبقية: (3500× 20 × 30) ÷ (30) = 70000

    المجمــوع = 78750


    القانون رقم 28/69 ← 120822
    القانون رقم 38/64 ← 78750
    الميزة الأفضل ← 42072


    =================================================
    حسبة حكم المحكمة :

    مثال على الميزة الأفضــل :
    * عامل أنهى خدمته بعد خدمة 25 سنة بالشركة وراتبه الشامل الأخير -/3500 د.ك.

    أولاً: القانـون رقم 28/69 :
    أول 5 سنـــــوات (3500 × 12 × 5 × 30) ÷ (365) = 17260,274
    السنوات المتبقية (3500 × 12 × 20 × 45) ÷ (365) = 103561,644

    المجمــوع = -/120822

    ثانياً: القانون رقم 38/64 :
    أول 5 ســـنوات : (1500 × 5 × 15) ÷ (30) = 3750
    السنوات المتبقية: (1500× 20 × 30) ÷ (30) = 30000

    المجمــوع = 33750


    القانون رقم 28/69 ← 120822 دينار
    القانون رقم 38/64 ← 33750 دينار
    الميزة الأفضل ← 87072 دينار

    =================================================

    الفرق بين حسبة الشركة الحالية وبين حسبة حكم المحكمة :

    حسبة الشركة الحالية ← 42072 دينار
    حسبة حكم المحكمة ← 87072 دينار
    الفرق لصالح حكم المحكمة بزيادة 45000 دينار فوق حسبة الشركة الحالية !

    ما ادري هل انا فهمت الحسبة صح او لا ؟
    [/align]
     
جاري تحميل الصفحة...

مشاركة هذه الصفحة