لكل موظف ((بالخاص)) قد تندمون يومآ لا ينفع فيه الندم !!

الكاتب : العووود | المشاهدات : 1,141 | الردود : 11 | ‏16 سبتمبر 2011
  1. العووود

    العووود بـترولـي مميز

    616
    1
    18
    للأسف (ضحيه) بالقطاع النفطي الخاص
    الخليج العربي


    الى كل اخواني العاملين بالقطاع النفطي الخاص ,,

    اخواني اتمنى من الجميع تبليغ كل موظف للأعتصام اللي قالنا عنه ابوهادي

    يوم الاربعاء 21 / 9 / 2011

    لأنه والله قبل ساعه دق علي واحد الربع بالدوام ومن السوالف طلع ماعنده اي خبر عن الاعتصام

    لا اهو ولا 3 موظفين معاه والحمدلله بلغتهم ووعدوني بالحضور ان شاءالله ,,

    علشان جذي انا اتوقع انه في غيرهم شكثر ماعنده اي خبر عن الاعتصام واتمنى من جميع الاخوه

    تبليغهم بأي طريقه للحضور وانهم مايطوفون هالفرصه اللي العموم ينتظرها من زمان وهذا هي صارت

    بفضل الله وجهود اخونا / ابوهادي ,, والرجال ماقصر وجاب الفرصه لكم ومانبيها ترووح علينا

    ويروح تعب ابوهادي عالفاضي ,, واذا محد حضر وهالاعتصام ماتم ... مابي اشوف اي موضوع أو مشاركه

    يكون فيها مطالبه بأي حقوق !!

    صدقوووني لو محد حضر راح... تندمون يومآ لا ينفع فيه الندم !! ( من انتم ) :)

    واعتقد انه العموم مل وشبع من الملل والندم وتعبنا من كثر ماننتظر هالشي ,, نبيها سلميه بدون اسلحه :) :)


    والله يكتب لنا كل خير ان شاءالله .


     
  2. بوزهراء

    بوزهراء بـترولـي نشيط جدا

    203
    0
    0
    صح كلامك اخوي العود صج الي مايعتصم ومايبلغ ربعه ماله داعي بعدها يتكلم بس ان شاءالله يالعود يوم الاحد يكون في اعلانات بكل اماكن موظفيين القطاع النفطي الخاص عشان الي ماعنده خبر او فكره توضح الصورة له شباب الاعتصام فتره بسيطه لازم كثرت التواجد ونتمنى الناس تشتغل بكل مكان twitter whatss وبرود كاستات ومنتديات لازم يكون موجود كل مكان وانا قاعد اسوي الي اقدر علييه وربي شاهد على كلامي واتمنى الناس بعد تشد حيلها كلها اسبوع تعبوا عشان تحصدون وترتاحون ومايضيع حق ياشباب صدقوني فرصتكم الاخيره مثل ما تفضل اخوي العوود اثبتوا لهم انكم موجودين ولستم عمالة هامشيه او قطاع خاص عادي بل نحن قطاع نفطي نفطييييييين وكويتييين حالنا حالهم
     
  3. PARADISEY

    PARADISEY بـترولـي نشيط

    142
    0
    0
    Guesse
    Kuwait
    مداخلة سريعة: بالإضافة يفضل أن تكون في مقابلات مع رئيس النقابة (سالم العجمي) في التلفزيون (( تلفزيون الوطن / تلفزيون الراي / ركزو على تلفزيون سكوب ترى مايقصرون ويوقفون معاكم وقفة رجل) هذا كلة ما قبل تاريخ 21.9.2011 (يوم الأعتصام) وبعدها يكون سوينا كل اللي علينا والباجي على رب العالمين
    * وسكوب ترى يوقفون معاكم وخصوصا باجر في برنامج (طلال السعيد - بوبندر ) كل سبت الساعة 22:00 بالليل
    وفي برنامج يومي من الأحد إلى الخميس ( مع الناس ) ( لسعود الورع ) لساعة 15:00 العصر

    ليش سكوب بالتحديد لأنه مشاهد بنسبة كبيرة جدا من الجميع سواء المسؤولين أو المواطنين والأغلبية يشوفونه وله تأثير مباشر.

    وبالتوفيق للجميع...
     
  4. فهد العجمي

    فهد العجمي بترولي خاص أعضاء الشرف

    408
    0
    0
    ياجماعه يرجى التركيز على الاعلام الاعلام الاعلام لازم تكون حمله اعلاميه ضخمه باقي خمس ايام ياسالم لازم التحرك الحين صحف تلفزيون منتديات مواقع اجتماعيه كل شي والله راح نتحسف يوم الاربعاء لم نتواجد ومانلاقي العدد المطلوب وراح نلوم انفسنا على التقصير الاعلامي
     
  5. العووود

    العووود بـترولـي مميز

    616
    1
    18
    للأسف (ضحيه) بالقطاع النفطي الخاص
    الخليج العربي


    والله يااخوان كلكم خير وبركه وادري ماتقصرون ,,,

    اخوي / بوزهراء بالنسبه للأعلانات .. انا معاك بس بعض في موظفين شكثر ماراح يشوفون اي اعلان

    الاعلان شي طبيعي بيكون لمدخل منطقة الاحمدي / وانا وغيري مانداوم ولا ندش الاحمدي الا كل 3 أو 4 شهور

    لانه داومنا على طريق العبدلي & جبد & الصبيه ,, ووين تبينا نشوف الاعلان وانا لو مادشيت

    هالمنتدى وشفت الاعلان ماكنت بعرف عن اي شي !! وهالشي مايمنع عن الاعلان بالاحمدي

    وحلاته يكون اعلان كبيييييييير على مدخل المنطقه ,,



    هلا اخوي / paradisey ,,

    والله لو اقدر اوصلهم صدقني راح تشوفني متكي بحضن سعود الورع طول هالاسبوع :)

    اخواني المطلوووووب = نبي ننشر ونعلن عن هالاعتصام بكل الطرق حتى لو بحمام زاجل هههههههه

    واهم شي الحضوووووووووووووور ,, والله يعطيكم العافيه .



     
  6. PARADISEY

    PARADISEY بـترولـي نشيط

    142
    0
    0
    Guesse
    Kuwait
    بالنسبة لأرقام التلفزيونات

    1- تلفزيون سكوب - الأستوديوا لترتيب اللقاء مع برنامج (فهد السلامة) الإتصال الساعة 17:00
    22477850 - 22477851 - 22477852 وأيضا يفضل المشاركة قبل المقابلة ببرنامج (سعود الورع) أو (طلال السعيد - بوبندر)
    وكلمت امس سكوب ومبدئيا ماعندهم مانع لكن المهم رئيس النقابة شخصيا اللي ينسق معاهم

    2- تلفزيون الوطن - بدالتهم 24346626 داخلي 800/400

    3- تلفزيون الراي - 24953401 - 24953675

    4- تلفزيون الشاهد - 22668703 - 22668701 في برنامج بو أنور (الـدّيــرَة) الساعة 20:00

    5- تلفزيون العدالة - الخط الساخن 22263344 - 22263333 - أو الأرقام التالية 22263320 - 65656517 - 65656518 - 65656519


    وبالتوفيق للجميع
     
  7. PARADISEY

    PARADISEY بـترولـي نشيط

    142
    0
    0
    Guesse
    Kuwait
    [​IMG]

    الجدول منقول من جريدة الجريدة
     
  8. eng-q8ii

    eng-q8ii بـترولـي نشيط

    123
    1
    0
    شنو اهداف الاعتصام العدل و منع الواسطات و التفريق بين الي يداوم و يجابل شغله و الي ما يدري وين الله قاطه ام زيادة المعاشات ؟
     
  9. العووود

    العووود بـترولـي مميز

    616
    1
    18
    للأسف (ضحيه) بالقطاع النفطي الخاص
    الخليج العربي

    اهداف الاعتصام = دعم اللي مايدري وين الله قاطه !!



     
  10. سالم bj

    سالم bj بـترولـي مميز

    805
    1
    0
    مدير العلاقات العامة
    الكويت
    يوم الامتحان يكرم المرء او يهان

    هذا يومكم ياشباب القطاع النفطي الخاص

    الاعتصام يوم الاربعاء القادم هو الطريق الي

    القانون النفطي وحضوركم مهم والحاضر يبلغ الغايب

    واشكر كل من يساعدنا لانجاح حملتنا لتطبيق القانون 28/69

    والله ولي التوفيق

    أخوكم سالم العجمي
     
  11. بوزهراء

    بوزهراء بـترولـي نشيط جدا

    203
    0
    0
    ان شاءالله الحضور وبأذن الله اروح يوم الاربعاء واتفاجأ من الحضور الكثيـــــــــــــــر يارب.
     
  12. PARADISEY

    PARADISEY بـترولـي نشيط

    142
    0
    0
    Guesse
    Kuwait
    إلى رئيس نقابة القطاع النفطي الخاص ( سالم العجمي )

    للعلم: تم الترتيب قبل قليل مع المذيع فهد السلامة لعمل اللقاء في تلفزيون سكوب غدا أو بعده في برنامجة الساعة 18:00 مساءا مع رئيس النقابة، ويفضل حضور لايقل من 6 اشخاص واكثر لعمل اللقاءـ ومهم الإتصال عليه من قبل رئيس نقابتنا

    رقم المذيع (( [mark=#00ff00]فهد السلامة 55663305 [/mark])) وترى الرجل مايقصر وبالشوفة

    وبالتوفيق للجميع
     
جاري تحميل الصفحة...

مشاركة هذه الصفحة