اقتراح زيادة قيمة قرض الشركة من راتبين فقط الى اكثر من ذلك

الكاتب : نزع الخافض | المشاهدات : 4,060 | الردود : 31 | ‏15 سبتمبر 2011
  1. نزع الخافض

    نزع الخافض بـترولـي نشيط

    104
    0
    0
    السلام عليكم

    اخواني كلكم يعي مشكلة الغلاء المعيشي الذي يعاني منه المواطن وهذا الغلاء يشمل جميع المناحي ، العقار غالي والسيارات غاليه ومواد البناء غاليه والتأثيث غالي ، ومصاريف الدراسه ووغيره للابناء اذا كانو 4 او 5 او اكثر مهلكه ومصاريف علاج للوالدين او غيرهم و إلخ إلخ ، جوانب كثيره في الحياة تتطلب مصاريف وميزانيه

    لذلك أقترح على الاخوان هنا وفي نقابة البترول والاتحاد ومن الجميع ان ينظرو في مقترح زيادة قيمة قرض الشركة والذي هو حاليا عبارة عن راتبين بحد أقصى فهو لا يلبي ادنى متطلبات اي رب أسرة حديث او قديم فرب الاسرة الحديث غالبا سيبني في بيت والده شقه ويأثثها ، ورب الاسرة القديم يريد ان يرمم ويأثث او يشتري غير مصاريف الحياة الاخرى التي لا حصر لها

    والمقترح ان يتم اقرار قرض حسن لموظفي القطاع النفطي على حسب الراتب ووفق ضوابط وشروط لا تخل بضوابط الاقراض لدى الحكومة والبنوك وبالتنسيق معها وعلى سبيل المثال يكون القرض بما لا يتعدى قسطه 30% من راتب الموظف كل حسب راتبه ، وتكون فترة سداد مرنه وفق مايسمح به قيمة القرض وممتدة الى فترة التقاعد المتوقعه

    او على سبيل المثال من الممكن تقسيم القروض الى انواع ، مثل قرض اجتماعي ، وقرض طبي ، و قرض سيارات وقرض مواد بناء وقرض عقاري إلخ ، وتوضع لكل نوع من هذه الانواع ضوابطها وقوانينها التي تضبطها

    وهذه النسبة والضوابط مجرد امثله واقراحات والا لو تم اعتماد الموضوع من قبل المؤسسة فبالطبع ستتم دراسة الموضوع دراسة شامله تلبي الاحتياجات من غير اضرار للمؤسسة وشركاتها او للموظف نفسه ، والقرض اولا وأخرا سيعود للمؤسسة او للشركة بالاقساط فهو لا يسبب اي تكلفه او خسارة عليها وينتفع به الموظف بحياته ومعاشه وبنفس الوقت ينفع الموظف وتكون ميزة اضافيه من مميزات موظفي القطاع النفطي .
     
  2. TOOFI-Q8

    TOOFI-Q8 بـترولـي جـديـد

    46
    0
    6
    صحيح كلامك وبعض الشركات النفطية بدول الخليج تقدم لمواطنيها قروض وبفائدة اقل من البنوك أحييك على هالاقتراح ياريت نشوف احد يتبناه ويعرضه على القسم المختص 
     
  3. سلومكو

    سلومكو بـترولـي مميز

    563
    0
    0
    [align=center]
    ماشالله عليك

    اقتراحاتك حلوه وبمحلها

    وولكن ياليت لو ننطر شوي

    لاصار كل شي الحين احسه صعبه شوي

    ولكن ننطر شوي على ماتعدي الازمات اللي صايره الحين وعقب ممكن نقترح على النقابات

    بالذات انه الشركه ماراح تدفع شي من جيبها اولي والتالي من جيب الموظف[/align]
     
  4. KNPC10

    KNPC10 بـترولـي نشيط جدا

    214
    0
    0
    أنا أقترح يعطونا كل واحد 55 مليون مو أحسن بعد؟
     
  5. M7MD

    M7MD بـترولـي نشيط جدا

    انا اقترح على الشركه توزيع 100 كوبون لكل موظف لسحوبات الجوهره في بنك الكويت الوطني

    والاقتراح الاخر ان تقوم الشركه باستئجار سيارات اخر موديل لجميع الموظفين بسعر رمزي

    واخيرا اتمنى من الشركه توفير سايق وخادمه لكل موظف
     
  6. مواطن كويتي

    مواطن كويتي بـترولـي نشيط جدا

    466
    12
    18
    السلام عليكم ورحمة الله وبركاته
    الحمدلله و الشكر على كل حال
    اعتقد أن قرض الراتبين من غير فوائد معقول
    اذا الادارات الماليه تقدر تعمل دراسه على زيادة قرض الشركه فسنكون لها من الشاكرين
    كل شركه لازم تشوف مقدار التدفقات الماليه الشهريه و على أساسها تقرر اذا يمكن اعطاء قروض أكبر
    أكيد إن مافي أحد وده يمد ايده للبنوك و يطلب قرض لأن البنوك ما تقصر بالفوائد و الارباح كلن حسب نظامه و همهم يشفطون ما عند الموظف
    و الله يوفقنا قولوا آمين
     
  7. tenmonk

    tenmonk بـترولـي نشيط

    63
    0
    0
    انا اقول لو يعطونا كل واحد بانيميرا حق الدوام احسن لان سياراتنا تشلخت من الطريج ،
     
  8. MrCoo1

    MrCoo1 بـترولـي نشيط

    113
    0
    0
    اقترح على الشركه انها تتكفل بمصاريف الزواج والعرس والعروس وشهر العسل ترا الموظفين يستاهلون

    واقترح على الشركة انها تستثمر بفوائضها الماليه وتشارك بجميع السحوبات مثل سحوبات الدانه والجوهرة وغيره واذا ربحت توزع الارباح على الموظفين بالتساوي

    واللي عنده اقتراح طيب مثل هالاقتراحات حياه الله واتمنى الموضوع يتثبت لشدة فائدته
     
  9. نزع الخافض

    نزع الخافض بـترولـي نشيط

    104
    0
    0
    ياراعي البنيميرا وياراعي الكوبونات الاقتراح يتحدث عن قرض يعني تاخذ فلوس وتردها بالاقساط ولا يتحدث عن منح وعطايا !!!

    ياليت الردود تكون موضوعيه

    رد وعلق ، واذكر مؤيد او معارض واذكر اسبابك

    بهالطريقه الكل يستفيد

    والشكر لكل الاخوان ال شاركوا
     
  10. leolady31

    leolady31 بـترولـي نشيط

    69
    0
    0
    مادري اشفيكم مستغربين من الاقتراح و تتطنزون

    جامعة الكويت و البنوك يعطون قروض من غير فوايد اكثر من النفط
     
  11. القلب نفطي

    القلب نفطي بـترولـي نشيط جدا

    السلام عليكم

    الاقتراح حلو بصراحه لان فيه فايده للموظفين لكن بالوقت الحالي صعبه يصير اي شي عليه

    ذكرني موضوعك بقرض اخواننا بشركه نفط الخليج kgoc ياخذون قرض قيمته مليون ريال بدون فوائد
     
  12. ممــــيز

    ممــــيز بـترولـي نشيط جدا

    420
    0
    0
    الله يعينك يا صاحب الموضوع علي بعض العقليات ( المدوجة )

    الرجال اقترح قرض (( قرض )) مو هبة ولا منحة

    وما فيها شي اذا زادوا القرض بــ 4 رواتب مثلا او بما يحتاجة الشخص وباثبات وكامل المستندات من حقهم

    واقتراح جميل

    واصحاب العقول ابو بانميراا او الخدامة او العرس

    ما اقول الا الله يصلحكم

    وترفعوا عن انفسكم شوي

     
  13. مراقب الاحمدي

    مراقب الاحمدي بـترولـي مميز

    676
    10
    18
    مراقب صيانة في الاحمدي
    الكويت
    ما انت بخير طاحوله تطنز الرجال قال اقتراح وابتلش
     
  14. hassankoc

    hassankoc بـترولـي خـاص

    اقتراح حلو ومضاعفة الراتب 12مره
     
  15. MrCoo1

    MrCoo1 بـترولـي نشيط

    113
    0
    0
    بالعكس انا اشد على ايد صاحب الموضوع واقتراحه جدا طيب وكلنا راح نحتاج للقرض والبعض محتاجه الحين ولكن طرح الموضوع يحتاج توقيت جيّد وما كان موّفق باقتراحه بهذا الوقت بالذات .

    ويعطيك العافيه واسمحلي بتعليقي اللي الطاف اذا حسيت انه في استهزاء و النيه صافيه انشالله :)
     
  16. bo3ali

    bo3ali بـترولـي جـديـد

    33
    0
    0
    حقيقه اقتراح ممتاز وللعلم شركة نفط الخليج والبنوك يعطون حق موظفينهم هالنوع من القروض للمساعده
     
  17. yukon98kw

    yukon98kw بـترولـي نشيط

    75
    2
    8
    mab. ccr oper.
    kuwait
    الشركة مو خسرانة شي اذا زادت القرض الحسن بما يحقق المصلحة للموظفين
    زيادة القرض الحسن بما لا يقل عن خمس رواتب على تسديد 4 سنوات
     
  18. LBG

    LBG بـترولـي جـديـد

    27
    0
    0
    مشكلتنا في ناس توها صغار بالعمر حس بالهم بشارع يلعب لي الحين اقتراحك اتمنى من كل قلبي تسويه الموسسه
     
  19. كتلوني

    كتلوني بـترولـي نشيط

    84
    0
    0
    اقتراح جيد وبارك الله فيك
     
  20. TOOFI-Q8

    TOOFI-Q8 بـترولـي جـديـد

    46
    0
    6
    شركات نفطية خليجية تعطيك ارض وقرض للبناء و تقسط لك بفائدة اقل من البنوك ياجماعة اللي يحب يعلق بموضوعية وجد فالمنتدى موجود
    ----------

    متابعه اشرافية
    شطب اخر سطرين
    q8security
    ------
     
جاري تحميل الصفحة...

مشاركة هذه الصفحة