نسبة الزيادة بالمنطق

الكاتب : بترولى حديث | المشاهدات : 701 | الردود : 4 | ‏14 سبتمبر 2011
  1. بترولى حديث

    بترولى حديث بـترولـي جـديـد

    1
    0
    0
    ان الزيادة القديمة (66% للفنيين -33%للاداريين من الاساسى ) كانت تكلفتها حوالى 60 مليون دينار
    سنحسب ان عدد الاداريين والفنيين متساوى
    ستكون متوسط الزيادة للجميع (حسب الزيادة القديمة) حوالى 50%

    الان حسب الزيادة الجديدة (تكلفتها 142 مليون) بالمنطق متوسط الزيادة اكثر من القديمة -مع الحسبان الزيادة فى العلاوة التشجيعية

    ان كل درجة زادت فى بداية مربوط الدرجة ومتوسط ونهاية مربوط الدرجة بنفس النسبة (حسب الجدول الثانى)

    ان المنطق والعدل يدل على ان العاملين فى كل درجة سيرتفع راتبهم بنفس نسبة زيادة درجتهم

    مثال درجة 16 : زيادة بداية المربوط 65 %
    زيادة نهاية المربوط 65%

    و مما سبق لو ارتفع العاملون فى تلك الدرجة بنفس النسبة (65%) سيبقى الكل بنفس نسب الفروق حسب الاقدمية
     
  2. واحد من خلق الله

    واحد من خلق الله بـترولـي نشيط جدا

    296
    0
    0
    المنطق طال عمرك ان الحكومه تشوف مواضيعكم عن النسبه وتوقف الزياده لمزيد من الدراسه عشان يصير فيه عدل هذا الي تبونه؟؟ وعاد ربعنا يدورون الزله
    خلوا عنكم هالسوالف وكل واحد يحسب زيادته مالكم شغل بخلق الله
     
  3. سلومكو

    سلومكو بـترولـي مميز

    563
    0
    0
    [align=center]الله يعدي الأمور على خير بس

    هالسنه أحس ماكو مطر من اللي قاعد يحصل[/align]
     
  4. ابومحمدq8

    ابومحمدq8 بـترولـي جـديـد

    3
    0
    0
    أنسو موضوع الزياده لانها اقرت والحمدلله
    ومحد راح ينظلم انشالله
    وبالتوفيق انشالله
     
  5. PIC_NH3

    PIC_NH3 بـترولـي نشيط

    113
    0
    0


    أنا أقول خل تنزل الزيادة بالأول وبعدين لكل حادث حديث

    وبالنسبة للإخوان اللي خايفين تروح عليهم سنوات الخبره والاقدميه

    على الدرجه تطمنوا كل واحد إن شاء الله بيأخذ حقه يعني مو معقوله

    حنا بيوم وليله شفنا بأن ال 20% ما فيها عداله والإخوان صار لهم سنه يدرسون

    الموضوع مع شركة استشارية عالميه ومع مؤسسة البترول ومع الخدمة المدنية

    ومع المجلس الأعلى للبترول ومع اللجان المنبثقة عن المجلس الأعلى للبترول ومع جميع نقابات

    القطاع النفطى ومع المستشارين يعني معقوله كل هؤلاء فاتتهم هالشغله وحنا اللي بنجيب الذيب

    مع ذيله ونكتشف هالملاحظه اللي ما حد شافها غيرنا !!!

    الخلاصة خلونا نسكر موضوع النسبة ويكون همنا الأول متى راح تنزل الزيادة لأن الوضع العام ما يطمن

    في ظل إعلان أكثر من جهة اعلان اضرابات أسوة بالقطاع النفطي ..


     
جاري تحميل الصفحة...

مشاركة هذه الصفحة