الحسبة المجهولة

الكاتب : KOCiya | المشاهدات : 2,230 | الردود : 25 | ‏14 سبتمبر 2011
  1. KOCiya

    KOCiya بـترولـي خـاص

    1,596
    0
    0
    السلام عليكم ...

    معقولة ليلحين محد قدر يوصل للحسبة الصحيحة !!


    النقابات وينها !!

    صخههه واحنا حايسيين ؟؟


    المحاسبة / النقابة / الاتحاد أي أحد !!!
    أفيدونا !
     
  2. كعبول

    كعبول بـترولـي نشيط جدا

    496
    0
    0
    مشكله اختي انه ليلحين محد عارف النسبه ،

    ومحتارين كلنا ، بس بعضنا بدينا نكتشف انه النسبه اساسا مو 20% لانه فيها ظلم للقدامى بالقطاع النفطي

    يعني انه قريد 13 الاساسي 700 ،، وواحد توه متعين اساسيه 535 اول مربوط قريد 13
    معقوله اهو ياخذ اكثر مني وانه اقدم منه

    هني اللي صاير الحجي عليه ومحد قادر يفهم هالنقطه !


    عموما هالسكوت والهدوء يعتبر الهدوء الذي يسبق العاصفه !
     
  3. KOCiya

    KOCiya بـترولـي خـاص

    1,596
    0
    0
    الله يستر ...

    دام الاتحاد والنقابات والعاملين ولله الحمد والمنة حققوا الزيادة ..

    كملوها ونزلوا كتاب اعتماد مجلس الوزراء والحسبة الصحيحة بدال ما تشوفون هالعالم تكفخ يمين وشمال !
     
  4. jajs04

    jajs04 بـترولـي نشيط جدا

    مع احترامي للنقابة إذا حسبتهم صح معناته أنه ما انتبهوا لموضوع تساوي رواتب القدامى مع حديثي التعيين.

    لكن أكيد كبار المحاسبين في مؤسسة البترول فاهمين الحسبة اللي أخذوها من الشركة الاستشارية.

    ونشكر النقابة على الزيادة بشكل عام ولا عليهم قاصر.
     
  5. كعبول

    كعبول بـترولـي نشيط جدا

    496
    0
    0
    السؤال اللي يطرح نفسه انه ليش النقابات ساكته ، يعني خبر امس انه اجتماع مع مجلس الخدمه المدنيه صحيح !

    ساكتين كلهم ليش مادري
     
  6. KOCiya

    KOCiya بـترولـي خـاص

    1,596
    0
    0
    الاجتماع تم إلغاءه !

    بحسب اعتقادي إن المفروض تمر على مجلس الخدمة المدنية تالي تعتمد من مجلس الوزراء ، وبما ان مجلس الوزراء (اعتمدها !!) فماله داعي تمر عالخدمة المدنية اللي من الأساس لا يحل ولا يربط ودوره شكلي ماله طعم وينرفز بعد ..

    السؤال المتجدد : هلوووو اتحاد / نقابة شالسالفة ؟؟؟

    إدارة المنتدى شوفوا لنا الحجي الأكيد لو سمحتوا ...
     
  7. jajs04

    jajs04 بـترولـي نشيط جدا

    النقابة مو ساكته يا حجي اقرا:



    mohd_alhamlan (@mohd_alhamlan)
    ١٣‏/٩‏/٢٠١١ ٨:٣٨
    للتوضيح والرد على اغلب الاستفسارات
    الزيادة تحسب كقيمه (20%# أول مربوط درجتك الحاليه حسب الجدول السابق) +راتبك الاساسي الحالي
    اذا مجموع ما سبق لم يصل الى اول مربوط المقترح حسب الجدول الجديد (حديث التوظيف) يرحل تلقائيا
    الى اول مربوط الدرجة المقترحة.

    اضافه الى فروقات العلاوة التشجيعية ( العلاوة السابقة - العلاوة المقترحة )

    وبدل طبيعة عمل +50
    وبدل مناوبة +30
    منحه سكن الحالي +80
     
  8. KOCiya

    KOCiya بـترولـي خـاص

    1,596
    0
    0
    اخوي احنا على علم بهالشي ..
    ولكن القصد ما بعد اعتماد مجلس الوزراء شنو صار ..
    وين وصل الموضوع ..؟؟
     
  9. كعبول

    كعبول بـترولـي نشيط جدا

    496
    0
    0
    اذا هالحجي صح والحسبه طلعت 20% يعني اغلبنا راح ننظلم جذي
     
  10. كعبول

    كعبول بـترولـي نشيط جدا

    496
    0
    0
    خبر طلع امس ومحد درى عنه ،

    نقابه knpc مسوين حفلة عشاء يوم الاحد

    http://www.q8ow.com/vb/showthread.php?t=39418

    معنى هالخبر انه خلاص خلصت الزياده وواصل لهم الكتاب

    والظاهر السكوت هذا علشان النسب اللي ماتتوافق مع الجدول والزياده اللي بيصير ظلم للبعض !

    ان شاء الله بيطلع الخبر اليوم او باجر

    نستانس بالويك اند عقب ما تكدرنا الاسبوع اللي طاف !
     
  11. KOCiya

    KOCiya بـترولـي خـاص

    1,596
    0
    0
    مو المشكلة ان بوناستنا نوصل سابع سما .. ويا ليت ما ننزل لسابع أرض ..

    الله يتمم علينا في ظل الخبال اللي حاصل من بعض النقابات بالجهات الحكومية وغير الحكومية بخصوص زيادة (النفط) ..

    يبه أصابعكم مو سوا متى بتفتهمون يعني !!!!!!!
     
  12. SAP

    SAP بـترولـي نشيط

    50
    7
    8
    يا جماعه في كل الحسبات محد راح ينظلم ليش مكبرين الموضوع ترى السالفه ما تسوى
    انا قريد 13 اساسي 1000
    زيادة الاساسي
    اذا على اول المربوط 108
    اذا على منتصف المربوط 165
    اذا على اساسيي الحالي 200

    اما الي حاليا في اول مربوط قريد 13
    فزيادة الاساسي
    راح تكون 294 في كل الاحوال

    وافضل حسبة انه تنحسب على منتصف المربوط القديم
    وانا اشوف مافيها ش وبالعافيه على الجميع
     
  13. MrCoo1

    MrCoo1 بـترولـي نشيط

    113
    0
    0
    اتوقع فيه حسبه موحده وعادله للجميع وماراح ينسفون تعب الموظف كل هذي السنين ويساوونه بواحد توه متوظف بنفس القريد ومنّا الى اصحاب الشأن للرد على الموضوع
     
  14. الفرحان

    الفرحان بـترولـي نشيط

    76
    0
    0
    [align=center][/align]صااجة سكتة عجيبة وهدووء تام من النقابات
    الله يستر :)
    يا نقابات يا إدارة ردوا عالعالم
    تره كل واحد قام يألف حسبة :)
    وعليكم بالعافية بالزيادة مهما كانت جم تطلع
    والحمدلله رب العالمين
     
  15. koc-76

    koc-76 بـترولـي مميز

    591
    0
    0
    الحسبه الصحيحه لكل الدرجات (اقتراح للنقابه):

    ( اول مربوط الدرجه بالجدول الجديد - اول مربوط الدرجه بالجدول القديم )

    مثال الدرجه 14:

    ( 1008 دينر اول مربوط الدرجه الجديد - 646 دينار اول المربوط القديم) = 362 دينار وتكون زياده لكل حاملي درجه 14

    اذا كان الواحد حديث التعيين بالدرجه واساسيه اول المربوط 646 دينار اذا زاد 362 دينار يصبح 1008 دينار وهو اول المربوط الجديد

    واذا كان الواحد قديم واساسيه 1000 دينار اذا زاد 362 دينار يصبح 1362 دينار .

    الناتج ان الموظف القديم احتفظ بالفرق بينهم والاثنين تحولوا عالاساسي الجديد.
     
  16. jajs04

    jajs04 بـترولـي نشيط جدا

    حلك حل منطقي وعبقري ويوفر فلوس أكثر لأنك لغيت النسب وحولتها إلى مبلغ ثابت لكل درجة وهذا شي عادل
     
  17. KOCiya

    KOCiya بـترولـي خـاص

    1,596
    0
    0

    كلامك صحيح ..
     
  18. بوعبدالعزيز.كوم

    بوعبدالعزيز.كوم بـترولـي نشيط جدا

    483
    4
    18
    طالب علم
    دولة الكويت
  19. PIC_NH3

    PIC_NH3 بـترولـي نشيط

    113
    0
    0


    إخواني هناك في رأيي ثلاث حالات للزيادة على الأساسي بين موظف قديم وآخر جديد :

    الحالة الأولى : أن زيادة الموظف القديم أكثر من الجديد وهذا هو الوضع الطبيعي

    الحالة الثانية : أن الموظف القديم والجديد يأخذون نفس الزيادة مع أن فيها ظلم ولكن مقبولة

    الحالة الثالثة : أن الموظف الجديد يأخذ زيادة اكثر من الموظف القديم وهذا لا يمكن قبوله أو تصوره


     
  20. سلومكو

    سلومكو بـترولـي مميز

    563
    0
    0

    هذا اللي محيرني او محيرنا

    توني قريت اعلان الرابط ومعناته انه خلاص الاقرار اكيد وماشيه بأذن الله وتطمنت

    ولكن من أشوف صمت النقابه او الاتحاد وسالفة الراشد اللي يماطل ويعطل الاقرار تلعب في راسي فكر وظنون

    الواحد احتار فينا

    وسالفه الحسبه بصراحه وبدون زعل انا عن نفسي يعلم الله اني راضي ومستانس ومهما كانت الحسبه

    الحين من رأيي انه نترك سوالف الحسبه والزياده ومنو مظلوم وألخ

    والنقابات او الاتحاد مثل ماكانو متابعين معانا أول بأول بأقرار الزياده

    ياليتهم يكونون معانا أول بأول وين وصلت ووين راحت وصج سالفه الراشد او لا لانه لازم يكون له موقف وكلام ثاني معاه مع الاتحاد

    الحمدالله رب العالمين لاتحاتون بأذن الله الكل بيكون مستانس وفرحان بالزياده بس خلوها تمشي يامعود

    مانبي يتكرر اللي حصل في 2007 او 2008 والكل يدري شصار

    على قولتهم عقب ماطرنا بسابع سما نزلنا بسابع ارض

    ومبروك علينا وعليكم يارب
     
جاري تحميل الصفحة...

مشاركة هذه الصفحة