بلييييز مساعدتكم حق تخصص مايكروبيولجي

الكاتب : sweetgirl | المشاهدات : 950 | الردود : 16 | ‏14 سبتمبر 2011
  1. sweetgirl

    sweetgirl بـترولـي جـديـد

    السلام عليكم

    أنا قدمت عالتوظيف عال koc للخريجين الجامعيين توه برمضان

    بس بعدهم ما اتصلوا للاختبار القدرات انجليزي والمقابله

    بغيت اعرف متى اخر يوم للاختبار حق اللي يعرف؟؟؟؟؟؟

    انا تخصصي ميكروبيولجي ومساندي ادارة اعمال هل هو مطلوب للنفط؟؟

    واللي يعرف يقدر يساعدني شلون طريقه امتحان التخصص

    وجم راتب تخصصي بعد ما اشتغل؟؟



    وشكرا
     
  2. sweetgirl

    sweetgirl بـترولـي جـديـد

    شدعوه 18 مشاركة وماكو ولا رد!!!!؟؟؟
     
  3. obo_Flona

    obo_Flona بـترولـي مميز


    طولي بالج اختي لاتعصبين:(

    بقولج الي اعرفه

    بالنسبه لتخصصج مايكروبيولوجي ..... انتي اذا كنتي مقدمه عالسايت مال الkpc ........ وانتي قاعده تدخلين بياناتج راح تلاقين بخانة "تدخيل التخصص" كل التخصصات المطلوبه

    وانتي تقولين انج مسجله
    فمعناته انتي لاقيه تخصصج من بين هالتخصصات
    فمعناته تخصصج مطلوب:D

    الا اذا كنتي مسجله تخصص ثاني بالغلط غير تخصصج!!

    تاكدي ان بعد ما سجلتي بالموقع انهم دزولج ايميل
    لان اذا مو دازينلج ايميل معناته ماقبل تسجيلج


    وبالنسبه للمعاشات
    الجامعيين الفنيين مثل الهندسه يتوظفون على قريد 12 " معاشهم 1800 قبل الاستقطاع "
    اما الجامعيين الاداريين يتوظفون على قريد 11 " معاشهم اليديد 1600 قبل الاستقطاع "

    وسامحينا اختي عالتاخير:eek:

    موفقه
     
  4. sweetgirl

    sweetgirl بـترولـي جـديـد

    يسلموووو بو فلونه

    مشكووور ما قصرت

    ودزولي ايميل لما سجلت قالولي اني سجلت وحتى دقت علي موظفه بالنفط

    قالتلي في اوراق ناقصه ورديت دزيتها عالايميل مره ثانيه وتاكدت منها انها وصلت
     
  5. obo_Flona

    obo_Flona بـترولـي مميز


    تمااام زيين
    عيل ليش خايفه ان تخصصج مرغوب والا لا؟؟؟

    على فكره
    اذا كانو المتقدمين للبترول بتخصص معين قليلين .... فعادة ينطرونهم ااخر شي ... ويبلشون بالتخصص الي اعداده كبيره
    حتى لو تلاحظين بلشوا بالهندسة وتخصصاتها اول شي

    بس تمام شغلج عدل
    وان شاء الله نسمع اخبار طيبه منج
    الله يوفقج


    العفو:eek:


     
  6. J G

    J G بـترولـي نشيط

    148
    0
    16
    و عليكم السلام و الرحمة،،

    عدل كلام اخوي obo_flona بخصوص التسجيل و تخصصج

    بس بظيف معلومة على موضوع تخصص المايكرو بيولوجي و النفط

    اذكر قبل سنة او سنتين تقريباً كان في معرض فرص وظيفية مسوينها

    الKOC بكليتنا (كلية الهندسة) و عرفونا فيه على اهم الأقسام

    بالشركة و شنو التخصصات المطلوبة بكل قسم .. المهم، كان في

    قسم الHealth, Safety and Environment (HSE) اللي يُعتبر

    من اهم الأقسام بالشركة و فيه Safety engineers و Environment engineers

    الموظفة اللي عرفتنا عالقسم تخصصها كان مايكرو بيولوجي .. تقول هالقسم

    يطلب Microbiologists .. اتوقع كونهم يعرفون انواع البكتيريا و الفايرس و غيرها

    اللي can cause environmental problems ..

    بس بالنهاية ما تدرين بأي قسم يحطونج ،، الله يوفقج يا رب 
     
  7. Kwtia

    Kwtia بـترولـي جـديـد

    17
    0
    0
    بوفلونه متاكد 1600 جنه وايد
    انا سمعت انه 1200 قبل قص التامينات
     
  8. obo_Flona

    obo_Flona بـترولـي مميز

    1600 هذا بعد الزياده اليديده الي قبل جم يوم اقروها
    والله بالجدول الي شفناه بالنت وانتشر بين موظفي الشركه كان مكتوب فيه جذي
    حتى سمعت ان في بدلات زياده مو محطوطه بالجدول بس يبيله موضوع ثاني غير هذا عشان نوضح فيه هالزيادات والمعاشات اليديده

    الحمدلله على كل حال :eek:
     
  9. sweetgirl

    sweetgirl بـترولـي جـديـد

    مشكووور Gj

    الله يطمنك ويبشرك بالخير كلامك ريحني وطمني بصراحه

    ان شاء الله من عيوني بس يطلع قبولي أبشركم
     
  10. sweetgirl

    sweetgirl بـترولـي جـديـد

    والله حلو المعاش اذا كان كلامك صج الله يسمع منك يكون 1600

    احسن من الصحه بعد قص التامينات معاشهم يفشل 725 دينار
     
  11. obo_Flona

    obo_Flona بـترولـي مميز


    احتمال مع قص التامينات وصندوق الكي بي سي يصير الصافي 1400 وكسور

    والله اعلم


     
  12. diners

    diners بـترولـي نشيط جدا

    السلام عليكم

    اتوقع يحطونج بمعهد الابحاث التابع لهم ؟

    وانشالله تكونين عالمة متميزة اختي

    بالتوفيق
     
  13. sweetgirl

    sweetgirl بـترولـي جـديـد

    ان شاء الله الله يسمع منك دينر

    انا احب تخصصي وايد وشاطره فيه وايد الحمدالله

    واحب الشغل باللابات وايد احس بمتعه وايد وانا اشتغل
     
  14. Kwtia

    Kwtia بـترولـي جـديـد

    17
    0
    0
    الله يوفقج وبشرينا اذا دزولج مسج
     
  15. خلف الشمري

    خلف الشمري بـترولـي نشيط جدا

    169
    0
    0
    الضاهر تشتغلين بمكان عليه رسمات رسوم متحركه والفيل الطائر ....

    أنا مثلج إذا دشيت الروضه أحس بوناسه وايد يا ليت يسوون مكاتبنا مثل غرف إنتظار الأطفال عشان نستانس وايد


    هههههههههههههه

    ترا أتغشمر

    الله يوفقج الله آمين باين عليج تحبين شغلج صج

    بس بالمقابله لا تلبسين الروب الأبيض مال الدكاتره وتدشين عليهم

    خليج ريلاكس وكلمه ورد غطاها وبالتوفيق
     
  16. sweetgirl

    sweetgirl بـترولـي جـديـد

    ههههههههههههه
    

    والله ضحكتني صج خلف الشمري على كلامك

    تخيل اروح المقابله ولابسه لابكوتي واقولهم متى اشتغل
    على طول يقولولي تدلين الباب
     
  17. خلف الشمري

    خلف الشمري بـترولـي نشيط جدا

    169
    0
    0
    لا تخافين أشوف أمورج طيبه

    وحاليا قاعدين إندز مسجات للي إجتاز الإختبارات لتحديد موعد مقابله

    وكذلك رسائل إعتذار لمن لم ينجح

    عليج بالدعاء
     
جاري تحميل الصفحة...

مشاركة هذه الصفحة