الاعتصام خلال ايام ونبي وقفتكم مع نقابتكم

الكاتب : سالم bj | المشاهدات : 3,205 | الردود : 50 | ‏13 سبتمبر 2011
  1. سالم bj

    سالم bj بـترولـي مميز

    805
    1
    0
    مدير العلاقات العامة
    الكويت
    يتم التنسيق حاليا مع نقابه وزاره النفط وايضا مع الاتحاد البترول واتحاد العام لعمال الكويت واعضاء مجلس الامه للاعتصام امام المجمع النفطي في الشويخ وأمام قصر رئيس الوزراء للمطالبه في حقوقنا المهضومه وتطبيق القانون النفطي والمساواة مع القطاع النفطي الحكومي وراح يكون هناك حضور إعلامي ،،

    المطلوب من الجميع التنسيق مع النقابه لحضور الاعتصام وحتي توصل رسالتنا للحكومه وهذا هو يومكم اذا تبون حقوقكم والحاضر يبلغ الغايب وتري الحضور مهم ،،،،


    أخوكم سالم العجمي
     
  2. بوزهراء

    بوزهراء بـترولـي نشيط جدا

    203
    0
    0
    انا معاك يا بوهادي و

    بوزهراء: 94459599 وانا اوعدك احضر مع باجي الشباب الي معاي 15 شخص
     
  3. santafe

    santafe بـترولـي مميز

    717
    3
    18
    وانا بعد معاكم يا سالم العجمي واليوم جايك اشوفك في النقابة وتم الاتصال مع الاخوان الي في المحطات التعبئة والتنسيق معاهم بخصوص الاعتصام
     
  4. فهد العجمي

    فهد العجمي بترولي خاص أعضاء الشرف

    408
    0
    0
    وانا معاكم وكلنا بقارب واحد والهدف واحد والرب واحد وانا عن نفسي كنت مسوي كل احتياطاتي من هالناحيه توكلو على عالله حكومه تخاف ماتستحي
     
  5. diners

    diners بـترولـي نشيط جدا

    [caution]اخواني هل لنا ان نطلب مهلة للتنسيق؟[/caution]

    نحتاج مهلة للتنسيق مع باقي الموظفين ليكونو على اهبة الاستعداد

    شكرا لكم
     
  6. ضاري الضاري

    ضاري الضاري بـترولـي جـديـد

    5
    0
    0
    سلام عليكم
    الله يعطيك العافيه وماقصرت وانا معاكم وعندي 50 واحد واتمني اني اعرف متي وشنو المطلوب وانا معاكم؟؟
     
  7. بوزهراء

    بوزهراء بـترولـي نشيط جدا

    203
    0
    0
    نرحب فيك اخوي ضاري الضاري وتشرفنا وان شاءالله بأذن الله راح يعلن رئيس النقابه سالم العجمي موعد الاعتصام ونتمنى نوقف كلنا ايد وحده لانه هذا اساسنا واذا الاساس ماكان قوي محد راح يلتفت لنا بعد هل مره ونوقف كلنا وقفة رجل شجاع وللاستسفار حول الاعتصام الرجاء اتصال على رئيس النقابه سالم العجمي 66677550

    وكلنا اخوان وهذا حق من حقوقنا ياشباب قاعدين نداوم بالنفط ومشتقاته واخرتها يعاملونا معاملة قطاع اهلي وين العدالة واحنا عندنا قانون رسمي معترف فيه من 42 ينص على مساواة موظفيين القطاع النفطي الحكومي والخاص الكويتيين فقط ولكن تعسف مؤسسة البترول ادى الى نكرانه وعدم تفعيله والقانون فقط يحتاج تفعيل فلازم نوقف كلنا مع بعض وعدم التهاون والتردد لانه هذا لمصلحتنا ومصلحة جميع القطاع النفطي الخاص وشكرا
     
  8. بوزهراء

    بوزهراء بـترولـي نشيط جدا

    203
    0
    0
    ياشباب نبي همتكم الحاضر يبلغ الغايب هذي فرصتنا الي يطالب بتفعيل القانون والي يفكر بمستقبله ولي جدام بالقطاع النفطي الخاص وتحسين اوضاعنه واحوالنا الى متى هذا الصمت!!!!
     
  9. KuwaitVoice

    KuwaitVoice بـترولـي نشيط جدا

    أتمنى تطالبون بالمساواة من ناحية الدوام والحضور والإنصراف لأن صراحة أغلبيتكم نايمين بالبيت وتقبضون معاش .. بس زين اتمنى تضربون عشان العين تصير عليكم

    نبييييكم .. أكبر جريمة بحق الديرة عقود المقاولين بالقطاع النفطي وان شاء الله كلكم بتتحاسبون بيوم ما انتو واللي مضبطينكم من داخل القطاع .. أكبر عملية نهب لأموال الدولة اللي قاعدين تسوونه والأدلة كلها ضدكم يكفي التايم شيت مالكم مقارنة مع جوازات سفركم والأختام وأيضاً الشهود اللي عليكم من داخل القطاع
     
  10. 7amad al3jmi

    7amad al3jmi بـترولـي نشيط

    101
    0
    0
    ويآكم بأذن الله وانا عن نفسي بحاول ابلغ اكبر عدد ممكن من الزملاء بالاعتصام
     
  11. diners

    diners بـترولـي نشيط جدا

    الله يسامحك، راح نعتصم وننتزع حقوقنا
     
  12. عبدالله العوضي

    عبدالله العوضي بـترولـي نشيط جدا

    217
    0
    0
    فني
    الكويت
    ليمن تعطينه حقنه ذيك الحزه حاسبنه على الدقيقه بعد
    ماعندنه مشكله اما الحين انا اداوم بمكان واحد نفس شهادتي راتبه 2000 وانا الف بس اكيد ماراح اداوم واشتغل بتفس بس لين عطيتني حقي لك الحق تحاسبني بكلشي اما بتلعن خيري وانت مميزات وفله وانا راتب 600 وتبي تحاسبني بكلشي
    في فزق اوك عطنه الزياده وشوف منو الي ينتج
    واذا تبي ناس من النفط وزملائكم مو مقاول ومايداومون ابشر اعطيك وفي وايد مظبطين روحهم وعندي ادله وشهود بعد انه موظفين koc في الي مايدري عن الدوام
     
  13. KuwaitVoice

    KuwaitVoice بـترولـي نشيط جدا

    diners

    الحقوق تنتزع بالعطاء وليس بتكبير المخده وأخذ المال الحرام دون مقابل .. لا الدين يقبل اللي تسونه ولا القانون

    الرؤوس الكبيرة اللي بالقطاع النفطي يوم تطيح بتطيحون كلكم معاها وأتمنى الأعضاء يتحركون خصوصا السعدون والبراك لأن هذي اكبر عملية نهب بحق الدولة

    وعشان اكون حقاني مو كلكم .. الأغلبية
     
  14. KuwaitVoice

    KuwaitVoice بـترولـي نشيط جدا

    العوضي

    قبل إقرار زيادة القطاع النفطي ومعاشاتكم نفس معاشاتنا ما كنا نشوفكم فلا تقعدون تتمسكنون .. وبعدين اتمنى تكشف اسماء الموظفين وكل متخاذل وشخص ينهب اموال الديرة بطرق غير مشروعه سواء كان موظف كي او سي او غيره

    تحياتي
     
  15. عبدالله العوضي

    عبدالله العوضي بـترولـي نشيط جدا

    217
    0
    0
    فني
    الكويت
    انت لو انك مقاول مكانه وتشوف الفرق الي بينه وبينكم جن كلامك كله بغير بس يحقلك تتكلم جذي محد من قبل عاملك بتكبر بدوامك ومحد قال عنكم عماله هامشيه ومحد لعب فيكم مثل التجار والمستشفيات انتو تأمين صحي احنه ماكو شي بدل خطر عندكم احنه لا ليمن تروح مواقف الموظفين محد يقولك روح المواقف الي هناك وابعد منها كأنك اجنبي وليس ابن الكويت بصمتك مو بمكان اكثر من 500 متر تروح وترد بلحر وغيره وغيره وغيره لو اتكلم ماخلص

    واخر شي تيي تقول حرام وحلال ترا انت كويتي وانا كويتي الي يفرق بينه بس الشركه بس مو شي اكثر

    واذا على الدوام ولله في مقاولين يشتغلون ومقاولين مضبطين روحهم وانتو هم في وانا ليش تبيني اقول اسامي ناس باجر تتفنش وذنب اعيالهم برقبتي موممكن يتعدل ويدام عدل

    ولا لانه خلاص انتو قطاع نفطي تشوف نفسك احسن منا؟

    ترا ولا شي زود انت عنا الا الشركه ولو انك مقاول جن لقيتك تتحلطم هني

    واذا على طاري التجار ايدي بيدك انا لو بيدي اوقف كل المصخره الي تصير والنهب الي يصير لفلوس الديره بس للاسف الي قاعد يبوق ويلعب تجالر كبار الحكومه معاها فلا تقص على نفسك وعلى انك بتوقف هلشي ماراح تقدر واتحداك

    اذا وقفت بطريجهم بشي لهم الف ممر ثاني ومحد مظلوم الا الكويتي اليانت تقول عنه قاعد بلبيت

    قولي منو خلاه يقعد بلبيت؟

    مو ربعكم بتقولي لا بقولك امبلا ربعكم عشان خاطر عيون التجار يشيلونك ويشيلوني بعد

    مانبي مزايدات على بعض واستشراف

    احنه نبي حقوقنه ومستعدين نداوم ونشتغل نفسكم واكثر بس بشرط حقوقنه

    واذا بتقولي قبل رواتبنه احسن هم انت غلطان

    انا كنت استلم من الشركه 320 ودعم عماله 560
    بس
    لا تامين صحي ولا تذاكر ولا غيره وغيره
    حتى ساعه الاوفر تايم غير لانه الراتب ضعيف وانت الحين ماودك احنه يطبقون القانون علينه بس عشان شفت جم واحد مايداوم انزين ليش ماتنصحنه ليش ماتكلمنه اما تيي وتقول العين عليكم وانتو وانتو وحرام وبوق وتجار
    بقولك كل الي صاير لمصلح التجاار مو احنه
     
  16. بوزهراء

    بوزهراء بـترولـي نشيط جدا

    203
    0
    0
    kuwaitvoice انت بتدفع من جيبك؟ ياخي شفيك محتر؟ ترى كويتيين ولنا حق هذا الدستور يقول مو انا ولا انت قانون نفطي سنه 1969 مساواة الكويتي بالقطاع النفطي الخاص والحكومي تعرف شنو يعني مساواة؟؟ سؤال انتوا زادوكم ماقلنا شي قلنا عليكم بالعافيه واليحن ليمن بنطالب انت تعصب؟ ليش دافع من جيبك مثلا؟ مو انت ياي تعلمنا الشغل ولا مكبرين المخده؟ انت بتحاسبنا ولا ربك؟؟ اقول لا تاخذ مقلب بنفسك ومسوي فيها تخاف على الميزانيه خلها مستورة لولا القطاع الخاص انتوا ماكو انتاج ويكون بعلمك لو يضربون الهنود المقاول انتوا تضيعون ماشي حبيبي ترى بالنفط احنا ونشوف ليكون عبالك مقاول مكبر المخده نفسك جاي وقهوه وشابك على النت مطيرلك الساعتين
     
  17. بوزهراء

    بوزهراء بـترولـي نشيط جدا

    203
    0
    0
    فرجاءا كل الرجاء مثل ما احنا باركنا لكم على زيادتكم ورئيس نقابتنا باركلكم وماقصر ووقف معاكم نتمنى وقوفكم معانا لانه اذا انت شايف ناس مبكرين المخده انا اسمع بناس عندكم للاسف وما اشوفهم واصابع ايدك مو سوى حبيبي انت يا kuwaitvoice
     
  18. فهد العجمي

    فهد العجمي بترولي خاص أعضاء الشرف

    408
    0
    0
    حبيبي شفيك شاد حيلك وصاير لنا رقابه وتفتيش ياجماعه الله يسامحكم بس تردون على هالفقعات بعدين ليش حسستني ان الوطنيه طالعه من خشمك وزيادنكم مو اهدار من ميزانيت الدوله ليش ماتصير حقاني يابوضميرحبيبي لاتحط عصك بشي مايخصك احنا مو ناقصين ناس تتفلسف على روسنا اوك لاتشد حيلك حيل دير بالك
     
  19. santafe

    santafe بـترولـي مميز

    717
    3
    18
    اقول يا صوت الكويتkuwaitvoice عندي اقتراح لك يريحك وتريحنا شوفلك أقرب محطة وقود وسكب على نفسك وشب في روحك وموت احسلك او تدري شلون لا حرام سويلك موعد مع طبيب نفساني وايد احسلك وصدقني راح ترتاح او في حل ثالث تعال عندي في جهاز الحفر واعطيك كورس بحياتك ما شفته شوف هاذي حلول مبتكرة أختار وانا حاضر وبالخدمة
     
  20. diners

    diners بـترولـي نشيط جدا

    مهما حاولت اخوي كويت فويس, راح نعتصم و "ننتزع حقوقنا"
     
جاري تحميل الصفحة...

مشاركة هذه الصفحة