شركة برقان للحفر ( احمد الحمد )

الكاتب : سفاري | المشاهدات : 8,244 | الردود : 9 | ‏12 سبتمبر 2011
  1. سفاري

    سفاري بـترولـي جـديـد

    [align=center]بسم الله الرحمن الرحيم


    شركة برقان لحفر آبار النفط

    1- لا ترقيات للكويتيين .

    2- تأخير معاشات الكويتيين .

    3- الترقيات للاجانب فقط .

    4- زياده الراتب للاجانب فقط .


    للاسف بس هذي شركه كويتيه واقدم شركه للحفر وداعمتها الحكومه
    وياما اشتكينا لكن لاحياه لمن تنادي ..
    واكثر شركه مخالفه .[/align]
     
  2. سالم bj

    سالم bj بـترولـي مميز

    805
    1
    0
    مدير العلاقات العامة
    الكويت
    وعليكم السلام ارجو منك الاتصال علي وشكرا
     
  3. bader50

    bader50 بـترولـي جـديـد

    41
    0
    0
    اييي والله حالنا حالك لا ترقيات ولا بطيح واحنا وياك بشركه برقان بعد وشايفين الحال وساكتين
     
  4. rig

    rig بـترولـي نشيط جدا

    177
    2
    0
    اي والله مظلومين جدا انا معاك في هالشركة الفاشله الحرامية

    معاشات ماتنزل بوقتها ابدا وتتاخر كثيرا مع العلم صارلي 5 سنين فيها ومابيوم نزل المعاش في نفس الشهر مستحيل اصلا ينزل مبجر
    وليلحين اكلكم ومعاش الشهر الي طاف والي قبله ماستلمنا شي

    معاششهر ينزل وشهر مالك معاش غيردعم العمالة الحكومية

    ساعات حتي الصلاة تحرم علينا ونحن في بلد عربي مسلم

    دوام 12 ساعه والراتب ظعيف جدا بالنسبه ل اخوانا في الحكومة او باجي الشركات الخاصه

    وفوق هذا كله شهر تنحكر عندهم وكانك في سجن يعني المفروض يميزوناعن غيرنا والله من البداية لو لاقي وظيفة غيرها ماقعدت بهدي ولا يوم واحد بس ديرتنا مو لنا للاسف حق الوافدين

    ماكو سلم وظيفي بمعني الي شهادته ابتدائة نفس المتوسطه نفس الدبلوم والجامعية نفس الشغل والراتب وممكن الي شهادته اقل يترقي اسرع بالواسطه

    والله المشاكل كثيرة ولو بتكلم فيها ما اخلص

    بس الشكوي لله وحده
     
  5. rig

    rig بـترولـي نشيط جدا

    177
    2
    0
    وعلي فكرا حتي راتبنا ينزل من الكي او سي حق الشركة كامل وراتب قوي بس الشركة تاخذ جزء كبير منه وينزلون لنا شوي لا وشهر يبوقونه كله وماينزلون لنا دينار

    واقل الحقوق الي المفروض يستحقها اي موظف في اي دولة في العالم هم حارمينها علينا واهي اختيار البنك لازم البنك الوطني ومانقدر نروحه غيره لو باقنا ول شنو ماسووه خلاص مصيرنا نتعامل مع بنك ربوي طول ما احنا موظفين عندهم علبنه صاحب الشركة عنده اسهم بالبنك ويبي يفيد اصحابه علي حسابنا

    يالله كل هذي مشاكل وفي بعد وايد بس مالي خلق اكتب واشتكي وغيره لاني تعبت ومواضيعي القديمة تثبت ومحد تحرك ساكن

    قولولنا وين نروح الحكومة ماراح تسمعنا لان صاحب الشركة متنفد ومحد يقدر يكلمة واحنا يالموظفين فقاره ومانقدز نسوي شي والنقابه سبقوقلنالها وتدري بموضوعنا ولا سوا لنا ولا شي علي الاقل ما الزمت الشركة بابسط حقوقنا وهو معاش شهري له يوم ثابت مو ينزلونه علي المزاج
     
  6. rig

    rig بـترولـي نشيط جدا

    177
    2
    0
    عموما اخوي سفاري بعد اذنك بقول رساله

    حق كل العاملين في الارياق وحاسين بظلم نفسنا

    لحد يعتصم ولايروح يتظاهر مع المقابه لان اانقابه تبي الفايده لها وحق ربعها بس احنا يبونا عشان يتسلقون من علي ظهرنا ويوصلون حق الي يبونه وعقب وما نقولهم ساعدونا واحنا جذي صاير معانا ومظلومين يعطونا وعود ومانشوف شي مع الاسف

    فلاتوقفون معاهم ولا تساعدونهم بشي الا اذا ضج وعدونه وعود صادقة وانا كلي امل برئيس النقابه الاستاذ سالم

    بس بصراحة احنا نبي نشوف اشياء علي ارض الواقع مو بس وعود
     
  7. شراع الشمال

    شراع الشمال بـترولـي نشيط

    81
    1
    0
    اخوي ريق خلك محضر خير وانا أشوف رئيس النقابه راد عليك وقائلة اتصل عليه ممكن اعرف انت اتصلت عليه ؟



    اخوي ريق الرجاء عدم التجريح بالنقابه واعتقد انه سالم العجمي قايم في واجبه وزياده والشرهه علينا إحنا مو عليه الرجال يطالب لنا واحنا نتهمه انه يتسلق علي ظهورنا ليش ياريق تري مايستاهل منك هالكلام
    تبي تحضر احضر واذا ماتبي براحتك اما أنا بروح الاعتصام
     
  8. العووود

    العووود بـترولـي مميز

    616
    1
    18
    للأسف (ضحيه) بالقطاع النفطي الخاص
    الخليج العربي

    الله عليها من شركه _ هذي المفروض يخلونها تخصص ابار ماي

    لانها شركه فاااشله 100% ,, مافيها طب :)

    وبعدين اكثر من مساعد حفار ((غير كويتي)) يتفنش من عندنا بشركة ال( k.d.c )

    تحصله تول بشر بعدها بشهر شهرين بالكثير بشركة برقان !!!

    وانه سعر التوظيف (الرشوه) فيها = 400د,ك وهالحجي من ناس متوظفه فيها جذي

    وراح اذكرلكم الاسامي عن قريب ان شاءالله !! يا 50/50 ولا اقول اللي اعرفه :)




     
  9. نفطى خاص

    نفطى خاص بـترولـي جـديـد

    46
    0
    0
    أشوف تناقض في كلامك واول كلامك تقول ياعمال الارياق لا تروحون الاعتصام وانه النقابه تتسلق علي ظهورنا وآخر كلامك تقول كلك امل في رئيس النقابه الاستاذ سالم !!!!!

    تعليقي : من غير زعل انت مثل اللي يقول خاف تعرف تبي الاعتصام حياك واذا ماتبي غيرك 5000 كويتي يدور حقه ومحتاج الاعتصام والمفروض منك ومن غيرك تقول الله يقوي بوهادي ويجزاه خير علي الاقل مومقصر مع الكل ،،

    المفروض ان رئيس النقابه سالم العجمي رمز للقطاع النفطي الخاص وذابح نفسه علي شان يطبق القانون النفطي .

    ويجب علينا احترامه ومساعدته والوقوف معاه لانه يمثلنا جميع في القطاع
     
  10. rig

    rig بـترولـي نشيط جدا

    177
    2
    0
    السلام عليكم

    ياجماعةالخير لاتلوميني علي كلامي الي يدل علي رقت قلبي مو اكثر لاكن الاستاذ سالم ونعم فيه مليونين مره ريال انا محبينه من زمان

    واحنا ماصدقنا الله ررقنا بشخص امين وشاغول ونعم فيه الرجل المناسب في المكان المناسب وانا بكون صريح اكثر عشان تفهمونني اكثر انا يمكن اني قاعد اعاتب واحاول احرك النقابة شوي بكلامي لان عندهم خبر من زمان عن الظلم الواقع علينا من ايام رئيس النقابه الاسبق الي كان يفرفر علينا بالارياق ويطر ويبوق منا فلوس وكنا نقول ونشتكتي وكان عذر النقابة هالشخص وبعد ما اسقط تفائلنا خير خصوصا مشكلتنا معروفه وابسط ابسط حقوقنا مسلوبه بس لي يومكم هذا ماتغير ولا شي

    معاش بالاشهر ماينزل محد يحاسبهم وهالحجي من اول ماتظفت وساعات نقعد اكثر من شهرين وماينزل لنا دينار لو صارت في اي واحد فيكم وتاخر راتبه ايام يزعل ويعتصم وووو. فحبو لاخيك المسلم ماتحب لنفسك

    وطبعا غيره اكثير من المشاكل من المعاشات الضعيف والي ماتنزل شهريا وووو

    ماكو ولا بونص ولا اي ميزة من علاج وتذاكر ووو حالنا حال اي شركة حفر

    عموما ماودي اطول بالحديث والخلاصه الاخ سالم وستين نعم رجل محترم خدوم لابعد ما اي احد يتصور لكن انا كان توجية كلامي مو له شخصيا للنقابه ككل لان ايد وحده ماتصفق

    وانا ترا ولله الحمد توني حصلت علي شهاده جامعية وبطلع من هالوظيفه الفاشله بس والله قلت ابي انصف راعي الموضوع والمظفين الكويتين فيها لانهم فعلا مظلومين

    وشكراااا
     
جاري تحميل الصفحة...

مشاركة هذه الصفحة