سيناريو للايقاع بالنفطيين وزيادتهم - فالحذر الحذر

الكاتب : oilkw | المشاهدات : 1,348 | الردود : 13 | ‏11 سبتمبر 2011
  1. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    [align=right]شوفو ياناس التكتيك والمراوغة جابو زيادة ماتدش العقل بالتفريق بين الفني والاداري ويدرون انها ماتصير ومخالفة
    بس المخرج علي عاوز كده لأنه عارف شنو يبي يسوي واوهم النقابيين ان هالزيادة ماتدخل ضمن نهاية الخدمة ..... الخ
    والنتيجة الجميع عارض واحتج بالملاحظتين هذي وهي مهمة جداً حتى اصبح الاعتراض بناء عليها بالرغم بان الملاحظة الثانية
    ليست صحيحة ولم يذكرها سوى اخواننا النقابيين ولم يذكرها احد غيرهم !!! فاهمين الحركة ياعمال ؟!
    الحركة الخطيرة والخبيثة هي حصر اوجه الخلاف في هالملاحظتين:
    1- التفرقة بين الاداري والفني بخصوص سلم الرواتب
    2- تصوير الزيادة على انها مكافئة !
    وهي بدون شك يرفضها الجميع
    وبما ان هالملاحظتين هي اسباب التأزيم وكونها اكثر حجه يتم تداولها في الساحة الاعلامية الالكترونية بجميع انواعها
    فطبيعي جداً ان الحل هو تصحيح هذا الخطأ فتم الاعلان عن موافقتهم لجميع مطالب النقابات والقصد منها الاكثر اهمية في الساحة
    اللي هي الملاحظتين السابقة !!
    يعني خلاص ولايهمكم وافقنا نخلي الفني والاداري نفس بعض 66 % وهذي وحده خلصنا منها
    والثانية حلها بسيط اعتبروها مو مكافئة وتراها داخله في الحسبة كامله من نهاية خدمه وغيرها من الامور اللي ذكرتوها
    لأنكم هداكم الله فهمتو السالفة مني خطأ انا كنت اتغشمر وياكم < علي الراشد يتكلم ويتبوسم بعد :mad:
    لذلك ماكان فيه شي رسمي يقول انها مكافئة !

    الآن شنو راح يكون موقفنا ؟ هل نقول والله شغل عدل واهم شي صرنا الفني والاداري نفس بعض والزيادة طلعت مو مكافئة ؟!

    اذا مشت علينا هالسالفة فمع احترامي للجميع ممن اكل الطعم ! مافينا خير ولا راح نقدر ناخذ حقوقنا المستحقه
    لا في الحاضر ولا في المستقبل لأننا اثبتنا شي واحد للناس كلهم وهو انا حنا خبلان وكلن يقدر يلعب فينا بالحيلة !!

    تكفون يالنفطيين لاتحطونا في هالموقف :(

    والله ماقلت هالكلام إلا لأني خايف من باقي السيناريو اللي بدأ من هالصباح بمعنى خلصنا وحده وباقي وحده
    طبعاً الباقي هي وحده في نظر البعض وهي سالفة المكافئة وحلها جاي بالطريق وماشي حسب الخطه الجهنمية
    اللي راسمها الحيّالة والعيّارة في ديوان الخمة وقاصين على عمال النفط لأنهم خبلان في نظر علي الراشد !

    خلونا مع اتحادنا ونقاباتنا ونشوف شنو بيرسون عليه وحنا معهم في كل قراراتهم اللي مادخلنا شك في انهم يدورون الزين والخير لنا جميعاً
    اتمنى نثبت على موقفنا اما الموافقة على مطلبنا المعروف لدى الجميع وهو الجدول المتفق عليه
    او الإضراب ووعدنا بإذن الله 18\9 وبيصير اللي نبيه وبيحسب حسابنا ديوان الخمة والخدمة اليوم ودوم
    [/align]
     
  2. مجموعة نفطية

    مجموعة نفطية بـترولـي خـاص أعضاء الشرف

    694
    0
    0
    السلام عليكم


    صراحة مافهمت عدل اللي تقوله خاصه الشق الثاني سالفة المكافئة ممكن توضح اكثر


    وجزاك الله خير

    :)
     
  3. leolady31

    leolady31 بـترولـي نشيط

    69
    0
    0
    ماكو غير ال 183 غير جذي فشل ذريع
    و خل يعرف الراشد انه ترى مو بكيفه بكيف الدراسات
     
  4. بو زياد

    بو زياد بـترولـي نشيط

    147
    0
    0
    كلامك صحيح اخوي وناقشت فيها رئيس نقابه وبين انهم عارفين هالسيناريو
    وناقشت اكثر من 15 زميل وكلهم ماشالله فاهمين هالحركه اللي صارت
    صراحه خبث
    يبون يستغفلون عقولنا لكن ماراح أطوف
    وحسبي الله على اللي خطط حق هالسيناريو الخبيث
    واسأل الله العلي العظيم ان يرينا فيه عجائب قدرته
    اللهم آمين
     
  5. MrCoo1

    MrCoo1 بـترولـي نشيط

    113
    0
    0
    علي الراشد بيسوي فيها الولد الذكي الفلّه وحب يستعبط على راس 15000 موظف ويضحك عليهم بحركاته البهلوانيه , وانشالله راح نصدمك بتاريخ 18-9 وبتشوف شلون تصريحاتك الناريه كلمالها وتوحد عمال النفط اكثر واكثر للأضراب
     
  6. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    [align=right]السلام عليكم ورحمة الله وبركاته
    من الضيقه نسيت حتى السلام المعذرة منكم جميع

    هلا اخوي مجموعة نفطيه وعليك السلام طال عمرك

    اقصد سلمك الله نفس ردي هذا قبل شوي لما شفت طاري المكافأة او مكافئة

    لأن حجتنا السابقة اللي هي 66% للفني و33 للاداري ومايصير هالتفرقة في سلم الرواتب انتهت بعد ما وافقت عليها الحكومة

    يعني هي مشكلة خلقها مجلس الخدمه يبي يستفزنا ونثور عليها متناسين الاهم وهو قيمتها القليلة
    ومع زعلنا واعتراضنا عليها زيادة عن اللزوم فيصبح واضح للناس انها هي مشكلتنا الكبيرة ويجيك ابو الشباب
    ويقول حق رئيس الوزراء هالنفطيين ونقاباتهم ومؤسستهم زعلانين ومعترضين على شغلتين وهي اللي ذكرتها
    1- التفرقة بين الاداري والفني بخصوص سلم الرواتب
    2- تصوير الزيادة على انها مكافأة !
    ورد الرئيس وقال مايخالف دامها ماتمشي مع نظام المؤسسة يعني اقنعوه على هالاساس
    ويدريك انه فضيخ او ملعوب عليه امر بزيادة عشرين مليون دعم لزيادة الاداريين اللي هي 33% المضافة
    يعني مايدري ان ميزانيتها خالصين منها من زمان !! هههههههه
    على قولة الوشيحي ان علي الراشد ياكلها ودمها يقطر !! دام الرئيس مايدري وش الطبخه !
    طبعاً الثانية قال الراشد هذي حركه طال عمرك سويتها فيهم وخليتهم يعتقدون انها نظام مكافأة ابي اشوف
    ان مشت عليهم يمكن اعتمدها صدق وان عاندو فالوضع نفس ماهو حسب الخطه
    وضحك الريس وقال ايا العفلنقي منت سهل ههههه يعني ماكو مشكله منها رد المشاغب وقال انسى الموضوع
    دقيت سلف الابواق < ولد اليرموك خخخخ وازهلها هالنفطيين يبون هالشغلتين بس والعلم عندي ونا ابوهندي >> راح يصرح في الجرايد بخصوص 66% للجميع
    وسالفة المكافأة جاي دورها بالطريق حسب ردود الافعال !

    خلاصة الكلام : كان المتوقع من مجلس الخدمة المدنية ان يقلل من الزيادة بالمفهوم اللي يعرفه الجميع
    100 نقص منها 30 صارت 70
    لكن اللي حصل غير المتوقع ويخالف المنطق تحس نظام الاشاعات والتفرقه في دم بعض الناس هههه
    نقص منها وحاسها وعبث في زيادتنا ولوثها العفلنقي بافكاره السوداء في الملاحظتين السابقة
    وبدال ما نحاتي نقصها صرنا نحاتي بس هالملاحظتين !


    وسلامتك :)[/align]
     
  7. بو زياد

    بو زياد بـترولـي نشيط

    147
    0
    0
    قسم بالله موضوع يستحق التثبيت
    عشان الكل يستوعب اللي قاعد يصير
     
  8. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    [align=right]
    الله يطمنك ويبارك فيك يابوزياد وهذا العشم فيكم الله يبيض وجيهكم
    قال عمر بن الخطاب : لست بخب والخب لا يخدعني
    كيف نرضى بالخديعة ونحن نعلم بها مسبقاً ! وكلنا عارفين حركات علي الخب ولا راح يخدعنا ان شاء الله
    الله لايخيب ظنا في ربعنا الطيبين [/align]
     
  9. q8security

    q8security بـترولـي خـاص أعضاء الشرف

    دزيت رابط بتويتر لنقابيين
     
  10. Sccotchch

    Sccotchch بـترولـي نشيط

    73
    0
    0
    يسلم تمك يارب جبتها بالصميم وكل شي بيوضح اليوم
     
  11. بلبل عنقريزي

    بلبل عنقريزي بـترولـي خـاص

    2,187
    0
    0
    مشكلة بعض الاوادم حاط بباله انه ذكي واهو العكس

    نعم اخوي تحليلك منطقي ومكشوف للنقابات
     
  12. عرين الأسد

    عرين الأسد بـترولـي نشيط

    147
    0
    0
    يا الراشد العب على غيرنا احنا نوديك البحر ونيبك عطشان
     
  13. aL- raSy

    aL- raSy إدارة المنتدى

    2,714
    0
    36
    " oilkw "

    أحد دهاة القطاع النفطي
     
  14. رحال

    رحال بـترولـي مميز

    586
    0
    0
    غمزه: دااااااااير (اكشن) .. شرايك بالزيادة ؟ والله حلوه ونبيها ! طيب شرايك بالمكافأة ؟ والله شينه وما نبيها ! عيل اطحس واشتغل تره الشغل "عباده" .. (كليك)
     
جاري تحميل الصفحة...

مشاركة هذه الصفحة