هل ستلغي الحكومه تحدي رغبة العمال؟

بسم الله الرحمن الرحيم


عندما تتحدى الحكومه البركان الذي يغلي منذ شهور وترفض زيادتهم وتعطيهم زياده (مش حالك) فماذا علينا ان نطلق على هذه الحكومه؟

عندما يظهر لنا وزير و يصرح بأن الامور اوكي وهناك اجتماع بالوقت الفلاني ومايصير اجتماع بالوقت الفلاني!!!! لا وبعد الموافقه يقول وافقنا بس ما ادري عن التفاصيل!!!!!!!شنو وزير والا شنو؟


انا اطالب الاتحاد بالتمسك بالجدول الاول والمطالبه بإزالة الشخص اللي قاعد يتحكم بالامر ويأخر الزياده ويضر البلد...لأن اللي صار من الحكومه والتأخير والسوالف هذي ...تدل على انا الشخص ما يحب البلد...والحين النقابه يقولون نبي زياده ويتفقون معاكم و دراسه وخبير استيراتيجي بالامور الماليه يعطيكم الزياده المطلوبه واخر شي تقولون واجد وعلى كيفكم؟؟ لا يكون نطر منكم بس والا من حلالكم....والا مسوين روحكم خايفين على البلد؟ وستين مشروع قاعد يصير فيهم تلاعب وفلوس ما ندري وين تروح و وين تجي ومحد فيهم تكلم لا وبمباركة البعض والبعض الاخر يقول ماكو شي والكلام هذا مو صحيح!!!!!!!!!!!!!

انا اطالب النقابه بالتمسك بالجدول الاول 183 مليون وبالاضافه الى الاطاحه برؤوس القياديين الذين تآمروا على الموظفين والبلد

موظف البترول منذ ان عرفت الكويت التاريخ....وهم من يأخذون رواتب تفوق الاماكن الاخرى...الا في زمننا هذا والسبب؟ لان الموظفين مو عيال بطنها والا شنو؟

نبي الجدول بو 183 والدوله ولله الحمد غنيه وعندنا فلوس واجد........والنائب اللي يطلع ويقول واجد ومايصير والا يقول لازم نبيع البرميل ب 500 دولار على شان نعطي المعلمين كادرهم والا الموظفين زيادتهم....خل يرد الملايين اللي ماخذها من البنك الصناعي والا من اماكن اخرى ليس على المواطن العادي ان يقدر على معرفتهها

يا جماعه الوضع اخطر من انها زياده....احنا قاعد نشتغل ونوكل ناس غلط وقاعد يلعبون بالديره...يجب ان تكون لنا وقفه تاريخيه اتجاهم....والان بما ان الاضراب قانونياً سليم يجب المطالبه بإطاحة رؤوس المتعاونين ضد دولتنا العزيزه

 

ليش بالكويت كل زياده يطالب فيها الموظف ما يحصل عليها الا بإضراب؟