الزياده مجزيه للفنيين واستغرب رفض الاتحاد

الكاتب : Knpc50 | المشاهدات : 4,869 | الردود : 55 | ‏7 سبتمبر 2011
  1. Knpc50

    Knpc50 بـترولـي جـديـد

    24
    0
    0
    السلام عليكم ورحمة الله وبركاته
    الزياده اللي قررها ديوان الخدمة عادلة جدا خصوصا ان اغلب القطاع النفطي من الفنيين ومن غير المعقول يرفضها ليجامل الإداريين
    ومو معقولة نضرب من اجل الإداريين لأنة لو حصل الإضراب فالمستفيد هم الإداريين
    *
    الزياده بعد التعديل على الاساسي
    بالاضافه ل30 لبدل شفت
    و50 بدل طبيعه عمل
    و80 منحة السكن

    اولا: للفنيين الكويتيين فقط
    الدرجه (الزياده)
    9 (167)
    10 (216)
    11 (306)
    12 (361)
    13 (436)
    14 (523)
    15 (602)
    16 (708)
    17 (829)

    الاداريين الكويتيين تكون نصف المبلغ المذكور حسب الدرجه بالاضافه للبدلات الاخرى
     
  2. SUCTION

    SUCTION بـترولـي نشيط

    90
    0
    6
    الزيادة طال عمرك تعتبر مكافاة مو زيادة علي الاساسي يعني في حالة طلعة اجازة او مرافق مريض تخصم كلها ولا تدخل في حسبة الاوفر تايم ولا الهوليدي وورك ولا في نهاية الخدمة ولا في بدل الطريق يعني اساسيك نفسه ماتغير
     
  3. مو معقول

    مو معقول موقوف

    663
    0
    0
    ليش والاداري يعني بوجهة نظرك ما يستحق الزياده؟ يعني لازم يتميز عن الاداري؟ وليش تزعلون لما المهندس يطالب بتمييزه بكادره اللي اقره الديوان؟ كل واحد يفكر بنفسه ومصلحته للأسف وينسف مصالح الناس

    الزياده لازم تكون عادله للكل وحتى الاداري يجب ان يحصل على الزياده نفسها اللي يحصلها الفني واذا تبون تحطون فني واداري...لازم تعطون الحقوقي بعد حقه والمحاسب حقه والمهندس حقه....خافوا الله
     
  4. Knpc50

    Knpc50 بـترولـي جـديـد

    24
    0
    0
    اخوي suction الزيادة 66٪ على الاساسي
    اخوي مومعقول والنعم بالإداريين بس اللي يشتغل الفني باليوم الواحد ما يسوية الاداري بشهر فهل المسارة عدل ام ظلم
     
  5. ابوسليمان

    ابوسليمان بـترولـي نشيط

    53
    0
    0
    والله انا ماتوقعت أن الزياده فيها تقسيم .. إداري وفني ومادري شنو .. إهي على الأساسي والعلاوة التشجيعية وبس .. وكل واحد راح ياخذ حقه أتوقع
     
  6. yukon98kw

    yukon98kw بـترولـي نشيط

    75
    2
    8
    mab. ccr oper.
    kuwait
    بكل العالم فية فرق بين الاداري والفني
    اعتقد ان الخلل في مسمى الزيادة ، هل هي مكافأة ام راتب
     
  7. SUCTION

    SUCTION بـترولـي نشيط

    90
    0
    6
    اخوي الزيادة تعتبر مكافاة يعني اساسيك مازاد ولا نقص نفس الاساسي القديم
     
  8. Kuwaite

    Kuwaite بـترولـي نشيط جدا

    344
    0
    16
    Production Operation
    Kuwait

    اخوي العزيز

    سبب الرفض ان الزيادة ( مكافأه شهرية )

    يعني ماتدخل شهادة الراتب

    مجرد مكافأه يعني متى تبي الحكومه توقفها توقفها

    وثاني شي لا تدش بنهاية الخدمه

    ثالثا تطلع اجازة او تاخذ طبيه تنخصم منك

    واحنا طلبنا تكون الزيادة بالراتب وبالاساسي

    ثالثا ما فتحوا سقف الراتب والمربوط

    يعني الوضع ما تغير مجرد مكافأه وانت عارف قوانينه كل يوم تتغير يعني فجأه ينخصم الزيادة وانت مالك شغل
     
  9. SUCTION

    SUCTION بـترولـي نشيط

    90
    0
    6
    والمكافاة لها بند بروحة يعني بالاجازة اتروح كلها ما استفدنا شي ماتدش بعد في الافر تايم ويمكن تنشال في اي وقت ما في احد مستفيد لا الفني والاداري
     
  10. koc-76

    koc-76 بـترولـي مميز

    591
    0
    0
    استغرب من اللي يقول احنا الفنيين نشتغل بيوم اللي مايشتغله الاداري بشهر واهو مايفرق بين زياده ومكافئه! ومستانس على هالمكافئه اللي لو ينزل سعر النفط اول ما يشيلونها من هالحبيب لانه بالنفط.
     
  11. BURGAN

    BURGAN بـترولـي نشيط جدا

    181
    0
    0
    يا جماعة لو كان الكادر اللي مشته الحكومة محسوب كمكافأة للمهندسين وغير المهندسين فانا اشوف ان المسألة فيها عدالة مع موظفي الحكومة اما الغير عادل فهو تسمية الموظفين بالاداريين والفنيين. لان على حسب ما اتذكر لما طالب المهندسين بزيادة ككادر المهندسين للحكومة كان رد سعد الشويب هو " انا اتعامل مع درجات من دون مسميات " و 1400 مهندس اللي وقعوا العريضة سكتوا وما ناقشوه بكلامه.
     
  12. Knpc50

    Knpc50 بـترولـي جـديـد

    24
    0
    0
    الفنيين هم عمال المصافي والمختبرات والصيانة
    الإداريين هم البيرسنل والسيكورتي والمطافي والمهندسيين
    الزيادة مجزية للفنيين
    المهندسيين غير مجزية لهم وهم يرفضون الإضراب
    ليش إحنا نسوي إضراب من اجل ناس هم غير موافقيين علية
    *
     
  13. jambi

    jambi بـترولـي نشيط

    105
    0
    0
    هذي مو زياده ! هذي مكافأه عشان يوقف الاضراب بس.. و صدقني افصلوها عن كل بنود الراتب عشان في اي لحظه يبون يقصونها يقصونها! حسبالهم العمال اغبيه...
     
  14. الدوسري

    الدوسري بـترولـي نشيط جدا

    248
    0
    0
    انا ودي اعرف مصدر هالارقام شنو انا كل شوي توصلني ارقام والمشكله اخر شي يكتبون المصدر النقابه
     
  15. shesha1

    shesha1 بـترولـي جـديـد

    5
    0
    0
    الديوان لعبها صح وقدر يقلص الميزانيه ويضرب ويفرق صفوف القطاع النفطي والخاسر الاكبر هم الاغلبيه والمستفيدين هم الاقلية وللتوضيح يعني كم عدد الفنين داخلا لقطاع درجتهم 17 و16 و لو تم حصرهم لن تجدهم نسبه كبيره وهم المستفيديين الاكبر لهذه الزياد يعني الزياده بشكل اجمالي ظلمت الاداريين والفنيين الصغار *
     
  16. brilliant

    brilliant المـراقب الـعـام

    8,477
    0
    0
    Engineer
    Kuwait
    هذي الزبده رد يستحق يكون موضوع لحاله
     
  17. المبارك

    المبارك بـترولـي نشيط

    57
    0
    0
    حسبة الزياده

    اخواني لابد ان تعلموا جيدا انه تم الغاء العلاوه التشجيعيه السابقه وحلت مكانها الزياده الحاليه اول المربوط ضرب 66% ولكن اذا بتحسبها 66% واضافه للعلاوه التشجيعيه انت غلطان
    الزياده هي العلاوه التشجيعيه لا تدخل بالتقاعد ولا بالاجازات ولا بالميزه الافضل ان صاحب الفكره وحسبتها انه لئيم وخبيث وارجو من اخواني ان يلتفوا وراء نقابتهم لمزيد من المكاسب وان يكونوا يدا واحده مطلبنا للجميع والزياده ثابته في الرواتب للتقاعد والاجازات يد الله مع الجماعه وفقني وياكم للخير دائما
     
  18. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    الله اكبر علينا الحين صارت مجزيه لنا ونبي نجحد اخوانا الاداريين اللي من البداية وحنا وياهم في موقف واحد والحال واحد
    والله العظيم لو السالفة واقفه على القياديين واصحاب الدرجات العالية كان الامر بسيط وطاف كأنه العيد
    اما والدعوة خربانه على الزملاء اللي احوج منا في الزيادة فهذا والله الخذلان !
    شنو اللي يمنعهم من مساواتهم معنا في الزيادة 66% وحنا فارقين عنهم بزيادة البدلات
    ليش حنا نفرق عنهم بكل الزيادات !!
    خلونا مع ربعنا واخوانا يانفلح مع بعض ولا نخربها مع بعض وبإذن الله فالنا الزين والخير كله
    والله ياطريقة بعضنا هي اللي بتفلس بنا كلنا عززو بعض يامال المعزة وابشروا بالخير
     
  19. rong said

    rong said بـترولـي جـديـد

    24
    0
    0
    المشاركة الأصلية كتبت بواسطة shesha1

    الديوان لعبها صح وقدر يقلص الميزانيه ويضرب ويفرق صفوف القطاع النفطي والخاسر الاكبر هم الاغلبيه والمستفيدين هم الاقلية وللتوضيح يعني كم عدد الفنين داخلا لقطاع درجتهم 17 و16 و لو تم حصرهم لن تجدهم نسبه كبيره وهم المستفيديين الاكبر لهذه الزياد يعني الزياده بشكل اجمالي ظلمت الاداريين والفنيين الصغار *
    -------------------------------

    100%
     
  20. بن زريق

    بن زريق بـترولـي مميز

    804
    0
    0
    والله عيب ياحكومه ....عرفتى تلعبينها صح ((((اضراب))))العمال يردون الاضراب .....سج من قال فرق تسد
     
جاري تحميل الصفحة...

مشاركة هذه الصفحة