ليش ماعاد نحسّ بالعيـــد ؟؟؟؟؟؟؟؟

الكاتب : كريستاله | المشاهدات : 1,057 | الردود : 29 | ‏20 ديسمبر 2007
  1. كريستاله

    كريستاله بـترولـي خـاص

    1,358
    0
    0
    مساااء الخير عليكم كلكم

    كل عام وانتم بخير وكل عام وانتم الى الله اقرب



    اليوم عيد ولا احنا حاسين بالعيد
    جنه يوم عادي مر علينا مثل باقي الايام .......!!!
    وين عيدنا قبل الي نتشفق له من اسابيع وشهور
    الحين حتى اول ايام العيد تمر عادي كان الناس صاروا
    من حجر ما يتأثرون ولا يحسون .... مادري شنو الي تغير علينا
    وليش الحياه ماعاد لها طعم ...
    لاتقولون انا نظرتي متشائمه وسوداويه ...
    بالعكس انا عشت اجواء العيد بس كانت اجواء باهته ..
    وكل الي اعرفهم قالوا نفس الكلام ماعاد احد يستانس
    بالعيد ولا ينطر العيد مثل قبــل ..

    والله هالاحساس مو حلووو


    مادري انتوا نفسي والا لأ ..........؟؟؟؟!!!

    بانتظاركم


    :(
     
  2. brilliant

    brilliant المـراقب الـعـام

    8,477
    0
    0
    Engineer
    Kuwait
    بالعكس العيد حلو وجمعه وفله

    بس الين الساعه 10 الظحى

    وبعدها يصير يوم عادي

    واحلا شي بعيد الاضحى ذبح الخرفان ,,, وناسه وشي مو طبيعي :D
     
  3. كريستاله

    كريستاله بـترولـي خـاص

    1,358
    0
    0
    احلى شي ذبح الخرفان؟؟:eek:

    تخرع يا brilliant
     
  4. ملكّع

    ملكّع بـترولـي مميز

    535
    0
    0
    K_O_C
  5. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    أي عيييييييد الي تكلمييييين عنه ؟؟؟؟؟؟؟؟؟؟؟؟

    :)
     
  6. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت


    أولا...أرحب بالأخت كريستالة معنا في منتدى في منتدى العاملين في القطاع النفطي


    وكم يساعدنا أمثال هذه المشاركات ...التي تكون عبارة عن خواطر وأحاسيس في النفس نستشير بها من حولنا


    من الزملاء ....



    بالنسبة لموضوع الاحساس بالعيد .... كلامج صحيح مية بالمية العيد ماعاد له طعم.. لأن لا يشعر بالعيد من يعيش


    عيشة المدنية الحضارة المزعومة ...... وفي نظري أن الحضارة هي السبب بعدم شعورنا بالعيد والمناسبات التي

    التي نعيشها في السابق ... فالحضارة أثرت سلبيا على حياة الناس ففي السابق نشعر بالعيد لأن الناس يعيشون


    حياة البساطة .... ففي العيد ترين الأطفال في الشوراع يلعبون وفرحين بهذه المناسبة .... في السابق الجيران


    يتزاورون .....أنتي بسألج سؤال ... يثبت على كلامي ....أنتي كريستالة ...متى آخر مرة حصل زيارة من جيرانكم

    الى بيتكم .... طبعا هذا على سبيل المثل لا الحصر
     
  7. الراي

    الراي بـترولـي نشيط

    62
    0
    0
    مشكوره كرستاله على صدق المشاعر آنا مع أخوى الوسام
     
  8. dehen_3ood

    dehen_3ood بـترولـي خـاص أعضاء الشرف

    العيد ممتع وجميل بلحظاته ويحس فيه إللي للحين ومازال يعيشه في بساطته
    ويتذوق طعمه الرائع وإللي يبتدي من بعد صلاة العيد !!
    مازلنا على عهد أجدادنا وتربينا على إللي علمونا إياه ..
    من الصبح تبتدي الزوارة ويا حلوها من يمعه .. تحسون صج إنكم بعيد !!
    المأكولات المميزة بالعيد ودلال القهوة بأنواعها والشاي والحليب المهيل والحلوى والرهش
    والدرابيل والبقصم والقرص العقيلي والبلاليط مع البيض كل هذا ريوق العيد
    لين يتيمعون الأهل واليهال طايره قلوبهم على العيادي :)
    ويمعة الغدا والكل متنقص للثاني بصحين او يايب معاه شي
    واللوية إللي تصير والسوالف والضحك هذه ما تنوصف واستذكار اللحظات الممتعة والمواقف إللي صارت
    هذه ما تنوصف ولا اتعوض الصراحة ..
    اليوم كله يعدي والوقت يخلص والسوالف الحلوة والصحبة الطيبة ما ينشبع منها
    ومن باجر .. في بيت ثاني معاهم موعودين !!
    والعادة اول يوم في البيت العود
    وعسى الله لا يغير هذه العادات الجميلة .. الواحد متى بيجتمع مع اهله ويتشاوف مع الأهل
    ناس صار لنا اشهر وسنوات ما شفناهم وناس من عيد إلى عيد يالله الجدوة !!
    انا اشوف العيد حلو بجمعة الأهل وصيحة اليهال وهم كاشخين ولا البنوتات خايفين تخترب الحمره :)
     
  9. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    يا سلام ، صور بلاغية رائعة تجسد العيد ، لكن يظل الزمن غير ذاك الزمن الجميل فكانت في ذاك الزمان بركة أفتقدها الآن
     
  10. feed gas

    feed gas بـترولـي خـاص

    العيد ..انا اقول طالما الانسان اعيش يومه ما فيه شى اهو هاليوم وكل يوم عنده عيد...اما ليش ما نحس بالعيد اعتقد لانه صار كل شى متوفر عندنا بفضل الله ..فيه افريقيا فى مالى بالتحديد ما يشوفون اللحم الا من عيد لى عيد...الله يا كبر فرحتهم لما توصلهم من لجنه افريقيا اللحوم المذبوحه من الكويت..ف انا اقول الى مو حاس بالعيد يراجع نفسه ويسالها شنو ناقصنى وليش ولماااازاااااا ؟؟
     
  11. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    صحيح لمــــــــــــــــازا ؟
     
  12. water handling op.2

    water handling op.2 بـترولـي جـديـد

    21
    0
    0
    تبون عيد الفلانتاين ولا عيد الام ولا عيد الشجره ولا العيد الوطني ولا التحرير ولا البطيخ ................الخ


    والله الظاهر جحر الضب دشيناه من زمان ((((((( لتتبعن سنن من كان قبلكم حتى لو دخلوا جحر ضب لدخلتموه )))))) حديث شريف


    العيد عندنا عيد الفطر وعيد الضحيه


    والسبب اللي يخلينا مانحس في هالعيدين هو كثرة الاعياد اللي مالنا شغل فيها سوى اننا نتبع ملة اليهود والنصارى وعلبالنا تحضر


    الله يخلف علينا


    ارجعوا للسنة والاسلام الصحيح الله يهداكم وتحسوون بالعيد لامن جاكم



    شكرا لطرح الموضوع
     
  13. طلال

    طلال بـترولـي خـاص

    بالعكس الإحساس بالعيد موجود


    وخصوصاً من بعد صلاة العيد ,,, عندما نذبح الخرفان :)
     
  14. Blue angel

    Blue angel بـترولـي خـاص

    يعطيج العافيه سؤال مهم فعلا الاحساس بالعيد بدا يقل لانه اهتمام الناس صار بالمظاهر بس الاغلب يفكر بالكشخه و اللبس للعيد متناسين اهم شي اليمعه و الزواره و التواصل و صله الرحم ، و اتوقع بعد لانه مافي وسائل ترفيه ما عندنا غير المطاعم و السينما و المسرحيات اللي اغلبها سخيفه و مالها قصه ، انا بالنسبه لي الاحساس موجود و يتجدد بيمعه الاهل و احلى شي لما فيه ناس يعطونج عيادي يحسسونج للحين انج صغيره :)
     
  15. الهاجـري

    الهاجـري بـترولـي نشيط جدا

    363
    0
    16
    قبل نحس بالعيد لأننا كنا صغارا وكنا ننتظر العيد بفارغ الصبر عشان العيديات والألعاب
    بس الحين كبرنا وزادت المسؤوليات وكل همنا بالعيد شلون نفرح الصغار

    ولو سألتي اي واحد من الصغار شلون العيد لوجدتي بأنه في قمة السعادة


    بعد ما يصير ناخذ دورنا ودور غيرنــــــــــــا

    وكل عام وانتم بخيــــــــــــــر
     
  16. كريستاله

    كريستاله بـترولـي خـاص

    1,358
    0
    0
    شاكره مرورك اخوي
     
  17. كريستاله

    كريستاله بـترولـي خـاص

    1,358
    0
    0

    انا اتكلم عن اعياد المسلمين

    عيد الفطر والاضحى


    مشكور على المرور
     
  18. كريستاله

    كريستاله بـترولـي خـاص

    1,358
    0
    0



    مشكور ياخوي عالترحيب



    وكلامك صحيح الحضاره والتطور والحياه المرهفه افقدتنا طعم العيد




    بالنسبه حق سؤالك متى اخر مره زرت جيرانا؟


    الصراحه انا من كنت صغيره للحين ماعمري رحت بيت الجيران:(
     
  19. كريستاله

    كريستاله بـترولـي خـاص

    1,358
    0
    0
    العفو اخوي

    ومشكور على مرورك
     
  20. كريستاله

    كريستاله بـترولـي خـاص

    1,358
    0
    0




    حلوه اجواء العيد اللي تكلمت عنها


    بس الحين مو كل العوايل جذي تغير كل شي


    وشاكره مرورك
     
جاري تحميل الصفحة...

مشاركة هذه الصفحة