تجربتي مع المقابلة الشخصية

الكاتب : MLE | المشاهدات : 18,544 | الردود : 50 | ‏7 سبتمبر 2011
  1. MLE

    MLE بـترولـي نشيط

    91
    0
    0
    السلامـ عليكمـ ،
    راح اشرح لكم اول شي تسوونه لما تروحون الشركة وبعد ماتدشون المقابلة.
    طبعا تصفطوون بمصافط البحر برا واييكم باص تركبونه وتقولون له مقابلة شخصية،
    اتدشون الشركة في ريسبشن تسألونهم عن اسمكم ( اختياري ) او على ايدكم اليمين في اصنصير تنزلون الدور ( 0 ) يعني السرداب .. تطلعون من الباب وتاخذون يسار وتكملون كله سيدا ** اكو عالطوفة الى المقابلة الشخصية مايضيع المكان **
    تروحون تحت موتصعدون فوق وفي مكتب مبطل عاليسار تعطونهم بطاقتكم المدنية ، وتقعدون تنطرون ليما ينادونكمـ ،، راح ينادون 6 مع بعض جذي
    وترا عادي اذا موعدك الساعه 10 و واحد ثاني الساعه 7 ينادونكم بنفس الوقت (( تجربة شخصية ))

    ينادونكم وتصعدون فوق وواحد واحد يدش ويطلعـ..
    لما يا دوري دشيت المقابلة وسميت بالرحمنـ..

    سلمت عليهم وشكرتهمـ وقالولي الوحيد داش مستانس الكل متحبطين ومأيسينـ ( ارتحت شوي )
    الاساله:
    عرف بنفسك ( من غير اسمك ولا تنطرد ) : اي جامعه - شنو تخصصك - متى تخرجت - معدلك - هواياتك - الاكتفيتيالي سويتها #دعاية عن نفسك
    شنو تعرف عن البترول
    ليش البترول مهم بالكويت
    ليش قدمت على الشركة
    شنو يحتاج القطاع النفطي من حيطة وحذر
    ليش تتوقع تخصصك مهم ( انا هندسة كيميائية )
    اصعب موقف
    تفضل مسؤولك ريال او مره
    اذا واحد اقل منك دقري وترقى صار فوقك تزعل وتتحبط؟
    اذا قطيناك بمكان بعيد شتسوي وعادي عندك
    اذا تعطل المكييف بالمكتب شتسوي
    اذا مسؤولك عطاك مهمة وقالك خلصها لي وكان وايد شغل عندك وضغط .. شتسوي؟

    ملاحظة:
    المقابلة كلها بالعربي
    ممنوع تدخلون وياكم اوراق وشهايد وسيفي
    ممنوع منع بات اتدشون و التليفون مبطل او سايلنت ( اطردو وايد )
    ممنوع تذكرون اسمكمـ ! ولاتنطردونـ
    مهم جدا الكشخة واللبس
    مهم جدا الثقة بالنفسوالريلاكس

    اللجنة متكونه من 5 اشخاص على شكل حرف u جدامك وانت قاعد على كرسي وطاولة .. الجو مايخرع بالعكس حده وناسه واهما يريحونك وتحس نفسك بين ناس تعرفهم من زمان

    شدو حيلكمـ وموفقينـ
    ادعوولي يدقون علي للفحصـ
     
  2. sascoo

    sascoo بـترولـي نشيط جدا

    شلون اعرف علا نفسي اذا ماذكرت اسمي
    عموماانا موظف قطاع نفطي وقابلتي كانت بالانجليزي
    عرفت علا نفسي وين كنت شغال
    وليش تبي القطاع النفطي
    هذا اهم سؤال
    يشوفون النظره الماليه
    لكن اهم شي ان تكون مرتاح ومو مرتبك
     
  3. elwed

    elwed بـترولـي نشيط جدا

    398
    0
    0
    sascoo
    اتوقع اهما مايحبون احد يذكر عن النظره الماليه وانه ياي عشان المعاش عدل ؟؟ يفضل يذكر مميزات المكان


    MLE

    اخوي شنو تخصصك ؟ ومشكوور ماتقصر ريحتنا وعطيتنا فكره معه اني سبق وقدمت مقابله بنفس المكان

    بس اسألتك اختلفت عني انا ركزو اكثر شي على كليتي الي ادرس فيها وقالي تعرفين انجليزي قلت اي وبلش يسولف معاي بالانجليزي

    وبلشو يعلقون على اسم الكليه باستغراب حسيتهم يحبون ينرفزون عشان يشوفون رده فعلك
     
  4. خريج حقوق

    خريج حقوق بـترولـي نشيط جدا

    162
    0
    0
    مشكور اخوي طمنتني عن المقابله والله يوفقك وان شاء الله دوم متفائل

    اختي الود شنو تخصصج
     
  5. Mechanical

    Mechanical بـترولـي نشيط

    81
    0
    0
    اخوي المقابله بالعربي ؟؟. لان انجليزيتي بالمحادثه مو ذاك الزود وهالشي مسبب لي قلق !!
     
  6. ACM

    ACM بـترولـي جـديـد

    17
    0
    0
    ^

    بالعربي المقابله
    وسهالات لا تخافون اهم شي الثقه بس في سؤال اسألوه رفيجي ابتلش فيه
    اللي هو شنو مشاكل القطاع النفطي بالكويت !
     
  7. obo_Flona

    obo_Flona بـترولـي مميز

    شكرااااا من القلب


    MLE
    مشكووووور اخونا عالمعلومات الحلوه والي بصراحه وايد كانوا مو عارفينها ومبهمه عندنا
    ماشاء الله عليك قلت كل شي بالتفصيل الممل
    جزاك الله الف خير وماقصرت
    بس الشي الغريب ويونس بنفس الوقت ان المقابله بالعربي!!
    بصراحه شي حلو الحمدلله

    يارب يتسهل دربك وتتوفق ويدقون عليك وتتوظف ان شاء الله وينكتبلك الي تتمناه


    sascoo
    شنو افضل جواب حق سؤالهم هذا؟؟>>>>>>>>>> "ليش تبي القطاع النفطي؟؟"
    ومشكور يالغالي على افادتك


    elwed
    كاتب MLE ان تخصصه هندسة كيميائيه
    وشنو اسم كليتج الي علقوا عليها؟؟
    ماعتقد من جامعة الكويت يعني اكيد من بره فعشان جذي مستغربين منه او اول مره يمر عليهم
    يعني ماعتقد انهم كانوا يتطنزون او يقللون من تخصصج الا اذا كانو على قولتج ينرفزونج!!



    ولكم جزيل الشكر جميعا


     
  8. elwed

    elwed بـترولـي نشيط جدا

    398
    0
    0
    خريج حقوق
    دبلوم اداره اعمال


    obo_Flona
    اايي كليتي بوكسهل عشان جذي مستغربين الوضع
     
  9. sascoo

    sascoo بـترولـي نشيط جدا

    طبعا افضل جواب هو ان تقول ان عندك طاقه وان القطاع النفطي ينمي الطاقات افضل من الحكومه ويطور من مهارات الموظف بشكل كبير وتبي تستغل طاقتك بالقطاع النفطي
    لاتكون نظرتك ماديه
     
  10. IBRA

    IBRA بـترولـي جـديـد

    33
    0
    6
    قواك الله وبيض الله ويهك ..

    بالنسبه للأسئله

    شنو يحتاج القطاع النفطي من حيطة وحذر
    وسؤال شنو بفيد تخصصك ( انا تسويق )


    شنو تنصح اجاوب ؟


    والي قابلوك كلهم رياييل ؟ ولا في حريم ؟
    وشكثر مدة المقابله ؟


    وآسفين ثقلنا عليك : )
     
  11. obo_Flona

    obo_Flona بـترولـي مميز


    ممتاااز
    كلام جميل وصياغه حلوه
    اشكرك يالغالي


     
  12. q8lord

    q8lord بـترولـي جـديـد

    1
    0
    0
    يعطيكم العافيه شباب على الردود اللي تفيد في المقابلة بس عندي سؤال اخواني شنو وضع الموظف الحكومي الحالي و مقدم على النفط يعني يمكن يسألوني هل انت موظف واذا جاوبت نعم ممكن يتغير محور المقابله ياريت تعطونا شوية معلومات على هالحالات هل من المميزات اني اقولهم موظف حالي بالحكومة وانا في مكان قوي وشنو الخبرات اللي عندي او اني اقولهم اني مو موظف لانه البعض يقول مثلا هذا حصل فرصه للتوظيف ف ما يعطونه فرصه اذا كان موظف والمشكلة اذا قلت اني مو موظف راح تظن اللجنة اني مو مال شغل لانه شهادي صارلها سنه مثلا ولحد الحين مو متوظف فممكن يكون سلبي بالنسبه للشخص ...... ما عليه شباب انا كتبت بالتفاصيل لانه السالفه صارت مع واحد من الشباب اعرفه وياريت نتعلم من تجارب الاخرين عشان نستفيد

    مشكورين على الموضوع
     
  13. M.J.R

    M.J.R بـترولـي نشيط

    70
    0
    0
    لا قول الصج عادي

    وحط في بالك اول سؤال راح يكون ليش تبي تغير و شنو طبيعة عملك و شنو استفدت خلال فترة عملك
    وهذي صارتلي شخصيا و الحمدالله انقبلت
     
  14. sascoo

    sascoo بـترولـي نشيط جدا

    انا كنت موظف حكومي وقدمت عادي اول كان صح الحين لا تغير الوضع
     
  15. M.J.R

    M.J.R بـترولـي نشيط

    70
    0
    0
    شلون تغير ؟؟
    ماعندهم شرط لم يسبق له العمل ((غير موظف))
     
  16. ITC

    ITC بـترولـي نشيط جدا

    294
    27
    28
    مبرمج
    انا بعد موظف حكومي بس ان شاء الله بقول لهم اني موظف
    والسبب اني بغير لاني الصراحة بالحكومة (اسف على هالكلمة) مجمد يعني لا شغل ولا مشغله بس اثبات حضور، وابي مكان يهتم بتخصصي، خاصتاً لاني مبرمج

    والحكومه يعطونك شغل مو شغلك لان بالاساس ماعندهم مايحتاجونك ويعطونك شغل معاملات عاديه، مثلاً تخيل مبرمج يشتغل شغل سكرتارية مع احتارمي الكبير لتخصص السكرتاريه، يعني دارسة خمس سنين وتعب واخر شي اقعد من غير شي، المهم كل واحد يشتغل بمجال تخصصه احسن، وهذا كله من وجهة نظري يمكن تكون صح او خطأ والله سبحانه وتعالى أعلى وأعلم
     
  17. elwed

    elwed بـترولـي نشيط جدا

    398
    0
    0
    ما فيها مشكله اذا واحد موظف حكومي وقدم على النفط
     
  18. رحال

    رحال بـترولـي مميز

    586
    0
    0
    بعد السلام ،،

    لا ما فيها أي مشكلة اذا قلت لهم انك موظف بوزارة .. لان بعد ما يتم قبولك راح يطلبون منك شهادة لمن يهمه الامر من التأمينات الاجتماعية تفيد بأنك مو موظف بأي مكان ثاني ! فبالتالي الشهادة راح تبين انك كنت موظف سابق ..

    والنصيحة لا تقدم على الاستقالة الا بعد ضمان القبول بالشركة ..


    بالتوفيق
     
  19. sascoo

    sascoo بـترولـي نشيط جدا

    انشالله لمايتم قبولكم يعطونكم عرض عمل فيه المسمى والدرجه والراتب الاساي معالعلاوات الثابته مثل العلاوه الاجتماعيه وغيره
    ولما توقع عليه يعطونكم كتاب حق الفحص الطبي بمستشفى شركة النفط الفحوصات تاخذ اسبوعين الى3 اسابيع
    بعدين النتيجه تروح من المستشفى الى الشركه سواء كنت لائق او غير لائق
    محد ياخذ النتيجه بأيده فدبروا واسطات حق الفحص صج لحد يقول عادي يردونك علا اتفه الاسباب
    اذا كانت امورك كلها ماشيه تدق عليك الشركه توقع العقد
    في حالةانك موظف تقول جيب استقالة
    طبعا تجيب قرر الاستقاله مو الطلب
    والله يوفق الجميع
     
  20. Pink.Lady

    Pink.Lady بـترولـي جـديـد

    21
    0
    0
    kuwait
    يعطيك العافيه اخوي عالموضوع ماقصرت
    بس جنه 5 وايد :( الوضع راح يوتر
    جم كانت مدة المقابله ؟؟
    وشنو اجوبتك بالنسبه حق الاسئله
    اللي تقدر جاوبه ماعليك امر ..
     
جاري تحميل الصفحة...

مشاركة هذه الصفحة