الانباء تنشر تفاصيل الزيادة العامة للقطاع النفطي

الكاتب : santafe | المشاهدات : 1,786 | الردود : 14 | ‏7 سبتمبر 2011
  1. santafe

    santafe بـترولـي مميز

    717
    3
    18
    تحاد البترول ينظم جولات تنويرية للعاملين بالنفط لتعريفهم بحجم الزيادة المستحقة حسب الجدول المعتمد

    عبدالهادي العجمي

    علمت «الأنباء» أن مجلس اتحاد البترول في حالة انعقاد دائم بوجود جميع رؤساء النقابات منذ أسبوعين وحتى إشعار آخر، وهناك جولات ميدانية تنويرية يقوم بها اعضاء النقابات النفطية لجميع العاملين في القطاع النفطي.

    وقالت مصادر مطلعة لـ «الأنباء» ان هذه الجولات تأتي لتعريفهم بحجم الزيادة المستحقة لهم حسب الجدول المتفق عليه مسبقا مع مؤسسة البترول الوطنية وأحالها المجلس الأعلى للبترول مؤخرا الى مجلس الخدمة المدنية ولفتت المصادر الى ان هناك منظمات دولية وعربية اعلنت وقوفها ومساندتها الى جانب اتحاد عمال البترول في مطالبه.

    واضافت المصادر ان نقابة شركة نفط الكويت قد قامت بتجهيز مقرها لاستقبال موظفيها في يوم الاضراب، كما ستقوم باقي النقابات بتجهيز مقراتها خلال اليومين المقبلين، مشيرة الى ان جميع النقابات النفطية (القطاع الخاص) التي لا تتبع اتحاد البترول قد أعلنت دعمها المطلق ومساندتها للنقابات في مطالبها.

    تعليق : ابي أحد يفهمني ما دخل القطاع النفطي الخاص بالزيادات واي أضراب راح انسويه هذا ؟؟؟؟
     
  2. عبدالله العوضي

    عبدالله العوضي بـترولـي نشيط جدا

    217
    0
    0
    فني
    الكويت
    ياجماعه في ناس تقول انه الزياده في لنا منها شي
    ممكن احد يفيدنه انه القطاع النفطي الخاص له شي ولالا
    لانه ماشاءالله خوش زياده وحلوه
    واذا ماعطونه شي نبي وقفه جاده من الجميع
    مايصير مايعطونه احنه كويتيين ولازم مانسكت عن حقنه
     
  3. alt_w

    alt_w بـترولـي نشيط

    92
    0
    0
    اذا هم حقوقنا ما عطونيها , تبيهم يعطونا زياده وياهم
     
  4. santafe

    santafe بـترولـي مميز

    717
    3
    18
    على قولتك هم قانون خاص فينا مو مطبقينة هدور زيادات ههههههههههه
     
  5. Weatherford

    Weatherford بـترولـي جـديـد

    16
    0
    0
    Kuwait
    ما اظن انه بيحوشنا شي منها ، لو لنا نصيب فيها جان حددوا بالجرايد ( القطاع النفطي الخاص )
    بس اطاهر مو معترفين بجناسينا انه احنا كويتيين نتطشر بهالقايله والشمس ولا احد حاس فينا غير النقابه

    الله يعطيه العافيه بو هادي وبيض الله وجهه على التعب الي قاعد يسويه عشانه
     
  6. alt_w

    alt_w بـترولـي نشيط

    92
    0
    0
    الوزير الراشد: مجلس الخدمة المدنية يوافق على زيادة رواتب العاملين في القطاع النفطي وعلى زيادة في بدلاتهم ويوافق على منح زيادة لغير الكويتيين العاملين في القطاع نفسه بنسبة 50% من زيادة الكويتيين
    الخبر من دروازه نيوز
     
  7. TurboMan

    TurboMan بـترولـي نشيط

    68
    0
    6
    يا جماعه تكفه وين صارت بس علشان انا اسمي مندرج تحت الشركه الفلانيه ما اقدر اخذ شهاده راتب مفصله ؟ و مالي لا بدل خطر ولا هم يحزنون ؟ و الفني الغير كويتي ياخذ زياده 50% من زياده الكويتي انا للحين بدل خطر ما عندي و اداوم بالمصفاه و يقولونلي التأمينات انت موظف بالقطاع الخاص و بس ابذمتكم وين الانصاف ؟ لا و كل شوي قاصين علينا اي اي اشتغلو العقد اليديد رواتب احسن آخر شي سمعت زياده 50 دينار بس ميخالف راضي بزياده الغير كويتي 50% من زياده الكويتي مو 50 دينار و بالاخر يقولونلك دوله مؤسسات خييييييييييير انشاء الله :)
     
  8. عبدالله العوضي

    عبدالله العوضي بـترولـي نشيط جدا

    217
    0
    0
    فني
    الكويت
    مبروك الزياده للقطاع النفطي ولا عزاء للقطاع النفطي الخاص
    الحين احنه كويتيين ونداوم بنفس اماكنهم نسونه الحكومه بهلزياده ليش
    الظاهر احنه مو مهمين وتكملة عدد
    ولله مو حاسدهم بس حازه بخاطري انه انا كويتي واداوم معاهم ونسوني
    وين الانصاف ياحكومه وينكم يالي تنادون بلعدل والنزاهه
    احنه مو عيالكم ولا شنو
    اطالب النقابه بتصعيد الموضوع وبقوه وعدم السكوت عن هذي المصخره
    نبي حل ينصفنه
    انا واحد مالي نفس اشتغل بعد اليوم دام نسوني
    يعني منو يرضى اداوم انا ومعاي شخص نفس جنسيتي وخبرتي انا استلم الف اهو 2500 عليه بلعافيه موحاسده
    بس انقهر ليمن اهو يميزونه وانا لا
    نبي اضراب نبي اعتصام نبي ايشي بس انه يتذكرونه

    نبي حلللللل
     
  9. alt_w

    alt_w بـترولـي نشيط

    92
    0
    0
    لو انسوى اعتصام سنه ما راح يدرون عنا
    اتمنى من النقابه اتشد حيلها علشان يطبقوون القاتون
    والمحاكم راح اتطوول يعنى يا صبر ايوب
     
  10. اليوفي

    اليوفي بـترولـي جـديـد

    38
    0
    0
    حرام عليكم يا حكومه احنى شنو مو عيالكم الزيادات على المشتهات

    أنا شخص اقولكم لازم نكون يد من حديد


    وشكرا
     
  11. بوزهراء

    بوزهراء بـترولـي نشيط جدا

    203
    0
    0
    انا اقول شغله بسيطه... الحق ماينسكت عنه وساكت عن الحق شيطان اخرس... احنا لنا حق وفعلا بس الي يقول اضراب!!! اشوف انه موضوع فاشل تبون تعرفون ليش؟؟ سؤال انا لو احط يوم كلنا نتواعد عند بوهادي والله محد راح يكون موجود الا عدد بسيط... ومشاءالله الي يكتبون شكثرهم بس مانشوفهم للاسف.... لا حد يزعل شباب انتو مو على قلب واحد للامانه في ناس تكتب وماتنشاف وفي ناس توعد وتخلف بوعدها مع الاسف اخر مره قال بوهادي احنا راح نرفع قضية يلله تعالوا؟؟؟ وين الناس الي يطالبون بالقانون النفطي لللاسف فئة قليله تواجدت .... ياناس العتب مو على النقابه اتمنى كل شخص لم يدعم النقابه بحضوره او تواجده او اثبات نفسه يعاتب نفسه .... تبون شي صح؟ تبون تطبقون القانون.... فتحو موضوع جديد وشوفوا جم عدد الاشخاص المتواجدين في المنتدى موظفيين القطاع النفطي الخاص وتواعدوا كلكم ونقعد مع سالم العجمي ونتناقش عدل والحاضر يبلغ الغايب والي مو مشترك ومنحرج خل الاشتراك بصوب قسما بالله سالم مايقصر احنا عندنا قضيه لي كسبناها خل يشتركون الناس بعدها اهم شي تواجدنا مع بعض ياشباب وعلى قلب واحد نفس اخواننا الي بالنفط قالوا اضراب يعني اضراب وصوتهم وصل المجلس.... وكل احلامهم صارت واقع .
     
  12. عبدالله العوضي

    عبدالله العوضي بـترولـي نشيط جدا

    217
    0
    0
    فني
    الكويت
    كلامك عين العقل وصح
    وفي ناس ترا ماتدخل المنتدى وفي ناس ماتدري انه فينقابه للقطاع النفطي الخاص المفروض كل شخص يبلغ ربعه بلدوام وانا ان شاءالله ببلغ الي معاي بلدوام ولازم مانسكت واهم شي الاعلام ترا هذي الايام كلشي اعلاميا قوي ياخذ حقه

    وانا من الحين اقول النقابه الي تبيه انا حاضر وهذا رقمي

    97934994
     
  13. بوزهراء

    بوزهراء بـترولـي نشيط جدا

    203
    0
    0
    حبيب عبدالله العوضي ونعم فيك ونسمع عنك كل خير والله يوفقك ويوفق الكل معانا ومايضيع حقنا ان شاءالله وكلنا مع بعض اخوان.
     
  14. فهد العجمي

    فهد العجمي بترولي خاص أعضاء الشرف

    408
    0
    0
    والله بينت الناس اللي قد كلمتها والله ونعم بالكل وانا اللي تبونه حاضر وبالنسبه للتبليغ شغال بجميع وسائل الاتصال والمواقع الاجتماعيه ماعدا تويتر بصراحه
     
  15. العووود

    العووود بـترولـي مميز

    616
    1
    18
    للأسف (ضحيه) بالقطاع النفطي الخاص
    الخليج العربي

    ماشاءالله والله يبارك لهم بهالزياده ان شاءالله ,,,

    والله عندي امل وكبييير انه ان شاءالله بيلتفتون لنا اصحاب القرار ويضبوطنا ,, قولو ان شاءالله :)

    كلها تغيرت للاحسن واحنى للاسف للحين ... « مكانك راوح »



    * اخوااااني *

    تتوقعون لو نسوي (( اضراب )) بيتغير الحال ؟؟ ولا نجيب العيد ؟؟!! :)





     
جاري تحميل الصفحة...

مشاركة هذه الصفحة