العاملـــــين بالبحــــــــــــــر ,,,, تفضـــــلو من فضــــلكم

الكاتب : ويـن ماطقـها عويـه ! | المشاهدات : 1,823 | الردود : 19 | ‏7 سبتمبر 2011
  1. ويـن ماطقـها عويـه !

    ويـن ماطقـها عويـه ! بـترولـي جـديـد




    السلام عليكم ورحمة الله وبركاته











    سويــــت بحــــث بالمنتـــدى بخصـــوص الدوام فــــي البحــــــر ولقيــت موضوع بس ماقدرت
    أحصـــل منـه علـــى فايــــده لان الردود فيــــه خــــرجت عن المــوضوع , فأتمنـــــى منـــكم
    ياغاليــــن الإجابـــه علـــى بعــــض الإستفســــارات اللـــه يبـــارك فيــــكم .



    س1/ اوقــــات العمــــل فــــي البحــــر شفت وإلا صبــح ؟! أو من متـــى إلـــى متـــى بالضبـط؟!

    س2/ وسيــلة النقـــــل قــوارب وإلا طيـارات وإلا مدافــــع :d وهـــل تتحــرك بالتايـــم ؟!
    ولاقــدر اللــه إذا صــار أمــر طاريء ونويــت ارجع هـــــل ملزوم بوقت العمـــل وإلا ممكـــن أرجع قبل أنتهاء الدوام ؟!

    س3/ إذا كـان الدوام شفـــت هـــــل هناك اماكن نظيـفه للنـــوم وإلا شغــل مهاجــع ؟! وهــــل تتوفــــر
    كافتيريا ومظعــــم وو الـــخ وإلا أجيــــــل معـــاي ؟!


    س4/ هــــل توجــــد دورات وكورسات للموظفيـــن فـــي البحــــر وإلا منسيـــــن ؟!
    وإذا كانت متـوفره , عـــادةً ويــن تكون الكورسات وكــم مُددهــا ؟!

    س5/ شنــــو المميـــزات الموجودة فـــي الدوام بالبحـــــر عــن العامليــن بالبـــــر , إذا كـــان مافيــــه
    مميـزات إلا ماديــــه فـــ كـــم تفــــرق تقريبـــــاً لمهنــــدس جريـــد 21 ( حديــث تعييـــن ) ؟!؟

    س6/ بمـــا أن طبيــعة العمـــل والمكـــان مختلــــفه إلــى حــد كبيـــر عن العامــــلين بالبــــر فــ هــــل
    يوجــد اجازات أكثـــــر أو أذونــــات للعامليــن بالبحــــر ؟!

    س7/ ماهــــي أنواع الأقســـام العامـــله بالبـــحر والفـــرق بيــنها ؟!


    س8/ ماهـــــي طبيعـــة العمـــــل داخــل البحــــر خصوصا وانـــي سمعت أن الشفت 4 أيــام ؟!

    س9/ لوأردنـــا أن نصنـــف العمــــل بالبحــــر بجدول :

    أ/ ماهــــي إيجابيــات العمـــل فـــي البحـــر؟!
    ب- ماهــــي سلبيات العمـــل فـــي البحـــر؟!






    وأخيـــراً أنــــا أؤؤمــــن بأن كــــل مكــان يــوجد الصـــالح والطالـــح وبنفـــس

    الوقـــت أؤؤمــن بأن لايضيـــع
    حـــق وراه مطالب وفـــي النهـــايه لايصـــح إلا الصحيـــــح فلذلك أنـــا لا أأبـــــه بمســـؤول ســــيء تعاملــه
    ووووالـــخ من عبــث المســؤوليــــن لأن لــو كان لـــي الحـــق لــــــــن أتركــــه أطلاقـــاً لذلك المــوضوع
    أتمنــى أن لايوظـــف علـــى أسـاس المســؤوليـــن وتعاملـــهم,,,,




    ياللـــــه يارب توفـــــــــــــق اللــــي أجاوبنـــــي وترزقــــه كـــــــــــــــــــــــــــــل خيــــــــر


    اللـــهم آميـــن
    ,,,
     
  2. Y2b

    Y2b بـترولـي جـديـد

    22
    0
    0
    اخوي بالنسبة حق اسالتك انا راح اجاوب على اسالتك كلهم ، وسيلة النقل عن طريق االهيلكوبتر او البوت طبعن الشفت 6 باربع مادري منو قاص عليك وقايلك 4 طبعن صارلك ظرف وانت بالدوام وخصوصن بالليل فعلى حسب اذا البحر عالي مالك لوى المهندس له غرفة بروحه في كفتيريا هناك وشيف يطبخلك اللي تبي لا تصور ان ان عيشتك عيشت ملوك انا اعطيك اياهه من الاخر اذا داومت بحر احسب احسابك ان عيشتك الاجتماعية صفر في كورسات على حسب اي ديرة انا ما ادري شنو وضعك بس اذا انت عندك وظيفة ثانية بالكويت احسلك من هالمصخرة اللي راح تصيرلك والله بهدله ولوعت جبد بس اقسام البحر وايد اللي اعرفهه المختبرات الحفر الصيانة راتبك يفرق عن دوام البر الف دينار بس نصيحتي اشتر راحتك *
     
  3. Bos3ayd

    Bos3ayd بـترولـي مميز

    523
    4
    18
    اذا قبلوك بالبحر ، الله يعينك بس انا بقولك عن السلبي و الايجابي

    الايجابي ، راتب قوي ومدخول تحسد عليه.
    السلبي ، الحياة الاجتماعيه صفر ، الحاله النفسيه صفر.

    بالتوفيق
     
  4. عذبي

    عذبي بـترولـي نشيط

    121
    0
    0
    اخواني الحبايب ..

    مبلغ لا تحسد عليه و راتبك الف دينار اكثر من البر ؟؟

    اتمنى ما تخلون الاخوان يستانسون وايد ب1كر ارقام كبيره ..

    نعم الف دينار يوصل للاداري هناك ..

    اما الابريتر ما يوصل هل الرقم من زيادات البحر ابدا ..

    600 دينار اكثر من البر نعم ..

    الا اذا كان يشتغل اوفر تايمبالهبل و الشله راضيه عنه .. :)
     
  5. محمد 10

    محمد 10 بـترولـي نشيط

    56
    0
    0
    يالغالي مثل مافادوك الاخوان
    وحسب علمي ان صار ظرف طارئ
    مثلا زادت قوه الهوا وغبار المهم حدث جوي طارئ
    حط مخدتك ونام
    لان ما ترد الا لمن تهدى الاوضاع الجويه
    بس ما فهمت قصد الاخوان الحياة الاجتماعيه صفر
    يعني شلون؟!!
    ما اشوف اهلي الا بين فتره وفتره ولا من التعب الواحد يرد ينام
    ولا ان كأنه معزول عن العالم ما فهمتها خخخ
     
  6. offshore

    offshore بـترولـي جـديـد

    6
    0
    0
    السلام عليكم

    ما قصرو الاخوااان مثل ما قالوو الدوام بالبحر 5 ايام دوام واليوم السادس تنزل واتأخذ 4 ايام اووووف اللي يفرق عن البر هي علاوة البحر بس وتقدر باليوم 180 ريال على حس قريدك يمكن اكثر ويمكن اقل

    اخووي الايجابيات راتب اكثر من اي مكان بالشركه

    والسلبيات انك تنقطع عن العالم عن الاهل وحتى عن الاداره والشركه كلها

    في دورات بالبحر بس للاسف الحين اخر موسم الدورات يعني الناس طلعت وخلصت

    تروح للبحر بالطياره في رحلتين الساعه سبع ونص والساعه ثمان والعوده هم رحلتين الساعه 2:30 والساعه ثلاث
    وفي بووت يطلع على حس الطلب تستغرق الرحله بالطياره ربع ساعه وفي البوت ساعه ونص

    اقسام البحر
    1- operation
    2- الصيانه ( كهرباء - مكانيكا - الات دقيقه )
    3- الامن الصناعي
    4- المارين الطياره
    5- صيانه الابار


    اخوي اذا مسماك شفت سوبرفايزر يعني لازم تنام بالبحر دوام شفت 6 في 4

    اما اذا مهندس بحر يعني دوامك صبح بس مو كل يوم تروح بحر

    عسى الله يوفقك
     
  7. ويـن ماطقـها عويـه !

    ويـن ماطقـها عويـه ! بـترولـي جـديـد





    مشكـــور علــــى التوضيـــــح ومـــاقصــــــرت, بس لفــــت نظــــري فـــرق الراتب معقـــوله بيـــكون 1000د.ك؟!؟!





    مشكـــور بو سعيــــد علـــى التوضيـــح , الإجتماعيــــه صفررر ممكــن أفهمهـــا ولكـــن النفسيـــه صفررر
    إذاً ليــــش ماطلعـــو النـــاس من البحــر وإنقـلو لأقســام أخــــرى وإلا نفسياتــــهم تتحمـــل أكثــر
    من نفسياتنـــا :p ,





    الحيـن ماعرفنـــا 1000 وإلا 600؟!
    وبعديــن
    ههههه بشتغـــل اوفر تايم بعـــد وانا مدااااوم اسبوع اصــلاً ماظنــــي!!


    مشكــور على التوضيــح ,,,




    طيــــب احــط مخدتـــي وانـــام لأمــــر غصــب علـــــي , بس أكيـــد محســـوب لـــي هاليـــوم
    وإن كـــأن المبــلغ المحسـوب لايساوي الراحــــه طبــعا ,,,

    شكـــراً لك,,







    رد واااااافي وشااااااافي بارك اللــه فيـــك ,,,

    ولكــن أستفســـار بسيــط لو تكرمـــت:

    5 أيــام والسادس نازل؟! شــلون

    يعني مداوم سبت واحد واثنين وثلاثاء واربعا وخميس ,,, والجمعه ارجع الظهر حسب مواعيد العوده ؟!؟!؟!
    هـذا المقصود بالسادس نازل؟!





    كـــل الــــود,,,,
     
  8. Bos3ayd

    Bos3ayd بـترولـي مميز

    523
    4
    18
    لان البحر شرباكه ، ان دخلت فيه ماتطلع لووول ، لازم تشوفلك بديل و صعبه تحصل احد يبي يحول من بر لي بحر الا واحد داعيه عليه امه.. , هههههه ادري يمكن حبطتك ، بس لا تحاتي اذا انت ناوي شغل وتوك صغير و شباب راح تستفيد وايد من الناحيتيين الماديه و الفنيه :)

    بالتوفيق
     
  9. ويـن ماطقـها عويـه !

    ويـن ماطقـها عويـه ! بـترولـي جـديـد



    مشكـــــور يابـــو سعيــد علـــى التوضيــــح وعســاك علـــى القـــوه يــارب,,,,
     
  10. ويـن ماطقـها عويـه !

    ويـن ماطقـها عويـه ! بـترولـي جـديـد

    [align=center]


    مــــــــــــازال فــــــي ردود أنتظــــرها,, ومـــازال هنـــاك ضبـــابيـــــه أتمنـــى أن تنقـــشع
    يـــاريـــت ياحبـــايبي اللــــي يملك أدنـــــي معلـــومه لايتردد فــــي أبـــداءها ,رأيــــكم يمهنـــا.


    كـل الــــود,,,[/align]
     
  11. Y2b

    Y2b بـترولـي جـديـد

    22
    0
    0
    اخوي اذا انت محتاج فلوس او بتكون نفسك عدل روح البحر بس احسب حساب ان انت راح تنقطع عن الاهل انا ما ادري شنو وضعك يمكن البحر ايوزلك بس طبعن اتوقع انك انت مهندس على كلامك فاتقدر اداوم صباحي عادي
     
  12. dead-line

    dead-line بـترولـي جـديـد

    33
    0
    0
    جم راتب قريد 9

    بسم الله الرحمن الرحيم

    السلام عليكم ورحمة الله وبركاته :

    شباب انه ادور بديل لي انه مشغل معدات التزويد في كافكو قريد 9 اوبريتر قسم العمليات وحاب انتقل مشغل بحري قسم العمليات ادا اكوا احد يبي يبدل ياريت يفيدني وابي اعرف الراتب جم حق العزوبي علي قريد 9 لوظيفة مشغل بحري جم يطلع بالكويتي صحيح 3000 دينار كويتي حسب ماسمعت انه معاشي بعد الزياده قريد 9 1730 دينار عزوبي اتمني احصل اجابه من الشباب نفسهم اللي يدامون في البحر بس لو سمحتوا ابي اجابه مفصله بالراتب الاجمالي اللي استلمه كل شهر مع الزياده الحاليه اللي قروها للقطاع النفطي شباب بارك الله فيكم ابي نصيحه منكم هل تسوا اروح هناك او لا بصراحه وماعندي مشكله اني اقعد 5 ايام واطلع 5 ايام وشلون الشباب اللي هناك زقرتيه وطبيعة الشغل 12 ب 12 ساعه وناطر منكم الاجابه باسرع وقت وشكرا لكم ياحلوووووين.
     
  13. Bos3ayd

    Bos3ayd بـترولـي مميز

    523
    4
    18
    لا مو صحيح ، حسبت البحر كالاتي

    راتبك الاساسي لقريد تسعه + بدل شفت + بدل بحر + الاوفر تايم الي يطلع لك شهريا

    الاساسي حول ال 7000 ريال اذا حديث التعيين + بدل شفت حول 2000 ريال + بدل بحر 5000 + الاوفر تايم انت وشغلك + بدل سكن 1200 + بدل زيت 750 ريال + علاوة وزارة النفط اذا عزابي 150 دينار + الراتب الكويتي حول 350 دينار اذا كنت عزابي وماعندك يهال :)

    طبعا المبالغ بالريال تقسمها على 11.87 الي اهي سعر ثابت لصرف الريال بالدينار الكويتي وعليك الحسبه :)
     
  14. dead-line

    dead-line بـترولـي جـديـد

    33
    0
    0
    اخوي بوسعوود معقوله هذا الراتب مع الزياده الحاليه انته مشغل بحري حالي داوم هناك ابي الحسبه بالضبط والدوام كرف ولا سهالات فيدنا بارك الله فيك شلون المسائيل هناك ابي معلومات وافيه وشكرا
     
  15. Bos3ayd

    Bos3ayd بـترولـي مميز

    523
    4
    18
    بالنسبة للراتب هذا بدون الزياده الحاليه

    اما بالنسبة للدوام انا ماخذ هالمعلومات من اخو دنيا يدوام حاليا بالبحر ك اوبريتر :) بالنسبة للمسؤولين على حسب مكانك ياطويل العمر.
     
  16. على البال

    على البال بـترولـي جـديـد

    2
    0
    0


    مساكم الله بالخير
    بالنسبة لدوامنا بالبحر 6 أيام واليوم السادس هو يوم النزله و 4 أيام كامله راحه الدوام يكون الصباح عن طريق الطائرة او بالقارب ساعات العمل 12 ساعه سواء نوبة الصبح او الليل لكن مع التقسيمه الداخلية راح تتداوم اقل . بالنسبه للغرف في الوقت الحالي غير مريحه عشان العدد بس بإذن الله سنة 2013 راح يركب سكن جديد ( منصة جديدة ) شامله من الترفيه والغرف المريحه . يوجد مطعم بالبحر يقدم لك 3 وجبات ومغسله للملابس .
    بالنسبه لحساب علاوات البحر كالتالي : 2970 ريال علاوة مبيت + 1140 ريال بدل زيت + 50 ريال علاوة ازعاج + 60 ساعه اوفر تايم كل هالعلاوات تاخذ شهريا بمعدل ثابت يزيد عليها ساعات اوفر تايم في حالة شغلك بعد ساعات العمل لك .لا اكذب عليك لو قلت لك لازم تتأقلم مع الشغل والبعد الاجتماعي عن اسرتك والنفسية الصعبه بهذا المكان وهذا عمل يوجد الصالح وغيره لانك راح تشوف الزين والشين لا تسألني ليش ما نزلت للبر لانه وقت ما تفكر بالنزول يطلب منك بسهوله ايجاد البديل لك يعني فيها صعوبه لك حق في الدورات الداخليه والخارجيه وتوجد خوه بين الموظفين ويحكم عليك العيشه بينهم لكن البشر يتغيرون هذا في كل مكان . طبيعة عملك هي انك تطلع تشوف وتاخذ قراءة المحطات فقط عن طريق القارب تقريبا شبه يومي لانه يوجد مجموعة اخرى وظيفتها فقط الابار وخدماتها . الله يوفقك ويوفق الجميع .
     
  17. dead-line

    dead-line بـترولـي جـديـد

    33
    0
    0
    بسم الله الرحمن الرحيم

    السلام عليكم ورحمة الله وبركاته

    اخوي علي البال الله يعطيك العافيه علي هالمعلومات الطيبه والوافيه بارك الله فيك ابي اعرف بس راتب قريد 9 جم يطلع عزوبي ابيه بالعمله الكويتيه كامل اللي بشهادة الراتب لو تكرمت وبالنسبه حق الشغل انته قلت تطلع تاخذ قراءة العدادت بالقارب بس ممكن توضح لي هالصوره وبالنسبه حق البدل احصل احد يبدل معاي عندكم او لا وناطر الرد منك ميخالف بثقل عليك شوي تحملنا وجزاك االله الف خير...
     
  18. Y2b

    Y2b بـترولـي جـديـد

    22
    0
    0
    ااخوي بالنسبه حق راتب البحر فراتبك راح ايكون مع الزياده 2200 وبالنسبه انك ادور بديل فصعبه وابعد للشر وغنيلوه
     
  19. bo9ali7

    bo9ali7 بـترولـي نشيط جدا

    200
    0
    0
    الله يعينهم دوام اغشر وعلاقات اجتماعية زيروووو بس الراتب اوكي
     
  20. على البال

    على البال بـترولـي جـديـد

    2
    0
    0


    أخوي بالنسبة للمحطات وطريقة الوصول لها : توجد 4 محطات تستقبل الزيت وتضخه للبر هي منفصله وبينها مسافة ربع ساعه تقريبا عبر القارب لو كان البحر يسمح فهي يوميا نطلع عليها لأخذ القراءات او نطلع مع مجموعة الصيانه لو كان لهم شغل فيها وبعدها ترجع للمحطة الكبرى اللي حنا فيها . اخوي جوابي واضح بالنسبة للراتب احسب العلاوات اللي كتبتها لك وانت تعرف راتبك . اخي لابد تعرف انك موظف يعتمد عليك وانت عود من حزمة في كل مكان وبكل قسم من اقسام الشركة ان كنت تبي راتبك يزيد فالبحر المكان المناسب لكن راح تضحي بشغلات وايد انت الوحيد اللي ادرى فيها . الله يشهد اني صادق معاك ولا من مصلحتي اجرك للبحر انت الحين عرفت طريقة الدوام وخيره وشره والباقي عليك تشوف وين مصلحتك والله يوفقك الجميع .
     

مشاركة هذه الصفحة