دمج قطاعات المؤسسة

[align=center]حياك الله أخوي الكبير ...

أول مره أسمع هذا الكلام ... و فعلا غير منطقي ...

و ما سمعناه هو تفكير لدمج شركات ذات طبيعه متقاربه

و ليس دمج قطاعات ...[/align]

 

مو منطق التخطيط شعندهم عشان يصيرون قطاع بروحهم !!!

التخطيط مع الماليه في قطاع واحد هذا الوضع الحالي وإذا يبون يفصلون القطاعين عن بعض الأولى إن يكون قطاع المالية هو قطاع بروحه وقطاع التخطيط يشوفون له قطاع يحطونه وياه .ليش كل المؤسسات والشركات العملاقة في الدول المتقدمة يكون قطاع الماليه مستقل ولديه مسؤل يرأسه أما إنه يكون قطاع التدريب والمالية والإدارية قطاع واحد تحت عضو منتدب واحد مستحيل وأتوقع هذه إشاعات والرئيس التنفيذي الجديد السيد /سعد الشويب شخص حكيم ولديه خبرة كبيرة في القطاع النفطي ويدرك بأن من الخطأ الجمع بين تلك القطاعات
كما ذكرت أنا أتوقع بأن تلك مجرد إشاعات ذكرت في إحدى الصحف اليوميه
وشكرا

 

هذا كلام صحيح و راح تندمج الشركات بعد بس حاطين لجنه عشان يدرسون الوضع راح يصير بس تقريبا 3 او 4 شركات او 2 بس التفاصبل لا علم لدي بس وسالفه ترى مدوله هذا الخبر من مسول كبير في الموسسه وثقه

 

اخوي الرويشد شوي وتقول الخبر جايبه من (( دوانيه عروقها بالماي )) ههههههههههه

ياجماعه بهالمواضيع الحساسه تكثر الاشاعات والاقاويل

والزمن كفيل بابراز الحقيقه



نــــــــلــــــــــتــــقــي لـــــــنــــرتــــــــقـــي

 

اي عروقها بالماي يبا السالفه ان قاعدين يقللون من المسولينين الكبار عشان يوفرون جم دينار من رواتبهم والبونص والمكافاة بس للحين ترى السالفة تحت الدراسه ترى انا نوعي اجيب الخبر صح اهم شي المصداقيه بالخبار

 

صعبه ياجماعه يصير قطاع الماليه والتدريب والشؤون الإدارية بالمؤسسة قطاع واحد تحت عضو منتدب واحد قمة المهزلة يعني إذا كان العضو المنتدب اللي راح يصير على هذا القطاع ذمته وسيعه يعني البوق سهالات هو يبوق وهو يغطي على نفسه
عشان هيييييييييك مستحيل يصير هذا الشي وبعدين سعد الشويب رجل جاي ينظف ويصلح وما اتوقع يصير هالشي في عهده

 

يدمجون ولا ما يدمجون المهم معاشاتنا ماشيه والباقي مالنا شغل فيه

 

دمج شركات ودمج قطاعات في المؤسسة ؟!!!

شفيهم على سياسة الدمج هذا سؤال يطرح نفسه ؟!!

وبعد فترة يجي وزير جديد او رئيس تنفيذي جديد ويقول فصل القطاعات والشركات وما خلصنا

 

الظاهر السالفه فيها تنفيع

 

لو يحطون كل القطاعات في المؤسسة تحت عضو واحد أحسن ويصير مسؤوله الرئيس التنفيذي

يعني رئيس تنفيذي يرأس رئيس تنفيذي

شاكرين لكم حسن تعاونكم

 

شكرا ياخوي قطعة 6
بس الظاهر هذا الكلام راح يسوونه لتنفيع ناس معينين

 

حبيبي شارع 607

تنفيع شخص واحد بعد جبدي مو ناس معينيين

 

الظاهر الشخص وراه ظهر كبير ما يقدرون عليه ويبون يقسمون المؤسسة علشانه

 

والله الظاهر كلامك سحيح مية بالمية

تدري خبر اليوم بفلوس باشر ببلاش

إلا ما قلت لي شخبار جادة 5 تشوفه

 

كل شي جايز بس المنطق يقول ماراح يتم تعيين رؤساء الشركات النفطية والأعضاء المنتدبين في المؤسسة إلابعد تعيين وزيرللنفط بالأصالة

هذا اللي انا اتوقعه دام وزير النفط الحالي بالوكالة ما اتوقع يصير شي بهذا الخصوص

 

انا اتوقع هذه مجرد إشاعات

إحنا بالكويت ونفس هذه الفترات تكثر الإشاعات

 

اسعد الله أوقاتكم

دمج شركات القطاع النفطي راح يصير ياجماعة على غرار الشركات العالمية اللي احنا قاعدين نحاول نقايش معاهم (طبعا الفرق ان عندهم ماكو واسطات، والمدير اللي ما يقدم شي يطلعونه مو يرقونه!!) ، والدمج راج يكون بدمج الشركات ذات التخصص المشابه الى قطاعات منها على سبيل المثال قطاع الـ Upstream وتحته شركة الـ KOC و الـ KUFPEC وخلافه ، ثم قطاع الـ Downstream وتحته شركة الـ KNPC و الـ KPI ومن شابهها وأعتقد لازم يكون فيه قطاع للدراسات والبحوث وقطاع للخدمات لكن ماظن ربعنا فيهم شدة يدفعون القطاع النفطي الى أعلى المراتب ولو ان الإمكانيات موجودة والكفاءات على أفا من يشيل...وهذي هي الفكره وطبعا فوقهم كلهم شركة الـ KPC والهدف ان يتم تطبيقه في فترة 3 السنوات القادمة

 

والله كل شي جايز