يالله تعدّيهـا علـى خيـر

الكاتب : MR HANDSOME | المشاهدات : 473 | الردود : 3 | ‏11 أكتوبر 2007
  1. MR HANDSOME

    MR HANDSOME بـترولـي نشيط

    120
    0
    0
    يالله تعدّيهـا علـى خيـر وتصـيـب مـن حدّنـي أكتـب خمالـه وعيبـه
    يبغى الصّراحه مابها شـك او ريـب باقولهـا والـنـاس كــلٍ وطيـبـه
    والسّالفـه ماهـي بلحيـة مواجـيـب كـلٍ علـى طبعـه يجيبـه حليـبـه
    بعض المنابـت بالمراجـل عذاريـب وبعض المنابـت للمراجـل خصيبـه
    رجلٍ يبـي طاريـه عنـد الأشانيـب ورجـلٍ يبـي طاريـه عنـد الحبيبـه
    ورجـلٍ يـودّي بالسواليـف ويجيـب ورجـلٍ سواليفـه لفعـلـه تجيـبـه
    ورجلٍ يغض الطّرف عن جارة صحيب ورجلٍ عيونه فـي محـارم صحيبـه
    ورجل يغيب ويفقدونـه هـل الطيـب ورجلٍ ليامن غـاب ماحـدٍ دري بـه
    ورجلٍ تشوف بخوّتـه لـك مكاسيـب ورجلٍ تشـوف بخوّتـه لـك غليبـه
    ورجلٍ إذا أخطى يرى نفسـه مصيـب ورجـلٍ إذا إخطـى يراهـا مصيبـه
    قلت الصّراحه مابهـا شـك أو ريـب كـلٍ علـى طبعـه يجيبـه حليـبـه
    إشره وشرّه كـان تبغـى المواجيـب عط حـق تاخـذ حـق مابـه معيبـه
     
  2. dehen_3ood

    dehen_3ood بـترولـي خـاص أعضاء الشرف

    أنا أشهد يا الوسيم .. والرجال مخابر وليست مناظر

    (( والسّالفـه ماهـي بلحيـة مواجـيـب كـلٍ علـى طبعـه يجيبـه حليـبـه ))

    ومو كل من خط له شنب قال انا رجال .. الرجل الصح هو رجل المواقف والأفعال

    تسلم الأيادي على هالأبيات الحلوة
    وبانتظار جديدك !!
     
  3. HUMMER

    HUMMER بـترولـي خـاص

    صح لسانك ومشكور على المشاركه
     
  4. مختبرجي

    مختبرجي بـترولـي نشيط جدا

    196
    0
    0
    KOC
    صح لسان اللي قالها واللي نقلها
     
جاري تحميل الصفحة...

مشاركة هذه الصفحة