هل أضرب المهندسين ؟

الكاتب : يا وطن لك من يحبك | المشاهدات : 1,107 | الردود : 11 | ‏29 أغسطس 2011
  1. يا وطن لك من يحبك

    يا وطن لك من يحبك بـترولـي نشيط جدا

    353
    0
    0
    نفطي متنفط وأشم يومياً H2S أم قدير
    العالية .. الغالية
    هذا سؤال أوجهه للأخوه في الاتحاد والنقابات
    وبعد إذنكم راح أقارن بفئة كلنا لمناها لما تعطلت زيادتنا
    سؤالي :
    هل أضرب المهندسين قبل حصولهم على الكادر ؟
    الجواب : لأ

    وسبب حصولهم على كوادرهم هو ببساطة "نقابات قوية"
    رؤساء جمعيات عندهم قدرة على التفاوض
    أعضاء مجالس عندهم مصداقية

    والله أذكر سنة 2005 أو 2004 لما أقروا كادر المهندسين الأول .. أذكر الربع المهندسين قالوا إن رئيس جمعية المهندسين "وعدهم" بكادر ثاني خلال "خمس سنوات" ضعف اللي نزل
    وأذكر إنهم نشروا جداول مقترحه للكادر اللي يرغبون بإقراره
    وعدوا .. وأوفوا
    وكانت خطواتهم واضحة وإيمانهم برب العالمين كبير
    ماقالوا حسد ولا عين
    وهكذا الرجال

    والإخوان اللي يقولون للاتحاد والشرثان والنقابات "عساكم عالقوه" !!!
    ممكن أعرف "على شنو" ؟؟؟؟؟
    لما تركنا موضوع الزيادة أمانه بين إيدينهم خاروها ومن تكتم إلى تكتم إلى ضياع حقوق بسبب "ضعفهم" وعدم قدرتهم على إدارة الأمور والتفاوض
    والحين جايينا يطلبون وقوفنا يد وحدة والإضراب للحصول على مطالبنا
    ولما ربكم يكتب ويتم أقرار الزيادة بيقولون "جهود الاتحاد والنقابات"

    آنا رجل أبي يزيدون رواتبنا لكني ضد الإضراب ..
    وراح أحث كل الربع إنهم ما يضربون
    لأني على ثقة برب العالمين وعندي يقين إن الزيادة قادمة

    ربكم يسهل ويفرجها ببركات هالشهر الفضيل
     
  2. واحد من خلق الله

    واحد من خلق الله بـترولـي نشيط جدا

    296
    0
    0
    اخوي الله يهديك اننت مبين ان فيه شي بينك وبين الاتحاد والنقابات شي شخصي نص الموظفين مو عاجبهم الا تحاد ولا عجبتهم المماطله الي صارت وناس واجد عندهم تحفظات على الاضراب بس كلنا متفقين على اهميه الاضراب ومتفقين على انجاحه اخوي الله يرحم والديك الكلام الى قاعد تقوله وقته ايام الانتخابات مو اللحين وانا اصلا اتوقع ان النقابات راح تغير للاحسن ان شاء الله ولا فيه احد من النقابات الي اللحين راح يبقى واولهم الشرثان.
     
  3. Sccotchch

    Sccotchch بـترولـي نشيط

    73
    0
    0
    ياوطن اسلوبك اسلوب تشتيت للموظفين موناقصينك بعد لوسمحت ياتقول شي فيه خير ياتسكت
     
  4. اللهم عليك بالظالمين

    اللهم عليك بالظالمين بـترولـي نشيط جدا

    273
    13
    18
    اخوي ابيك تجاوبني على سؤال ... الاضراب حق مكفول او لا ؟ سلامتك
     
  5. يا وطن لك من يحبك

    يا وطن لك من يحبك بـترولـي نشيط جدا

    353
    0
    0
    نفطي متنفط وأشم يومياً H2S أم قدير
    العالية .. الغالية
    والله ما أعرف ولا واحد فيهم .. هذا رد على سالفة إن عندي عداء شخصي
    والله ما أعرف ولا واحد نزل ضدهم بالانتخابات .. هذا رد على اللي بيجي ويقول إني أشتغل ضدهم بالانتخابات
     
  6. يا وطن لك من يحبك

    يا وطن لك من يحبك بـترولـي نشيط جدا

    353
    0
    0
    نفطي متنفط وأشم يومياً H2S أم قدير
    العالية .. الغالية
    أخوي ماني راد عليك لأنك معروف ماعندك أسلوب حتى مع الأخوات اللي دخلوا المنتدى وطفشتهم
    سلامتك وماتشوف شر
     
  7. يا وطن لك من يحبك

    يا وطن لك من يحبك بـترولـي نشيط جدا

    353
    0
    0
    نفطي متنفط وأشم يومياً H2S أم قدير
    العالية .. الغالية
    هلا والله أخوي .. أولا فرصة أقولك إني مع إني ما أعرفك بس والله أحب تعليقاتك
    ثانيا ..
    نعم الإضراب حق مكفول
    بس ليش وصلنا لمرحلة الإضراب في وقت كنا مغيبين بالكامل عن كل اللي كان يصير ؟
    منو أكثر عدد المهندسين ولا عمال القطاع النفطي ؟
    أي ميزانية أكثر .. ميزانية الزيادة ولا ميزانية كوادر المهندسين ؟
    تعتقد بالنسبة لصناع القرار بالدولة منو أهم .. عمال القطاع النفطي ولا المهندسين ؟
    ليش موضوعنا وصل هالطريق والمهندسين ما اضطروا يضربون ؟
    يا جماعة كلموني بالعقل
    يعني معقولة صناع القرار يبون يغثونا ؟
    مستهدفينا ؟
    الخلل يا أخوي في اللي حملناهم الأمانة
     
  8. واحد من خلق الله

    واحد من خلق الله بـترولـي نشيط جدا

    296
    0
    0
    اجل انا اسف ياخوي وحقك على طيب طال عمرك شنو توقع الحل شالي لازم نسويه ؟؟
     
  9. يا وطن لك من يحبك

    يا وطن لك من يحبك بـترولـي نشيط جدا

    353
    0
    0
    نفطي متنفط وأشم يومياً H2S أم قدير
    العالية .. الغالية
    لا حبيبي ماله داعي تعتذر
    أخوي إذا تسأل عن الحل فكان مفروض الممثلين الشرعيين (الاتحاد والنقابات) يتحركون صح من البداية
    وصح يعني أولا وآخرا إنهم يكونون قد المسؤوليه ويشوفون غيرهم شسووا وحصلوا الكوادر ويتعلمون منهم
    ولو كانوا متحركين صح فالزيادة ماراح تاخذ كل هالوقت لإقرارها
    إنت لاحظت إن حتى الجمعية العمومية الغير عادية منعوا أعضاء الجمعية (إحنا) من الحضور !!!!!!!!!!!!!
    أخوي عمرك شفت جمعية "عمومية" ما يحضر إلا أعضاء مجلس الإدارة ؟؟؟؟؟؟!!!!!!!!!!!

    وعموما واضح جدا إن الزيادة إنشالله قريبه
    وراح تذكر كلامي وكلام غيري اللي كان لهم نفس الراي لما يقرونها وتلقى إيميلات الشكر والمباركة للاتحاد والنقابات
     
  10. مو معقول

    مو معقول موقوف

    663
    0
    0
    اخوي المهندسين جبناء........والا لو فيهم ذرة شجاعه جان خذوا حقوقهم من زمان... بس جبناء
     
  11. محسن

    محسن بـترولـي نشيط

    97
    0
    0
    ما أعتقد المهندسين جبناء لكني أعتقد أنهم أذكياء وفعلا مهندسين لأنهم يعلمون ان زيادتهم صعب أقرارها لأنها لو أقرت سيطالب المحاسبين والفنيين بالكادر أسوه بنظرائهم بالوزارات وهذا ما سيحل والقضاء على الأشكاليه بحال أقرار الزياده العامه
     
  12. مو معقول

    مو معقول موقوف

    663
    0
    0
    اذكياء:) امحق ذكاء اللي خمس سنين واهم ينطرون الكادر
     
جاري تحميل الصفحة...

مشاركة هذه الصفحة