الغاء التكويت نستحق الافضل

عزالله نفس ماقلت ... (( نفق مظلم ))

ضيعو اللي يبي يتوظف ,,, ولاحظ شكثر الاستفسارات من الاخوان عن طريفة التقديم

وبأي مكان وعند منوووو !!

والله شحلاتنا قبل = دق على فلان وفلان يدق على اللي بالشركه وشهر بالكثير وانت مداوم


​

 

والله التكويت شي حلو يظمن الامان الوظيفي لانه لي صار ما صار اخاطب المؤسسة انتي الي وظفتوني عن طريقكم واقدر احاسبهم عن زياداتي مع الحكوميين بالقطاع النفطي وفي حال فصلي انتو قبلتوني مو الشركه سوتلي المقابله التكويـــت قبلني عن طريق المؤسسة بس للاسف التكويت يحتاج اداره صارمه وتبذل جهد مو بس مجرد اسم تكويت للأسف.

 

الحل بتطبيق القانون بس الهوامير اصحاب الشركات موراضيه والمؤسسه لاحول لها ولاقوه والضحيه العامل الكويتي

 

السلام عليكم اخي العزيز أنا تكلمت معاك في هذا الموضوع وعرفت ان المقصود هو اداره التكويت في شركه نفط الكويت وانا معاك في هذا الموضوع اما الغاء نظام التكويت اعتقد انه هو الذي يضمن لنا الأمن الوظيفي ووجوده ضروره هامه لنا..!!

وشكرا لك

 

انا اوافقك اخوي بالراي

 

ياعيني عليك اخوي / نفر من الناس وهذا الصج ,,

الا الهوااامير لحد يزعلهم !!




​

 

الله يعطيكم العافية وقواكم الله، وتقبل الله طاعتكم، وعيدكم مبارك

آنه اقول اتركو عنكم هالحجي، إلغاء التكويت، وتوقيع العقد اليديد، وهالحجي اللي ماشفنا منه شي، ومع الشكر للأخوان وجهودهم المبذولة لتحقيقه

ومثل ماقال الفنان سعد الفرج الحكومة أبخص والحكومة تبي أطبق سياسة العودة : (( أي تبي كل المواطنين والموظفين والمتقاعدين واللي يبون يتوظفون والآجيال القادمة، يرجعون داخل السور نفس أول ويسوون الكويت طبقات ..طبقة .. فوق طبقة... )) ولاتنسون الأنواط اليديدة فئة 1000دينار و100000دينار ناهيكم عن القطارات وبشتك تحت ابطك راكب قطارك رايح فرضتك شاري خضرتك نوطك بو ألف فجيبك راجع بقطارك بيتك ...إلخ

وطبعا اهم شغالين على هذا المشروع الضخم من سنين طويلة وتقريبا قرب هالمشروع الطبقي انه ينتهي وتبين معالمة بالكامل وبشكل بروفيشينال

ها ولاتنسون الحرامية الكبار لهم الدور الكبير في هالطبقات

وشاكر لكم ...، وناطرين الفرج إن شاء الله بالعقد اليديد اللي مثل بيض الصّعو نسمع فيه وما نشوفه​

 

والله فاهم قصدك يالغالي والله يستر من اللي ناوين عليه !!

والعموووم ناطر (( بيض الصعو )) والله ماصارت



​

 

أنا أظن ان العيب مو في التكويت ولا الهوامييير العيب فينا إحنا بس قاعدين نتحلطم وبس ومضيعين حقوقنا
لكن الأمل موجود والبركه بالشباب اللي يشتغلون علي هذي الحقوق وراح يطلعونها لنا واحنا ليما الأحين نتحطم في المنتدي،،