طبيعة عمل المهندس المدني

الكاتب : obo_Flona | المشاهدات : 9,043 | الردود : 14 | ‏23 أغسطس 2011
  1. obo_Flona

    obo_Flona بـترولـي مميز

    السلام عليكم

    انا تخصصي هندسة مدنية خريج جامعة الكويت
    حبيت اعرف عن طبيعة عملي كمهندس مدني في البترول
    لان هذا الموضوع يعتبر مبهم للجميع حيث الكل يعتقد ان البترول فقط لمهندسي البترول !!

    وياريت تفيدوننا عن اماكن العمل وين صايره ؟؟
    طبيعة الدوام ووين نداوم ؟؟ شفتات ..... صباحي؟؟

    وشكرا لمسؤولين المنتدى الي قدموا لنا هالمنتدى الي اكيييد فاد كثيييير من الاشخاص:)
    كله بميزان حسناتهم ان شاء الله:eek:
     
  2. بترولي طمووح

    بترولي طمووح بـترولـي جـديـد

    27
    0
    0
    وعليكم السلام

    بخصوص طبيعه عمل المهندس المدني بالبترول نفس طبيعه عمله في اي مكان ثاني نفس الوظيفه
    والدوام صباحي من 7 الى3 مافي شفتات
    الاماكن الموجوده في الاحمدي والحقول
    وبخصوص الرواتب في بدايه التعيين راتبك بالنفط اقل من الوزارات لانه مافي كادر مهندسين بالنفط
    يبيلك جم سنه على ماتصير اعلى من الوزارات
    نصيحتي وانا اخوك دامك مهندس روح وزاره وخذ الكادر وارتاح ببيتكم :):)
    لان الدوام بالبترول تعب والله
     
  3. obo_Flona

    obo_Flona بـترولـي مميز

    مشكور اخوي عالافاده
    بس ياخوك مثل ما انت عارف السلم الوظيفي بالبترول غير عن الوزارات واقوا من ناحية الترقيات و زيادة المعاش
    وخاااصة البونسات والزياده السنويه والتقدير السنوي
    صحيح كلامك ان من البدايه معاش مهندس بالبترول اقل من الوزارات
    بس بجم سنه يصير اعلا بوايد
    والله يكتب الي فيه الخير​
     
  4. مو معقول

    مو معقول موقوف

    663
    0
    0
    حالياً الوزاره افضل من البترول للمهندس من ناحية الراتب الشهري وميزة السياره اللي يحصل عليها المهندس بالوزاره.

    وانا اقولها لك مني لي عشر سنين...الوزاره راتبه اعلى من البترول و دوامه 6 ساعات و سياره...والبترول دوامه 8 ساعات

    بس ان شاء الله بعد الاضراب راح يتم اقرار زيادة لموظفين البترول عموماً و راح تكون منصفه للمهندس مقارنة مع الوزاره. و عسى الله يجيب الخير

    يعني النصيحه تقول مع الزياده تعال البترول وبدونها خلك بالوزاره...وبالتوفيق

    وطبيعة عملك اما مصمم او منفذ
     
  5. obo_Flona

    obo_Flona بـترولـي مميز


    السلام عليكم

    الحمدلله بعد زيادة الرواتب قررنا العمل بالبترول بعد ماكنا متخوفين من التعب ومعاش اقل من الوزارات

    اتوظف على قريد 12 عدل؟؟؟
    بالنسبه لبداية التوظيف هل لي الاختيار لمكان العمل يعني حقول او الاحمدي؟؟؟ وهل في اماكن اخرى؟؟

    بغيت اعرف شنو اهيا المميزات لوظيفتي ونظام العمل ... يعني معلومات تفصيليه لموظف koc

    اجرينا المقابله وناطرين الفحص
    وان شاء الله خير

    اشكركم




     
  6. بترولي طمووح

    بترولي طمووح بـترولـي جـديـد

    27
    0
    0
    التوظيف على قريد 11
    والمكان هم يختارونه حسب الحاجه ونظام الدوام صباحي بس مافي شفتات والاغلب انهم يحطونك بالاحمدي
    المميزات اللي تستحقها سياره بس موشرط انك تستحقها راح تااخذها
    والمميزاتالثانيه اللي من حق اي موظف التذاكر والتامين ومنحه الزواج والاثاث ((اذا كنت عزوبي))
    والله يسهلك دامك وصلت الفحص مبروك والله يوفقك
     
  7. obo_Flona

    obo_Flona بـترولـي مميز


    اووه
    غريبه قريد 11
    لاني قريت مره شغله ان البكالريوس يتعين على قريد 11
    والبكالريوس الفني يعني المهندس يتعين على قريد 12

    واذا كنت عزوبي يعطوني منحة اثاث وزواج؟؟
    اعتقد اذا تزوجت يعطوني

    مشكوووووور يا بتروولي طموح
    الله يوفقك ان شاء الله



     
  8. بو أحمد83

    بو أحمد83 بـترولـي جـديـد

    36
    0
    0
    لا تتوظف علا 12 و على حسب الحاجه يكون توظيفك

    بس صراحه مدني مادري شنو طبيعه العمل


    موفق انشاالله
     
  9. obo_Flona

    obo_Flona بـترولـي مميز


    يزاك الله الف خير
    طمنتني الحمدلله

    ان شاء الله الشباب يفيدوننا عن طبيعة العمل ومميزاته
    مشكووور يالغالي



     
  10. BURGAN

    BURGAN بـترولـي نشيط جدا

    181
    0
    0
    اخوي طبيعة عمل المهندس المدني في شركة نفط الكويت هو في الغالب الاشراف على المشاريع الجديدة او مشاريع الصيانة و عدد المهندسين المدنيين الاكبر يتركز بدائرة الهندسة و دائرة خدمات الاحمدي و البعض في فرق الصيانة.
    المهندسين المدنيين يشرفون على اعمال الطرق من اسفلت و دفان و عمل الاكتاف و في المشاريع بالاشراف على الاعمال الخرسانية و اعمال التشطيبات للمباني و اعمال البناء للمباني ذات الهيكل الحديدي الانشائي كالهناغر الكبار والورش.
    وهناك نسبة قليلة جدا من المهندسين المدنيين في دائرة العقود بحكم ان تخصص العقود يوجد بالاقسام المدنية في الجامعات.
    عموما ان كانت لك خبرة في اي وزارة من اعمال مدنية وانشائية فالعمل في شركة نفط الكويت هو نفسه في الوزارات ولكن الاختلاف هو في طبيعة المنشآت فهناك المنشآت هي منشآت مدنية و لاستعمال الافراد اما في شركة نفط الكويت فالاعمال هي لبناء منشآت نفطية بالاضافة لبناء منشآت للأفراد.
     
  11. بو أحمد83

    بو أحمد83 بـترولـي جـديـد

    36
    0
    0


    قصده اذا داش الشركة عزوبي و تزوجت وانت بالشركه لك منحة سكن و زواج

    اما اذا داش و انت متزوج فما لك شي



    المميزات


    سيارة حسب اذا دوامك حقول

    تامين صحي لك و مرتك و عيالك او اذا مو متزوج امك و ابوك بمستشفى الاحمدي

    تذاكر سنوية لمصر لك و مرتك و عيالك و اذا عزوبي بس لك

    و عساك سالم
     
  12. obo_Flona

    obo_Flona بـترولـي مميز


    مشكوووووووووور اخوي BURGAN عالشرح الدقيق
    الله يوفقك دنيا واخره قول امين

    ممتاز شي جميل ان في طرق
    ماتوقعت ان طرق الاحمدي خاصه بالبترول من ناحية الانشاء والصيانه!!

    الدوام بالاحمدي وايد احسن من لا يقطوني حقول علبونه زياده 400 دينار
    لاني سمعت ان المدني مطلوب بالحقول (drilling , casing ) واحتمال كبير اداوم هناك وانا بصراحه ماودي

    شكرا جزيلا اخوي عالافاده


     
  13. obo_Flona

    obo_Flona بـترولـي مميز




    والله شي ممتاز
    بس اخاف يشترطون مده زمنيه للعمل وانا بيني وبينك مقبل عالزواج عن قريب

    تهقه تسوى ااخر الزواج؟؟ ههههه:p

    خوش مميزات

    الله يكتب الي فيه الخير

    وجزاك الله الف خير عالمساعده


     
  14. بو أحمد83

    بو أحمد83 بـترولـي جـديـد

    36
    0
    0
    ^^
    اذا خذيت امنحة الاثاث يعني تزوجت وانت على 12 لك 1000 دينار

    و اذا خذيتها على 13 لك 2500 دينار


    احسبها بمخك ؛p


    الف مبروك مقدما و معوض خير اهم شي الستر
     
  15. obo_Flona

    obo_Flona بـترولـي مميز


    لا مطول قريد 13 ههههههه
    انا قلت احتمال مايصير من اول ما اتعين اطلب المنحه علبوني الحين بتزوج
    لان يمكن يقولونلي لازم يمر عليك شهرين او 3 او سنه مثلا

    جزاك الله خير اخوي بواحمد 83





     
جاري تحميل الصفحة...

مشاركة هذه الصفحة