كورسات في غرفه 12 مصفاة ميناء عبدالله

للأسف هذا الأمر يتكرر في جميع المصافي
وسبق وان تقدمنا بكتاب الى النقابه بهذا الخصوص
القصد من هذه الكورسات ان ينحسب على موظف ساعات تدريب فقط لا اكثر ولا اقل دون اي اهتمام بالعمل او الموظف

 

عندنا بالشعيبه بالأسبوع يومين او ثلاث

واتفاجئ بالسيستم اني محسوب رايح كورس لمده يوم كامل

وانا مداوم ورايح ساعه وراجع


شنو تنصحووونه نرفض الذهاب

 

يا اخوان المشكله مو من الشفت كنترول او اليدر المشكله من فوق من مدير المصفاة التعليمات وماسك الكورسات تيم ليدر مال الهيدروجين ذاك اليوم صارت مشادة كلاميه بين ليدر شفت السي وبين التيم ليدر داخل مكتب اليدر علشان هل كورسات كانت حاميه لان الشفت ليدر مو مقتنع في وقت الكورسات في رمضان وكان اول كورس في الشفت السي 9 الحضور ثاني اسبوع حضر التيم ليدر الى مكتب اليدر في السي شفت زعلان ليش الحضور 9 وصارت المشادة الكلاميه بينهم يقول اليدر شتبي يعني تبي غصب اجيب عصى واركض ورا المشغلين علشان يحضرون الكورسات هل كورسات مو قانونيه تبي تودي احد كورس فضه من العمل وخله يحضر الكورس يوم كامل ولايحسب عليه حضور ساعتين على انه كورس يوم كامل في السستم وما تودونهم كورسات برا خارج البلد بس الكورسات حقكم انتم تصيفون في لندن كل سنه , الله درك يا ليدر ال سي شفت, وقفت ريال وطلع التيم ليدر زعلان يقول انتا تستهزء فيني ونحاش شر البليه مايضحك .....

 

صحيح ان الكورسات من طرف مدير المصفاة
ولكن الى حاصل انها كورس من نص ساعه الى ساعتين ويحسب عليك رايح كورس ويدخل ضمن ملفك
وتقدر تتاكد تشوفه مضاف فى البورتال ثاني يوم
وللاسف الى نلاحظه من الكورسات هذى من يقوم بتقديمه مهندس سيفتى ويحسب له وبملفه انه للعدد المطلوب
والمشكله صارت تحدى بين الليدرز منو ا
اييب العدد الاكثر حتى لو ياب من الصيانه والمقاول وهذا الى حصل معانا فى الشيفت a
والكورس مكرر ويعتبر نوعا ما عادى وليس من صميم العمليات

 

الغريبه ان الموظفين بصعوبه يروحون كورسات داخليه خارج المصفاه و السبب يقول لك المان باور ( مع العلم ان العذر هذا صار قديم و المان باور صاروا كافين و زياده )

و لما تجي الكورسات اثناء العمل يودون الموظفين لأن هذه النوعية من الكورسات للاسف من مصلحة المسؤولين

الكورسات هاذي ليش ما يجمعون عدد الساعات فيها و يخلون مدتها اسبوع داخل المصفاة و بتفرغ كامل

المسؤولين يدرون ان الطريقة هاذي افضل في تركيز الموظف على الكورس


ادعو النقابة للتدخل لأن اللي قاعد يصير يدعو للاحباط فعلا

 

الوضع يرثى له ومن سيء الى اسوء الله المستعان..والكورسات هذي اكبر دليل..مو معقول انك تخلي نص المان باور يروح كورس لمدة ساعة تقريبا..كل هذا عشان تسجيل اسماء ؟؟والله ان الموضوع بدا يتطور تطور مخيف الله يستر