شرح امتحانات ال kpc

الكاتب : Pink.Lady | المشاهدات : 1,244 | الردود : 3 | ‏17 أغسطس 2011
  1. Pink.Lady

    Pink.Lady بـترولـي جـديـد

    21
    0
    0
    kuwait
    السلام عليكم ...



    مساء الخير للجميع
    وانا اتصفح بالمنتديات لقيت موضوع لعضوه والصراحه وايد مفيد
    شرح عن امتحانات القدرات لشركات القطاع النفطي وان شاءالله راح يفيدكم
    والبنت ماقصرت كاتبه طريقة الامتحان واجزائه ..




    مؤسسة البترول قبل القبول عندها كذا امتحان القدرات الانجليزي التخصص وبعدها ان شاء الله المقابله وبعدها توقيع العقد

    الواحد ماراح يوصل حق الخطوه الثانيه اللا لما يطوف الاولى يعني ماراح يدزون مسج حق التخصص اللا لما الواحد

    يطوف القدرات

    بين كل امتحان والثاني تقريبا من يومين الى اسبوع او اسبوعين

    اول شي امتحان القدرات طبعا في بالانجليزي وبالعربي وانتو تنقون اي لغه تبون وكل شي بالكمبيوتر تختارون اختيار متعدد او تكتبون او تظللون

    انا عن نفسي امتحنته بالعربي والامتحان ممل ويبيله شوية تركيز وفيه شوية شروط بنذكرها ويا كل قسم لما نشرحه

    ناسي الترتيب بالضبط شلون كان بس الاجزاء ان شاء الله مو ناسيهم

    اول شي الامتحان وفيه وايد اسئله وكلهم لهم وقت محدد

    قبل لا تبلشون الامتحان راح ادخلون الرقم المدني بايدكم واللي يغلط فيه يتحمل لان لو غلط ما راح ينادونه بعدها




    الجزء الاول:

    يحط تقريبا 10 حروف مخربطه ويقول طلع منهم كلمه من 4 او 5 حروف

    ك مساعده راح يعطونكم سؤال يقولون اجابته لكم عشان تعرفون شلون تختارون الحروف

    مثال :

    ج ح س ق ث ز ل ك و ي ت ك س ث ص

    ماراح تطلع اللا كلمه وحده

    واللي ما لقاها الكلمه

    ج ح س ق ث ز ل ك و ي ت ك س ث ص

    راح تظللونها

    صح تلعوز ولازم بسرعه بسرعه لان الوقت مجبورين فيه واللا ما لقا الكلمه يروح حق اللي بعدها على طول

    الاسئله اللي بعدهم تكون ترتيب الحروف مجموعة حروف وشنو الترتيب الصحيح مالهم (ربع المسجات النوكيا بس راح يستفيدون منه خخخ )

    مثال :

    ج خ ح - د ر ذ - ز ش س - ع غ ف

    وتختارون الصح واللي ما عرف الاجابه --- (ع غ ف )



    مو شوييه طبعا هالسؤالين عليهم اكثر من 10 اسئله


    الجزء الثاني

    من الامتحان عمليات حسابيه وهذا اسهل جزء لازم تضمنون درجته وفيه
    شي مهم لازم تعرفون لما تبلشون من اليمين او اليسار

    مثال :

    54897

    اضرب الاول بالثاني واجمعهم على الرابع


    (7*9)+4 = 67

    لو واحد بلش العكس وخذا

    (5*4)+9= 29 والناتح راح يطلع غلط وكل اجاباته غلط

    العمليات غالبا ضرب قسمه جمع طرح تربيع جذر تربيعي

    راح تقولون صارت اي صارت وناس ما قبلوهم وما طافو الامتحان لان درجتهم نزلت وايد ديرو بالكم


    الجزء الثالث

    كان كله رسومات

    يعطيكم مثلا شكل معين وتسون عليه عمليات معينه

    العمليات تكون كبير تصغير دوران 180 درجه دوران 90 درجه تغيير لون من الاسود لي الابيض والعكس

    وكل وحده لها رمز راح تشوفونهم بالامتحان

    المثال ما اقدر احطه لكم لانه رسومات كلها

    حرف L او مربع او مثلث قائم ويقولكم سوو العمليات عليه وتكون اكثر من عمليه ورا بعض تقريبا 4 او 5 ويبي الناتج النهائي على طول

    تقريبا 8 اسئله ب دقيقتين كان اصعب شي والوقت ما يكفي يا الله تحل سؤال او اثنين منهم

    هالله هالله بالركاده ولا تزعلون اذا ما حليتو شي لان في وراه اجزاء مهمه


    الجزء الرابع

    كان نفس امتحانات تحديد المستوي او اختبار الذكاء مال المتوسطه

    لقيت هذا وايد مفيد ومشابه له بس الرسومات بالامتحان هناك شوي اعقد من هذي

    http://www.iqtest.dk/main.swf

    الجزء الخامس :

    اسئله شخصيه كلها وعندكم 3 اجابات أ و ب و ج

    ال ب يعني الواحد متردد وحدكم تجاوبون 10 اجابات ب اللي يجاوب اكثر راح يكون راسب بالامتحان كثر ما تقدرون وخرو عن ب
    في شغله بعد لا تخلون ولا سؤال فاضي بدون لا تجاوبون عليه واللي ينسى سؤال يسلم على الامتحان


    والتشيير ما يفيد لان في اسئله راح تنعاد بس بصيغه ثانيه يشوفون منها اللي مشير

    واللي يشير بعد يقضبونه الباب
     
  2. عزيز 88

    عزيز 88 بـترولـي نشيط

    114
    0
    0
    امتحان القدرات مو قالوا انلغى:confused:
     
  3. MLE

    MLE بـترولـي نشيط

    91
    0
    0
    حقوق النقل عالاقل الريال ماقصر وكاتب هالموضوع ، عالاقل ينسب له !!
    عموما موفقينـ بالامتحان وامتحان القدررات لغووه موحاطينه الحين
     
  4. Pink.Lady

    Pink.Lady بـترولـي جـديـد

    21
    0
    0
    kuwait
    مادري اذا انلغى او لا
    وثانكس عالرد

    بس ترى مانسبت الموضوع لي وقلت اني نقلته من احد المنتديات
    والعضوه اسمها عديل الروح : )
    وحيااك
     
جاري تحميل الصفحة...

مشاركة هذه الصفحة