يالشرثان (يالمفلحي) أما آن لك أن تترجل وتصرح !!!!

الكاتب : eng_004 | المشاهدات : 1,952 | الردود : 15 | ‏14 أغسطس 2011
  1. eng_004

    eng_004 بـترولـي نشيط

    68
    0
    0
    ياعبدالعزيز ....الى متى هذا السكوت المخيف ؟؟؟ ألا تعلم بأنك رئيس اتحاد عمال البترول أم أنك لاتدرك ذلك !!... ( أنت شلونك طيب ) ..أرجو من سيادتكم طرح موضوع الزياده عند صاحب السمو رئيس مجلس الوزراء على الغبقه اليوم لأنك ستكون أحد المدعويين إليها (دعوه شخصيه مرسله لك). ولاعزاء لعمال وموظفي القطاع النفطي.
     
  2. بو زياد

    بو زياد بـترولـي نشيط

    147
    0
    0
    اشك ان رئيس الاتحاد مايعرف صلاحياته
    رئيس الاتحاد منصبك لايمثله الا رجل دوله
    ( يعني انت الحين تعتبر رجل من رجالات الدوله )
    شد حيلك وبشرنا بالزياده اللي ترضي العمال
    قلت ارفعله شوي يمكن يطلع من ورا هالمدح شي
     
  3. مجموعة نفطية

    مجموعة نفطية بـترولـي خـاص أعضاء الشرف

    694
    0
    0
    اشششش

    ياشباب رجاءا بلا ازعاج وشوشرة الرجال نايم ;)

    ويستمر السبات الصيفي وراح يجي الشتا ويستمر السبات ;)

    للاسف نحن لانتعلم راح تجي الانتخابات وراح يرجع رئيس الاتحاد والسبب الفزعه ;)

    اما باقي المطالب لاحياة لمن تنادي

    اي هين يكلم رئيس الوزراء هذا وجهي اذا ماقاله ( كل شي تمام طال عمرك )
     
  4. مواطن كويتي

    مواطن كويتي بـترولـي نشيط جدا

    466
    12
    18
    السلام عليكم ورحمة الله وبركاته
    تكتم تكتم ولا أحد يتكلم
    الجداول ممنوع تطلع .. أي تفاصيل عن الزياده و الاجتماعات غير مسموح حسب شرع الاتحاد انها تطلع
    الكلام في موضوع الزياده حرام على غير المعنيين إلا وهم الاتحاد البترولي لأنهم المعني الأوحد عن موضوع الزياده فقط لا غير ..!!
    ولا عزاء للموظفين
    مثل ما هنالك انظمه العربيه فقدت شرعيتها و شعوبهم صارت تنبذ حكمها أعتقد أن الاتحاد بدأت شيئا فشيئا يفقد شعبيته وشرعيته و الله يفكنا منه اتحاد الفرعه و حب الخشوم
     
  5. Failakawe

    Failakawe بـترولـي نشيط

    96
    0
    0
    الشرهه علينا احنا اللي وصلنا هالناس الى مناصبهم .. وان شاء الله الموظفين يتعلمون يعطون اصواتهم حق منو
     
  6. مو معقول

    مو معقول موقوف

    663
    0
    0
    يا جماعه في نوعيه من البشر لما يحتك مع الناس الكباريه مثل الوزير او رئيس مجلس الوزراء يخورها ويكتم ويتمنى بس ينتهي الموعد و لو يقولون له كلمتين قعد يبجي.....تبونه يطالب لكم بالزياده عندهم؟ انا اقول لو مطالبين النواب بالتحرك السريع احسن من ناس ميته...لا ويقول الزياده غير منقوصه..........إنقص وجهه عقب هالتصريح وطخ ما عاد قام يتكلم ولا ينطق بولا كلمه...انا حاس بشعوره وادري انه متوهق و لو الود وده و ردت فيه الدنيا جان ما صرح ولا نزل انتخابات ولا صار رئيس للاتحاد.....

    لو اني مو صايم جان تكلمت بكلام اقوى من جذي لكن عفى الله عن ما سلف
     
  7. PIC_NH3

    PIC_NH3 بـترولـي نشيط

    113
    0
    0


    السلام عليكم يا شباب ..

    أنا لى رأى مختلف عنكم وأتمنى تتحملون شوي ..

    الحين الكل شاب على رئيس الإتحاد وما خليتو شئ ما قلتوه فيه

    بس لحظه شوي .. الحين اللى يسمعكم يقول الشرثان ماخذ الرئاسة

    بالغصب ومن غير وجه حق !!

    يبا الرجال ترشح حق الرئاسه حاله حال أي واحد وأنتم أقتنعتوا فيه

    ونجحتوه صحيح الرجال قدراته متواضعه ،ورهبة المنصب مازالت مسيطره عليه

    بس ما يصير الحين تتحلطمون ، إذا عندكم شئ هذى الإنتخابات مقبله ولا تنجحونه مره ثانية

    علي فكره إذا كان للشرثان حسنه فهي أنه عرفكم يعني شنو رئيس إتحاد ضعيف وبلا خبره

    ومع ذلك اللوم أولا وأخيرا عليكم أنتم والرجل ما عليه أي لوم ، فهو قد أعطي أقصى ما يملك

    ولكن تبقى مسألة خبرة وقدرات تختلف من شخص لآخر ..





     
  8. الرويشد

    الرويشد بـترولـي نشيط

    145
    0
    0
    يبا لارجال مو فاضي قاعيد يلعب بلاي ستيشن بدوانيه وبعدها النقابه داشه دورة كوت بوسته وبعدها يرحون القهوه ويضحكون وسوالف وناسه اما العمال لووووووووووووول
     
  9. مواطن كويتي

    مواطن كويتي بـترولـي نشيط جدا

    466
    12
    18
    السلام عليكم و رحمة الله و بركاته
    كلامك أنه اختيار الشرثان كان خيار خاطئ و أن الموظفين هم الذي وصلوه صحيح و ما اختلف معاك عليه
    لكن ياخوي مو عيب الانسان اذا غلط يصحح خطأه و يحاسب الذي اختاره و يحاول أنه يدفعه للطريق الصحيح
    طبعا الشرثان أخطأ بحق العمال واجد و له اخطاء لا تغتفر لأنها من وجهة نظري اخلاقيه و أولها ابتعاده عن العمال و نأيه بنفسه عنهم و تغييبه لتفاصيل الزياده تحت حجة التكتم لكي لا يحسدونا موظفين الدوله و بالأخير طلع تكتمه هدفه مصلحة كبار الدرجات و لأسباب أخرى الله يعلم فيها و حضرته مصكر الجامه ولا راد عليهم مع أنه لولا أصواته الموظفين جان محد يعرف باسمه حتى
    مشكلة موظفين القطاع أنهم بين نارين نار الاتحاد السيء الغير قادر على تحقيق مطالب العمال و نار عدم جدية الحكومه في اعطاء أية زيادات و كوادر للموظفين مع انها مستعده تضخ مليارات في أسواق و قطاعات تشوبها شبهات الفساد و السرقات مثل البورصات و الشركات المساهمه و المناقصات المشبوهه
    و الله المستعان
     
  10. q8i-2008

    q8i-2008 بـترولـي نشيط جدا

    332
    9
    18
    السلام عليكم ورحمة الله وبركاته

    بقول رأيي وكلا له وجهة نظر والشاهد ربي لا ابي ادافع عن أحد او شي ثاني بس انا استغرب من نوعية الردود واستغرب

    انا موظف حالي حالكم وماتعجبني امور كثيره بس الحمدلله رب العالمين قانع بالرزق اللي الله رزقني اياه واقول اللهم اتمها نعمه علي وعلى جميع المسلمين.
    الشي الثاني الغالبيه مو مقتنع برئيس الاتحاد شي منطقي يمكن لعدم تحقيقه مطالب الموظفين
    طيب انتوا مو مقتنعين فيه شنو اللي يمنعكم تاخذون حقكم ناقصين يد او رجل اذا انتوا صادقين في كلامكم ترا ما يردكم احد
    تجمعوا كلكم وروحوا اعتصموا عند الاتحاد علشان ياتاخذون حقكم يا ترسون على بر وتعرفون اللي لكم واللي عليكم
    اما كلام وكتابه مالها جدوى فالكلام ماراح يخلص احشروا الرجال في مكانه واخذوا العلم من راسه

    انا كتبت قبل هالمره رد على موضوع في نفس السياق وبينت رأيي في وضع اي رئيس اتحاد واتخاذ قرار عام بالقطاع النفطي وقلت مدى صعوبته
    فاذا انتوا جاديين احرجوه يا اما انه يتحمل كامل المسؤوليه يا انه يتنحى لغيره يقدر يسوي شي

    اذا رؤساء دول تنحوا يعني جت عليه

    وسلامتكم وتعيشون
    وعسى الله يتم عليكم نعمه وانتم بصحه وعافيه
     
  11. sar7an

    sar7an بـترولـي جـديـد

    37
    0
    0
    لا و خسارة الصوت يا ريس:mad:
     
  12. الفقير لله

    الفقير لله بـترولـي جـديـد

    25
    0
    0
    السلام عليكم ورحمة الله وبركاته
    انا اشوف ان الموضوع متشعب في عدة اسباب اقلها اهميه رئيس الاتحاد المذكور
    واهم ما في الموضوع هو اختيارنا للنقابات
    يعني عندك مثلا نقابة الkoc واللي هي تقود الاتحاد السابق(ايام جاسم الناصر)والاتحاد الحالي بعد هي المتحكمه فيه
    وفي رئيسه بعد ونقابة الkoc يا اخوان ثلاث ارباعها سينير انجنير وسينير مادري شنو والغريب انهم كلهم صاروا سينير بعد دخول النقابه(خصوصا رئيس الاتحاد جاسم الناصر رئيس اتحاد وطالب بمصر وموظف واول ما جاب الشهاده سينير عسالله يوفقه)؟؟؟؟!!!!!!

    والمثال النقيض طبعا نقابة البترول الوطنيه قوه واداء وانجازات في مستوى المطابات وتحقيقها او حتى في مشاكل العمال وحلها في مصلحتهم لكن كل هذا ما جا الا بتعب والفرق الواضح مع نقابة الkoc ان نقابة البترول ما فيها سينير ولا يترقون اعضائها مساكين ههههههههههههه

    ودام الوضع ما تغير من الاتحاد السابق والحالي اذن عبدالعزيز صوره لجاسم

    واذا انتوا صادقين يا عمال القطاع النفطي اجتمعوا في الاتحاد وحلوا مجلس ادارته بس دامكم بس سوالف وانتوا في البراد (مثلي طبعا)وخل غيري يسوي اذا عجبني ولا بسبه

    النتيجه الى الامام يا ابو محمد ولا ترد على الغوغائيين خذيت الاتحاد غصب اكشخ في المنصب واستفيد غيرك مو احسن منك وللحديث بقيه
     
  13. بو زياد

    بو زياد بـترولـي نشيط

    147
    0
    0
    لازم نحدد تاريخ ونجتمع عند الاتحاد
     
  14. Knpc lawyer

    Knpc lawyer بـترولـي نشيط جدا

    271
    1
    16
    قلت لكم الشرثان مراهق والكرسي اكبر من حجمه انا اقترح نهدر دمه يمكن يحس ويتنحى ياخوي ارحل برو go to the hill
     
  15. وحده من هالناس

    وحده من هالناس بـترولـي جـديـد

    20
    0
    0
    Hill = هضبة أو تل
    hell = جحيم

    وجب التنويه
     
  16. بوراكان

    بوراكان بـترولـي نشيط جدا

    281
    0
    0
    الله يعينك يا الشرثان

    على عيون(ن) ما تشوف الا اسمك

    وتغممممض عن غيرك

    قال ايش قال .... برو برو

    مو ناقص الا تقولون "شرثان مرق"
     
جاري تحميل الصفحة...

مشاركة هذه الصفحة