موظفه متوهقه

الكاتب : Saroonah | المشاهدات : 3,745 | الردود : 33 | ‏13 أغسطس 2011
  1. Saroonah

    Saroonah بـترولـي جـديـد

    6
    0
    0
    السلام عليكم ورحمة الله وبركاته

    يعطيكم العافيه شباب وبنات
    انا انقبلت بشركة نفط الكويت قبل مده وراح ابلش الشغل بعد العيد
    انا كيميائيه واحب الشغل الميداني عشان جذيه قالوا لي راح اداوم
    بمراكز التجميع بس مكتبي يكون بالاحمدي
    فيه ناس قالت لي ان دوام مراكز التجميع بعيد عن الاحمدي والطريج صحراوي
    ومافي اي مكاتب ليمن هناك
    وفي ناس تقولي ان مراكز التجميع مافيها بنات كله شباب
    انا ماتفرق عندي المسأله اهم شي احب اشتغل واثبت نفسي
    احب اثبت ان البنت الكويتيه مو بس مكاتب او بيت
    واللي يرحم والديكم ابيكم تطمنوني عن الاوضاع لان ناس وايد حبطت فيني
     
  2. المشاكس

    المشاكس بـترولـي خـاص أعضاء الشرف

    998
    1
    0
    حياج الله يا اخت سارونه في شركة نفط الكويت

    اولاً الي فالج عن مراكز التجميع وان طريقها كل صحراوي هذا غلطان الطرق كلها قار والسيارات رايحه وراده وفي بعض المراكز تبعد عن الاحمدي 10 دقايق

    اما بالنسبة للموظفين الي موجودين بالمراكز الكلام صحيح مافي مكاتب ثابته للموظفات دائماً تكون مكاتبهم بالمكاتب ألرئيسيه ويروحون المراكز في وقت الحاجه يخلصون شغلهم ويردون

    بعدين انتي من كلامج يايه مندفعه وايد ... هدي شوي علشان ماتنصدمين بالواقع في مجال العمل .. هاذي نصيحه وانتي كيفج
     
  3. فيوسيد

    فيوسيد بـترولـي جـديـد

    40
    0
    0

    قعدى بالمكتب اولا و عقب نطرى كل شهر تاخذين راتب لين اتقاعدين مده 15 سنه اذا متزوجه و غير متزوجه 20 سنه. بالاضافه للدورات و الكورسات الخارجيه. و سلامتج. و على البركه التعيين.
     
  4. الكويتي

    الكويتي بـترولـي نشيط جدا

    154
    0
    0
    لووووول
    مركز تجمع و بنات حلوو
    اكلمه بعد ليش احنى قاعدين تعالو قعدوو مكانا مو اخلصوو الريايل بالحروب

    بس ترى لو تشوفين لج شغله مع الحريم احسن لج شنو السالفه مافي ناس تغير على اهلها مره تشتغل بين 20 ولا 30 ريال شنو!!
    **********

    ترى الشغل تعب بالمجمع و كله بالشمس و غبار و حر و مافي مكيفات و تمشين مشي لما ينقطع نفسج

    و الله يسهل عليج :)
     
  5. Salem J

    Salem J بـترولـي نشيط جدا

    226
    0
    0
    Eng
    Kuwait
    الحماس طيب بس ترا التشغيل ما يصلح للبنات أحسن خليج على الاجتماعات و الرسائل و الايميلات و ان شاء الله تطورين نفسج في هالمجال. بالتوفيق
     
  6. المهندس

    المهندس بـترولـي خـاص

    1,305
    8
    0
    ترسو الشركه بالعنصر النسائي ورياييل الكويت مو لاقين وظائف . في السنوات العشر الاخيره كثروا عندنا ويا جماعه الانتجايه في العمل لا تعد وال تذكر .. لا عزالله كديينا خير

    فيوسييد معاك 100% لانه هذا اللي راح يصير للاسف :)
     
  7. إعلامي قديم

    إعلامي قديم بـترولـي نشيط جدا

    195
    0
    0
    أول شي مبروك الوظيفه
    ألحين ما لقوا مكان غير المكان هذا يعينون البنات في البر ما كوا شغل والله القابلج ما يستحي
    اقول الله يعينج على المكان بس ألحين برد الجوا الوعد في الصيف الياي
     
  8. funkyq8

    funkyq8 بـترولـي جـديـد

    مبروك عالوظيفة
    غلطاانه تداومين بمركز تجميع , اذا انتي كيميائية وفيج حماس عندج المختبر حيلج فيه مع انه داخل مركز تجميع بس اهون والله يوفقج
    وانا من رأيي الشخصي خلج بالاحمدي احسن .. اساسا شغل الحقول بكبره مايصلح للبنات نهائيا وعمل شاق وبالنهاية راح تتعبون وتحنون على الادارة يردونكم الاحمدي وهذا الي حاصل.
     
  9. Saroonah

    Saroonah بـترولـي جـديـد

    6
    0
    0
    ,,,

    ويييييييييييييه حراااام عليكم والله
    شنو هالتحبيط .. انا قلت لكم ابي الشغل
    الميداني انا من كنت بالمدرسه كنت عضوه
    بالكشافه
    بس ليش التحبيط ؟
    ع العموم مشكورين حيل ع المشاركه
    وصج صج ماكنت اتوقع جذيه الدوام هناك بس
    الظاهر فهمتوني غلط ،، لاني ماراح اداوم هناك
    24 ساعه .. يمكن بس من اربع الى خمس ساعات
    بس ع العموم انا ناويه اخوض التحدي واشوف بالاخير
    وراح اقولكم عن تجربتي اول بأول ..
    مشكورين حيييل ..
    بعد حبيت اقول منتداكم قوي وخاصة القسم العام
    حيل ممتاز
     
  10. عزيز 88

    عزيز 88 بـترولـي نشيط

    114
    0
    0

    دام انتي متحمسة لي هالدرجة انا اقول روحي جربي و اذا حسيتي تعب نقلي ادارية و بس :)
     
  11. alpacino

    alpacino بـترولـي جـديـد

    13
    0
    0
    مبروك على القبول فى koc

    ما اشوف اى مشكله ان تداومين وتشوفين الشغل فى مراكز التجميع بس من راى اول شى تسويـنه ان تقسمين وقتك وتزورين المراكز وتتعرفين على نوعيه العمل هناك يوميا ساعتين وترجعين مكتبج فى الاحمدى واعتقد ان ما يصير بنات يداومون فى المراكز لان نظام شفتات وانت ما راح تقدرين على هل الشغل لان 100% شغل ريايل ونصيحتى لج فى وايد اقسام ثانيه ترحب فيج ككيميائيه ولج الخيار . وهذه نصيحه مو تحبيط لج وفكرى عدل . :confused::)
     
  12. Lag

    Lag بـترولـي نشيط

    94
    0
    0
    اولا مافي داعي تقولين متوهقه
    قولي محتاره
    ثاني شي مثل ما قلتي راح يودونكم زيارات ميدانية راح تستفيدين منها جدا
    ولا تسمعين للكل
    حتى اللي يقولون لج الشغل صعب هم ما يشتغلون بيدهم . المقاول اللي يشتغل.. بس يمكن الطلعات للسنتر اتعب شوي وبالصيف بس
    بالشتا وناسه اصلا ومعظم شغلهم بغرفة التحكم
    انصحج بالزيارات الميدانية
    وبما انج كيميائية .. في ملفات معينة بكل سنتر حاولي تطلعين عليهم
    حاولي تعرفين المشاكل عشان تبنين حلولج عليهم
    لاتضيعين نفسج مع اقسام السيفتي .. كلامهم واجد وفعلهم شوي .. تعلمي الاشياء المهمه
    سجلي كل الملاحظات لان كمية المعلومات ماراح تلحق عليها الذاكرة
    وبالتوفيق
     
  13. ولد الموسوي

    ولد الموسوي بـترولـي نشيط

    144
    0
    0

    ههههههههههههههههههه

    لا الصراحه يعني ناصحها

    تكفى انت لما تشتغل بالسناتر بعدين قول المقاول اهو اللي يشتغل
     
  14. Saroonah

    Saroonah بـترولـي جـديـد

    6
    0
    0
    ،،،

    مشكورين ع النصائح واللي صراحه اكثرها يخوف
    ويمكن الاخ lag اهو الوحيد اللي عطاني دفعه
    الله يععطيه العافيه
    لان والله مو متصورين شكثر كنت انطر هالفرصه
    وبنفس الوقت انا مقدره اللي نصحوني بالعكس
    لان اكيد هذا الشي من باب نصيحة الاخ حق اخته
    وبالاخير حبيت اسأل هل فيه عياده بكل مركز تجميع ؟
     
  15. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    هههههههه

    يا الغاليـة الصـراحة مادري كيـف تسألين ها الأســئـلة :d

    أنـا راح أختصـر الموضوع لـكـ

    أنتي تقولين تخصصكـ كيمـيائيـة يعنـي مالكـ أي علاقـة بمراكز التجميـع بتاتا

    أنتي تخصص مختبرات فقط لاغيـر بالأصح تخصص عينات أو مواد كيـميائيـة

    الشباب الي في المختبرات بالحقول تخصصهم يحللون العينات الي تجيهم من مراكز التجميع عينات النفط هذا تخصص المسمي الوظيفي لاب 2

    أما الشباب المسمي الوظيفي لاب 1 يمرون مراكز التجميـع يأخذون قياسات خزانات المواد الكيميائية عشان يحسبون كمية الصرف باليوم ;)

    فا أنتي معا أحترامي مستحيل تمرين مراكز التجميع لأن مالكـ حاجة فيـها ولاهو تخصصـكـ والي يقول غيـر كـذا غلطـان

    وأخيــرا بالتوفيق ونشـوفكـ ( . ) :d
     
  16. Saroonah

    Saroonah بـترولـي جـديـد

    6
    0
    0
    ):

    مشكور جون جقرم بس انا مثل ماقلت بالبدايه ماراح أداوم في مركز التجميع
    بس زيارات لمدة اربع او خمس ساعات بالكثير
    واذكر فيه شخص بالقبول قالي شغلتي لها علاقه بشركات الكيمكال يعني آخذ
    عينات واقارنها مع المواصفات المطلوبه يعني شغله جذي
    ع العموم مشكورين وسوري اذا كنت طولت بالموضوع معاكم
    وان شاء الله اشارك معاكم في أقسام ثانيه لاني خلاص صرت وحده من
    موظفات القطاع النفطي:)
     
  17. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ


    بالتوفيـــــــــــــــــــق
     
  18. Salem J

    Salem J بـترولـي نشيط جدا

    226
    0
    0
    Eng
    Kuwait
    سؤال الاخت صالح لأنها تسأل عن مدى الصحة الوظيفية عند الشركة و أنا أقول لها العيادات موجودة لكل منطقة فيه مركز صحي كامل في حال لا قدر الله فيه اي اصابة

    و الواقع ان الخطر على المقاولين و ان بعضهم قد يتعرض الى ضربة شمس و هذا وارد جدا و هو موجود في وسط الصحراء عن حفارة

    و هي مسؤولية المقاول ثم مسؤولية الشركة

    و بالنسبة لتخصص الاخت فهو هندسة كيميائية و ليس علوم كيمياء

    يعني هي الكل في الكل في السنتر لأنها Process

    يعني تقدر تختار نوع العمليات اللي تشغلونها و هي تقيم الاداء و تحدد على اي برشر و اي درجة حرارة تشتغلون و هي اللي تحدد لكم متى تسوون S/D عند اي مستوى للسوائل و متى تسوون flare و هي الكل في الكل :p

    كل هذا يسمونه Control Philosophy

    و هي اللي تحدد للشركة الحاجة للمصنع هذا بناءا على معلومات تطوير الحقول و هي اللي تحدد التكنلوجيا المستخدمة و تختار لكم البروسس الامن و اللي يقلل التكلفة على الشركة و ما يؤثر على البيئة

    و اخر شي تقول شغلها في المختبر؟!؟؟؟
     
  19. واحد من خلق الله

    واحد من خلق الله بـترولـي نشيط جدا

    296
    0
    0
    ممتاز يعني اذا شغلوا معها اثنين احتمال يفصلون الشباب وتصير ال koc لهم لحالهم الله يستر.
     
  20. funkyq8

    funkyq8 بـترولـي جـديـد

    الله يهداج ضحكتيني دوام النفط وين والكشافة وين

    انتي جربي ,, الكلام غير والفعل غير

    دوام الشفتات 12 ساعة ودوام الصباحي 8 ساعات مايصير 4 و 5 ساعات هذا دوام مو لعب :p

    عالعموم الله يوفقج وشدي حيلج وجهزي البلسووت والكبوس والهيلمت والسيفتي شوز وانتي بكرامة ودوامنا الي يقولون عنه اصبغ بدون بحر .. ومرحبا بك في عالم الشموس والبرونز.
     
جاري تحميل الصفحة...

مشاركة هذه الصفحة