شوفوا الخدم شيسون في عيالكم**فيديو

الكاتب : engineera | المشاهدات : 509 | الردود : 6 | ‏17 ديسمبر 2007
  1. engineera

    engineera بـترولـي مميز

    626
    0
    0
    بسم الله الرحمن الرحيم


    اول شي بغيت اقول اكبر غلط اتوقعين انسان غيرج ممكن يتحمل او تحملينه مسؤليه وتتوقعين يأديها مثلج في اي مكان كان
    فمابالكم اعيالكم اللي انتو مسكينهم الخدم
    موغلط الخدامه تساعد في البيت على اليهال بس لازم تحت نظركم ومراقبتكم

    اشلون تعطون الخدامه ياهل لاحول له لا قوه موحرام..موغلط الخدامه تمسك الياهل لكن في وجود شرطين انه يتكلم ويمشي ومايخاف انه يقول ويدري انه اهله وراه عشان الخدامه ماتقدر اتسويله شي او تأذيه


    وفي حريم الله يهديهم يفرخون ويخلون الخدم يغسلون ...... عيالهم وينومون عيالهم عند الخدامه !!!!!

    وتلقين الياهل كل هالوقت علباله الخدامه امه !! واذا سافرت الخدامه يسوي عرس من البجي

    ووالله العظيم انا هالشي لاحظته اللي علطول عند الخدامه والله ما اجذب صايرين يشبهون الخدامه تقولين ولد الخدامه !!

    لي هالدرجه من التخلف وصلنا ؟؟؟ اصحو هذول عيالكم

    بس بغيت اقول كلمه اذا احنا مو قادرين نستحمل اعيالنا الغريب بيستحملهم ويربيهم..خدامه مايندرى شنو ماضيها كانت بسجن ولا بمستشفى امراض نفسيه ولا ذابحتلها احدولا عمرها عاشت بخير ..تكرمون عايشين بزريبه ولا بغرفه مافيها باب ويايبنها في ديرة ومسكينها بيت وعيال ..شوفوا وتعلموا..وانتو يا الرياييل نادوا حريمكم وخل يكون لكم دور على الخدامه وتربية اليهال حتى لو الزوجه ماتقدر تهتم بالطفل انت ابوه جابله امسكه ساعه ولا يصير بالولد شي وبعدين تعالو راكضوا بالمستشفيات وعابلوا في اعيالكم


    شوفو هالفيديو


    http://youtube.com/watch?v=vd0HCH3Db_4


    http://youtube.com/watch?v=g5zqWEXlN0E
     
  2. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    إنجنيرا ، شكرا على الموضوع الذي يثير مشكلة موجودة في المجتمع ، كثير من الحالات المماثلة و الأكثر إجراما حصلت في الكويت و غيرها بسبب إعتداء الخدم عليهم.

    ملاحظة : و لست بصدد الدفاع عن بعض الخدم المجرمين لكن تنبيها للكل و لمعرفة جذور المشكلة ، قساوة رب الأسرة أو ربة العائلة على الخادم أو الخادمة قد تدفع الخدم للإنتقام بتعذيب الأطفال و ترهيبهم


    موضوع جيد و جميل أن نرى ردود الأعضاء و تعليقاتهم عليه
     
  3. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    أشكر طرحج للموضوووع وفعلااا أصبحت عندناا ظااهرة يأسف عليها انه الخداامة اهي الأم المزيفة الثاانية للطفل
    وماا تفعله بأفعاال شنييعه تجرح البرائة الطفوولية
    فعلااا يا جمااعة شي يتفطر له القلب عندناا نري هاا المقااطع اوو التعذيب الي يعذبوون فيه ها الأطفااال
    والحق كله يترتب علي الأم التي تفقد معني الأمومه وتسلم حشي جووفهاا للغريب


    والله يكفييناا شر الخدم وأفعاالهم يا رب يا كريم




    تقبلي مروري
     
  4. brilliant

    brilliant المـراقب الـعـام

    8,477
    0
    0
    Engineer
    Kuwait
    شتوقعون من ناس عيشتهم كلها في غابه ؟

    وفجأه يعيش معكم بالبيت ؟

    والله ما انتهزأ فيهم لكن لانزم ندرك خطرهم علينا وعلى عيالنا
     
  5. engineera

    engineera بـترولـي مميز

    626
    0
    0
    اي والله قلبي يعورني لمه اشوف هالمناظر واقول الحمدالله اللي امي ماقطتنا على الخدم ولا عمرها مسكتنا خدامه وربتنا بروحها يعطيها العافيه والله ويخليها لنا انشاءالله
     
  6. الشايب

    الشايب بـترولـي خـاص

    2,818
    0
    36
    مسؤول أد الدنيا
    في قلب المحبين
    يعطيك الف عافيه يا مديره


    ومافتحت الرابط ادري في فعايلهم وما ابي أعور قلبي بسبتهم


    شكرن
     
  7. engineera

    engineera بـترولـي مميز

    626
    0
    0
    حياك الله اخوي الشايب
     
جاري تحميل الصفحة...

مشاركة هذه الصفحة