قرار غير منصف يصدر ضد الكويتيين من المتحدة للحفريات

الكاتب : santafe | المشاهدات : 1,480 | الردود : 18 | ‏12 أغسطس 2011
  1. santafe

    santafe بـترولـي مميز

    717
    3
    18
    تم اصدار قرار تعسفي جديد ضد الكويتيين العاملين في جهاز حفر رقم 24 والتابع لشركة المتحدة للحفريات والقرار ينص كتالي :

    على جميع الكويتيين العاملين في أجهزة الحفر بان يقوموا بتوقيع على الحضور والانصراف وعند السؤال من احد الكويتيين لماذا لا يعمم هذا القرار على جميع الجنسيات والجواب كان من التولبوشر فقط هذا القرار للكويتيين .

    هل هذا عدل وانصاف لماذا فقط يطبق على الكويتيين من دون الجنسيات الاخرى .

    ملاحظة : صورة من الكتاب، القرار المرفق مع هذه الرسالة
     

    الملفات المرفقة:

  2. فهد العجمي

    فهد العجمي بترولي خاص أعضاء الشرف

    408
    0
    0
    بصراحه قمه بالمصخره وعدم الانصاف هل يعقل الكويتيين وابناء البلد ان يتعرضو لمثل هذي المضايقات واسلوب التطفيش هذا غيض من فيض بصراحه القطاع النفطي الخاص اصبح وظيفه طارده ولاعزاء لمن تنادي الحل القانون يتفعل عشان تحط صبعك بعين اكبر مسؤول انا شفت ظلم بس مثل ظلم القطاع هذا ماشفت والمصيبه اللي يحاربونك هم أبناء جلدتك !!!!!!!!!
     
  3. محمد الحرمل

    محمد الحرمل بـترولـي نشيط جدا

    209
    0
    0
    يالغالي حنى فالكي دي سي نفس الشي ومن زمان هالقراار مو تو لانه التايم شيت مال الكويتين لحال ومال العمال الثانين لحال
     
  4. JayQ8

    JayQ8 بـترولـي نشيط

    105
    0
    16
    :)عفوا بس شنو المشكله؟ قريت موضوعك مرتين يمكن مو فاهم
     
  5. العووود

    العووود بـترولـي مميز

    616
    1
    18
    للأسف (ضحيه) بالقطاع النفطي الخاص
    الخليج العربي

    عفوآ اخوي .. هالقرار مو من التول بشر ولا الكمبني مان من ال k.o.c ( التيم ليدر )

    ونفس ماذكرلنا اخوي / محمد الحرمل ,, انه الشي فعلآ موجود عندنا وصارله جم سنه بعد ,,

    وانه ( تااايم شيت الكويتيين غيييررر تايم شيت الغيييررر كويتيين )

    ويكون بعلمك انه في نحضير للعمال ( انت بس داوم من 12 الى 12 ) وتشوفه :)

    شيك عالباص اذا وصل الرق ودشو العمال بالميز وشوف ال a/d مساعد الحفار
    شنو قاعد يسجل وبعدها وين يودي الورقه !!

    وبصراحه ... ماني شايف هالشي غلط او فيه ظلم للكويتيين ,,
    الا اذا حضرتك ماتبي تداوم هذا شي ثاني :)


     
  6. santafe

    santafe بـترولـي مميز

    717
    3
    18
     
  7. santafe

    santafe بـترولـي مميز

    717
    3
    18
    يبون يجبرون الموظف الكويتي على ان يلتزم بالتوقيع على ورقة الحضور والانصراف وهذا صراحة مافيها عدالة لازم الكل يوقع ومن كل الجنسيات يطبق عليهم هذا القرار مو فقط على الكويتيين اعتقد وضحت الصورة
     
  8. Kuwait00

    Kuwait00 بـترولـي نشيط

    قريت الموضوع اليوم الصبح اوبقيت افطر من الحره - شنو كويتي شنو موكويتي ؟؟؟؟؟ الكل لازم يوقع
    ايي والله - البيت ببيت ابونا والقوم حاربونا - قهر قهر
     
  9. JayQ8

    JayQ8 بـترولـي نشيط

    105
    0
    16
    تشتغل فيها 12 سنه.. هذا يعني مر عليك ستين الف قرار يديد و لازم تكون متعود انك تمشي على القرارات الجديده..
    و بعدين 12 سنه على قولتك مو موقع حضور و انصراف هذا بروحه شي غريب !

    خلنا نكون صريحين شوي..الاجانب يشتغلون بضمير. اذا تشوف نفسك شغال بضمير و مو مقصر بوظيفتك عيل الحضور و الانصراف مافيه اي مشكله..
     
  10. العووود

    العووود بـترولـي مميز

    616
    1
    18
    للأسف (ضحيه) بالقطاع النفطي الخاص
    الخليج العربي

    خدمه اكثر من 12 سنه ماشاءالله وتشتكي من هالقرار !!!؟؟

    على هالخدمه المفروض انت اللي بيدك كل شي !!!





     
  11. سالم bj

    سالم bj بـترولـي مميز

    805
    1
    0
    مدير العلاقات العامة
    الكويت
    السلام عليكم الاخ سنتافي أنا قريت الموضوع واما بخصوص توقيع الحضور والانصراف فهو قرار من شركه نفط الكويت وهو قرار قديم بس يمكن الشركه توها تطبقه علي العموم حبيت أوضح هذا الموضوع وشكرا لك
     
  12. العووود

    العووود بـترولـي مميز

    616
    1
    18
    للأسف (ضحيه) بالقطاع النفطي الخاص
    الخليج العربي

    يعطيك العافيه اخوي / سالم على التوضيح وماقصرت ,,,

    بشرنا يالغالي مافي شي جديد ؟؟

    ياخوي ترى النفس طابت من الرق وقاعد افكر بالاستقاله :(



     
  13. سالم bj

    سالم bj بـترولـي مميز

    805
    1
    0
    مدير العلاقات العامة
    الكويت
    ابشر بالخير وراح تشوف بعينك عن قريب
     
  14. العووود

    العووود بـترولـي مميز

    616
    1
    18
    للأسف (ضحيه) بالقطاع النفطي الخاص
    الخليج العربي

    الله كريم ,,

    وشد حيلك وانا اخوك ترى العموم ناطرين منك التطبيق ... وعزالله ماقصرت والله يوفقك يالغالي


    (( اخوي ابوهادي - ارجو الرد على الرساله بالخاص ))



     
  15. هاوي بحر

    هاوي بحر بـترولـي جـديـد

    10
    0
    0
    السلام عليكم ورحمه الله وبركاته ,
    آنا بصراحه ما اشوف شي غلط بهالقرار والله يعطيهم العافيه على جديتهم ومنها للامام ياكويت :)
     
  16. سفاري

    سفاري بـترولـي جـديـد

    الله يعينكم احنا نفسكم
    لاترقيات وكل يوم نحضر
    بس احنا اكثر منكم لا ترقيات وتأخير الرواتب
    برقان للحفر
     
  17. rig

    rig بـترولـي نشيط جدا

    177
    2
    0
    احنا بشركة برقان عندنا هالقرار احنا الوحيدين الي نوقع حضور وانصراف كل يوم امن الاجانب لا
     
  18. santafe

    santafe بـترولـي مميز

    717
    3
    18
    محد طلب رأيك
     
  19. العووود

    العووود بـترولـي مميز

    616
    1
    18
    للأسف (ضحيه) بالقطاع النفطي الخاص
    الخليج العربي


    ههههههههههههههههههههههههههههه

    خله يفضفض :)


    بالنسبه للاخوان اللي يشتغلون بهالشركه بصراحه نسمع عنكم انه تتاخر معاشاتكم

    وسمعت انه التأخير مرات يوصل ل3 اشهر !! ماادري عاد صج ولا حجي ارياق :)

    بصراحه الله يعينكم على هالشركه اللي ماادري شلووون تاخذ عقود !!!؟؟



     
جاري تحميل الصفحة...

مشاركة هذه الصفحة