المخيمات

الكاتب : الغلا | المشاهدات : 887 | الردود : 15 | ‏17 ديسمبر 2007
  1. الغلا

    الغلا بـترولـي جـديـد

    17
    0
    0
    مساء الخير انا اشوف اذا رحنااا المخيمات زحمة والبقيات والمشكلة مو هذي ازعاج المخيمات اشباب الله يهديهم مايبيلة بعد سهر وازعاج جيرانهم
     
  2. Mr. Engineer

    Mr. Engineer بـترولـي مميز

    662
    0
    0
    والله مشكلة،

    الواحد يروح مع الأهل البر عشان يستانسون، بس اللي يلاقيه العكس تماماً.

    البقيات تارسة البر، الواحد يخاف يسوق سيارته لا يدعم أحد. و المشكلة أن اللي يسوقون أكثرهم يهال!!!

    يعني الواحد قاعد يبي يريح أعصابه بس الحاصل أن الواقع غير جذي بالمرة.

    إزعاج من صوب و إثارة للغبار و أيضاً رائحة الدخان و البانزين اللي تارسة الجو.

    و تالي الليل يبدون الشباب الله يهداهم بجلسات الطرب الصاخبة بدون أي احترام للغير و مشاعرهم.

    شكراً لك أختي الغلا على إثارة الموضوع،

    تحياتي
     
  3. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    [​IMG]

    المخيم و مصاريفه و نصبة الخيام
     
  4. كي او سي

    كي او سي بـترولـي خـاص أعضاء الشرف

    خووووووووووووووووش موضوع

    بصراحة الناس هم اللي يبون الزحمة ، والظاهر بطبقون المثل الحشره مع الناس عيد، والا تبي تخيم وتفتك من زحمة الديرة تروح حق زحمة البر، واحنا ناقصين

    والدوس كله في الجليعة وميناء عبدالله ، كافي الحكومة معطينكم شغله حلوه والمفروض نستفيد منها

    الحكومة ما تبني لكم بيوت لانهم يدرون ان احنا نحب البر، اخاف صج

    يا اخوان عندكم الصبية ، المطلاع ، العبدلي احسن اماكن واحد يخيم فيها ، يكفي جوها شحلاته، وعندم ورا الوفرة، لا لا هناك كله ذبان،

    وبصراحة بعض العوايل يقولك ليش ان ميناء عبدالله قريبة نخيم هناك احسن، اذا جذي اجر باليوم او اقعد اب بيتكم احسن لك

    وبصراحة العايلة اللي تشتكي بسبب الازعاج ومغازل الشباب وجزهم والدقدقة، ما عندهم سالفة ، والا شقاطني بينهم ، 5% من ارض الكويت المبنية والباجي كله بر

    ومشكور يالغالي على هالموضوع الحلو
     
  5. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ


    خبرك النااااس اذا طلعوو للبر كل وااحد ينفس عن الي بخااطره
    ولا تبييهم اذا طلعوو للبر كل وااحد يتقضب بعاامود الخيييمه غير بر يصير

    :D:D:D
     
  6. Element_X

    Element_X بـترولـي نشيط جدا

    خلو العالم تستانس بالبر اللى ما يبي عوار راس يدخل داخل البر اشوي ويفك عمره عن القيل و القال
     
  7. Safety First

    Safety First بـترولـي خـاص أعضاء الشرف

    في اماكن يمكن تكون بعيدة بس هادية وحلوة ومافيها ازعاج ابدا مثل السالمي والنويصيب
     
  8. الغلا

    الغلا بـترولـي جـديـد

    17
    0
    0
    يعطيكم العافية على مناقشتكم للموضوع
     
  9. MAB12

    MAB12 بـترولـي مميز

    انا معاك بالشي هذا بس مو كل على راس الشباب

    حتى البنات مايقصرون بعد يركبون السياكل ويقعدون يقحصون والشباب مايصدقون خبر على طول يسوون استعراضات لعيون البنت
     
  10. كيت كات

    كيت كات بـترولـي نشيط

    70
    0
    0
    واللى يدور بالمخيمات اول من قبل كنا ننتظر نروح البر وحزتها تصادف العيد الوطنى والجو ربيع والكشتات الحلوه ما كان فيها اللى اليوم نشوفه الحين العكس صارت مرتع للسكر وخلافه وطبعا معددودين على الاصابع بس مثل ما يقول المثل الخير يخص والشر يعم
    الامثله كثيره منها تدمير للبيئه من اعمال التخييم بالسواتر الترابيه والبغيات ناهيك عن التقحيص وغيره من قتل للبيئه الكويتيه انا ودى واتمنى نسوى مثل الناس اللى تتمتع تشوف المخيم مالهم من ناحيه النظافه ومن التزيين للاضاءه للمخيم وشكلهم نموذجى واذا انتهت فتره المخيمات تجد المكان بعدهم توجد شجره مزروعه وهى دعوه للتخضير
     
  11. ابوراشد

    ابوراشد بـترولـي نشيط جدا

    303
    2
    18
    حبيبي المخيمات صارت شقق بريه
    مرتع لاهل الخمور والعاهرات والمخدرات
    والقعدات الحمرا
    وكبرها واسمنها هم اللي مخربينها
    لكن خلها على الله

    وقفت على المخيمات؟

    البلد كله في تدهور وانحطاط
     
  12. كيت كات

    كيت كات بـترولـي نشيط

    70
    0
    0
    الله يعطيك العافيه اخوى ابوراشد كلامك هو الصح بس لا يجب ان نقف وقفت المتفرج اصلح نفسك ومن معك وانصح الناس اللى حولك تبقى وتكبر شجره الخير وتثمر ان شاء الله وتتكاثر الاشجار وتغطى العيوب الموجوده والحمدلله حالنا احسن من كثير من الدول بس مشكلتنا فى صحافتنا اللى ما تصدق تشم خبر وتعلنه للناس فى كل الصحف صارت صحف الكويت تباع بالخارج اكثر من الكويت حتى يتشمتون فينا الناس وصار اى بلد ثانيه تطلب الجرايد الكويتيه حتى يتطمشون على مهازل الصحف
    الله يهداهم ان شاء الله احنا خرابنا من وفينا
     
  13. ام ريما

    ام ريما بـترولـي مميز

    خلوا الناس تستانس كلها اربع شهور وبس وبعدين تنشال الخيام وصير البر فاضي واذا كنت منزعج من اللويه اللي اتصير انطر يخلص الشتا وبعدين روح خيم بروحك على راحتك يكون الجو هادي لك
     
  14. المشاكس

    المشاكس بـترولـي خـاص أعضاء الشرف

    998
    1
    0
    روح بعيد ورجع سالم ......

    عاد من حلاة البر في ميناء عبدالله او بنيدر .... صبخه وعمات عين .....
     
  15. منصور المجيبل

    منصور المجيبل بترولي خاص أعضاء الشرف


    كل بر الكويت مشبك وين تبيهم يروحون
     
  16. المشاكس

    المشاكس بـترولـي خـاص أعضاء الشرف

    998
    1
    0
    يمرونا بالشالية يابو صالح :d
     

مشاركة هذه الصفحة