Kpc

الكاتب : فهد الكندري | المشاهدات : 2,665 | الردود : 8 | ‏29 يوليو 2011
  1. فهد الكندري

    فهد الكندري بـترولـي نشيط جدا

    192
    0
    0

    الســـلام عليكم .... انا قدمت قبل جم شهر على مؤسسة البترول الي اهي الكي بي سي علشان تقديم وظايف وجذي ونطرت وصبرت ومازلت اصبر بس استغربت من شغله ..... قعدت قبل اسبوع بالدوانيه اسولف مع واحد من ربعي ومن زمان ماشفته قعدنا نسولف عن الوظايف وجذي جان اقوله اشرايك تييبلي اوراقك واسجلك بشركه يمكن يطلع اسمك ؟؟؟ جان يقولي اي شركه ؟؟ قتله الكي بي سي قال اوكي وفعلا عطاني اوراقه وقعدنا بالدوانيه دخلت الاوراق بالسنكر وعبيت له البيانات


    اهو شهادته اقل من شهادتي قدمت له وخلال اسبوع ... داق علي يشكرني يقول ترا انا توظفت ومشكور ومادري شنو احسن من قعدة البيت ومن هالكلام يوم قتله ماشاء الله بسرعه توظفت جان يقولي اي ولد عمي موظف اهناك ومشالي موضوعي قتله مبروك وعليك بالعافيه .... وفعلا عليه بالعافيه

    لكن الى متى ؟ الواسطات ماشيه بالبلد .. والي ماعنده واسطه يطق اصبع ؟ والي مقطوع من جذع اشيره يبيع بنك عالدوار ؟ لوووووول ماقول الا الله كريم وعسا الله يبلغنا رمضان ان شاء الله ويجعله شهر فضيل ميسر وليس معسر مثل كل سنه نبي نتفرغ للعبادات ونبي نرتاح شوي

    "" الــهــم أنــــك عــفـــوُ كـريــمُ تــحــب ألــعـــفـــو فـأعفـو عــنــا "" تحياتي لكم اخوكم الكندري
     
  2. brilliant

    brilliant المـراقب الـعـام

    8,477
    0
    0
    Engineer
    Kuwait
    دامك ساعدته ليش ماساعدك وخلا ولد عمه يخلص أوراقك
     
  3. Industrial Engineer

    Industrial Engineer بـترولـي نشيط جدا

    233
    0
    0
    مستحيل .. لازم يقدم على اعلان حاله حال اي وظيفة حكومية
     
  4. فهد الكندري

    فهد الكندري بـترولـي نشيط جدا

    192
    0
    0
    السلام عليكم .... والله يا اخواني الافاضل هذا الي حصل صدق او لاتصدق .... وبعدين علاقتي فيه مو ذاك الزود علاقه صداقه عاديه قديمه فقط


    انزين انا عندي سؤال ؟ متى ينزلون اعلان عن قريب ؟ ومتى يردون يفتحون الكي ان بي سي التسجيل حق مشغل الحقل؟

    ووين اماكن التقديم ابي اروح لهم انا قدمت بالنت بس يمكن يكون تقديم اليد افضل

    وهل في شركات مو عن طريق الكي بي سي عشان اجرب حضي هم عندهم ؟؟

    ومتى يتحركون الكي بي سي ويقومون بأجرائات التوظيف وشكرا اخواني
     
  5. AQuaLady

    AQuaLady بـترولـي جـديـد

    5
    0
    0
    الواسطه ثم الواسطه
    كل اللي اقدر اقوله حسبي الله ونعم الوكيل على كل موظف توسط و اشتغل بدون لا يستحق عن طريق الواسطه
    انامن 2008 كل سنه اقدم وماشفت شي علما باني جامعيه من جامعة الكويت وبنت عائله لله الحمد .. لين صرت هالسنه من قدامى ومايبون الا حديثي التخرج
    حسبي الللللللللللله الف مرا
     
  6. عزيز 88

    عزيز 88 بـترولـي نشيط

    114
    0
    0
    خيره ان شالله :)

    الله يهداج شكو بنت عايلة اهم شكوو :p

    قولي الحمدالله على كل حال
     
  7. LAW

    LAW بـترولـي نشيط جدا

    293
    0
    16
    لايضيق خلقجaqualady

    حابه اقولج اذا انتي متخرجه 2008 كورس ثاني((مو كورس اول)) فالاعلان الاخير يشملج كاخر دفعه لها فرصه تقديم

    لانهم طالبين حديثي التخرج(( ثلاث سنين))من دفعه الكورس الثاني2008الى الكورس الثاني2011

    فكان لج فرصه تقدمين بهالاعلان

    والله كريم
     
  8. hamoood

    hamoood بـترولـي نشيط جدا

    438
    44
    28
    ذكر
    السالفة مو سالفة واسطة وبس و مو كل واحد عنده واسطة بيتوظف !!!
    و فوق هذا مو أي واسطة و تنقبل :confused:
    انا حاط واسطة قوية من مدير بالمؤسسة و قاعد انطر سنة وشي و متنقع :mad:
    بس ارزاق ماتدرون وين الله كاتبلنا الرزق و الله يوفق الكل يارب
     
  9. hamoood

    hamoood بـترولـي نشيط جدا

    438
    44
    28
    ذكر
    انا اقول اتييب واسطه داخل المؤسسة افضل و اضمن من انك اتييب واحد من برا يتوسطلك و يبون جذي هذا ولدنا عرفت اخوي و الله يوفقك و يوفق الكل
     

مشاركة هذه الصفحة