إعلان بعثات لحملة الشهادة الثانوية العامة للدراسة في المملكة المتحدة للكويتيين ( ذكور فقط )

الكاتب : المحرر النفطي | المشاهدات : 3,118 | الردود : 3 | ‏24 يوليو 2011
  1. المحرر النفطي

    المحرر النفطي فريق الإعلام

    3,467
    224
    63
    ذكر
    الكويت
  2. ali kamal

    ali kamal بـترولـي جـديـد

    1
    0
    0
    السلام عليكم انا سجلت عشان استففيد من جم شغله واستفدت لكن عندي جم سؤال يقرقعون بالقلب :p
    انا خريج هالسنه توني متخرج من الثنويه ونسبتي الحمدلله زينه

    طريقة عمل المهندس البحري تقريبا 4 اشهر بالبحر عدل ؟ اوكي
    بما انها عدل
    بعد هال4 اشهر شراح يصير اقدر اخذ اجازه شهر يعني عالاقل انشاءالله عيالي مايضيعون يعني !! :d
    فوق كل هذا الي قريته بالمنتدى انه المهندس البحري اذا اخذ اجازه يقطعون عنه بدل الخطر وبدل منحه بحريه تقريبا 400 دينار !!
    ليش المهندس البحري جم معاشه اذا انقطع منه 400 اذا اخذ اجازه شيسوي ! ؟ :))

    وفي شباب السنه الي طافت وقريت سوالفهم بالمنتدى ,, كانوا مسجلين مبجر ونطروا لي وقت متأخر الناس طافت كورسالت واهم بعدهم بالكويت !! يعني هل اذا انا سجلت حق هالبعثه بشركة ناقلات النفط !! شراح يصير انطر لي متى متى ابدي دراستي ؟

    امممم وبعد مثل ما احنا عارفين انه البعثات على حساب الحكومه يتكفلون بالجامعه والسكن ومعاش او نقول عنه مصروف شهري للطالب وتذكره سنويه للطالب ,, هل هالامور متوفره بالشركه ؟ وخصوصا انه بريطانيا غاليه مولعبه يعني هل المبلغ الي يصرفونه للطلبه مثل المبلغ الي يصرفونه البعثات الحكوميه ولا اكثر او اقل ؟؟؟

    وقريت بعد فمنتداكم انه تدزون الطلبه بريطانيا بمعهد !! يعني مو جامعه ؟ تعتبر كمسمى معهد ؟!! وليست جامعه ؟

    امممم وشنو اخر شي طبيعة عمله عالناقله !! هل انه اهو مهندس مجرد للملاحه وطريق ابحار الناقله ام انه مهندس يكون مجرد لبعض اعطال الناقله او شنو ؟؟؟

    واسف على الطواله الله يعين الي بجاوب على اسألتي اتمنى تفيدوني وعساكم عالقوه ^_____^ اخوكم علي كمال

    اي وانشاءالله احصل الردود باسرع من السرعه السريعه لانه مابقى وقت يعني هههههه وشكرا :))
     
  3. A.Alshayee

    A.Alshayee بـترولـي جـديـد

    1
    0
    0
    وعليكم السلام الأخ علي

    أولا عالبركة التخرج
    أنا من طلبة البعثة السابقة وحالياً أدرس ببريطانيا على الشركة

    خلنا نجاوب على أسألتك..

    فترة الدوام :
    4 أشهر في البحر مقابل تقريبا 3 أشهر إجازة والـ4 أشهر الي فالبحر عبارة عن رحلات من وإلى الكويت وبالوقت الي تكون فيه الباخرة ببحر الكويت تقدر تاخذ شي يسمونه اجازة قصيرة تخلص فيها أشغالك بالديرة بسرعه أو تشوف أهلك وانت وحظك مرات تستمر أيام مرات أقل من يوم حسب الظروف وحاجة الطاقم لك .

    الراتب :
    لما تاخذ إجازة ينقطع عنك بدل الإبحار سواء كنت ضابط ولا مهندس .

    التأخير :
    السنة الي طافت بدا التسجيل متأخر والعدد فعلا كان كبير وأول مرة يمر هذا العدد على الشركة علشان جذي صار في تأخير شوي لأن الإجراءات تتضمن فحص طبي واختبارات تحليل شخصية وذكاء ومقابلات شخصية ورحلات بحرية بس انشالله هالسنة الأمور راح تكون أسهل وأسرع والصراحة ما أقدر أفيدك متى تبدي دراستك بس احنا قدمنا شهر 9 وبدت شهر 4 بس مثل ماقلت لك انشالله الامور أسهل هالسنة .

    المصاريف :
    تتكفل الشركة بكافة المصاريف وتعطي تذاكر سنوية ورواتب شهرية وبدلات السكن على حساب الشركة خلال فترة دراسة اللغة وأول كورس لك في الكلية البحرية تسكن في سكن الجامعة هم على حساب الشركة بعد ماتخلص الكورس تاخذلك فترة تدريب بحري على ظهر الناقلات بعدها ترجع للكلية البحرية ساعتها يكون معاشك ارتفع وتسكن بروحك .
    الراتب أقل شوي من التعليم العالي لأن سكنك مدفوع وكل شي مدفوع عنك بس الفترة الي تسكن فيها بروحك يصير راتبك نفس التعليم العالي .

    الكلية :
    كلية مو معهد تقدر تدش الموقع مالهم اسمها south tyneside college كلية بحرية قديمة وعريقة ومعروفة عالمياً والشهادة الي تاخذها دبلوم عالي دولي تقدر تشتغل فيها بأي شركة شحن في العالم عموماً الكابتن الطيار ومهندس الطيران شهايدهم دبلوم لان الوظيفة فنية .

    الفرق بين الملاحة والهندسة :
    الملاحة تتخرج برتبة ضابط بحري ثالث وتترقى لغاية ماتوصل لرتبة كابتن وظيفتك قيادة السفينة طبعا ومسؤول عن الحمولة التعبئة والتفريغ ومسؤول على الأمن والسلامة قوارب نجاة وهالسوالف وصيانة سطح السفينة .
    الهندسة تتخرج اسمك مهندس بحري رابع وتترقى لغاية ماتوصل لرتبة كبير أو رئيس مهندسين شغلك كله بغرفة محركات السفينة مسؤوول عن تشغيل وصيانة وكل شي آلي بالسفينة مثل المحرك ومولدات الكهربا وهالسوالف وتصليح أي عطل مهما كان .

    واذا عندك أي سؤال بعد أنا حاضر :D
     
  4. اطفائي كووول

    اطفائي كووول بـترولـي نشيط جدا

    156
    0
    0
جاري تحميل الصفحة...

مشاركة هذه الصفحة