ليش اسوء مزايا بالقطاع النفطي اهو البترول الوطنيه؟

الكاتب : مو معقول | المشاهدات : 1,249 | الردود : 11 | ‏19 يوليو 2011
  1. مو معقول

    مو معقول موقوف

    663
    0
    0
    بسم الله الرحمن الرحيم

    بكل ميزه تطلع للقطاع النفطي لازم تكون شركة البترول الوطنيه اخر شركه تعطي الميزه للموظف...ليش؟؟ ولا مره سمعنا ان في شركه بالقطاع موظفينها يطالبون الاداره بمساواتهم مع موظفين البترول الوطنيه؟

    ليش الانترنت ساعتين وكل شي مصكر؟ والشركات الاخرى مفتوح وكل شي مفتوح؟ ليش بس عندنا هالحكره؟

    ليش عندنا تدقيق على البصمه وباقي شركات القطاع النفطي ماكو تدقيق؟ ليش بس عندنا؟؟؟

    ليش المهندسين بالشركات الاخرى يحصلون على السياره بسرعه وبشركتنا يالله يالله اذا صار المهندس سينير يالله يالله يحصل على سياره؟ ليييش؟؟؟

    ليش بكل شركات القطاع الموظف قريده ما يوقف و الشواغر مفتوحه له وبشركتنا كل شي مصكر؟؟؟ ليش؟؟؟؟



    ليش رحلة العمره و دبي تكون نقوه وماتكون بقرعه علنيه؟؟؟ ليش؟؟؟ يا جماعه نبي شركتنا تتطور ما يصير هالحجي والله الموظف اذا مو مرتاح وحس بالضيق ما ينتج...لازم الموظف يكون له اهتمام من الاداره...


    يعني اوكي الواحد لو يقول اتنازل عن كل الشغلات وانضغط زياده بس يكون راتبي اعلى منهم فنقول اوكي...شي بدال شي.....بس اهم اعلى منا حتى بالراتب والمستقبل الوظيفي...فهذا شي يحز بالخاطر والله
     
  2. almostishar

    almostishar بـترولـي مميز

    567
    5
    18
    أكتب كتاب وانقل عندهم او قدم استقالتك ..أحسن من التحلطم ..
     
  3. alrashidiknpc

    alrashidiknpc بـترولـي نشيط

    54
    0
    0
    أصبت كبد الحقيقة

    ( ليش !؟!؟!؟!؟!؟!؟!؟!؟!؟!؟!؟؟؟؟ )
     
  4. الصوت الحر

    الصوت الحر بـترولـي نشيط

    99
    2
    8
    موشي غريب دائما نحن في المرتبه الاخيره
    بس ليش اعتقد الجواب عند المسؤولين
    ويعطيك العافيه علي الموضوع
     
  5. KNPC OR KOC

    KNPC OR KOC بـترولـي جـديـد

    20
    0
    0
    اقولك ليش لأن اسوء اداره بالقطاع النفطي هي اداره الكي انبي سي واسوء اداره بالكي انبي سي الشعيبه ناس تدور مصالحها على ظهورنا والظلم عندهم سهالات لا ذمه ولاضمير وحرمنه وسرق والله يستر من تاليتها
     
  6. مو معقول

    مو معقول موقوف

    663
    0
    0
    انت ماتحب الخير للناس بس تحبه لنفسك على شان جذي دايماً نصايحك تكون على مستوى فرديه وتكون بس لمصلحلتك:)

    اخوي انا اتكلم عن هموم جميع الموظفين بالشركه مو بس انا...واذا قدموا الموظفين كلهم كتب نقل هل هذا راح يحل المشكله؟ واذا قدموا استقاله هل راح تنحل المشكله؟

    اخوي فكر بعقل واتمنى انك ما تفكر بتفكير انسان جاهل غير متعلم.


    احنا نتمنى من ادارة الشركه انها تتغير وتصير للأحسن وهذا طموح اي موظف بالقطاع...وبعدين احنا ما قاعد نطالب بشيء زايد عن الشركات الاخرى...احنا نبي على الاقل مثلهم.


    والله يا اخوي بغيت ادعي عليك وبعدين تراجعت:) لكن اقول الله يهديك للخير ان شاء الله
     
  7. almostishar

    almostishar بـترولـي مميز

    567
    5
    18
    مع ان الموضوع عباره عن حوار فقط وغير مقبول أو منطقى من يختلف معنا ندعي الله جل جلاله عليه بالشر ..؟؟؟

    بشكل عام أقدر الخصله الطيبه التى فيك والتى منعتك من الدعاء ..

    ..راجيا مستقبلا ان لاتعقب على اي موضوع لى أو رد ..و جزاك الله خير
     
  8. مو معقول

    مو معقول موقوف

    663
    0
    0
    مكان واحد بس ما راح ارد على موضوع لك او رد.......لما تكون بقبرك

    بس طالما انك بالمنتدى فهذه حريتي ان بغيت أعقب والا ما أعقب
     
  9. مواطن كويتي

    مواطن كويتي بـترولـي نشيط جدا

    466
    12
    18
    السلام عليكم ورحمة الله وبركاته

    شخصيا أشوف وضع البترول الوطنيه بالمنتصف لا هي الأسوأ ولا هي الأفضل
    لكن تمنياتنا و تطلعنا أن نكون أفضل الشركات من حيث المزايا و العروض
    دائرة العلاقات العامه أراها في تطور مستمر و المدير شخص جدا محترم بشهادة الجميع و ان شاء الله نرى المزيد من الارتقاء بالعروض و الخدمات التي تقدمها دائرة العلاقات العامه مستقبلا
     
  10. a3any

    a3any بـترولـي نشيط جدا

    191
    0
    0
    ذكر
    موظف عمليات - بشركه البترول الوطنيه - الاحمدي
    الكويـت
    والله ياشباب انا اقول قولو الحمدلله على كل حال ترى شغلات مثل هاذي تعتبر بسيطه
    في شغلات اهم من هاذي واهم من الانترنت .. الانترنت مو مهم كلها جم ساعه قاعد بالدوام وتطلع
    في شغلات ثانيه مهمه ولازم نناقشها سالفه الزياده سالفه القريدات مثل ما تفضلت
    سالفه التدقيق على التلفونات سالفه تعال فتشني بالطلعه وبالدخله تقول مساجين مو موظفين
    سالفه الشلاتر اللي تقول محكر حمام وسالفه الاجازات عندنا بمينا الاحمدي
    تقدم على اجازه وتعال انطر على ما يوافقون عليها وشووف عاد متى يعطوونك بعد شهر ويمكن اكثر
    معاملتهم جدا سيئه تقول صبي يشتغل عندهم مو موظف واخر شي يقولك احمد ربك راتبك عالي
    ليكون معطيني من جيبك ؟ يمعود صارت السالفه مذله

    يالله العفو والعافيه

    وعساكم عالقوه
     
  11. mtm

    mtm بـترولـي نشيط جدا

    419
    0
    0
    بصراحة كلامك منطقي يا صاحب الموضوع

    والله يعينا على ما ابتلانا فيه والادارة التعيسة متى راح تصحى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
     
  12. مو معقول

    مو معقول موقوف

    663
    0
    0
جاري تحميل الصفحة...

مشاركة هذه الصفحة