نداء الى جميع من يريد تعديل وضعه الوظيفي

الكاتب : دسمان79 | المشاهدات : 9,076 | الردود : 94 | ‏17 يوليو 2011
  1. دسمان79

    دسمان79 بـترولـي نشيط

    82
    0
    0
    بعد رحلة المعاناه الطويله من دراسه وامور لا يعلمها إلا الله تخرجنا ولله الحمد والمنه



    من جامعات مختلفه وجينا نبي نخدم في بلدنا الحبيبه الكويت لكن الحسد في الديره


    وخصوصا في شركة نفط الكويت يغطي طبقة الأوزون بل ويخترقها الى ابعد مدى


    حطوا شروط الكل يعرفها إختبار لغه وتخصص قلنا ماعليه ربك يسر الأمور


    رفعوا النسب حبه حبه من 30 الى50 قلنا ربك يفرجها طبعا النقابه موقفها


    سلبي معنا جدا ولأبعد الحدود المهم خلصنا الشروط والله يالربع اختبار التخصص


    كان حق بروفسور مصري حاطه تعجيزي حد الدعسه بس ربك اكرم منهم


    المهم جينا حق المههههههههههم وصلب الموضوع





    دزت الإداره إيميلات حق الشباب اللي يبون يعدلون وضعهم بس


    انصدموا تدرون ليش قالوا نبي اختبار لغه بس المستوى الخامس


    مجموعة مدراء حابين يتفلسفون ولا يبون احد يتوفق في مجال عمله


    لأن الحسدمالئ قلوبهم للأسف طلعوا هالقرار ويدرون انه مافيه احد راح يتكلم


    والنقابه مايحتاج بالحضن ...


    اذا فيه قرار من المؤسسه يقول المطلوب level4 تجي انت يالمنجر او التيم ليدر تقول لا



    نبي level5 ياجماعه مو قهر وظلم حسلي الله ونعم الوكيل بس والله ما اخليكم



    لأوصلها لأكبر شنب يعني مطبقين القانون والله لو الواحد يبي يبحث وراكم كان فضحناكم



    بس الله كريم والوعد قدام يا مدراء اخر زمن...
     
  2. Marine team

    Marine team بـترولـي نشيط

    93
    0
    0
    الله يعينكم اخوي للاسف بلد تنام على قانون وتصحى على قانون ثاني , بس ربك يسهل اموركم ان شاء الله
     
  3. كويت مرين

    كويت مرين بـترولـي جـديـد

    30
    0
    0
    اخوي ماضاع حق وراه مطالب وعسى الله يارب يوفقك ويوفق الكل يارب واحب اذكرك ياأخوي لاتيأس وفي رب كريم موجود لولك رزقه بتاخذها غصبا على اكبر راس لان الرزاق الله مو العباد والله الموفق للجميع
     
  4. alasad

    alasad بـترولـي جـديـد

    3
    0
    0
    ليش ما يردون علي القرار القديم الي مافي اختبار للموظف بس يكطتب كتاب فيك مسئولك وانت رجال تعمل في عملك
    وصير حالنا حال الوزارات تقدم شهتك وتعدل وضعك لا دوخت راس ولا عوارالقلب
    تري الي سوي جذى وينزل قوانين تعجيزية هذا يكون ما في ثقة في نفسة يخف يجية واحد اشطر منة ويصير مسئول علية هذا ما يدري ان الارزاق بيد الله والحمد لله علي ذالك انا اكتب بس علشان صاحب القنين ينتبة علي نفس لايصير من اهل التعسير الي الله ما يحبهم ولا رسوله الرسول يقول من مشى في عمل اخيه خير له من قيام الدهر

    الله الرازق والحاسد في الارض علي العموم الي يبه الله يصير يصير والحمدلله
     
  5. T-BAG

    T-BAG بـترولـي جـديـد

    26
    0
    0
    koc
    kuwait
    انا وضعي اتعس منك يالحبيب

    انا تخرجت من جامعه راقيه في بريطانيا
    وكانت دراستي بوضع قانوني ومن رصيد اجازاتي اللي كان يتعدى ال 160 يوم

    رجعت وبعد معاناة مع التعليم العالي لا معنى لها سوى التعطيل والبيروقراطيه الغثيثه
    كتاب راح وكتاب ضاع

    خلصت منهم وبدات رحلة المعاناة الجزء الثاني مع الشركه
    وحطينا موعد اختبار انجليزي
    وحصلت على نتيجه ممتازه وهي المستوى السادس
    advance
    ونطرت شهرين الى ان تحدد موعد اختبار التخصص
    وعديته بدرجه ممتازه لله الحمد والمنه

    ووصلنا الى الجزء الثالث من المعاناة
    عند اجراءات رفع الشهاده واضافتها للملف
    يجب ان يكون الموظف حاصل على تقدير جيد لاخر 3 سنوات
    وانا تقديري جيد جدا لكل سنوات الخدمه ما عدا اول سنه جيد مرتفع

    ولكن واااه من ولكن يشاء القدر ان يكون تقريري في السنه الثالثه لي 2008
    ( لا حكم عليه )
    لاني كنت في رحلة علاج مع والدي رحمه الله

    حاولت ان اقنعهم انهم ياخذون معدل ال3 سنوات
    او يعتمدون السنه اللي قبلها 2007
    ولكنهم ابوا الا ان يغثوني بالجواب العبقري
    ( القانون قانون )
    يا يبه قانونكم مو قران !! يتغير يستثنى!!
    شالسالفه!!
    الحين انا ناطر ومنلطع سنه باجرااتكم الغثيثه
    والحين تبوني انطر سنه ثانيه بس عشان كنت رايح علاج بالخارج واادي واجبي في بر الوالدين!!
    وبعدها انطر جم سنه لما تحصلك شاغر..!!

    بذمتكم مو شي يبط الجبد؟
     
  6. Eng.AbuNaser

    Eng.AbuNaser بـترولـي جـديـد

    8
    0
    0
    الله يعين وازيدك من الشعر بيت بعد ما تجيب level 5 الي اهم يبونه تدش مقابلة واهم نفسهم الاشخاص الي حطو هالقانون يختبرونك في المقابله ويسئلونك اسئلة تعجيزيه وكانهم يبون برفيسور او شخص عبقري وفوق هذا كله مو عاجبهم
    ومنا الي الخالدي الي اجتمع مع الهاجري وقال انه اي دائره يقدر الموظف يعدل وضعه بدون شاغر والناس اجتازت الاختبارات و حطولهم اختبار انجليزي ومقباله بدال الاختبار يعني نفس الشي تجيب شهادة قدم اختبار انجليزي وتخصص تدش شاهدتك السستم
    تبي تعدل وضعك قدم اختبار انجليزي بمستوي اعلي من الي قبله ودش مقابله بدال الاختبار
    اذا هذا مو ظلم يطلع شنو الظلم؟؟؟؟؟؟؟؟؟؟؟؟؟؟؟؟؟؟؟؟؟
     
  7. هيا ناصر

    هيا ناصر بـترولـي جـديـد

    30
    0
    0
    من قبل يومين نازل وقف لجميع معاملات تعديل الوضع والسبب !! آلية جديدة لتعديل الوضع
    والاعلان راح يكون عن طريق ال kpc ويتم التقديم عليه حسب الشواغر بال koc تحت اشراف لجنة مختصة
    بس السؤال وين النقابة وليش ما تتجمعون علشان تدخلون عالنقابة وترفعون هالعقبات امام الكويتي
    أظن لو كانوا اجانب كان اعرضوا عليهم اغراءات علشان يقبلون بتعديل وضعهم :p

    يا حبهم للاجانب وكرههم وحسدهم لابناء البلد اللي هم اعيالهم
    حسبي الله هو نعم الوكيل

    ولو ان انا اشوف اللي يروح الوزارة الف مرة احسنله كم الفرق بالراتب واحسب ساعتين دوام باليوم
    وسيارة وصارت الوزارات تعطي كورسات للمهندسين احسن من القطاع النفطي وغالبا الولايات المتحدة
    ودول اوروبا بدون منة ولا حسد

    الكويتي يروح يتغرب ويدرس ليساهم ببناء وطنه لكن الفساد ناخر بالقطاع النفطي واصبح الاجنبي يشتغل
    مطراش وسايق يوصل اولاد المسئول ويشرف على بناء بيته ويؤدي اعماله اليومية .

    وآخر شي يجيبولنا مصري مو شايف خير او هندي عمره ما شاف سيارة بديرته ما يعرف كوعه من بوعه ولا فلبيني من المطاعم السريعة

    ولكن ما يعتبرون كم سوبر انتندنت و g.s ومدير كانوا من الفلسطينيين قبل الغزو وبالمقابل الاجحاف ونكران الجميل
    وشهداء بسبب وشاياتهم في كل الوزارات والشركات وشباب في عمر الورود استشهدوا جراء حسدهم ومقتهم
    للكويتي.

    ونهاية اما آن لكم أن تعتبروا ؟ وهل يستحق الكويتي تطبيق هذه القرارات المفجعة بحقه
    وأرجوا أن لا يكون ردكم بأن هذه الإجراءات تشفي الغل والامراض التي في صدوركم

    وذالك لان موزع الارزاق حي لا يموت
     
  8. مو معقول

    مو معقول موقوف

    663
    0
    0

    اخوي وين دارس هارفرد والا اكسفورد؟ :) اقص ايدي اذا مو سلوفاكيا والا الفلبين والا الهند والا مصر والا البحرين..لا بعد البحرين على الاقل اكو دوام وامتحانات...سياحه بطعم الدراسه

    والله عيب واحد جامعي ما يعرف انجليزي وبتخصصه مايفهم ابسط اساسياته....وفوق هذا جاي يقول ظلم ويناشب العالم

    يبه انا عن نفسي لو اخذ شهاده بنفس هالمستوى والله استحي اناشب العالم...اروح وزاره واقول لهم قطوني بمكان صاد عن الناس و الله يعيني على ما اتقاعد

    مع احترامي الشديد لك اخوي دسمان...انت عربي ستين الف بدليه قاط...ما ادري شنو هالجامعه اللي خذيت منها الشهاده؟

    انا كلي ثقه ان مايتم تعديل وضع الواحد الا اللي يستحق....واذا تبي نصيحتي...دق سلف و روح الوزاره ومثل ما قلت لك خلك بمكان صاد واحمد الله على النعمه
     
  9. مو معقول

    مو معقول موقوف

    663
    0
    0
    اختي الفلسطينين كانوا يشتغلون بضمير وحرام الظلم... اما بخصوص اللي راح يدرس بره ليساهم ببناء وطنه...اي بناء؟ هذا يبي يهدم وطنه اصلاً دارسلي بجامعه فاسده ولما يرجع..يكون مثل ما راح...رجع
    يعني بالعربي لا دراسه ولا غيره...اصلاً سمعت ان مدير الجامعه لما شاف مشروع بعض الطلبه قال لهم انصحكم انكم لما تروحون وطنكم لا تاخذون مشاريع على مستوى الدوله على شان ماتجيبون العيد فيها....قاموا يضحكون ويصفقون له عبالهم قاعد يمدحهم...اي بناء هذا؟؟؟

    لا والله الا فساد والمشكله كلها يتحملها التعليم العالي ونواب مجلس الامه خصوصاً اللي قاعد يطالبون التعليم العالي بإعتماد شهاداتهم الفاسده
     
  10. دسمان79

    دسمان79 بـترولـي نشيط

    82
    0
    0
    اخي الحبيب مو معقول كيف الحال نعم تخرجنا من سلوفاكيا والدراسه مثل ما قلت دراسه جميله جدا بطعم السياحه الأروع وبنكهة الأجواء النمساويه 

    انت ليش حارق اعصابك خايف على البلد ، الله يعطيك على قد نيتك ، حبيبي حنا في جامعه معترف فيها من الجهات المختصه يعني قانونيا (( على شحم ))

    ما أحد يقدر يتكلم ثاتي شي اذا بتتكلم عن الجامعات راح تتعب انت بس ما تعرف إلا هالجامعات لكن الشق عود على قولت بوفهد حبيبي حنا مهندسين

    رضيت او نرضيت ولا تزايد على محبتنا للكويت وبنعدل وضعنا ان شاء الله وبنجتهد وبنتعلم واللي في بطنه ريح مايستريح ...

    بالأخير مبارك عليك الشهر اخي العزيز واذا فيه بدليات في كلامي نورنا الله يجزاك خير لأن لغتي سلوفاكيه ...
     
  11. مو معقول

    مو معقول موقوف

    663
    0
    0
    شر البلية ما يضحك...تبي اتعلم بالشغل والله ما ادري شلون راح اتعلم؟ انا اتمنى يقطونك بقسم التصميم على شان اتعلم عدل وعلى شان تحرج نفسك....يعني لو يقولون لك صمم لنا شلون بتتعلم التصميم؟ تبي المهندس المسؤول يقعد يدرسك ويعلمك خمس سنين على شان تعرف تصمم؟:)

    انا بجيبها لك بمكانين واحد مستواه عالي و واحد مستواه نازل...وانت قيسها

    السائق:

    يعني انت الحين جايب ليسن من مكان بو طقه ولا تعرف تسوق وتقول عدلو وضعي وخلوني سايق وبتعلم وبدير بالي وان شاء الله افلح..........هل هذا الكلام معقول؟


    الطبيب:

    يعني الحين بيجي طبيب بشهاده ما يدري شنو درس فيها ويقول انا بتعلم وبشد حيلي وبصير احسن جراح بالعالم بس خلوني اتعلم وافتح بطون العالم....هل هذا الكلام معقول؟



    المهندس

    تكفه اقنعني شلون راح تتعلم وتصمم مباني والتصميم يعتمد على دراسه متكامله وكل شي يشيل شي وكل شي يعتمد على شي...فهل معقول انك راح تتعلم وتشير لما تفلح؟:)


    ................اخوي تكفه اسمع نصيحتي ولا تضر بلدك وقول الحمدالله ان في ثغرات بالبلد ومشيت انت فيها...و روح الوزاره واستر على ما وجهت

    جامعتك اللي تتكلم عنها ساحبين الاعتراف فيها لانها فاسده وفاشله......وبعدين انت راح تشتغل بشهاده مزوره...كاتبين لك فيها ان لغة الدراسه السلوفاكيه وانت دارس انجليزي وماتفهم شي بالسلوفاكي ويا ليتك عاد فلحت بالانجليزي:) ماتخاف من الله يوم القيامه عندما تسأل؟

    تقول بالقانون هههههههههه.......ازايد على حب الوطن؟ انت تقول كلام يطلع من لسانك وليس في قلبك منه بشيء وانت انسان تحب نفسك اكثر من بلدك بكثييير ولا يوجد مقارنه بحبك لذاتك مع حبك لوطنك...والكلام سهل ولكن الفعل صعب....انت مهندس بالورقه وليس بالعقل و راح تعيش وتموت وانت مستحي انك مهندس و مو واثق من نفسك انك مهندس...

    انت مشتقة x اتوقع انك ما تعرف شنو........والله العالم انك ادبي مو علمي بعد

    خوش مهندس:) والله مهندس زراعي يفهم اكثر من كل اللي متخرجين من جامعتك لا و شرط من دوله عربيه بعد
     
  12. هيا ناصر

    هيا ناصر بـترولـي جـديـد

    30
    0
    0
    أخوي مو معقول أنا آسفة وما كنت اقصدك لمن قلت أجانب (فلسطيني) :p
    واكرر اعتذاري لك بس رجاء انت ضيف بهالبلد ولا تناشب الكويتي بديرته
     
  13. Salem J

    Salem J بـترولـي نشيط جدا

    226
    0
    0
    Eng
    Kuwait
    الله يكون في العون

    بس على فكرة فيه ناس خريجين الفلبين بس بالشغل مضبوطين

    و فيه ناس اعرفهم متفوقين بالدراسة من جامعات قوية من امريكا و الكويت و بريطانيا : بس ما تسرح به الغنم

    هو يعتمد على: اللغة - القابلية للتعلم على شغل الورق و الاجتماعات و الرسائل - و المعاملات المالية احيانا - الأخلاق و الطريقة اللبقة في الحديث و ان تكون شخصيته متزنه... الخ
     
  14. مو معقول

    مو معقول موقوف

    663
    0
    0
    :) مقبول اعتذارج

    الكويت بالماضي كانت تعتمد على مؤهلات وافده وكان التطور مستمر الى ان وصل الكويتي الحديث وتوقف التطور بكل مجالاته...فبصراحه الوافدين لهم بصمه بالكويت واعتقد ان الكويت ما تقدر تستغني عنهم..

    ومع كل احترامي لج ولكن للوافدين حقوق على الدوله توفيرها لهم...بس هذا موضوع ماله اي علاقه بموضوعنا؟!!

    بعدين انا ما ناشبت الكويتي بديرته...انا ناشبته بشهادته واعتقد انه عندنا نسبة شهادات كثيره لا يستحقون مضمونها الحاصلين عليها


    انا اللي اسف ان جرحت شعورج او شعور صاحب الموضوع على كشف حقيقة هذه الشهادات المزيفه وتعريفكم بحجم عقول من يملكونها
     
  15. مو معقول

    مو معقول موقوف

    663
    0
    0
    خير ان شاء الله:)
     
  16. واحد من خلق الله

    واحد من خلق الله بـترولـي نشيط جدا

    296
    0
    0
    ههههه مازال اخونا مو معقول يتنقل في اقسام المنتدى ومن كثر تعليقاته ماتدرى هو في اي شركة تقول همه الوحيد انه يعلم جميع مرتادين المنتدى انه مهندس هذا اولا.
    ثانيا انا مو مهندس لكن عندي شهادة متواضعه من جامعة الكويت اخذتها وانا اداوم في الشركة والحمد لله خلصت الاختبارات كلها وعرض على اكثر من وظيفه مكتبيه لكنى فضلت دوام الشفتات لان معاشه اكثر وقعدت الصبح ما احبها.
    ثالثا خلال وجودي في الجامعه كنت امر على كفتيريا الهندسه لانها افضل من كفتيريا العلوم وكنت اشوف بعض رجال المستقبل وحماة الوطن المهندسين شلون يحاولون يعدون موادهم وبكل بساطة كان كل اربع مجتمعين على كشكول واحد وينسخون ( اعتقد الطريقة اسمها التكويب ومشتقه من copy مثقفين ما شاء الله عليهم ) طبعا مو كلهم اكيد فيه منهم المجتهدين.
    رابعا رجاء اخوي مو معقول خل عنك اللقافه ولازم تعرف مو كل الي جايب شهادته من برا يكون مشتريها مثل مو كل مهندسين الكويت يكوبون وياليت تكبر عقلك وتذكر انك صرت موظف اللحين وتنسى سوالف الجامعه ولا تخاف كل واحد بيجيه رزقه ولا احد يقدر ياخذ رزقك اذا هو مكتوب لك.
    ((( هذي نصيحه والنصيحه يقولون بجمل لكن هذي بلاش )))

    والله يوفق الجميع ويعطى كل واحد على نيته
     
  17. دسمان79

    دسمان79 بـترولـي نشيط

    82
    0
    0
    أصبحنا وأصبح الملك لله...

    أخي الحبيب (سنفور غضبان ) اول شي تتكلم عن عقول الناس وحجمها اود اعرف هل تعاني من مشاكل نفسيه

    انت مثلا ( نيوتن ) على غفله او (الخوارزمي) او مسوي مفاعل بوشهر النووي او يقربلك الجويهل بس تبربر وكأنك المنقذ حق الشركه

    فيه مثل قديم تذكرته وانا اقرا ردودك (شعلى الذيب من ...... النعجه ) هذا ينطبق عليك اي واحد جاب شهاده من برا وصدقها من

    التعليم العالي انا اعتبره ذيب ورجل انتهز الفرصه وصدقني لو تحصلك هالفرصه يا عالم الذره ماراح تطوفها لأني اجزم انك ماعندك ماعند جدتي

    الله يحسن خاتمتها وبالأخير أتمنى ان تعطينا سيرتك الذاتيه وجنسيتك هل انت كويتي او فلسطيني اذا كويتي فتلك مصيبة واذا فلسطيني

    فالمصيبة اعضم..

    الى اللقاء بوفهمي..
     
  18. بلبل عنقريزي

    بلبل عنقريزي بـترولـي خـاص

    2,187
    0
    0
    مشكلتنا الحسد اعوذ بالله

    ترى الرزق عند الله
    لو الشعب كله صار مهندسين وربك قاسم لك رزقتك ماراح احد يناشبك فيها
    حب لغيرك ماتحب لنفسك
    تمنى لغيرك الخير والرزق والتوفيق
    على شان الله يوفقك
    ان شاءالله وصلت
     
  19. jajs04

    jajs04 بـترولـي نشيط جدا

    آخر خبر ... سري وحصري:

    [caution][/caution][hide][/hide] تم إيقاف العمل بجميع إجراءات تعديل الوضع بدءاً من 11/7/2011 [hide][/hide][caution][/caution]
     
  20. KOC DUDE

    KOC DUDE بـترولـي جـديـد

    2
    0
    0
    السلام عليكم الخبر صحيح انا شفت كتاي الوقف و الله يعين الجميع
     
جاري تحميل الصفحة...

مشاركة هذه الصفحة