البطاقة التعريفية الموحدة للمؤسسة وشركاتها التابعة

الكاتب : المحرر النفطي | المشاهدات : 1,389 | الردود : 9 | ‏14 يوليو 2011
  1. المحرر النفطي

    المحرر النفطي فريق الإعلام

    3,466
    224
    63
    ذكر
    الكويت
    [​IMG]


    [align=right]في خطوة تعد الأولي في تاريخ القطاع النفطي دشنت المؤسسة وشركاتها النفطية التابعة بطاقة تعريفية مؤسسية للمؤسسة وشركاتها التابعة تهدف الى تعزيز روح الانتماء لقطاع واحد.

    ووجدت هذه المبادرة التي أطلقها العضو المنتدب للعلاقات الحكومية والبرلمانية والعلاقات العامة والإعلام الشيخ / طلال الخالد الصباح ودعمها الرئيس التنفيذي السيد فاروق الزنكي القبول وتهدف هذه البادرة إلى إبراز الصورة المؤسسية على مستوى المؤسسة وشركاتها بعد التطبيق الناجح لهذه الميزة في مؤسسة البترول الكويتية.

    وتجدر الاشارة أن فريق العمل قد قام بالإطلاع على الممارسات المتبعة لدى الشركات النفطية الرائدة وحرص عند تصميم البطاقة التعريفية على المحافظة على كيان وهوية كل شركة من خلال إبراز شعارها بصورة واضحة وإضافة الشعار المؤسسي في كافة التصاميم.

    وأضاف الخالد أن إطلاق البطاقة التعريفية الموحدة جاء لتعزيز مكانة المؤسسة وشركاتها التابعة التي تعمل وفق استراتيجية متعددة المحاور والأهداف ودعمها للارتقاء الي تصنيفات ودرجات عالية ضمن تصنيف الشركات العالمية [/align]
     
  2. Imperial

    Imperial بـترولـي جـديـد

    4
    0
    0
    الله وأكبر ظهر الحق

    الحين الميزانيه لما دزوها للخدمه المدنيه صارت 184 و 142 و 80 والدسيسه بالسم 50 مليون ما قالواا نبي نخليها ميزانيه وحده أخوي طلال خالد روح أول حط بطاقه تعريفيه حق الميزانيه بدال الأربع بعدين وحدوا الموظفين .

    لا تستغفلون الموظف المنهك وتلعبون بأعصابه ليل نهار
     
  3. Online

    Online بـترولـي نشيط جدا

    374
    0
    16
    ودنا نعرف شنو فايدة البطاقه الموحدة
    وشنو الفايدة اللي راح يستفيد منها الموظف
     
  4. نفطي متحمس

    نفطي متحمس بـترولـي نشيط

    132
    0
    0

    مو من عوايدي اعلق سلبا على اي مجهود مهما كان صغيرا..بس جد اللي بالمؤسسة مو حاسين بان الموضوع ماصخ حيل و ما كان له داعي ازعاج و اشغال الموظفين بترقبو و غيره من اساليب الدعاية الماصخة !!!!
     
  5. Industrial Engineer

    Industrial Engineer بـترولـي نشيط جدا

    233
    0
    0
    عمل يشكر عليه .. يا جماعة لا تخلطون المواضيع ببعضها الزيادة شي والامور الاخرى شي ثاني

    وبالنسبة للي قال شنو الاستفادة من البطاقة التعريفية .. البطاقة التعريفية موجودة عند كل الشركات الكبيرة وبصراحة عيب شركة مثل المؤؤسة وشركاتها التابعة ما يكون عندهم مثل هالشي
     
  6. Q8_oil

    Q8_oil بـترولـي خـاص

    1,387
    0
    0
    للأٍف إنتوا مو فاهمين الموضوع إللي بيحمل هالبطاقة أهو إللي راح تمشيله الزيداة
     
  7. كتلوني

    كتلوني بـترولـي نشيط

    84
    0
    0
    185 مليون المرصوده للزياده راح يصرفونه علي استخراج البطاقه والشركه المتكفله بعمل البطايق ما لت هامور ...الموضف الي ياخذ البطاقه اموره ماشيه بالبطاقه دفع المخالفات وتسديد القروض حجز طيران تسديد رسوم كل شي بهالبطاقه كل مايخطر ببالك في هالبطاقه وسمعت بعد هذا المشروووع(( شل &بيبي)) بغيرون نشاطهم بيزرعون قصب سكر
     
  8. Online

    Online بـترولـي نشيط جدا

    374
    0
    16
    اللة يعطيهم العافية ما قلنا شي بس يعني كل هالخبة
    عشان شكل الشركة او لان باجي الشركات الكبيرة مسوين هالبطاقة
    انزين ابي اعرف شي واحد بس احنا ليش نقلد الغير او اللي احسن منى
    بالامور السطحية بس
    يعني شكل او برستيج او او شعار
    والامور الجذرية اللي الشركات الكبيرة سابقتنا فيها
    بسنين طويلة ما نلتفت لها ولا ندري عنها
    الصراحة شي مؤلم
    يبين واقعنا وضعفنا في تدبير الامور
     
  9. mtm

    mtm بـترولـي نشيط جدا

    419
    0
    0
    ما منها فايدة ولا راح تفرق معانا

    مجرد خساير على الفاضي

    يعني اللى توه مستلم بطاقة جديدة الحين يحذفها وياخذ هذي بدالها

    مو خسارة؟؟؟؟؟؟؟؟؟؟؟؟؟ خصوصا ان بطاقاتنا اللى الحين مكلفة وفيها ship data
     
  10. Fire_Fighter

    Fire_Fighter بـترولـي جـديـد

    3
    0
    0
    صراحه بطاقه بايخه والدعايه عليها ابيخ منها ... يعني شنو راح تسوي هالبطاقه ??
    اذكروها بعد سنه بطاقه جديده بشكل جديد ومناقصه جديده !!
     
جاري تحميل الصفحة...

مشاركة هذه الصفحة