رئيس مجلس ادارة الشركه طلبني بالاسم

الكاتب : نفطي كويتي | المشاهدات : 902 | الردود : 14 | ‏16 ديسمبر 2007
  1. نفطي كويتي

    نفطي كويتي بـترولـي خـاص أعضاء الشرف

    2,016
    12
    38
    قعدت بيني وبين نفسي وتخيلت
    ان رئيس مجلس ادارة الشركه طلبني بالاسم وقالي
    شبيك لبيك اطلب وتمني
    طلبك مطاع يا عنتر
    قلت اهمومنا بسيطه ولا هي بصعبه وبيدكم حلها وتقدرون عليها

    وانتم قدها لاهي تحتاج مصباح سحري
    او مارد الخاتم عشان تتحقق
    همنا ومشاكلنا لها حل وبسيطه ومثل بساطة اصحابها

    همي الاول الدرجات ليش ما اخذها كل سنتين ثلاث مو مشكله بس اخذها واعرف متي اخذها
    ليش تنحط عراقيل وتوقفها مسميات ما استاهل كل سنتين زياده 50 دينار مقابل عمري للشركه

    همي الثاني ليش مايكون بدل الكيربيات في المصانع ليش مو مبني غرفه جلوس العمال مطبخ حمام لنا في المصانع
    غرفه كلها جامات من كل صوب ذبحنا الحر والبرد علي الاقل وفرو لنا كنابل تجمدنا كم بيكلف الطابوق
    ليش ما عندنا الا حمامين
    الله يعزكم والصبح يستعمله اكثر من 30 شخص والامر واحد خربان
    همي الثالث لبس مثل العالم لبس يفشل صيف وشتاء نفس الخامه وبوت خاست رجيلنا من الحراره ونمت فيها البكتيريا
    نلبس ونعالج من الصوب الثاني
    همي الرابع اتكلم عن قسمنا قسم البقره الحلوب ننتج وخيرنا مو لنا
    العلاوات ليش الاجحاف فيها عطونا زيدوا نسبنا ارحمونا قسمنا يعطيكم ملايين عطونا الخرده

    همي الخامس نظام الشفتات غيروه متنا ذبحنا 15 سنه محروم من جميع المناسبات والعلاقات الاجتماعيه
    ما نحب نغيب او نتمرد بس ساعدونا سووا دراسه وشوفوا حل مناسب لنا

    همي السادس قسمنا ونقص العماله كل الاقسام تزيد فيها العماله الاقسمنا ليش تعالوا وشوفوا حتي مع التطور اللي صار
    شنو نمشي ب7 ليش مو بشر مو اوادم مرات نوقف ونشغل في نفس الشفت
    والناس كبرت وشيبانا في المصنع واجدين ولهم طاقه ارحمونا

    قلت لرئيس مجلس الادراه هذي طلباتي واتمني انها تنظر بعين الاعتبار
    هل همومنا صعبه هل طلبنا المستحيل
    اتمني تقري الموضوع او احد يوصل لها الموضوع لعلها تجد لنا حل حنا إخوانها وعيالها
    ومشكوره
    ويا ليت كل من اخواني يقول همومه يمكن توصل
    خلونا نحلم ان الرئيس معنا جالس
    وشكرا لكم
     
  2. العقرب

    العقرب بـترولـي نشيط

    138
    0
    16
    بيض الله وجهك على هالموضوع الطيب ياخوي نفطي كويتي.
     
  3. نفطي كويتي

    نفطي كويتي بـترولـي خـاص أعضاء الشرف

    2,016
    12
    38
    ووجهك يا العقرب

    والخصخصه ما نسيتها اكبر هم وخلت حياتنا غم الفكر شارد نبي نعرف مصانعنا بتبقي او بتنباع وش لنا وش علينا
    ضاقت صدورنا وطاحت عزومنا مصنع وقاعد ينتج وخيرنا لديرتنا ليش ينباع رزقنا ورزق عيالنا وين بروح شمال او جنوب
    شركه او لوزاره
    جا وزير وقال بيعوا وجا وزير وقال لا تبيعون
    صرنا مثل اللي يلعب شد الحبل
    مره لنا ومره علينا
    اقل واحد فينا باقي له 8 سنين ويحق له التقاعد
    ريحونا اذا مو عشانا عشان الكويت وخلوا خير الديره لأهلها تصدوا للخصخصه وليه الحلال يروح لشخص بدل ما كان للكويت
    قالوا مصانع خسرانه مثل مصانع الملح شفنا وش صار عقب بيعتها وأرباحها
    ومشكور يا رئيس مجلس الاداره وبترك الفرصه لغيري يشتكي همه لكم
     
  4. ابوجمانه

    ابوجمانه بـترولـي نشيط جدا

    237
    0
    0
    الـــــــــــــــــــــــــــــــــــــــلــــــــــــــــــــــــــــــــــــــــــــــــــه
    يســــــــــــــــــــــــــــــــــــــــــامحـــــــــــــــــــــــــــكـــــــــــ
    يا نفــــطى كـــــــــــويتى
    (((((جبتهــــا على الجــــــرح وكنكــــ ما دريـــــــت)))))
    والله ودى ان هالمشاركه الحلوه توصل معزبتنا ام بدر الله يطولنا فى عمرها
    وياليت الشيوخ واللى تحتها يحســــــــــــــــــــون
     
  5. traheeb

    traheeb بـترولـي نشيط

    69
    0
    0
    احلام سعيدة اخوى نفطى
    وماراح تتحقق
    بسبب
    لا يوجد فى البتروكيماويات منصب رئيس مجلس ادارة
    شقول موظف pic حتى اذا حلم حلم غلط:D:D:D
     
  6. يادنيا

    يادنيا بـترولـي مميز

    يارب تصل رسالتك الى الشخص المعني ..

    دراجااااااااااااااااااااااااااااااااااااااااااااااااااااااااااااااات يا بشر عطونا
    اوكي بس درجة وحده نعمه :(

    وغيرنا يقول نفس الفنان سعد الفرج بسنى فلوس ياحسين والبعض هني يقول بسنى درجـــــــات يا فــــــــلالالالالان .
     
  7. يورياوي

    يورياوي بـترولـي مميز

    688
    0
    0
    q8
    خرعتنا بعنوانك بس حلم حلو ياعنتر :)
     
  8. نفطي كويتي

    نفطي كويتي بـترولـي خـاص أعضاء الشرف

    2,016
    12
    38
    مشكور علي المشاركه وياليت توصل رسالتنا لها


    اشدعوه حلم اقولك حلم
    كأنك تقول احلم علي قدك مثل ما قال سعد الفرج
    اما عن المنصب
    اشلون اعرف اسم المنصب وهم حاطين باب من زجاج ضد الرصاص ما يدشه الا اللي عنده تصريح ومخول له الدخول
    حتي احلامنا راحت للمنصب الغلط
    شنو نسوى الله كريم
     
  9. PIC

    PIC بـترولـي نشيط جدا

    313
    0
    0
    والله إنا فقارى

    حتى احلامنا على قد حالنا

    والمشكلة مستكثرين علينا هالاحلام البسيطة
     
  10. بو صقر

    بو صقر بـترولـي نشيط

    60
    0
    0
    انا اشوف الظاهر حتى الاحلام ممنوعه واذا صار وحلمت وغلطت اسكت لاحد يدري عنك
     
  11. المتمكن

    المتمكن بـترولـي خـاص أعضاء الشرف

    1,350
    0
    0
    يا حلوك يا PIC
    ويا حلو مشاركاتك
    والله احلى شى فى الدنيا النــــــــــــــــــوم والاحلام السعيده
    وشكرا على الحلم العسل
    يا نفطى كويتى
     
  12. نفطي كويتي

    نفطي كويتي بـترولـي خـاص أعضاء الشرف

    2,016
    12
    38
    حياكك الله اخي المتمكن
    واتمني انها تكون رؤيه علشان بإذن الله تتحقق
     
  13. نفطي كويتي

    نفطي كويتي بـترولـي خـاص أعضاء الشرف

    2,016
    12
    38
    اللهم اميييييين
    مشكور علي المشاركه
     
  14. traheeb

    traheeb بـترولـي نشيط

    69
    0
    0
    المنصب الحين هو رئيسة شركة صناعة الكيماويات البترولية
    مو رئيس
    حتى فى اوراق القرارات الى تصدرها مكتوب chirwomen
    لاحد يجير كلامى
    وانشالله تكون الصورة الحين واضحه
    وشكلكم ما تأيدون حقوق المراة بس سوس ترد عليكم وتدافع عن بنت جلدتها
     
  15. نفطي كويتي

    نفطي كويتي بـترولـي خـاص أعضاء الشرف

    2,016
    12
    38
    محد جير كلامك اخي الغالي
    مشكور علي المشاركه
    رئيس رئيسه المهم نحلم
    مشكور
     
جاري تحميل الصفحة...
مواضيع مشابهة
  1. المحرر النفطي
    الردود:
    0
    المشاهدات:
    8,198
  2. المحرر النفطي
    الردود:
    3
    المشاهدات:
    898
  3. المحرر النفطي
    الردود:
    0
    المشاهدات:
    556
  4. Workers
    الردود:
    5
    المشاهدات:
    766
  5. عبدالله السبيعي
    الردود:
    13
    المشاهدات:
    798

مشاركة هذه الصفحة