اعتذار وانسحاب

الكاتب : Ahmad1982 | المشاهدات : 1,154 | الردود : 13 | ‏9 يوليو 2011
حالة الموضوع:
مغلق
  1. Ahmad1982

    Ahmad1982 بـترولـي جـديـد

    26
    0
    0
    في البداية اشكر القائمين على هذا المنتدى واشكر سعة صدرهم
    لاني متأكد ان ازعجت كثير من رواد المنتدى هاليومين واعتذر للقراء جميعا
    على هذا الازعاج
    واشكر سعة صدر الادارة

    انا مو من اهل المنتديات وهذا المنتدى قليل ادشه للاستفاده

    ولكن منذ شهور لاحظت اكثر المواضيع هي هجوم شكلي علئ النقابة
    بدون ادلة وتجاوز حدود الادبيات
    وصار البعض كل يوم يحط نفس الموضوع اللي امس ويغير العنوان

    وكل كلامهم
    ليش النقابه تشرب شاي
    ليش فيصل يدز مسجات
    ليش الحمادي ما يتكلم
    ليش مايسوون اضراب ( حاط اسم مستعار ويطالب باضراب)
    ليش ما يدشون المنتدى ويردون علينا
    هذي نقابة الادارة
    هذي نقابة هوان وجبن ومالها هيبة وووووووووو

    وين الانتقاد الواضح ؟! ماكو

    وكل المواضيع من هذا القبيل
    والمشكله شهور وهم على هذا الحال

    غضبت لان النقابة ما ترد
    كلمتهم وقالوا ما نقدر نخلي 4000 موظف عشان نرد على 4 موظفين

    قمت وتطوعت من عندي رغم اني مشغول وما عندي وقت

    قلت بفضالهم يومين بشوف شعندهم

    ودشيت وصراحه توقعت اني بلقا مقاومة منطقية منهم في النقاش
    لقيت الشباب كلش ابيض.. ماكو شي.. يبون القائمة تسقط وبس، اول ماترد عليه
    يحول الموضوع . ترد عليه بالنفط يحولها قبليه . تسكته بالتاريخ
    يحولها سياسيه.. واذا سكت ما عنده شي جرها ضحكه

    *انا الحمدلله خلصت .. واذا كان غيري فاضي . فانا مشغول

    طبعا هم اكيد راح يكملون هجومهم المعتاد الفاضي

    وان شاء الله نشوف مواضيع مفيده
    واولها مباركة اقرار الزيادة

    اكرر اعتذاري لقراء المنتدى
    واكرر شكري للادارة
     
  2. seal-oil

    seal-oil بـترولـي نشيط جدا

    161
    2
    0
    [align=center]

    اخوي ahmad1982 مدام عندك ميانه مع النقابه,
    تكفي كلمهم!!! ابي اعرف شنو سوت النقابه لل 4000 موظف[/align]

    والشي الثاني كان وفرت وقتك بذكر انجازات البقاله اسف النقابه!!!!
     
  3. مسوي زحمة والشارع فاضي

    مسوي زحمة والشارع فاضي بـترولـي نشيط جدا

    166
    0
    0
    بالسلامة أخوي والقلب داعيلك

    عادي متعودين أسماء تطلعلنا كل يوم وتختفي غيرك واجد تدافع عن النقابة بلا دليل ملموس ويطلب من الناس دليل ملموس على فشلها

    خلهم يشتغلون بالاول بعدين نقول فشلو ولا نجحو

    وبالنهاية الواضح لا يوضح

    ويصدق عليك القول وفسر الماء بعد الجهد بالماء

    ويستمر المنتدى بناسة وروادة ومواضيعة ناس مع النقابة وناس ضد النقابة ناس مع الايدارة وناس مضلومة من الادارة عادي لا تفكر بنسكر المنتدى ونمشي

    بس اهم شي زدة عدد مشاركاتك هم هذي فايدة


     
  4. LaRambla

    LaRambla بـترولـي خـاص أعضاء الشرف

    2,041
    3
    38
    دام انك مسجل بس على شان تدافع عن النقابه

    ما تشوف شر اساسا ماعندك مشاركه استفدنا منها بشي

    وقول حق اللي دازينك انه مهمتك فشلت
     
  5. واحد من خلق الله

    واحد من خلق الله بـترولـي نشيط جدا

    296
    0
    0
    الله يستر عليك اخوي وصدقني لو ان النقابة قوية ماكنت في حاجة انك دافع عنها وبالتوفيق
     
  6. مجموعة نفطية

    مجموعة نفطية بـترولـي خـاص أعضاء الشرف

    694
    0
    0
    اخي العزيز

    اولا يعز علينا فراقك

    ياخوي هذا منتدى الكل يشارك فيه ويقول رايه سواء كان هجوم او دفاع

    انت اذا مقتنع بردودك ومواضيعك عادي خلك عند رايك حتى لو ماعجب البعض

    اما سالفة انا زعلت وبمشي هذي صراحه تصرفات مالها داعي

    وانت حر
     
  7. Ahmad1982

    Ahmad1982 بـترولـي جـديـد

    26
    0
    0
    مشكور اخوي
    بس انا ما زعلت وبمشي

    انا قلت اني دشيت لهدف
    وحققت هذا الهدف

    وهدفي هو اسكات البعض من اللي ما عنده حجج ولا ادله وهجومه اجوف
    والحمدلله بينت انهم فارغين وماعندهم شي ملموس على النقابه

    وفي واحد منهم من كثر ما افلس من الردود وتنرفز

    قام يقولي ( اغا ) مع اني بدوي :)

    هذا مستواهم شسوي ؟؟



    -------------
    اخواني اصحاب الردود اللي فوق
    خلاص خلصت منكم واحد واحد والاعضاء والزوار هم يحكمون

    بلاش ترديد

    روحو كملو مواضيعكم الفاضيه
     
  8. LaRambla

    LaRambla بـترولـي خـاص أعضاء الشرف

    2,041
    3
    38
    خلاص انت مو انسحبت

    شهالانسحاب وكل شوي داش

    تبينا نقولك تكفى اقعد

    وذبحتنا كل شوي سكتهم وسكتهم

    والله محد سكت غيرك انت وبقالتك اللي حتى الكلام ما تقدر عليه

    حي الله من زار وخفف
     
  9. سهاله

    سهاله بـترولـي نشيط جدا

    202
    0
    0
    ماكو فايده ياحموديييي
    الحين تقول انسحبت وترد تناقش اعتقد انسحاب تكتيكي.

    الحبيب بيغير النك نيم حقه وبيرد يدش مرة ثانيه ترى صايدينك ياحمود.

    يعني شاد حيلك الي بعده والي بعده واخرتها تنحاش.

    على العموم ماتشوف شر وبارك الله من زار وخفف
     
  10. LaRambla

    LaRambla بـترولـي خـاص أعضاء الشرف

    2,041
    3
    38
    نحش يوم افلس

    كالعاده هو وبقالته
     
  11. عابر السبيل

    عابر السبيل بـترولـي نشيط

    58
    0
    0
    أخوى أحمد أنا ماأدرى ليش ردة الفعل بأنسحاب من الحديث وتبين الحقائق ( صراحة أنا كنت مستمتع معاك فى تجاذب أطراف الحديث)

    وبعدين النقابة المفروض ان عنها مسؤول اعلامى يتواصل مع العمال والصحافة وادارة الشركة

    يا اخى العمال مشوشين من موقف النقابة الغامض.
     
  12. أبوليلى

    أبوليلى بـترولـي نشيط

    92
    0
    0
    السلام عليكم
    أنا اللي أعرفه في المنتديات الناس تدش بنك نيم هذا طبيعي اللي بيكتب اسمه يكتبه وانت الحين اسمك بالبطاقه أحمد وأبوك شسمه نبي نعرفه لاني ماخبرت واحد اسمه1982 , والنقابه حنا مجربينهم العام عندهم موظف متقاعد من الاتش آر من الشركه جيناهم في مشكلة روتيشن موظف الاتش آر يقول لكم حق وهم يقولون لا وسألنا كذا موظف بالاتش آر كلهم يقولون لكم حق بس تكفى لا تطري اسمي تعم علينا , بعدين يوم يقولون آغا يمكن يقصد انك توك طفل صغير السن طيشاني
    انا ماأقول الا شي واحد صج (نقابة خصومات ) لا وياليت تسوى
     
  13. العنزي koc

    العنزي koc بـترولـي نشيط

    139
    0
    0
    هم اذا اتموووووون على النقابه خل يضبطونه مثل ما يضبطون ربعهم واكييييد مضبطينك ليش معصب ابي انسنتف ابي كووووورس خارجي ابي sop امتياز ابي علاج بالخارج عاد في شغلات من تحت الطاوله طبعا" يالحبيب كل شي بالادله مو حجي فاضي انت لا تستعجل والوعد بالانتخابات الجايه .
     
  14. العنزي koc

    العنزي koc بـترولـي نشيط

    139
    0
    0
    كموظفين في شركة نفط الكويت نبي نعرف شنو قدمت النقابه حق الموظفين حنا سوينا وسوينا حق منو حق ربعكم بس حتى العمره بالواسطه يا ساتر .
     
جاري تحميل الصفحة...
حالة الموضوع:
مغلق

مشاركة هذه الصفحة