أبواق ضد العمال

الكاتب : عابر السبيل | المشاهدات : 665 | الردود : 8 | ‏8 يوليو 2011
  1. عابر السبيل

    عابر السبيل بـترولـي نشيط

    58
    0
    0
    كثر الهجوم -هجوم شخصى -هجوم تافه طبعا الأخ يدافع عن النقابة ماشى راح أرد بما أعرف وليس بما يملى على يا سيد.

    زيادات المهندسين 2008 القطاع النفطى خذا زيادات فى وقتها وكان من ضمن الأتفاقية مراجعة سلم الأجور والرواتب كل 3 سنوات وبعدين منو قالك حبوبى ان القطاع كان ما يدرى ولا يطالب بالزيادات يمكن الامر صاير قبل لا توظف او يوظفونك فى النفط لانى اعرف ان معدلك كان لا يسمح لك بالتوظيف بس صار الى صار .

    وبعدين منو قالك ان الزيادات لها علاقة بالانتخابات فى ذلك الفترة هو كان حدث وليس موضوع وصادف فى الايام الانتخابات, وتقول فيصل تحرك شنو علاقة فيصل فى تلك الفترة بالزيادات للقطاع النفطى(خلنا نشوف تحركات وعلاقات فيصل فى الزيادات الحالية لا حس ولا خبر ) وصل العلم له عشان العلاقة الحميمية بينكم.

    وبعدين شنو قصدك من الانتقام من النقابة يا حبوب الظاهر انك تتفوه بما لا تفقه أحداث صايرة وأفعال مطلوبة تؤدى
    منو تبى العمال يتكلمون عنه مثلا عن الهيئة العامة للثروة السمكية.

    تعال شوى منو قالك ان عبدالوهاب ربح الكادر الظاهر انك مع الخيل يا شقرا الى صاير ان الحكم ابتدائى يعنى باقى الاستئناف والتميز يا مو نافذ (خلهم يفهمونك مرة ثانية عدل)

    وبعدين الى مبين انك نايم ولا تدرى الى صاير ترى ليش لانك فى المنتدى تتكلم بس عن نفس الموضوع وراجعت المشاركات السابقة فلم اجد شى ذو قيمة الظاهر انك موعود بشى او توك مأخذ شى.
     
  2. سهاله

    سهاله بـترولـي نشيط جدا

    202
    0
    0
    صراحه كلامك عن النقابة صحيح ياخوك بس مافهمنا منو الي انت قاعد تكلمه وضح الله لا يهينك!!!!!!:confused:
     
  3. Ahmad1982

    Ahmad1982 بـترولـي جـديـد

    26
    0
    0
    لحوول. حتى التاريخ بتزورونه ؟؟؟


    وبعدين شنو معدلك وما معدلك ؟؟ خاف متخرج من جامعتك ؟؟ والله سالفه

    يا حبيبي الزيادات دايما تجي ورا كادر المهندسين للوزارات لييييييييييش؟؟

    لان في تسلسل احداث انت ما تدري عنها

    تبي اذكرك باجتماعات اقبال الغانم مع المهندسين ومع نقابة المؤسسة ؟؟
    والبيان اللي طلعوه بعد الاجتماع علطول
    وبعدها بيان القائمه مالت دليهي
    وشلون حاول دليهي ينزلها قبل الانتخابات عشان تصير انجاز لقائمته؟؟

    وتقولي مالها شغل في الانتخابات؟؟
    منو اللي نايم انا ولا انت؟؟

    حرام عليكم تاريخ تبون تزورونه؟؟

    وحتى الزياده هذي شلون بدت ؟؟
    منو حركها ؟
    منو اقترح جداول؟ واثبت جدواها؟
    تبي اساميهم بعد ؟؟ حاضر ؟؟
    بس والله انهم ما يرضون لانهم يشتغلون لله
    ماتذكر تواقيع المهندسين ال 1500 اللي جمعوهم
    ما تذكر هوشة مهندسين النفط مع جمعية المهندسين؟
    وين كانت الزياده وقتها ؟؟ كان لها طاري؟؟

    كلام الحق يزعلكم
    وبعدين اللي حكم حكم ابتدائي ترا قاضي مو مزارع
    يعني استند على ادلة وهذا اللي شجع كل المهندسين يرفعون قضايا

    واذا موعود بشي او مستلم شي هذا شي بين ذمتي وذمتك

    فاذا انا موعود بشي يعني ذمتي واسعه والله بيحاسبني
    واذا مو موعود بشي يعني ذمتك واسعه والله بيحاسبك


    وهذا شي عند الله

    وبالنسبه للنقابة انا شايف عليهم نقاط واجد مقصرين فيها
    ولي مآخذ قوية عليهم
    بس انا اعرف شلون احاسب ووين احاسب وشلون احاسب

    ما اروح اقط كلام ماله معنى تقلبه كله ما تلقا فيه شي

    وبالنسبه لفيصل تربطني فيه معرفه خفيفة والرجل مجتهد يخطئ ويصيب

    اذا قرر انه يشتغل بصمت لين يكمل الانجاز
    قلتو ساكت ونايم

    واذا عطاكم التطورات اول باول
    قلتو ازعجنا بكثرة تصاريحه

    سبحان الله ما يرضيكم شي*
     
  4. سهاله

    سهاله بـترولـي نشيط جدا

    202
    0
    0
    سبحان الله شوف شلون الله فضحه(يقول القائمه حقت دليهي)

    الله يذكر ايامك بالخير يابوسعد.
    اولا شفت انك ماتعرف شي عن التاريخ القائمه اسمها المعتدلة وموجودة قبل لايدش ابوسعد فيها ومؤسسينها معروفين.
    ثانيا رجاءء اذابغيت تقول اسم الرجل قول النائب الفاضل دليهي الهاجري.
    فهمت ياحموديييييي؟
     
  5. عابر السبيل

    عابر السبيل بـترولـي نشيط

    58
    0
    0
    يا حبوبى انت ما جاوبت على الأستفسارات تروح وترد على المهندسين ان ترى من متى اقبال الغانم متقاعدة من القطاع النفطى من سنوات طويلة انت واعى ربطت الزيادات الحالية مع اقبال المرأة راحت وجاء غيرها نساء
    رد على الأسئلة ومن ثم قول الى تبى يا حبوب

    السؤال الأتى وجاوب النقابة مقصرة وضعيفة ولا مؤدية للعمل النقابى وقوية

    بلغ فيصل انه هو القشة التى كسرت اتحاد النقابة

    (أما عن انهم مواعدينك لانى ارى انك نشط وحيوى فى المنتدى فربطت هذا بالوعد لكن الظاهر انك فهمت غلط)
     
  6. Ahmad1982

    Ahmad1982 بـترولـي جـديـد

    26
    0
    0
    صج ما عندك سالفه
    ويوم سكت في النقاش النفطي تبي تحوله سياسي
    قايلك فاضي

    اقول دليهي النائب دليهي مو شغلك

    انا اعرف اني ما اغلط على احد
    ومو انت اللي تعلمني شلون اتكلم .

    وانا الرجل اداء ايضا ما يعجبني سياسيا

    بس ما راح استخدم اسلوب رخيص في مهاجمته

    لاني اعرف شلون ووين وكيف احاسب

    بس السؤال متى بتتعلم انت ؟
     
  7. Ahmad1982

    Ahmad1982 بـترولـي جـديـد

    26
    0
    0
    انا ردودي عليك احطها للقراء
    ما احطها لك

    والقراء هم يحددون اذا رديت على الاستفسارات او لا
     
  8. سهاله

    سهاله بـترولـي نشيط جدا

    202
    0
    0
    ماكو فايده ياحمودي فيك هدي هدي شحقه معصب ياحمود؟

    الدعوة مو هواش بعدين انت ماتبي تناقش لمن سألتك عن سوالف النقابة مع المختبر على طول انحشت وقلت انا خلصت منك الي بعده!!!!

    شدعوه الحبيب قاعد بمسلخ غنم الي بعدهههههه!!!!!!!
     
  9. أبوليلى

    أبوليلى بـترولـي نشيط

    92
    0
    0
    هذا لما سقطت قائمة مال دليهي ما كان موزف (موظف) اعذروه ياجماعه
     
جاري تحميل الصفحة...
مواضيع مشابهة
  1. المحرر النفطي
    الردود:
    1
    المشاهدات:
    1,016
  2. المحرر النفطي
    الردود:
    0
    المشاهدات:
    830
  3. المحرر النفطي
    الردود:
    0
    المشاهدات:
    6,642
  4. المحرر النفطي
    الردود:
    0
    المشاهدات:
    13,122
  5. الإئتلاف
    الردود:
    0
    المشاهدات:
    6,549

مشاركة هذه الصفحة