طريقة عمل نظام كاميرا ت الذكية

الكاتب : المتألق | المشاهدات : 2,777 | الردود : 10 | ‏7 يوليو 2011
  1. المتألق

    المتألق بـترولـي نشيط

    108
    0
    0
    طريقة عمل نظام كاميرا ت الذكية :

    يعتمد النظام على تسجيل بيانات المركبة ( صورة المركبة و رقم اللوحة ) عند المرور من الكاميرات الذكية الموجودة في بداية و نهاية الطريق وتسجيل اوقات مرورها بدقة. بحيث تنقل البيانات إلى محطة مركزية يتم من خلالها حساب متوسط سرعة المركبة و مقارنتها بحدود سرعة الطريق.
    فإذا كان متوسط سرعة المركبة ضمن حدود سرعة الطريق فيتم الغاء البيانات؛ وأما إن كان متوسط السرعة قد تجاوز الحد الأقصى للسرعة، فيتم تحرير مخالفة مرورية الى غرفة التحكم في وزارة الداخلية مباشرة.
    علما بأن النظام يمكنه التمييز بين المركبات الخفيفة والثقيلة و حدود السرعة القصوى المسموح بها لكل نوع .

    الزمن عند المرور بالكاميرا الاولى 06:50 الزمن عند المرور بالكاميرا الثانية 06:55 المسافة بين الكاميرتين : 7 Kmحدود السرعة : 100 Km/hr طريقة الحساب : 6.55 - 6.50 = 5 دقايق نحولها بقسمتها على 60 ==== 5 / 60 = 0.0833333333333333 ساعه
    بعد ذلك نقسم المسافه المقطوعه على عدد الساعات === 7 / 0.08333 = 84 كيلومتر في الساعه ( في حدود المسموحه و هي 100)
     

    الملفات المرفقة:

    • kkjj.jpg
      kkjj.jpg
      حجم الملف:
      21 ك. ب
      المشاهدات:
      57
  2. T-BAG

    T-BAG بـترولـي جـديـد

    26
    0
    0
    koc
    kuwait
    يعطيك العافيه
    فكرتها واضحه بس بالتطبيق كنت وايد متعقد منها واقول لا يكون يظلمون الاوادم
    لانه خذ عندك مثلا الدائري الاول
    موجوده هالكاميرا ... فلنفرض دشت سيارات ورا بعض من اول الطريج
    وتصورت مثل ما النظام يبي وتسجل وقت عبورها الكاميرا الاولى

    وبنص الطريج خنقول بعد الشاميه بالجسر الثاني
    طلعت 5 سايارات
    ودخلت 10 سيارات
    والجسر اللي بعده هم دخلوا سيارات وطلعوا سيارات

    السوال هو شلون هالكاميرات قاعده تحدد كل سياره بذاتها
    وما تظلم وتخلط السيارات في بعض
    مسالة انها تحدد السياره بنوعها سواء صالون او بيك اب شاحنات
    هذا شي مو مقبول!!
    لازم تتحدد السياره بشكل ادق
    واذا قلتلي عالنوع ورقم السياره
    انا اعتتقد شي وايد صعب متابعه هالسيارات اللي تدش وتطلع من نص الطريج
    ويبيلك يمكن 20 كاميرا اضافيه تراقب المداخل والمخارج على هالدائري بس!!


    ياريت اكون وضحت سوالي وفي انتظار اجابتك!!

    تسلم
     
  3. المشاكس

    المشاكس بـترولـي خـاص أعضاء الشرف

    998
    1
    0
    أخوي تي باج

    الكاميرا تحسب بس حق السيارات الي تدخل من اول الشارع وتطلع من اخر الشارع أما السيارات الي تدخل من نص المسافه وتطلع من النص مالها حسبه وحسب علمي في وقت محدد لكل سياره ثم تلغى معلوماتها على سبيل المثال

    المفروض تقطع السياره من نقطة البداية الى نقطة النهاية بزمن 10 دقائق لكن لسبب ما توقف هذه السياره في منتصف الطريق وتجاوز الوقت 10 دقائق تلغى معلومات هذه السياره من الجهاز.
     
  4. Hamad Al-Hamad

    Hamad Al-Hamad بـترولـي نشيط

    76
    0
    0
    WellSite Geologist
    Kuwait
    شباب

    بالنسبه لطريج المقوع

    تم تغير سرعة الطريق من 80 الى 60

    بس ماعندي علم يقين الكاميرة الذكيه تصور على أي سرعه

    أو ماهي المدة الزمنيه لعبور هالنقطه بدون أي مخالفه


    في أحد عنده علم بهالموضوع ؟
     
  5. نافط

    نافط بـترولـي جـديـد

    33
    0
    0


    أنا أقول بدل سيارتك ببعير وايد أحسن :mad::mad:
     
  6. مستر خبره

    مستر خبره بـترولـي نشيط

    125
    0
    0
    ياااااااااااااا الربع مو ملاحظين ان الجماعه مزودينها شويه ؟؟؟؟؟؟!!!!!! أقصد شويات
    يعني معقوله طريق ممهد وجديد وواسع وفاضي ويقولون لك نبيك تمشي ثمانين ؟؟؟؟؟!!!!! ليييييييييش ؟راكب كديش ؟؟؟؟؟؟!!!!!!! :)
    احيانا احس اللي حاط الكاميرات فيه عرق يهودي ؟؟؟؟؟ !!!!!!!! :)
    الظاهر الجماعه يبون يطلعون فلوس الزياده من ظهورنا عن طريق المخالفات
    لا ويقولون بعد اذا تكررت المخالفه فيها فيها انذارات شفويه وكتابيه !!!! حبيبي !!!! :)
    يعني ياااااا المسئول ياللي مشتهي تضر موظفينك خذ راحتك ( جاتك يامهنى على ما تمنى )
    ياااااااا الربع ماودكم نسوي قطيه ونستورد (قناصين ) تخصص كاميرات ؟؟؟؟ :)
    انا عاد اعرف قناص ( تخصص نباطات ) يقولك هذا عاد مستعد برميه واحده يدمر عشر كاميرات !!! :) قووووووووويه اشوي هااااااا !!! :)
     
  7. Hamad Al-Hamad

    Hamad Al-Hamad بـترولـي نشيط

    76
    0
    0
    WellSite Geologist
    Kuwait
    ههههههههههه

    أي والله :) شكلي بداوم حالي حال الناس من الملك فهد

    بلا مقوع بلا فيزياء وسرعه المركبه ... والله رفيجي دايما يمشي 100 منزلينله مخالفه 115 KM/Hr
     
  8. المحرر النفطي

    المحرر النفطي فريق الإعلام

    3,466
    224
    63
    ذكر
    الكويت
    توضيح

    [align=center]السلام عليكم

    للتوضيح حدود السرعة على خط المقوع هي 100 كم
    وأعمال الصيانة جارية مع قسم الطرق في شركة نفط الكويت على إضافة طريق آخر بحيث يكون شارعين منفصلين ذهاب وإياب أسوة بطريق برقان وبعض الطرق الرئيسية الأخرى المؤدية بإتجاه الغرب وداخل مناطق الحقول النفطية إلى أن يتم تعميمها على كافة مناطق الشركة الجنوبية والشمالية.

    مع تمنياتنا بالسلامة لجميع الزملاء مرتادي هذه الطرقات
    [/align]
     
  9. Hamad Al-Hamad

    Hamad Al-Hamad بـترولـي نشيط

    76
    0
    0
    WellSite Geologist
    Kuwait

    يعطيك العافيه يامحررنا الأعلامي

    حدود السرعه 100 كم بالساعه ... جميل

    يعني أفهم من كلامك أذا كنت 101 كم بالساعه بتخالف ؟
     
  10. المشاكس

    المشاكس بـترولـي خـاص أعضاء الشرف

    998
    1
    0

    هذا الكلام صحيح السرعه 100 وليس 80 وفي لوحات تحديد السرعه على الطريق مكتوب 100 وحسب ماسمعت بعد الإنتهاء من عمل الطريق الثاني ويصير سايدين راح يفتح الطريق للعامه وليس لموظفي الشركة فقط وذالك بطلب من وزارة الداخلية لتخفيف الضغط على طريق الملك فهد.
     
  11. مستر خبره

    مستر خبره بـترولـي نشيط

    125
    0
    0
    للعلم ترى من دوار الاحمدي الجنوبي لغاية بداية نقطة التفتيش برقان السرعه القصوى ( 80 ) . وانا وصلني قبل جم يوم مخالفه على هالطريق تقول كنت ماشي ( 102 ) .
    اعتقد لو ماشي بس ( 100 ) ممكن يسامحوني لكن المشكله ال (2) اللي فوق الميه اعتقد هاذي يعتبرونها تهور !!! :)
     
جاري تحميل الصفحة...

مشاركة هذه الصفحة