الزيادات والمزايدات

الكاتب : Ahmad1982 | المشاهدات : 812 | الردود : 5 | ‏7 يوليو 2011
  1. Ahmad1982

    Ahmad1982 بـترولـي جـديـد

    26
    0
    0
    كثر الهجوم على النقابة في الشهور الماضية
    وكله هجوم شخصي يمكن من 4 اشخاص كل واحد بثلاث نكات او اكثر

    يعني 12 نك نيم تقريبا

    وكله هجوم تافه ومواضيع تافهه تعكس حجم الشخصانية

    وكنا ننطر حقائق او ادلة مالقينا شي

    انا بذكر موضوع الزيادات من اوله الى اخره بالحقائق وراح تشوفون انه عبارة عن مجهود جماعي محد يقدر يقول انا سويته وانا انجزته
    في ناس صح بدت وتابعت بس في ناس ساندوهم بعدين

    2008
    الحكومة تقر كادر المهندسين للوزارات*
    مهندسين القطاع النفطي يحتجون ويشكلون لجان ويصعدون الموضوع وكانت اكثر نقابة تتحرك هي نقابة المؤسسة عبدالوهاب الكندري لان القرار يشملهم لان القرار ذكر كلمة ( ومؤسسات الدولة) وسوو ندوات ونادو اعضاء*

    اقبال الغانم نادتهم وقالت اخاف ازيدكم ويحتجون غيركم.. شرايكم ازيد الكل.. قالو نرحب بالزيادة للكل بس ما نتنازل عن حق في الكادر

    سمعوا النقابات اخر ايام دليهي في النقابة ان في زياده للكل دقو على اقبال وقالو مالج شغل بالمهندسين واحنا نرحب بالزياده العامة

    وراحو طلعو بيانات قالو احنا طالبنا بالزياده وان شالله بتجيكم واحنا اللي جبناها لكم

    وصارت بين قائمة دليهي وقائمة الحمادي عشان كان وقت انتخابات بس الناس صدقت قائمة الحمادي لان فيها فيصل الكندري وفيصل كان من ضمن المهندسين اللي تحركو

    اقرو الزياده ونجحت قائمة الحمادي وخلصنا

    2011*
    تكرر نفس السيناريو
    اقرو كادر المهندسين في الوزارات
    وعصبو مهندسين النفط وراحو جمعية المهندسين وصارت نقاشات ومجادلات ( طبعا اللي يهاجمون بالمنتدى وقتها نايمين ولا يدرون عن شي )
    جمعية المهندسين قالت بنطالب لكم ومهندسين النفط قالو ما نبي منكم شي وسوو لجانهم ودراساتهم وجداولهم وبدو ضغط على المؤسسة
    بعدين صار تنسيق بين المهندسين وبين النقابات ومابي اذكر منو اللي كان يشرف على التنسيق عشان لاتقولون مدح بس كل الناس يعرفون منو
    وسوو جداول ودراسات ودزوها ايميلات*
    وقدرو يقابلون المؤسسة وياخذون موافقات مبدئية*
    بعدها بفتره قام احد المسؤولين في المؤسسة ووقف الزيادات*
    وشخلوه النقابات بهجوم اعلامي قوي
    ( وترا يصير حق بعض اللي يهاجمون في المنتدى عشان ينتقمون له من النقابة)

    والمؤسسة توهقت لان عبدالوهاب ربح قضية الكادر يعني معناها كادر المهندسين بيمشي بالمحكمة حق كل الموظفين
    ترددت المؤسسة في اقرار الزيادة العامة

    وقامت النقابات وقابلت البصيري ووعدهم خير

    ووافقت المؤسسة وحولتها لمجلس الخدمة المدنية

    وللحين معلق الموضوع*
    المهندسين من حقهم يطالبون بكادرهم
    والموظفين من حقهم ياخذون زياداتهم

    بس الحكومة رابطه هذا بهذا ومتوهقه*

    هذا باختصار
    ما مدحت احد ولا ذميت احد
    اللي بدا جزاه الله خير
    واللي تابع وساعد جزاه الله خير
    واللي ماسوا شي هم جزاه الله خير

    واللي يهاجم هجوم سخيف الله يعينه على نفسه

    هذي حقائق اضطريت اذكرها باختصار عشان لا يجي واحد نايم طول عمره وفاضي وفاتح منتدى 24 ساعه ويبي يحدد حضرته منو اللي تحرك ومنو اللي ما تحرك
     
  2. مسوي زحمة والشارع فاضي

    مسوي زحمة والشارع فاضي بـترولـي نشيط جدا

    166
    0
    0


    كلام جميل تشكر علية

    أزيدك من الشعر بيت زادة مطالباتهم بعد عشى الهلتون النقابات والاتحاد مع وزير النفط

    والصحيح أن المؤسسة لما قابلة المهندسين قالوا لهم أحنا ما عندنا بند يقول تزيد المهندسين باقرار كادر لكن هذا يصير لو تكون زيادة عامة .... وهنية طار فيها الاتحاد والنقابات


    كلام حلو ولا فيه أحلا منه

    بس يا أستاذي الفاضل

    الحين الظروف تغيرة والحكومة بكبرها مقتنعة بأن القطاع النفطي يستحق زيادة ومتوهقة بتقديرها
    مو الصح ان النقابات تبدى تضغط عل ى المؤسسة وديوان الخدمة علشان يقر الزيادة 184 الي تقول الدراسة انها تقارب معاشات القطاع النفطي بالدول الخليج
    تقارب مو تساوي


    وبعدين الفرصة كبيرة الحين في الضغط مو بعد ما يقرون زيادة غير مجدية نروح نعترض ونطالب دق الحديد وهو حامي

    بختصار هذا الي لازم يصير


    فحنا بس هذا الي نطالب فيه ونتمآ النقابات تقوم بدورها
     
  3. Ahmad1982

    Ahmad1982 بـترولـي جـديـد

    26
    0
    0
    كلام جميل

    النقابة مقصرة
    ما راح انكر

    انا اشوفها للحين متابعة

    يمكن متابعتهم مو كافية

    يمكن البعض يشوف ان لازال طريق المناقشات والمفاوضات منه فايده

    ويمكن البعض يشوف ان الاضراب يتم حالا

    بس اذا ما اضربت الحين يعني انت خواف وجبان وذليل وخربت سمعة النقابات؟ هذا الكلام ما يقوله شخص فاهم

    نقابة انتخبناها وخلصنا

    هي اكيد تبي تستمر وتبي تنجح

    بينا وبينها الانجازات

    اللي يشوف انها انجزت يصوت لها
    واللي يشوف انها ما انجزت لا يصوت لها

    وهم الانتقاد مشروع ولا يزعل احد

    بس انتقاد واضح
    شنو يشربون شاي
    وليش ما يردون في المنتدى
    واخر هالخرابيط

    في واحد رد علي وقالي صار في ترقيات وشالو اسمي ورحت للنقابه وما سوولي شي
    ولا رديت عليه
    لانه انتقاد واضح ومن حقه

    بس معظم الانتقادات اسمح لي كلام فاضي
     
  4. مسوي زحمة والشارع فاضي

    مسوي زحمة والشارع فاضي بـترولـي نشيط جدا

    166
    0
    0
    [align=right]بس لا تنسي يا عزيزي لكل فتره قضايها الي ما ينسكت عنها

    في هالوقت موضوع الزيادة

    الناس تنتقد لانه ما فيه تصريح واضح من النقابة يزيل الاشكال عند الموظف بس حنا للحين متابعين الموضوع

    يعني شنو مو فاهمين التوضيح يا عزيزي يزيل الاشكال

    الناس تبي تعرف

    أن تقول فيه ناس تشوف ان موضوع المفاوضات ما انتها وفيه ناس تشوف الاضراب هو الحل

    هالعالم الي قدرت هالوضع على اي اساس قدروه هل اطلعو على محضر الاجتماعات هل النقابات صرحة بقرارات ما فيه شي كل شي مبهم .....ودليل إذا تبي دليل

    1- ليش نقابة البترول تجتمع بأعضائها لتتخذ اجراءات في موقف ديوان الخدمة
    2- ليش الاتحاد ينفي وقول للحين نتابع الموضوع وابشروا
    3- ليش رئيس البتروكيماويات يصرح بأن الزيادة اربكة الدولة وسببت قلق للموضفين
    4- على كلامك ان النقابتنا تقول احنا متابعين الموضوع
    5- شركة الخدمات ترتب امورها لتصعيد
    6- الايشاعات لي تدور حول الزيادة ناس تقول 184 وناس تقول 160 وناس تقول 145 وناس تقول 50
    وما فية دخان من غير نار
    7- شلون المجلس الاعلى للبترول يرفع اربع اقتراحات للديوان مو المفروض يصوت على واحد ويرفع لديوان

    كل الي ذكرته أرت منه أن ما فيه ناس متفاهمة والكل يصرح بتصريح ماله شغل بالثاني
    وهذا يدل أن النقابات مصادرها مختلفة ومو قاعدين يشتغلون مع بعض كل في وادي مع أنه المفروض يكون فيه حلقة اتصال بينهم وبين بعض وبين المجلس الاعلى للبترول فيكون مصدر واحد النتيجة خبر واحد وتصريح واحد على القل تصاريح تحمل نفس المعنى والنفس


    هالامور يبيلها توضيح من النقابة وهذا الي العالم قاعدة تطالب فيه وعلى هالاساس يهاجمون النقابة وغيرنا من الشركات الثانية هم قاعدين يهاجمون نقاباتهم حتى البترول ماسلمو من ربعهم يقولون نبي فعل ما نبي كلام في تويتر والمنتديات والدوانيات شبعنا حجي
    فلا تعتقد ان الموضوع شخصاني يا الحبيب الناس ملت لكن هذا كلة العمال هم من يتحمله لأنه هم من اختار هالنقابات تمثلهم فهم يتحمل تبعات الاختيار وقرارته لكن هم يهاجمون يمكن تتعدل او تصح[/align]
     
  5. &&ابو العلوم&&

    &&ابو العلوم&& بـترولـي جـديـد

    9
    0
    0
    انا متضرر من النقابة

    السلام عليكم ورحمة الله وبركاته

    هذا الكلام صحيح قسما بالله صحيح
    انا عندي قريد نايم عند المنجر صارله خمس شهور ومستحق ورافعة لي التمليدر ورحت للنقابة وكلمت الحمادي وقالي ارفع كتاب وسويت كتاب مع شباب نفس موضوعي متاخرين ووقعوا الشباب وانا ماوقعت تدرون ليش لاني مو كندري ولاشيعي ولامن ربع النقابة المقربين وكلها مصالح مع العلم باني صاحب حق والمشكلة يتهربون رئيس النقابة الحمادي يرد بس ما عطاني اجابة شافية ولاعذر واضح والباقي يتهربون

    تحياتي قسما بالله اني مو محسوب علي اي قائمة وهذا للعلم فقط
     
  6. أبوليلى

    أبوليلى بـترولـي نشيط

    92
    0
    0
    السلام عليكم :
    دليهي ونعم فيه ايام النقابه والحين يوم صار عضو والله مايشم الصوت , وانا من الناس اللي حضر الجمعية العمومية يوم تسقط قائمة المعتدله (دليهي) انا اللي أذكره انه قام اذا ماني غلطان كنترولر خليل خارجي من القائمه العمالية وقال ليه قائمة الائتلاف ماسأل ولا واحد منهم في الجمعية العمومية مع انهم مصدرين بيان شكبره ينتقد القائمه اللي انشقوا منها وهذا يدل ان الحمادي وربعه ماعندهم سالفه
    وهذا للعلم
     
جاري تحميل الصفحة...

مشاركة هذه الصفحة