النقابة والنقابة والنقابة والنقابة

الكاتب : Ahmad1982 | المشاهدات : 1,850 | الردود : 40 | ‏6 يوليو 2011
  1. Ahmad1982

    Ahmad1982 بـترولـي جـديـد

    26
    0
    0
    قبل كنت من المتابعين للمنتدى

    واحد خلص من شغله بالدوام... باجيله 10 دقايق ..يدش المنتدى يشوف شنو في جديد.. فضايح مسؤولين..بوقات...واحد مظلوم وبيشرح حالته.. واحد عنده فكره جديدة..منتدى حلو

    الحين في كم واحد ما عندهم الا النقابة .. ترسو الصفحة الاولى.. سكتنا عنهم.. قلنا بكره يخلصون..قامو يعيدون نفس المواضيع ويغيرون العنوان..مادري مدفوع لهم..مادري فاضين ماعندهم شغل.. مادري من القائمة الثانية ومنقهرين.. مادري شسالفتهم

    ترا زهقنا.. انت صوت للنقابة وندمان كيفك..لاتخرب المنتدى

    والمشكلة ماكو مواضيع

    بس انتقاد للنقابة
    النقابة مو زينه
    النقابة ضعيفة
    النقابة كسلانه
    النقابة ماتحل الواجب

    انزين وين موضوعك ؟؟

    رحت لهم بتظلم وما ساعدوك؟؟ اذكر تفاصيل الموضوع عشان نصدقك

    بس ولد عمك سقط في انتخابات النقابة ومعصب حضرتك وتبي اي شي عليهم



    ولا عمري فكرت اسجل بمنتدى واكتب
    ولا عمري فكرت ادافع عن النقابة

    بس هالمره عناد بدافع وبشوف اخرتها

    وترا سألت واحد من النقابة قلت له شسالفة الي شغالين عليكم في المنتدى... ردو عليهم

    قالي تبيني اشتغل حق 4000 موظف ولا تبيني ارد على 4 ؟؟؟

    ومعاه حق

    اخوي شركة اتصالات او شركة مش عارف ايش جت للنقابة وقالت عندي عرض حق موظفينكم.. تبي النقابة تقول لا مانبي عروضكم عشان مانصير نقابة عروض وخدمات عشان حضرتك مو عاجبك

    مو عاجبك انت عاجب 1000 غيرك


    وعلى الزيادة اللي كرهتونا فيها

    شتبي يعني؟؟؟

    تبي اعضاء النقابة ياخذون سيوف ويروح المجلس الاعلى للبترول ويحاربون؟؟

    شنو تبي بالضبط؟؟ فهمني ؟؟

    يروحون يبوقون من البنك المركزي ويعطونك زيادتك غصب ؟؟

    تكفه فهمني شنو تبي ؟؟

    قالولك متابعين الموضوع .. شتبي انت ؟؟؟

    اعضاء مجلس الامه على صلاحياتهم القوية.. استجواباتهم تفشل وهم يتابعون

    انت شتبي بالضبط؟؟

    يهدون اسلوبهم ويحطون حضرتك قائد استراتيجي في الضغط على المجلس الاعلى للبترول؟؟؟

    عندك رؤية ؟؟ عندك تصور ؟؟ عندك اسلوب اقناع وضغط ؟؟ رشح روحك ياخوي

    تبي اضراب الحين ؟؟

    يمكن النقابة تشوف مو وقته ؟؟

    يمكن الالاف غيرك يشوفون مو وقته ؟؟

    وعبالك الاضراب سهل ؟؟

    تدري اذا صار اضراب وفشل ... سلم على كل النقابات الجايه

    وبعدين تبي اضراب حط اسمك الصجي وصورة هويتك وقول ترا انا بحرض وبشجع الناس على الاضراب وبساعدكم..

    ولا خايف من مسؤولك ؟؟؟

    حط اسمك الصجي

    كم واحد حاط لي نك مستعار وصايرلي عنتر


    ياخوي تهاوشتو قبل وقلتو نوريكم بالصناديق

    الصناديق فتحوها وفرزو ونجحو القائمة الحالية

    خلاص عاد فضوها سيره

    الانتخابات الجاية سو الي تبون

    وانا اطالب ادارة المنتدى يحطون موضوع مثبت خاص حق انتقاد النقابة وروحو هناك انتقدوهم على كيفكم وهذا وجهي اذا احد قراه لانه كل مكرر

    بس انتو تبون تغثون الناس.. تبون تمشون الناس على كيفكم



    وهالنقابة حتى لو مو زينه عالاقل احسن من النقابة القديمه الي بس حق عيال عمهم ورفضوها الموظفين بالصناديق

    ترا صج ازعجتونا

    كل هذا عشان الزياده ؟؟

    كلمنا النقابة قالوا ابشرو بخير وحنا شغالين عليها

    خلاص شتبي انت

    يعني ما رشحت نفسك عشان تدير امور الناس .. وهم تبي توجه على كيفك؟؟

    يبا ارحمونا تكفون خلونا نقرا مواضيع نفطية منوعه
     
  2. رغم اني اختلف معاك بس حبيت اهنيك عشانك تعبت في كتابه الموضوع اللي خذا من وقتك الكثير وشكرا
     
  3. واحد من خلق الله

    واحد من خلق الله بـترولـي نشيط جدا

    296
    0
    0
    اغلب الموضوع شتبي انت انا بقول لك شبي انا ابي نقابة مثل النقابات الثانيه وعشان مانطول في الكلام خمس دقايق من وقتك وروح اقرا شوي في المنتدى العام شنو سوت نقابة البترول ونبي نقابة النفط تسوي مثلها بالضبط ماراح نقول تصير احسن منها وتبدا الاضراب لا نبي بس زيارات لموقع العمل ولاراح نقول تصير مبدعه وتخطط للاضراب لا نبي مثل نقابة البترول. عرفة انا شبي ؟؟؟ اتمنى ان الموضوع ماهو صعب
     
  4. مسوي زحمة والشارع فاضي

    مسوي زحمة والشارع فاضي بـترولـي نشيط جدا

    166
    0
    0
    يسعد صباحك يا حلو
    ليش العصبية
    الغريب انك تبي مواضيع المنتدى على كيفك ومو عاجبك ان الناس تكتب الي على كيفها
    اذا عاجبتك النقابه الموجودة هذا رايك محد وصي عليك بس لا تصير وصي على الناس
    واذا تقول شنو نبي ؟
    نبي اداء في السعي وراء الزيادة مثل اداء فيصل الكندري في كادر المهندسين
    ولا المهندسين بشر والعمال عيال البطة السودة
    شوف اداء وموقف نقابة البترول وانت تعرف شنو نبي من نقابة الدجة هذي
    وكلامك انهم يردون على اربعه ولا يشتغل حق 4000 اقول وين الشغل هذا ولا شاطرين
    بالتصاريح الي ما يتنفذ منها شي
    تقول الاضراب مو سهل لانه اذا فشل راح يقتل النقابات الجاية ويضعفها كلام جميل على هالقاعدة
    ولا نقابة راح تضرب وراح تقول نفس السبب اجل متى يصير الاضراب لين يوصل الضرب العضم يا اخي اما عيش يسر الصديق او موت يغيض العدا اقول خل ربعك يسون الي عليهم ورغبت الموظفين وهم الي يتحملون تبعات قرارهم
    يقولك نشتغل عليها قصدك ناطرين يصير شي اجابي علشان نصرح
    انا اقول بلط البحر ان كانت عاجبتك الديوانية اقصد النقابة


    عزيزي ad-1 ما شفنا لك مشاركة ناطرين اخبار النقابة منك الظاهر الجماعة نايمن
     
  5. &&ابو العلوم&&

    &&ابو العلوم&& بـترولـي جـديـد

    9
    0
    0
    عنصريين حتى النخاع

    السلام عليكم ورحمة الله وبركاته

    حبيبي اذا النقابة الي طافت عنصريين لعيال عمهم ماشفنا سوا لهم شي كثر ماسوا ربعكم عنصرية واضحة جدا والنقل والقريدات وتعديل الوضع حق ربعكم واضح جدا والدليل شكاوى الموظفين بالمنتدى وانا واحد متضرر من عنصريتهم القذرة كتاب يرفع للنقابة كل الاسامي اتوقع الا انا لاني مو منهم السالفة مصلعة وقاعد ادق عليهم يتهربون الرئيس وواحد من اعضاء النقابة الي كله راز وجهه ويسولف على انجازات فاضية وتحصلة بالنقابة محسوب على الرئيس اخر من يتكلم على العنصرية انتم.

    ملاحظة : قسما بالله العظيم صارت معي هالسالفة ولاهي من وحي الخيال
     
  6. Lag

    Lag بـترولـي نشيط

    94
    0
    0
    ياخوي محد ناشبك باللي تبيه
    اطلب على راحتك بس لا تترسون الصفحة الرئيسية مواضيع .. احترموا رواد المنتدى .. انا مالي شغل بنقابات وغيره ولا راح اقرا.. انت روح الرئيسية وشوف المواضيع

    موضوع : نقابة الفشل
    موضوع : فشل النقابة
    موضوع : نقابة الهوان
    موضوع : هوان النقابة

    ماصارت

    طيب عندك ملاحظات ادرجها في اي موضوع قديم نفس ملاحظاتك. ليش موضوع جديد وتكرار

    وبعدين في نظري الاضراب مو سهل وله ثقله ويعتبر خطوة تصعيدية خطيره ما تستخدمها كل شوي

    وتسبقه خطوات

    انت قاعد ادير اقتصاد بلد مو قاعد ادير بقالة

    وترا الاضراب يأثر على اقتصاد بلد وعلى اتفاقيات اوبك

    وانا مو ضده بس مو بطريقة يا تزيدوني الف يا اضرب

    واللي يبي الاضراب ما يتهم النقابه ويقعد... يحط صورة هويته ويحرج النقابة يقول شوفو انا اشجع منكم وما اخاف من ادارة الشركة

    بس واحد يخاف حتى من مسؤوله ومتوقع يضرب

    عموما مالي شغل انا بمواضيع النقابة

    وهم اللي يقررون الاضراب

    بس انا اتمنى اقرا مواضيع نفطية جميلة واخبار نفطية منوعه

    نفس مواضيع سالم الخالدي

    روح الصفحة الرئيسية وشوف شنو صار فيها
     
  7. Ahmad1982

    Ahmad1982 بـترولـي جـديـد

    26
    0
    0
    حبيبي انا مو هني عشان اناشبك نقابتي ونقابتك

    انا احترم رواد المنتدى وانت للاسف ما تحترمهم وتبي تترس شاشتهم بمواضيعك الشخصية

    اخوك سقط والناس تكرهه مو مشكلتي

    انا اقول مستعجل على الاضراب وتبي تعلم النقابة درس في الشجاعة وتبي توجههم على كيفك

    حط صورة هويتك وقول انا جاهز

    ولا خايف من مسؤولك ؟؟

    ناس توها طالعه عالدنيا تبي اضراب علطول

    كلام زايد ماني فاضيله
     
  8. واحد من خلق الله

    واحد من خلق الله بـترولـي نشيط جدا

    296
    0
    0
    يابن الحلال مثل ما اي واحد له الحق يمدح النقابه هم لنا الحق ننتقدها وبعدين تنظيم المنتدى هذا شغل المراقبين مو شغلي ولا شغلك وترا ذبحتونا حط اسمك وحط اسمك ورب الكعبه ( وانا مو مجبور احلف ) اني واقف يوم الانتخابات معلق باج قائمه ومسؤولي قدامي معلق باج الثانيه ومو واحد بعد اكثر من مسؤول لين توصل تيم ليدر ياحجي مايقص الراس الا الي ركبه ولا نخاف من احد الحمد لله مدامنا نمشي سيده فلا تقعدون تهددونا كل شوي بالمسؤول اذا انت وصاحبك تهددون من ورا الشاشه فانا اوجهه وجه لوجه يعني هد اعصابك واذا صار اضراب يبين كل شي بدال ما دافعون عن ربعكم في النقابه انصحوهم خلوهم يوقفون مو عشان العمال عشان التاريخ لان التاريخ مايرحم يا ابيض يا اسود.
     
  9. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    صح مالك شغل في مواضيع النقابة !
    بعدين مواضيع سالم الخالدي ياعن نقابة النفط او المؤسسة حصرية يعني ! مدري شنو الجميل فيها ؟ مهايط هالنقابتين ولا تبي تشوف اسم الهاجري اللي في كل تصريح لهم جايبين طاريه !
    ياخوي اتمنى اشوف تصريح صاحي من هالنقابتين بدل سوالف شاي الضحى نقنقه وبلاسه ودنفسه وحفر ودفن
    وتكتيك وتخطيط وخرابيط مجمعه كل اسبوح مصرحين في امور خاصه في المؤسسة ونقابتها العجيبة !
    نظامهم خلص للموظف شغله واسطه يعني وتملكه طول عمرك يصير بصام لها يصوت ويمشي
    وهالطريقه ماشيه معهم واعجبت نقابة نفط الخليج وامس يصرحون يبون يسون نفسهم !

    الاتحاد طالع من هالنقابتين اللي ترفض الاضراب وتقط نفسها في احضان الادارة !
     
  10. Ahmad1982

    Ahmad1982 بـترولـي جـديـد

    26
    0
    0
    يعني لازم نعيد الكلام كل مره

    المراقبين في المنتدى معطين الناس حريتهم
    بس في ناس للاسف ما تحترم
    بدال لا يحط موضوعه
    يحط ستين نسخه من موضوعه ويغير العناوين
    ستين موضوع نفس المحتوى والعنوان مره النقابه التعبانه ومره النقابه الكسلانه ومره النقابة النايمه

    ماصارت

    وبالنسبه حق اعلان الاسم في الانتخابات عادي

    بس التحريض على اضراب بدون سبب مقنع وبدون خطوات استباقية هذي فيها امن دولة
    هذا حلال الكويتيين كلهم مو حلالك تبي تضرب عشان زادوك 900 بدال الالف

    النقابة ماشيه بهالموضوع
    ماشيه صح ماشيه غلط
    بحضن الادارة بظهر الادارة

    انتقد على راحتك
    بس لا تعصب اذا الناس انقدت على اسلوبك في الانتقاد


    كيفهم
    الحمدلله كل سنتين مو كل 4 سنوات نفس مجلس الامه

    جهز شغلك ورشح روحك وريحنا

    ما بقا شي
     
  11. واحد من خلق الله

    واحد من خلق الله بـترولـي نشيط جدا

    296
    0
    0
    لا عصبنا ولا شي بالعكس ريلاكس لا انت تقول في موضوعك شتبي انت ؟؟وعلمناك شنبي وانت والاخ لاق تقولون حط هويتك ولا خايف من مسؤولك وقلنا لكم والسالفه مو اعاده.
    وعلى طارى الموضوع انت تقول توك طالع من زام ليل وللحين شابك وهم تقول ماعرف النقابة سبحاان الله شنو هالدفاع المستميت عنهم.
    اكرر بالنسبه للمواضيع وتكرارها هذي شغله المراقبين وهم يسوون الي يشوفونه مناسب من دمج او حذف ولا انا ولا انت نعلمهم شغلهم والموضوع الي مايعحبك لا دشه وسلامتك
     
  12. المهندس

    المهندس بـترولـي خـاص

    1,305
    8
    0
    نتحسف على نقابتنا لا اكثر ولا اقل .. كننا في القمه ولكن اين نحن الان
     
  13. عابر السبيل

    عابر السبيل بـترولـي نشيط

    58
    0
    0
    من المحزن ان نجد أبواق يتكلمون بما لا يفقهون يا (82) عطنا التصور المطلوب من النقابة فى هذى المرحلة الحرجة من المطالبات والحقوق التى سوف تسلب ونقابتك قاعده تتفرج تعتقد ان الصمت حكمة فى هذه المرحلة ولا يعلمون ان الصمت فى هذه الفترة أمر أخر أفضل عدم الخوض فيه.


    وبعدين يا (82) عطنى شى مملموس وجلى قامت به النقابة غير الكلام والمناشدات التى تدل على عدم المتابعة والمطالبة بل سياسة الاسترجاء والتوسل

    أنهضى يا نقابة وكونى كما الرجال فى المعارك والحروب ليس بالسيف والبندقية ولكن بالحجة والبرهان واذا ما تعرفون خلوكم فى حما البترول الوطنية وانا اعرفهم ما راح يقصرون مع المحتاج والعاجز والفقير.
     
  14. Ahmad1982

    Ahmad1982 بـترولـي جـديـد

    26
    0
    0
    سبحان الله

    الحين خالفكم واحد واستنفرتو

    الي يقول ابواق
    والي يقول طالع من زام ليل .. مادري شلون عرف
    والي يقول لا ادش على المواضيع اذا مو عاجبتك وهو داش على موضوعي

    كل هذا عشان ما زادوكم

    اذا الموضوع موضوع الزياده
    ترا كلنا نعرف شسالفه لا تتهربون من الحقيقة

    الزيادة نفس اللي صار في 2008 بالضبط

    زادو مهندسين الوزاره وعصبو مهندسين النفط وتجمعو وتحركو
    ودشو على ماذكر شسمها بنت الغانم

    وكل هذا والنقابات مالها شغل
    والموظفين مالهم شغل

    السالفة سالفة مهندسين يبون مساواتهم بكادر الوزاره

    لين قالت بنت الغانم شرايكم بزيادة شامله بدال الكادر

    هني قام دليهي من نومه وراح قال اي نبي زيادة شامله
    ودشو كل النقابات
    والكل يدري ان اللي بداها مهندسين

    وصارت زيادة شاملة

    وهالسنة نفس السيناريو بالضبط

    لاتخلونا انبط الجربه

    لا نقابات ولا غيره هي اللي بدت

    وما نلوم النقابات لما تستغل الفرصة بالعكس انشجعها واللي تكسب به العب به
    وندعمهم في اقرار الزياده

    ورغم اني اعترف ان نقابة النفذ حدها لينة مع الادارة

    بس هم اعترف انه انها اول من بدا يفاوض المؤسسة على الزيادة واول من اعد الدراسات وتحرك

    بس اللي مو عاجبني دلع بعض الموظفين

    يا تخلون المؤسسة تزيدنا الحين يا ازعل واسبكم

    والله ذكرتوني بواحد اول ما اقرو التأمين الصحي دش المنتدى معصب وبغا يكسر كل شي

    وكاتب موضوع بغضب نفس غضبكم

    ( ليش مو حاطين مستشفى رويال حياة؟؟
    شنو هالاستهتار يا نقابة الفشل؟؟

    والحبيب فوق يقول وصلت السكين العظم

    ليش؟ عشان تأخروا بالزيادة والنقابة مالها ذنب وقاعده اتابع اول باول

    بس الظاهر الهاجري اللي هاجموه النقابة يصير حق بعض الناس
     
  15. عابر السبيل

    عابر السبيل بـترولـي نشيط

    58
    0
    0
    يا جماعة أنا جانى بلا على ذا النقابة هم ما يحسون ما فيهم مرارة (الى شايل المرارة معذور بس يجيب شهادة انه شايلها)

    الدنيا قايمة وقاعدة والشباب شيشة وشاى زعتر وليمون (النقابة صارت ما لت شياب اول) مافيه عندهم مطلبات لقاءات مع الادارة عن المشاكل الى فى توليهم صارت مصايب (تدرون احد المسؤولين انه يقول انه بيحاول يستنسخون منهم للأنتخابات الجاية لما هم مطيعين ومنفذين للى نقوله لهم.

    ايه السيد الفاضل حاول ان تكون مدافع عن الحق وليس لسان للباطل (يا أخى عطنى شئ مفيد وغير ضار للصحة اعملوه )
     
  16. محمد المذن

    محمد المذن بـترولـي مميز

    694
    0
    0
    بغض النظر مع او ضد النقابة ماتقدر تجبر الناس شنو يكتبون بالمنتدى
    يعني تبي مواضيع حلوه شلون يعني تبي يحطون لك اخبار نانسي عجرم مثلا!! وله اخبار برشلونه
    يا اخبار عن النقابة يا عن الادارة يا الموظفين والكل مو عاجبه وضعه ويبي الافضل عادي هدي اللعب شوي
     
  17. أبوليلى

    أبوليلى بـترولـي نشيط

    92
    0
    0
    السلام عليكم :
    عجزت أدور وصف لهالنقابة ما لقيت الا انها ( نقابة خصومات )
     
  18. Ahmad1982

    Ahmad1982 بـترولـي جـديـد

    26
    0
    0
    للحين ردود ركيكه
    واتهامات شكلية
    وطنازة ولعب عيال

    كلام واضح وحقائق محد قادر يرد
     
  19. واحد من خلق الله

    واحد من خلق الله بـترولـي نشيط جدا

    296
    0
    0
    هيك نقابه بدها هيك ردود سلم لي على نقابة الخصومات وياليت منها فايدة
     
  20. Ahmad1982

    Ahmad1982 بـترولـي جـديـد

    26
    0
    0
    الحمدلله

    يعني الهجوم الي صارله شهور

    اخرته هالكلام

    ليش يصرح

    ليش ما يصرح

    ليش ما سجلني

    ليش يشرب شاي الصبح

    ليش ما شرب شاي العصر

    ليش يسوي خصومات

    ليش يحطه اسمه تحت


    الحمدلله ان الناس عرفو شنو حججكم
     
جاري تحميل الصفحة...

مشاركة هذه الصفحة