السلام عليكم يا اخواني وخواتي انا اليوم كان عندي استكمال اجراءات التوظيف وقالوا اني راح اداوم في kpc فيشرفني الانضمام لكم . وارجوا افادتي بطبيعة عمل المؤسسة والنظام بها وما هي النصايح التي تفيدوني بها ويجب ان احرص عليها من اجل مستقبلي المهني وما هي الاشياء التي يجب ان ابتعد عنها واحذر منها . واخيرا افيدوني بكل ما لديكم من اجل اخيكم وشكرا لكم واتمني ان تكون في ميزان حسناتكم.
اول شي نبارك لك اخوي على الوظيفه بس شنو تخصصك وبأي قسم حطوك؟ والمؤسسة جنك مداوم بفندق خمس نجوم بس بصمه
أقول رحتو فيها الله يعينكم أولا : تفتيش عند الدخول ترفع إيدك يعني لازم تكون متسبح عشان ما تفشل مع السكيوريتي ثانيا : لازم تحلق كل سبت عشان تداوم الأحد ثالثا : لازم تداوم أول الصبح وتمسك قلاص قهوه بإيدك عشان تسوي نفسك خريج واشنطن رابعا : لازم تسوي نفسك تشرب زقاير عشان تدش مسابقه وتقطع الزقاير ويحطون صورتك بالمجله ويكتبون تحتك ممنوع التدخين خامسا : ممنوع تدق هرنات داخل المواقف إلا للضروره القصوى وهي إذا ضيعت سيارتك تضغط زر الهرن عشان تدل سيارتك سادسا : أول ما تداوم كلم الخدمات عشان يضبطونك بكرسي طبي أكيد الموظفين ماخذين كرسيك المريح ومعطينك واحد يعور الظهر هذي حركاتنا سابعا : حياك الله كنت أتغشمر معاك وأول رجل تتعرف عليه في المؤسسه هو حق الكافتريا ضبط معاه عشان يضبطك لأن إذا إرتفع ضغطك تدق عليه وإذا جاك ضيف تدق عليه وإذا عطشت تدق عليه بالنسبه لي أهم شخصيه في الدور حياكم الله في المؤسسة وشدو حيلكم والحمد لله من العضو المنتدب إلى أقل موظف كلنا أخوان وعائله وحده بس فرق إن العضو المنتدب يحضر إجتماعات وإحنا لأ ورب الكعبه قاعد أتغشمر معاكم لحد يعصب ^_^
بالتوفيق أخ مهندس وصدقني معرفتك لموظف الكافتيريا ما فيها خساره وأخ سعد أنا راح أتكلم بشكل جدي بس لا تعصب أول ما تدش المؤسسه وتقعد على مكتبك راح تلقا قدامك تليفون أكيد راح تطالعه وتفكر أدق على منو شيله ودق صفر يطلعلك واحد يقول ألووووووو إنت سلم وقوله حولني على كلاشان يطلعلك كلاشان وأطلب منه كرت إيزي بو خمس دنانير (ترى هذي معلومات سريه حتى العضو المنتدب ما يعرفها) وضبط معاه تراه شقردي حده وأهو طبعا حق القرطاسيه وحده يضبطك وإنت راح تحتاجه وبعد ما تعبي رصيد دق ثاني مره رقم صفر وأبشر باللي تبيه بس لا تستعجل ترى بيئه العمل في المؤسسه جدا حلوه والنظام يحسس الموظف إنه شخصيه مهمه صدقني بالبدايه راح يسوولك محاضرات تعريفيه في الإدارات وراح يكون فيها مدراء الدوائر اللي دائما يطلع منها ال (ud) وأهو ماخذ فكره عن شخصية المدير قبل نوعية شغله وطبعا ال (ud) راح تكون مسماك لمدة سنتان وبعدها يعطونك درجه وتزال من مسماك الوظيفي وإدارة التطوير الوظيفي تكون معده للموظفين الجدد برنامج تدريبي بالإتفاق مع إدارتك موزع على سنتان من تعيينك وبصراحه راح يتطور فيك شغلات كثيره لأن خطة التطوير جدا مفيده في العمل وخارج العمل وإذا عندك أي إستفسار صدقني بس تستلم الشغل راح تلقا جواب لكل إستفسار وإحنا إخوانك إذا بغيت أي شي لا تردد دق صفر وأطلبني بالإسم
شكرا اخوي انزين اذا ادارتي في كذا قسم وانا ابي قسم معين احسن اني راح ابدع فيه هل اقدر اروحله او المدير يوزع
نصيحتي كونك بأول الطريق لا تطلب شي من المدير إلا لمن تثبت نفسك نصيحتي إحرص على الإنطباع الأولي عط للإداره وبعدين إطلب اللي تبي والله يوفقك
